Author: ജോയിച്ചന്‍ പുതുക്കുളം

ടെന്നസി: യുഎസിലെ ടെന്നസിയിൽ 50കാരിയുടെ വധശിക്ഷ പരാജയപ്പെട്ടു. രണ്ട് തവണ മാരകമായ വിഷാംശം കുത്തിവെച്ചെങ്കിലും വധശിക്ഷ നടപ്പിലാക്കാനുള്ള ശ്രമം പരാജയപ്പെട്ടതിനെ തുടർന്ന് ക്രിസ്റ്റ പൈക്ക് എന്ന തടവുകാരിയെ ആശുപത്രിയിലേക്ക് മാറ്റി. 1995-ൽ സഹപാഠിയെ കൊലപ്പെടുത്തിയ കേസിലാണ് ക്രിസ്റ്റ പൈക്കിനെ വധശിക്ഷയ്ക്ക് വിധിക്കുന്നത്. 200 വിഷത്തിനിടെ യുഎസിൽ ആദ്യമായാണ് ഒരു സ്ത്രീ തടവുകാരിയുടെ വധശിക്ഷ നടപ്പിലാക്കാൻ ഉത്തരവാകുന്നത്. 19 വയസ്സുള്ള കോളീൻ സ്ലെമ്മർ എന്ന പെൺകുട്ടിയെ കൊലപ്പെടുത്തിയ കേസിൽ 1996-ലാണ് പൈക്കിന് വധശിക്ഷ വിധിച്ചത്. കൊലപാതകം ചെയ്യുമ്പോൾ ക്രിസ്റ്റ പൈക്കിന് 18 വയസ്സായിരുന്നു പ്രായം. അവരുടെ വധശിക്ഷ അവസാന നിമിഷം വരെ വലിയ നിയമപോരാട്ടങ്ങൾക്ക് വഴിവെച്ചിരുന്നു. ഒടുവിൽ മാരകമായ മരുന്ന് കുത്തിവെച്ച് വധശിക്ഷ നടപ്പാക്കാൻ യു.എസ് സുപ്രീം കോടതി അനുമതി നൽകുകയായിരുന്നു. പെന്റോബാർബിറ്റൽ അടങ്ങിയ രണ്ട് കുത്തിവെപ്പുകളാണ് ക്രിസ്റ്റയ്ക്ക് എടുത്തത്. ടെന്നസിയിലെ മരണശിക്ഷാ പട്ടികയിലെ ഏക വനിതയാണ് പൈക്ക്.…

ഇല്ലിനോയ് :ഇല്ലിനോയിയിൽ ഗാർഹിക പീഡനത്തെത്തുടർന്ന് യുവതിയും രണ്ട് വയസ്സുള്ള മകനും കൊല്ലപ്പെട്ടു. ജെറമിയ ഡങ്കൻ  എന്നയാളാണ് ഈ ക്രൂരകൃത്യം നടത്തിയത്. 20 കാരിയായ ഹെവൻ ജെ. വുഡ്  എന്ന യുവതിയെ വെടിവെച്ചു കൊലപ്പെടുത്തിയ ശേഷം, ഇവരുടെ രണ്ട് വയസ്സുള്ള മകൻ കെ.ജെ. ഡങ്കൻ വുഡിനെ കാറിനുള്ളിലിട്ട് കത്തിക്കുകയായിരുന്നു. സെപ്റ്റംബർ 25 വെള്ളിയാഴ്ച രാവിലെയായിരുന്നു സംഭവം. വിവരമറിഞ്ഞെത്തിയ പോലീസും അഗ്നിശമന സേനയും കാറിലെ തീ അണച്ചെങ്കിലും കുട്ടി വെന്തുമരിച്ചിരുന്നു. വീട്ടിൽ നടത്തിയ പരിശോധനയിലാണ് ഹെവൻ ജെ. വുഡിന്റെ മൃതദേഹം കണ്ടെത്തിയത്. ഗുരുതരമായി പരിക്കേറ്റ പ്രതി ജെറമിയ ഡങ്കനെ പോലീസ് പിന്നീട് പിടികൂടി. തീപിടുത്തത്തിനിടയിൽ പൊള്ളലേറ്റ പ്രതി ആശുപത്രിയിൽ ചികിത്സയിലാണ്. സംഭവത്തിൽ അന്വേഷണം പുരോഗമിക്കുകയാണെന്ന് അധികൃതർ അറിയിച്ചു.

കെ.പി.പി.എല്ലിന്റെ 692 ഏക്കറിൽ 227 ഏക്കർ ഉടൻ ലഭ്യം; കുടിയൊഴിപ്പിക്കൽ വേണ്ട, മികച്ച ഗതാഗത സൗകര്യവും വെള്ളൂരിന് അനുകൂലം വൈക്കം: കേരളത്തിൽ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) സ്ഥാപിക്കുന്നതിനുള്ള സ്ഥലനിർണയത്തിൽ കോട്ടയം ജില്ലയിലെ വൈക്കം വെള്ളൂരിന്റെ സാധ്യത ശക്തമാകുന്നു. കേന്ദ്ര സർക്കാരിന്റെ പരിഗണനയ്ക്കായി സംസ്ഥാന സർക്കാർ തയ്യാറാക്കിയ അന്തിമ സാധ്യതപ്പട്ടികയിൽ വൈക്കം വെള്ളൂരും തൃശൂർ ജില്ലയിലെ കൊരട്ടിയും മാത്രമാണ് ഇടം നേടിയിരിക്കുന്നതെന്നാണ് സൂചന. കേരളത്തിന് എയിംസ് അനുവദിക്കണമെന്ന ആവശ്യം ദീർഘകാലമായി നിലനിൽക്കുന്നതിനിടെയാണ് സ്ഥലനിർണയവുമായി ബന്ധപ്പെട്ട നടപടികൾ വീണ്ടും സജീവമായത്. എയിംസ് സ്ഥാപിക്കുന്നതിനുള്ള വിശദമായ പദ്ധതി തയ്യാറാക്കി കേന്ദ്രസർക്കാരിന് സമർപ്പിക്കുന്നതിനായി ജൂലൈയിൽ പ്രിൻസിപ്പൽ സെക്രട്ടറിക്ക് മന്ത്രി കെ. മുരളീധരൻ നിർദേശം നൽകിയിരുന്നു. ഇതിന്റെ ഭാഗമായി വിവിധ മേഖലകളിൽ നിന്നായി ലഭിച്ച ഒമ്പത് നിർദേശങ്ങൾ പരിശോധിച്ചതായാണ് വിവരം. ഇതിൽ മൂന്ന് നിർദേശങ്ങളും വൈക്കം വെള്ളൂരിനെ എയിംസ്…

ആറു മാസമായി റേഷൻ വാങ്ങാത്തവരുടെ കാർഡുകൾ സജീവമാക്കാൻ നീക്കം; അർഹരായ കുടുംബങ്ങളുടെ മുൻഗണനാവകാശം സംരക്ഷിക്കുമെന്ന് സർക്കാർ തിരുവനന്തപുരം: ആറു മാസമായി റേഷൻ വാങ്ങാത്തവരുടെ റേഷൻ കാർഡുകൾ സജീവമായി നിലനിർത്തുന്നതിനുള്ള നടപടികൾ സംസ്ഥാന സർക്കാർ സ്വീകരിച്ചുവരികയാണെന്ന് ഭക്ഷ്യ-പൊതുവിതരണ മന്ത്രി അനൂപ് ജേക്കബ് അറിയിച്ചു. റേഷൻ കാർഡ് ഓരോ കുടുംബത്തിന്റെയും അടിസ്ഥാന രേഖയാണെന്നും അർഹരായ ഒരാൾക്കും അത് നഷ്ടപ്പെടുന്ന സാഹചര്യം ഉണ്ടാകരുതെന്നതാണ് സർക്കാരിന്റെ നയമെന്നും മന്ത്രി വ്യക്തമാക്കി. റേഷൻ കാർഡുകൾ മരവിപ്പിക്കുന്നതുമായി ബന്ധപ്പെട്ട് കേന്ദ്ര സർക്കാരിൽ നിന്ന് ഇതുവരെ ഔദ്യോഗിക അറിയിപ്പൊന്നും സംസ്ഥാനത്തിന് ലഭിച്ചിട്ടില്ല. കേന്ദ്രം ഇക്കാര്യത്തിൽ ഔദ്യോഗിക നടപടി സ്വീകരിക്കുന്ന സാഹചര്യമുണ്ടായാൽ കാർഡുടമകളുടെ താൽപര്യം സംരക്ഷിക്കുന്നതിനാവശ്യമായ ഇടപെടൽ സംസ്ഥാനം നടത്തുമെന്നും മന്ത്രി പറഞ്ഞു. നിലവിൽ അരലക്ഷത്തോളം മുൻഗണനാ റേഷൻ കാർഡുകളുമായി ബന്ധപ്പെട്ടാണ് ആശങ്ക നിലനിൽക്കുന്നത്. ദീർഘകാലമായി റേഷൻ വാങ്ങാത്തവരുടെ വിവരങ്ങൾ റേഷൻ കടകൾ മുഖേന ശേഖരിച്ചുവരികയാണ്. ഇവരെ കണ്ടെത്തി…

‘ആശുപത്രിയിലാണ്, ഉടൻ പണം വേണം’ എന്ന സന്ദേശം വന്നാൽ സൂക്ഷിക്കുക; പരിചിതരുടെ പേരും ചിത്രവും ഉപയോഗിച്ച് പുതിയ സൈബർ തട്ടിപ്പ് തിരുവനന്തപുരം: പരിചയമുള്ളവരുടെ പേരും വാട്സ്ആപ്പ് പ്രൊഫൈൽ ചിത്രവും ദുരുപയോഗം ചെയ്ത് വ്യാജ അക്കൗണ്ടുകൾ സൃഷ്ടിച്ച് പണം തട്ടുന്ന സംഭവങ്ങൾക്കെതിരെ ജാഗ്രത പാലിക്കണമെന്ന് കേരള പോലീസ് മുന്നറിയിപ്പ് നൽകി. സുഹൃത്തോ ബന്ധുവോ സഹപ്രവർത്തകനോ ആണെന്ന തോന്നൽ സൃഷ്ടിച്ച ശേഷം അടിയന്തര സാഹചര്യം ചൂണ്ടിക്കാട്ടിയാണ് തട്ടിപ്പുകാർ പണം ആവശ്യപ്പെടുന്നത്. ‘ഞാൻ ആശുപത്രിയിലാണ്’, ‘അടിയന്തരമായി പണം വേണം’, ‘ഇപ്പോൾ ഫോൺ ചെയ്യാൻ കഴിയില്ല’, ‘ഈ അക്കൗണ്ടിലേക്ക് ഉടൻ പണം അയയ്ക്കണം’ തുടങ്ങിയ സന്ദേശങ്ങളാണ് സാധാരണയായി തട്ടിപ്പുകാർ ഉപയോഗിക്കുന്നത്. പരിചിതനായ വ്യക്തിയുടെ പേരും പ്രൊഫൈൽ ചിത്രവും വാട്സ്ആപ്പ് അക്കൗണ്ടിൽ കാണുന്നതിനാൽ സന്ദേശം ലഭിക്കുന്നയാൾ അത് യഥാർഥമാണെന്ന് വിശ്വസിക്കാനുള്ള സാധ്യത കൂടുതലാണ്. എന്നാൽ, വാട്സ്ആപ്പിൽ കാണുന്ന പേരും പ്രൊഫൈൽ ചിത്രവും മാത്രം നോക്കി…