Author: .

വാഷിംഗ്ടണ്‍: ഇന്ത്യയും പാക്കിസ്താനും തമ്മിൽ വെടിനിർത്തൽ കൊണ്ടുവരുന്നതിൽ തന്റെ ഭരണകൂടം നിർണായക പങ്ക് വഹിച്ചതായി യുഎസ് പ്രസിഡന്റ് ഡൊണാൾഡ് ട്രംപ് അവകാശപ്പെട്ടു. വ്യാപാരത്തിലൂടെയുള്ള നയതന്ത്രം ഒരു ആണവയുദ്ധ സാധ്യത ഒഴിവാക്കാൻ സഹായിച്ചുവെന്നും അതുവഴി ദശലക്ഷക്കണക്കിന് ജീവൻ രക്ഷിക്കാൻ സാധിച്ചുവെന്നും അദ്ദേഹം പറഞ്ഞു. ഇരു രാജ്യങ്ങളിലെയും നേതാക്കളുടെ പക്വതയെ പ്രശംസിച്ച ട്രംപ്, വ്യാപാരമാണ് സമാധാനത്തിലേക്കുള്ള പാതയെന്നും വിശേഷിപ്പിച്ചു. ഇന്ത്യയും പാക്കിസ്താനും തമ്മിലുള്ള വെടിനിർത്തലിൽ അമേരിക്കയുടെ പ്രധാന പങ്ക് ട്രംപ് പത്രസമ്മേളനത്തിലാണ് ട്രം‌പ് വെളിപ്പെടുത്തിയത്. സംഘർഷത്തിൽ നിന്ന് വിട്ടുനിൽക്കാനും “വ്യാപാരം കൂട്ടാനും” തന്റെ ഭരണകൂടം ഇരു രാജ്യങ്ങളെയും ഉപദേശിച്ചതായി അദ്ദേഹം പറഞ്ഞു. ഒരു മോശം ആണവയുദ്ധം തടയുന്നതിനുള്ള ഒരു സുപ്രധാന ചുവടുവയ്പ്പായാണ് ട്രംപ് ഇതിനെ വിശേഷിപ്പിച്ചത്. ശനിയാഴ്ച നടന്ന യുഎസ് ശ്രമങ്ങൾ ഇന്ത്യയും പാക്കിസ്താനും തമ്മിൽ ഉടനടി വെടിനിർത്തൽ സാധ്യമാക്കിയെന്നും അത് ശാശ്വതമാണെന്ന് താൻ കരുതുന്നുണ്ടെന്നും അദ്ദേഹം പറഞ്ഞു. അദ്ദേഹം…

ന്യൂയോര്‍ക്ക്: ഏതാനും മാസങ്ങള്‍ക്കു മുമ്പ് അമേരിക്കയില്‍ സ്ഥിരതാമസത്തിനായി എത്തിച്ചേര്‍ന്ന കോട്ടയം സ്വദേശി നിധിന്‍ കുരുവിള (36) പെട്ടെന്നുണ്ടായ അസുഖത്തെ തുടര്‍ന്ന് ഞായറാഴ്ച പുലര്‍ച്ചെ ന്യൂയോര്‍ക്കിലെ സ്റ്റാറ്റന്‍ഐലന്റില്‍ അന്തരിച്ചു. ആശുപത്രിയില്‍ എത്തിച്ചെങ്കിലും നിര്‍ഭാഗ്യവശാല്‍ ജീവന്‍ രക്ഷിക്കാനായില്ല. മൃതദേഹം നാട്ടില്‍ എത്തിച്ച് സംസ്‌കരിക്കാനാണ് തീരുമാനം. ക്രമീകരണങ്ങള്‍ നടന്നുവരുന്നു. മെറിന്‍ മാത്യു പരേതന്റെ ഭാര്യയും ഇസഹാക്ക് എന്‍. കുരുവിള ഏക പുത്രനുമാണ്. കോട്ടയം ജില്ലയിലെ കങ്ങഴ മുണ്ടത്താനം ഇരുപത്തഞ്ചില്‍ കുടുംബാംഗമാണ്. ഏബ്രഹാം കുരുവിള, ലത കുരുവിള എന്നിവര്‍ മാതാപിതാക്കളും നീതു കുരുവിള (പുനെ) ഏക സഹോദരിയുമാണ്. മെയ് മാസം മൂന്നാം വാരത്തില്‍ നാട്ടില്‍ പോയി മാതാപിതാക്കളെ സന്ദര്‍ശിക്കുവാനും. ഏക പുത്രന്റെ മാമ്മോദീസ നടത്തുവാനുമുള്ള ക്രമീകരണങ്ങള്‍ പൂര്‍ത്തീകരിച്ചിരിക്കുമ്പോഴാണ് നിധിന്റെ അപ്രതീക്ഷിത വേര്‍പാട്. മുണ്ടത്താനം സെന്റ് ആന്റണീസ് കത്തോലിക്കാ ദേവാലയമാണ് മാതൃഇടവക. ന്യൂയോര്‍ക്കിലെ സ്റ്റാറ്റന്‍ഐലന്റിലുള്ള വാഴ്ത്തപ്പെട്ട കുഞ്ഞച്ചന്‍ സീറോ മലബാര്‍ കത്തോലിക്കാ ദേവാലയത്തില്‍ ആരാധനയില്‍…

ന്യൂയോർക്ക്: ജാക്സൺ ഹൈറ്റ്സ് സെന്റ് മേരീസ് ഓർത്തോഡോക്സ് ദേവാലയത്തിൽ മെയ് 11-ന് മദേഴ്സ് ഡേ ആചരിച്ചു. അതിനോടനുബന്ധിച്ച് ഇടവകയിലെ അമ്മമാരെ സമ്മാനങ്ങൾ നൽകി ആദരിച്ചു. ആഞ്ചലീന ജേക്കബിന്റെ പ്രാർത്ഥനാ ഗാനത്തോടെ ആരംഭിച്ച യോഗത്തിൽ ഇടവക വികാരി ഫാ. ജോൺ തോമസ് ആലുംമൂട്ടിൽ അദ്ധ്യക്ഷത വഹിച്ചു. സെന്റ് ജോൺസ് യൂണിവേഴ്സിറ്റി സൈക്കോളജി വിഭാഗം പ്രൊഫസർ ഡോ. മിനി പോത്തൻ മുഖ്യാതിഥിയായിരുന്നു. ഒരു പെൺകുഞ്ഞിൽ ബാല്യം മുതൽ ഉണ്ടാകുന്ന മാറ്റങ്ങളും അമ്മയാകുന്നതോടെ അവളിൽ ഉണ്ടാകുന്ന ഉത്തരവാദിത്ത ബോധവും വളരെ ലളിതമായി വിവരിച്ച മിനി പോത്തൻ, അമ്മമാരെ ആദരിക്കുവാൻ ഇടവക കാട്ടിയ ശുഷ്കാന്തിയെ ഏറെ അഭിനന്ദിച്ചു. സണ്‍‌ഡേ സ്കൂളിനെ പ്രതിനിധീകരിച്ച് എലിസബത്ത് മാത്യു, യുവജന സംഘടനകളെ പ്രതിനിധീകരിച്ച് റയാൻ തോമസ്, എമ്മാ മാത്യു എന്നിവർ ആശംസകൾ അറിയിച്ചു. ഇടവകയിലെ സജീവ മുത്തശ്ശിമാരായ ഏലിയാമ്മ ജേക്കബും മറിയാമ്മ ബേബിയും മുഖ്യാതിഥിയോടൊപ്പം കേക്ക് മുറിച്ച്…

പറവൂർ: വെൽഫെയർ പാർട്ടി സംസ്ഥാന പ്രസിഡൻറ് റസാഖ് പാലേരി നയിക്കുന്ന സാഹോദര്യ കേരള പദയാത്ര യുടെ ജില്ലയിലെ പര്യടനം സമാപിച്ചു. രാജ്യത്ത് അരക്ഷിതാവസ്ഥ സൃഷ്ടിച്ച് ജനങ്ങളെ വംശീയമായി ഉന്മൂലം ചെയ്യാൻ ശ്രമിക്കുന്ന ഹിന്ദുത്വ ഭരണകൂടത്തിനെതിരെ വിശാല സൗഹൃദ കൂട്ടായ്മ രൂപപ്പെടണമെന്ന് സമാപന സമ്മേളനത്തിൽ റസാഖ് പാലേരി അഭിപ്രായപ്പെട്ടു. സാമുദായിക ധ്രുവീകരണത്തിന് അവസരമൊരുക്കാതെ മുനമ്പം പ്രശ്നം പരിഹരിക്കാൻ അവസരം ഉണ്ടായിരുന്നിട്ടും അതുപയോഗിക്കാതെ സംഘ്പരിവാറിൻ്റെ വിദ്വേഷ പ്രവർത്തനങ്ങൾക്ക് വിട്ട് കൊടുത്തത് സംസ്ഥാന സർക്കാരാണെന്നും അദ്ദേഹം പറഞ്ഞു. ഇന്ത്യയുടെ വൈവിധ്യത്തെ ഭയക്കുന്നവരാണ് ചരിത്രം തിരുത്തുന്നത് എന്നും വെറുപ്പിൻ്റെ വംശീയ രാഷ്ട്രീയം പേറുന്നവരുടെ അസഹിഷ്ണുതയാണ് ഇതിലൂടെ പ്രകടമാകുന്നതെന്ന് എന്നും അദ്ദേഹം കൂട്ടിച്ചേർത്തു. പറവൂർ വെടിമറയിൽ നടന്ന സമാപന സമ്മേളനത്തിൽ പറവൂർ മണ്ഡലം പ്രസിഡൻ്റ് കെ.വൈ. ഇബ്രാഹിം അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സുരേന്ദ്രൻ കരിപ്പുഴ, സംസ്ഥാന സെക്രട്ടറി ജ്യോതിവാസ് പറവൂർ, സംസ്ഥാന…

മലപ്പുറം:മംഗളുരുവിൽ അഷ്റഫിനെതിരെ നടന്നത് ഹിന്ദുത്വ വംശീയതയുടെ ആൾക്കൂട്ട കൊലപാതകം തന്നെയാണെന്ന് ഫ്രറ്റേണിറ്റി ജില്ലാ പ്രസിഡന്റ് വി.ടി.എസ് ഉമർ തങ്ങൾ പറഞ്ഞു. മലപ്പുറത്ത് ഫ്രറ്റേണിറ്റി മൂവ്മെന്റ് ജില്ലാ കമ്മിറ്റി നടത്തിയ പ്രതിഷേധ പ്രകടനത്തിൽ സംസാരിക്കുക യായിരുന്നു അദ്ദേഹം. ദക്ഷിണ കന്നഡ കേന്ദ്രീകരിച്ച് ആർഎസ്എസ് ഗുണ്ടാ സംഘങ്ങൾ കോപ്പുകൂട്ടി കൊണ്ടിരിക്കുന്ന കലാപശ്രമങ്ങൾക്കെതിരെ കർണാടക സർക്കാർ ശക്തമായ നടപടികൾ സ്വീകരിക്കണം, നീതിപൂർവകമായ അന്വേഷണത്തിനും പ്രതികൾക്ക് അർഹമായ ശിക്ഷ ഉറപ്പുവരുത്തുന്നതിനും കേരള സർക്കാർ സമ്മർദ്ദം ചെലുത്തുകയും അനുയോജ്യമായ ഇടപെടലുകൾ നടത്തുകയും വേണമെന്നും ഫ്രറ്റേണിറ്റി ജില്ലാ നേതാക്കൾ അഭിപ്രായപ്പെട്ടു. രാജ്യത്ത് വർദ്ധിച്ച് വരുന്ന വംശഹത്യാ പദ്ധതികൾക്കെതിരെ വ്യാപകമായ പ്രതിഷേധങ്ങൾ ഉയർന്ന് വരേണമെന്നും നേതാക്കൾ പറഞ്ഞു. ജില്ലാ ജനറൽ സെക്രട്ടറിമാരായ അമീൻ യാസർ , ഹാദി ഹസ്സൻ പടിക്കൽ , ജില്ലാ സെക്രട്ടറിമാരായ സി.എച്ച് ഹംന ഷിബാസ് പുളിക്കൽ, എന്നിവർ പ്രസംഗിച്ചു.

മലപ്പുറം: തെരുവ് നായ്ക്കളുടെ ആക്രമണത്തിന് ഇരയായതിനെ തുടർന്ന് പേ വിഷ ബാധയേറ്റ് മരണപ്പെട്ട പെരുവള്ളൂർ കാക്കത്തടം സിയാ ഫാരിസിന്റെ കുടുംബത്തെ വെൽഫെയർ പാർട്ടി ജില്ലാ നേതാക്കൾ സന്ദർശിച്ച് ആശ്വസിപ്പിച്ചു. തെരുവ് നായ ആക്രമണത്തെ തുടർന്ന് ചികിത്സ തേടിയ സമയത്ത് മതിയായ ചികിത്സ ലഭിക്കാതെ വന്ന സാഹചര്യത്തെക്കുറിച്ച് കൃത്യമായ അന്വേഷണം നടത്തി ഉത്തരവാദികൾക്കെതിരെ കർശന നടപടി സ്വീകരിക്കണമെന്നും കുടുംബത്തിന് അടിയന്തര സാമ്പത്തിക സഹായം നൽകണമെന്നും നേതാക്കൾ ആവശ്യപ്പെട്ടു. ജില്ലാ വൈസ് പ്രസിഡണ്ട് സിസി ജാഫർ, ജില്ലാ സെക്രട്ടറിമാരായ നൗഷാദ് ചുള്ളിയൻ, കെഎംഎ ഹമീദ്, വള്ളിക്കുന്ന് മണ്ഡലം പ്രസിഡന്റ് പിസി അബ്ദുൽ മജീദ് മാസ്റ്റർ, എഫ്ഐടിയു ജില്ലാ കമ്മിറ്റിയംഗം ജയചന്ദ്രൻ പെരുവള്ളൂർ, പികെ അബ്ദുല്ലത്തീഫ്, ശംസുദ്ദീൻ ബുഹാരി എന്നിവർ സംബന്ധിച്ചു.