Author: .

കൊച്ചി: ജർമനിയിലെ ബോഹൂം നഗരത്തിലെ അപ്പാർട്ട്മെന്റ് കെട്ടിടത്തിലുണ്ടായ തീപിടിത്തത്തിൽ മരിച്ച മൂന്ന് മലയാളികളിൽ രണ്ടുപേരുടെ മൃതദേഹങ്ങൾ നാട്ടിലെത്തിച്ചു. സിവിൻ ജോണി, അഞ്ജലി എസ്. ജോയ് എന്നിവരുടെ മൃതദേഹങ്ങളാണ് വെള്ളിയാഴ്ച പുലർച്ചെ കൊച്ചി അന്താരാഷ്ട്ര വിമാനത്താവളത്തിലെത്തിച്ചത്. അപകടത്തിൽ മരിച്ച മൂന്നാമത്തെയാളായ ഇടുക്കി ഇരട്ടയാർ സ്വദേശിനി നോവ സാബുവിന്റെ മൃതദേഹം വൈകിട്ടോടെ കൊച്ചിയിലെത്തിക്കുമെന്നാണ് വിവരം. ജർമനിയിലെ ഫ്രാങ്ക്ഫർട്ട് വിമാനത്താവളത്തിൽനിന്ന് എയർ ഇന്ത്യ വിമാനത്തിൽ ഡൽഹിയിലെത്തിച്ച മൃതദേഹങ്ങൾ അവിടെനിന്നാണ് കൊച്ചിയിലേക്ക് കൊണ്ടുവന്നത്. വിമാനത്താവളത്തിലെ നടപടിക്രമങ്ങൾ പൂർത്തിയാക്കിയശേഷം മൃതദേഹങ്ങൾ ആശുപത്രിയിലേക്ക് മാറ്റും. ആവശ്യമായ നിയമപരവും ഔദ്യോഗികവുമായ നടപടികൾ പൂർത്തിയാക്കിയ ശേഷമായിരിക്കും ബന്ധുക്കൾക്ക് വിട്ടുനൽകുക. മരിച്ചവരുടെ മൃതദേഹങ്ങൾ വീടുകളിലെത്തിക്കുന്നതിന് നോർക്ക റൂട്ട്സ് പ്രത്യേക ആംബുലൻസ് സൗകര്യം ഏർപ്പെടുത്തിയിട്ടുണ്ട്. മൃതദേഹങ്ങൾ നാട്ടിലെത്തിക്കുന്നതിനുള്ള ചെലവ് നോർക്ക വഹിക്കുമെന്നും അറിയിച്ചിട്ടുണ്ട്. വിദേശത്തുണ്ടായ ദുരന്തത്തിൽ പ്രിയപ്പെട്ടവരെ നഷ്ടപ്പെട്ട കുടുംബങ്ങൾക്ക് ആവശ്യമായ സഹായങ്ങൾ ലഭ്യമാക്കുന്നതിന്റെ ഭാഗമായാണ് നടപടി. ഈ മാസം 14നാണ്…

വാഷിങ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മരുമകനും മുൻ വൈറ്റ് ഹൗസ് ഉപദേഷ്ടാവുമായ ജാരഡ് കുഷ്നറിനെതിരെ ഗൾഫ് രാജ്യങ്ങളിലെ ഭരണാധികാരികളുമായി ബന്ധപ്പെട്ട രഹസ്യ സാമ്പത്തിക ഇടപാടുകൾ നടത്തിയെന്ന ഗുരുതര ആരോപണങ്ങൾ ഉയർന്നു. സൗദി അറേബ്യ, യുഎഇ, ഇസ്രയേൽ എന്നിവിടങ്ങളിലെ ഉന്നത രാഷ്ട്രീയ നേതൃത്വങ്ങളുമായി ബന്ധപ്പെട്ട് കോടിക്കണക്കിന് ഡോളറിന്റെ സാമ്പത്തിക ക്രമീകരണങ്ങൾ നടന്നുവെന്നാണ് അമേരിക്കൻ മാസികയായ വാനിറ്റി ഫെയർ പ്രസിദ്ധീകരിച്ച റിപ്പോർട്ടിലെ അവകാശവാദം. എന്നാൽ ആരോപണങ്ങളെല്ലാം അടിസ്ഥാനരഹിതവും കെട്ടിച്ചമച്ചതുമാണെന്ന് കുഷ്നർ ശക്തമായി നിഷേധിച്ചു. അന്വേഷണാത്മക പത്രപ്രവർത്തകനായ മാത്യു കോൾ രചിച്ച Princes and Thieves: Jared Kushner and Mohamed bin Zayed’s Secret Plot to Remake the Middle East എന്ന പുസ്തകത്തിലെ വിവരങ്ങളെ അടിസ്ഥാനമാക്കിയാണ് വാനിറ്റി ഫെയർ റിപ്പോർട്ട് തയ്യാറാക്കിയിരിക്കുന്നത്. ട്രംപിന്റെ ആദ്യ ഭരണകാലത്ത് പശ്ചിമേഷ്യൻ രാജ്യങ്ങളുമായുള്ള അമേരിക്കയുടെ നയതന്ത്രബന്ധങ്ങളിൽ നിർണായക പങ്കുവഹിച്ചിരുന്ന കുഷ്നർ,…

വാഷിംഗ്ടണ്‍: നാലു വർഷത്തിലേറെയായി തുടരുന്ന റഷ്യ–ഉക്രെയ്ൻ യുദ്ധത്തിന് നയതന്ത്രപരമായ പരിഹാരം കണ്ടെത്താനുള്ള ശ്രമങ്ങൾക്ക് വീണ്ടും ശക്തിപകരുന്നു. അമേരിക്കയുടെ മധ്യസ്ഥതയിൽ റഷ്യയും ഉക്രെയ്‌നും പങ്കെടുക്കുന്ന ത്രികക്ഷി സമാധാന ചർച്ചകൾ പുനരാരംഭിക്കാൻ റഷ്യൻ പ്രസിഡന്റ് വ്‌ളാഡിമിർ പുടിൻ സമ്മതിച്ചതായി ക്രെംലിൻ അറിയിച്ചു. നവംബർ 10നോ അതിനുശേഷമോ യുഎഇ തലസ്ഥാനമായ അബുദാബിയിൽ ചർച്ചകൾ സംഘടിപ്പിക്കാനാണ് ആലോചന. എന്നാൽ യോഗത്തിന്റെ അന്തിമ തീയതിയും പങ്കെടുക്കുന്ന പ്രതിനിധികളുടെ വിശദാംശങ്ങളും ഔദ്യോഗികമായി സ്ഥിരീകരിക്കേണ്ടതുണ്ട്. 2022 ഫെബ്രുവരിയിൽ റഷ്യ ഉക്രെയ്‌നിൽ ആരംഭിച്ച പൂർണതോതിലുള്ള സൈനിക അധിനിവേശത്തെത്തുടർന്നുണ്ടായ യുദ്ധം അവസാനിപ്പിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഭരണകൂടം നയതന്ത്ര ഇടപെടലുകൾ ശക്തമാക്കുന്നതിനിടെയാണ് പുതിയ നീക്കം. യുദ്ധാനന്തര സുരക്ഷാക്രമീകരണങ്ങൾ, ഇരുരാജ്യങ്ങളുടെയും സുരക്ഷാ ഉറപ്പുകൾ, വെടിനിർത്തൽ നടപ്പാക്കാനുള്ള വ്യവസ്ഥകൾ, സംഘർഷം വീണ്ടും പൊട്ടിപ്പുറപ്പെടാതിരിക്കാനുള്ള സംവിധാനങ്ങൾ തുടങ്ങിയ വിഷയങ്ങളായിരിക്കും ചർച്ചകളിൽ പ്രധാനമായും പരിഗണിക്കപ്പെടുകയെന്നാണ് സൂചന. അമേരിക്ക മുന്നോട്ടുവച്ച സമാധാന ചർച്ചകൾക്കുള്ള നിർദേശത്തെ ഉക്രെയ്ൻ…

അറ്റ്ലാന്റാ : മലങ്കര മാർത്തോമ്മാ സുറിയാനി സഭയുടെ ശുശ്രൂഷ സരണികളിൽ നോർത്ത് അമേരിക്ക ഭദ്രാസനത്തിന്റെ നിയോഗ വഴികളിൽ പുതിയ ഒരു അദ്ധ്യായത്തിന് ഇന്ന് തുടക്കം കുറിക്കുന്നു. പ്രവാസ ലോകത്ത് ജനിച്ചു വളർന്ന സഭാംഗങ്ങൾ ദൈവശാസ്ത്ര പഠനത്തിനായി ഇന്ത്യയിലെ സെമിനാരികളെ ആയിരുന്നു ഇതുവരെ ആശ്രയിച്ചു വന്നിരുന്നത്. പ്രവാസ ലോകത്തെ വിശ്വാസ സമൂഹത്തിന്റെ ആവശ്യകത മനസ്സിലാക്കിയും ആഗോള മാർത്തോമ്മാ സഭയുടെ പട്ടത്വ ശുശ്രൂഷയുടെ പ്രായോഗിക മാനങ്ങൾ പരിഗണിച്ചും മാർത്തോമ്മാ സഭയുടെ എപ്പിസ്കോപ്പൽ സിനഡ് നോർത്ത് അമേരിക്കയിൽ വൈദീക ശുശ്രൂഷയ്ക്ക് വേണ്ടിയുള്ള ദൈവശാസ്ത്ര ബിരുദപഠനം ആരംഭിക്കുവാൻ അനുവാദം നൽകി. ഇതിന്റെ ഭാഗമായി അമേരിക്കയിലെ കൊളംബിയ സെമിനാരിയുമായി സഹകരിച്ച്, അറ്റ്ലാന്റാ കാർമേൽ മാർത്തോമ്മ സെന്ററിന്റെ നേതൃത്വത്തിൽ പ്രവർത്തിക്കുന്ന മാർത്തോമ്മാ ഇൻസ്റ്റിറ്റ്യൂട്ട് ഓഫ് മിഷൻ & കൾച്ചർ സെന്ററിൽ (MIMC) വൈദീക ശുശ്രൂഷയ്ക്ക് വേണ്ടിയുള്ള ദൈവശാസ്ത്ര ബിരുദപഠനത്തിന് ആവശ്യമായ പരിശീലനം നൽകുവാൻ കൊളംബിയ തിയോളജിക്കൽ…

ഒക്ലഹോമ(എഡ്മണ്ട്,):: ഓൺലൈൻ വഴി പ്രായപൂർത്തിയാകാത്ത കുട്ടിയുമായി ലൈംഗികച്ചുവയോടെ സംസാരിക്കുകയും ബന്ധപ്പെടാൻ ശ്രമിക്കുകയും ചെയ്ത കേസിൽ 61 കാരനായ എഡ്മണ്ട് സ്വദേശി അറസ്റ്റിൽ. ലാറി റോൺ നോർത്കട്ട്  എന്നയാളാണ് ഒക്ടോബർ 21 ചൊവ്വാഴ്ച അറസ്റ്റിലായത്. എഡ്മണ്ട് പോലീസിന്റെ ഇന്റർനെറ്റ് ക്രൈംസ് എഗെയ്ൻസ്റ്റ് ചിൽഡ്രൻ (ICAC) ടാസ്ക് ഫോഴ്സാണ് കേസ് അന്വേഷിക്കുന്നത്. മറ്റ്‌ സംസ്ഥാനത്തെ ഒരു നിയമപാലക ഏജൻസിയിൽ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് അന്വേഷണം ആരംഭിച്ചതെന്ന് പോലീസ് അറിയിച്ചു. 14 വയസ്സുള്ള പെൺകുട്ടിയാണെന്ന് കരുതി പ്രതി ലാറി റോൺ നോർത്കട്ട് ഓൺലൈൻ വഴി അശ്ലീലച്ചുവയോടെയും ലൈംഗിക ഉദ്ദേശ്യത്തോടെയും കുട്ടിയുമായി ആശയവിനിമയം നടത്തിയെന്നാണ് കേസ്. പ്രതിയുടെ വീട്ടിൽ പോലീസ് നടത്തിയ റെയ്ഡിന് ശേഷമാണ് അറസ്റ്റ് രേഖപ്പെടുത്തിയത്. സാങ്കേതികവിദ്യ ഉപയോഗിച്ച് പ്രായപൂർത്തിയാകാത്ത കുട്ടിയുമായി ലൈംഗിക ഉദ്ദേശ്യത്തോടെ ആശയവിനിമയം നടത്തിയ കുറ്റമാണ് ഇയാൾക്കമേൽ ചുമത്തിയിരിക്കുന്നത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്നും എല്ലാ തെളിവുകളും…

ഹൂസ്റ്റൺ: സെന്റ് മേരീസ് ക്നാനായ കത്തോലിക്കാ ഫൊറോനാ ദേവാലയത്തിൽ പരിശുദ്ധ കന്യകാമറിയത്തിന്റെ ബഹുമാനാർഥം ഒക്ടോബർ 16, 17, 18 തീയതികളിൽ നടത്തിയ പ്രധാന തിരുനാൾ ഭക്തിനിർഭരമായ തിരുക്കർമങ്ങളോടും വർണാഭമായ ആഘോഷങ്ങളോടും കൂടി സമാപിച്ചു. ഇടവകാംഗങ്ങളുടെ വിപുലമായ പങ്കാളിത്തവും യുവജനങ്ങളുടെ സജീവ സഹകരണവും തിരുനാളിനെ വിശ്വാസത്തിന്റെയും കൂട്ടായ്മയുടെയും അനുഭവമാക്കി മാറ്റി. തിരുനാളിനു മുന്നോടിയായി നടന്ന നൊവേന, ജപമാല, ആരാധന, അനുരഞ്ജന ശുശ്രൂഷ എന്നിവ വിശ്വാസികളുടെ ആത്മീയ ഒരുക്കത്തിന് സഹായകമായി. തിരുനാൾ ദിവസങ്ങളിലെ വിശുദ്ധ കുർബാന, ലദീഞ്ഞ്, പ്രസംഗങ്ങൾ, പ്രദക്ഷിണം എന്നിവയിൽ നിരവധി വിശ്വാസികൾ പങ്കെടുത്തു. അനുകൂലമായ കാലാവസ്ഥയിൽ നടന്ന ആഘോഷങ്ങൾ ഇടവകയുടെ ആത്മീയവും സാമൂഹികവുമായ ഉണർവിന് വഴിയൊരുക്കി. തിരുനാളിന്റെ ഒരുക്കങ്ങളിലും നടത്തിപ്പിലും യുവജനങ്ങൾ ശ്രദ്ധേയമായ പങ്കുവഹിച്ചു. വിവിധ സേവനമേഖലകളിൽ ഉത്തരവാദിത്വത്തോടെ പ്രവർത്തിച്ച അവർ തിരുക്കർമങ്ങളുടെയും പ്രദക്ഷിണത്തിന്റെയും ക്രമീകരണങ്ങളിലും ആഘോഷപരിപാടികളിലും സജീവമായി സഹകരിച്ചു. മുതിർന്നവരോടൊപ്പം യുവജനങ്ങളും കുട്ടികളും കൈകോർത്തത് തലമുറകൾ…

ഹൂസ്റ്റൺ :ഹാരിസ്  കൗണ്ടിയിൽ മുൻകൂർ വോട്ടിംഗിൽ റെക്കോർഡ് തിരുത്തിക്കുറിച്ച് ജനപങ്കാളിത്തം. തെരഞ്ഞെടുപ്പ് ദിവസത്തിന് മുന്നേ തന്നെ ഇവിടെ കുറഞ്ഞത് 3,62,534 പേർ വോട്ട് രേഖപ്പെടുത്തിക്കഴിഞ്ഞു. ഡാളസ് കൗണ്ടിയിൽ ഇത് ഏകദേശം 1,99,000 ആണ്. ഡെമോക്രാറ്റ് സ്ഥാനാർത്ഥി ജെയിംസ് തലാറിക്കോയും റിപ്പബ്ലിക്കൻ സ്ഥാനാർത്ഥി കെൻ പാക്സ്റ്റനും തമ്മിലുള്ള സെനറ്റ് പോരാട്ടമാണ് വോട്ടർമാരെ പെട്ടെന്ന് തന്നെ പോളിംഗ് ബൂത്തുകളിലേക്ക് ആകർഷിക്കുന്ന പ്രധാന ഘടകമെന്ന് റൈസ് യൂണിവേഴ്സിറ്റി പ്രൊഫസർമാർ വിലയിരുത്തുന്നു. നിലവിൽ ഡെമോക്രാറ്റുകളാണ് കൂടുതൽ മുൻകൂർ വോട്ടുകൾ രേഖപ്പെടുത്തിയിട്ടുള്ളതെങ്കിലും, ഇത് തിരഞ്ഞെടുപ്പ് ഫലത്തിന്റെ അന്തിമ സൂചനയായി കാണാനാകില്ലെന്ന് വിദഗ്ധർ മുന്നറിയിപ്പ് നൽകുന്നുണ്ട്. സ്വതന്ത്ര വോട്ടർമാരെ ലക്ഷ്യമിട്ടാണ് ഡെമോക്രാറ്റുകൾ നീങ്ങുന്നത്. അതേസമയം, വോട്ടർമാർ തിരഞ്ഞെടുപ്പ് ദിവസം വരെ കാത്തിരിക്കരുതെന്നും മുൻകൂർ വോട്ട് ചെയ്യണമെന്നും റിപ്പബ്ലിക്കൻ പാർട്ടിയും ശക്തമായ പ്രചാരണം നടത്തുണ്ട്. വോട്ടർമാരുടെ എണ്ണം വർദ്ധിച്ചതോടെ ഹarris കൗണ്ടിയിൽ 75 പോളിംഗ് കേന്ദ്രങ്ങളാണ് ഒരുക്കിയിരിക്കുന്നത്.

യഥാർഥ ജീവിതത്തിലെ കുറ്റാന്വേഷണ അനുഭവങ്ങളിൽനിന്ന് പ്രചോദനമുൾക്കൊണ്ട് ഒരുക്കിയ ക്രൈം ത്രില്ലർ ചിത്രം ‘ക്രൈം 302’ ഒക്ടോബർ 23ന് തിയറ്ററുകളിലെത്തുന്നു. പൊലീസ് ഉദ്യോഗസ്ഥനായ സജീർ സൈനുദ്ദീൻ കഥയും തിരക്കഥയും എഴുതി സംവിധാനം ചെയ്യുന്ന ചിത്രം, ദുരൂഹമായ മരണങ്ങൾക്കും അപകടങ്ങൾക്കുമുപിന്നിൽ ഒളിഞ്ഞിരിക്കുന്ന കുറ്റകൃത്യങ്ങളുടെ ചുരുളഴിക്കുന്ന അന്വേഷണകഥയാണ് അവതരിപ്പിക്കുന്നത്. ഒരുകൂട്ടം പൊലീസ് ഉദ്യോഗസ്ഥരും സിനിമയുടെ ഭാഗമാകുന്നു എന്നതാണ് ചിത്രത്തിന്റെ പ്രധാന സവിശേഷത. പൊലീസ് സേവനത്തിനൊപ്പം സിനിമയെന്ന സ്വപ്നവും മനസ്സിൽ കൊണ്ടുനടന്ന സജീർ സൈനുദ്ദീന്റെ ഏറെക്കാലത്തെ പരിശ്രമത്തിന്റെ ഫലമാണ് ‘ക്രൈം 302’. കുറ്റാന്വേഷണത്തിന്റെ വിവിധ തലങ്ങളും അന്വേഷണ ഉദ്യോഗസ്ഥർ നേരിടുന്ന വെല്ലുവിളികളും പ്രമേയമാക്കുന്ന ചിത്രം, പതിവ് ക്രൈം ത്രില്ലറുകളിൽനിന്ന് വ്യത്യസ്തമായ അവതരണശൈലിയാണ് ലക്ഷ്യമിടുന്നത്. കുറ്റകൃത്യങ്ങൾ കണ്ടെത്തുന്നതിനും തെളിവുകൾ ശേഖരിക്കുന്നതിനും ഉപയോഗിക്കുന്ന അന്വേഷണരീതികളും ചിത്രത്തിന്റെ കഥാഗതിയിൽ നിർണായകമാകുന്നു. പ്രമുഖ താരങ്ങളായ സിദ്ദിഖ്, പാഷാണം ഷാജി, ദിനേശ് പണിക്കർ, ഷാജു നവോദയ, സുധീർ സുകുമാരൻ, ഷിഫാന,…