., Author at Malayalam Daily News

സുവർണ്ണ ക്ഷേത്രത്തിന് വീണ്ടും ബോംബ് സ്ഫോടന ഭീഷണി; എസ്‌ജി‌പി‌സിയും പോലീസും ജാഗ്രതയിൽ

16 ജൂലൈ 2025Jul 16, 2025 .

അമൃത്സർ: പഞ്ചാബിലെ സുവർണ്ണ ക്ഷേത്രത്തിന് തുടർച്ചയായ മൂന്നാം ദിവസവും ബോംബ് ഭീഷണി ലഭിച്ചു. ശിരോമണി ഗുരുദ്വാര പ്രബന്ധക് കമ്മിറ്റിയുടെ ഇമെയിലിലാണ് ഭീഷണി ലഭിച്ചത്. പൈപ്പുകളിൽ ആർ‌ഡി‌എക്സ് നിറയ്ക്കുമെന്നും ക്ഷേത്രത്തിനുള്ളിൽ സ്ഫോടനങ്ങൾ നടത്തുമെന്നും ഇമെയിലിൽ അവകാശപ്പെട്ടു. സുരക്ഷാ കാരണങ്ങളാൽ, മെയിലിൽ എഴുതിയ വാക്കുകൾ പരസ്യമാക്കിയിട്ടില്ല. അന്വേഷണത്തിനായി നായ്ക്കളും ബോംബ് സ്ക്വാഡുകളും സ്ഥലത്തെത്തിയിട്ടുണ്ട്. അതേസമയം, എസ്‌ജി‌പി‌സിയും അമൃത്സർ പോലീസും ജാഗ്രതയിലാണ്. ബി‌എസ്‌എഫും പോലീസ് കമാൻഡോകളും വിന്യസിച്ചിട്ടുണ്ട്. എല്ലാ സന്ദർശകരെയും സൂക്ഷ്മമായി നിരീക്ഷിക്കുന്നുണ്ട്. നേരത്തെ, തിങ്കളാഴ്ചയും ചൊവ്വാഴ്ചയും ക്ഷേത്രം സ്ഫോടനം നടത്തുമെന്ന് ഭീഷണി ലഭിച്ചിരുന്നു. ജൂലൈ 15 ന് കേരള മുഖ്യമന്ത്രിയുടെയും മുൻ ചീഫ് ജസ്റ്റിസിന്റെയും വ്യാജ ഐഡിയിൽ നിന്നാണ് രണ്ടാമത്തെ ഇമെയിൽ അയച്ചതെന്ന് എസ്‌ജി‌പി‌സി മേധാവി ഹർജീന്ദർ സിംഗ് ധാമി പറഞ്ഞു. ബുധനാഴ്ച രാവിലെ, ആസിഫ് കപൂർ എന്ന ഇമെയിൽ വിലാസത്തിൽ നിന്നാണ് ഒരു ഇമെയിൽ വന്നത്. ഈ ഇമെയിൽ…

‘പരമ്പരാഗത ആയുധങ്ങൾ കൊണ്ട് യുദ്ധം ജയിക്കാനാവില്ല’: ഓപ്പറേഷൻ സിന്ദൂരിനെ പരാമർശിച്ച് സിഡിഎസ്

16 ജൂലൈ 2025Jul 16, 2025 .

ന്യൂഡൽഹി: ഡ്രോണുകൾക്ക് തന്ത്രപരമായ സന്തുലിതാവസ്ഥയെ അസമമായി എങ്ങനെ മാറ്റാൻ കഴിയുമെന്ന് ആഗോളതലത്തിൽ അടുത്തിടെയുണ്ടായ സംഘർഷങ്ങൾ തെളിയിച്ചിട്ടുണ്ടെന്ന് പ്രതിരോധ മേധാവി ജനറൽ അനിൽ ചൗഹാൻ ബുധനാഴ്ച പറഞ്ഞു. ആളില്ലാ വിമാനങ്ങളിലും ആളില്ലാ വ്യോമ സംവിധാനങ്ങളിലും (സി-യുഎഎസ്) സ്വയംപര്യാപ്തത ഇന്ത്യയ്ക്ക് തന്ത്രപരമായ അനിവാര്യതയാണെന്ന് അദ്ദേഹം ഊന്നിപ്പറഞ്ഞു. തദ്ദേശീയമായി നിർമ്മിച്ച ആളില്ലാ വ്യോമ സംവിധാനങ്ങളും (യുഎഎസ്) സി-യുഎഎസും നമ്മുടെ ഭൂപ്രദേശത്തിനും ആവശ്യങ്ങൾക്കും എന്തുകൊണ്ട് പ്രധാനമാണെന്ന് ഓപ്പറേഷൻ സിന്ദൂർ തെളിയിച്ചിട്ടുണ്ടെന്ന് മനേക്‌ഷാ സെന്ററിൽ സംഘടിപ്പിച്ച പരിപാടിയിൽ ജനറൽ ചൗഹാൻ പറഞ്ഞു. ‘യുഎവികളുടെയും സി-യുഎഎസിന്റെയും മേഖലയിൽ വിദേശ ഒഇഎമ്മുകളിൽ നിന്ന് നിലവിൽ ഇറക്കുമതി ചെയ്യുന്ന നിർണായക ഘടകങ്ങളുടെ തദ്ദേശീയവൽക്കരണം’ എന്ന വിഷയത്തിൽ ഹെഡ്ക്വാർട്ടേഴ്സ് ഇന്റഗ്രേറ്റഡ് ഡിഫൻസ് സ്റ്റാഫ്, തിങ്ക് ടാങ്ക് സെന്റർ ഫോർ ജോയിന്റ് വാർഫെയർ സ്റ്റഡീസുമായി സഹകരിച്ച് ഏകദിന വർക്ക്ഷോപ്പ് സംഘടിപ്പിക്കുന്നു. യുഎവികളുടെയും സി-യുഎഎസിന്റെയും തന്ത്രപരമായ പ്രാധാന്യവും പ്രവർത്തന ഫലപ്രാപ്തിയും എടുത്തുകാണിച്ച ഓപ്പറേഷൻ…

‘സത്യജിത് റേയുടെ പൂർവ്വിക ഭവനം പൊളിക്കരുത്, ഒരു മ്യൂസിയം നിർമ്മിക്കാൻ ഞങ്ങൾ സഹായിക്കാം’; ബംഗ്ലാദേശിനോട് ഇന്ത്യ

16 ജൂലൈ 2025Jul 16, 2025 .

സത്യജിത് റേയുടെ ബംഗ്ലാദേശിലുള്ള പൂർവ്വിക ഭവനം പൊളിച്ചുമാറ്റാനുള്ള പദ്ധതിയിൽ ഇന്ത്യ ആശങ്ക പ്രകടിപ്പിക്കുകയും അത് സംരക്ഷിക്കാനും ഒരു മ്യൂസിയമാക്കി മാറ്റാമെന്നും വാഗ്ദാനം ചെയ്യുകയും ചെയ്തു. ബംഗാളി സാംസ്കാരിക പൈതൃകത്തിന്റെ പ്രതീകമായി ഈ വീട് കണക്കാക്കപ്പെടുന്നു. ബംഗ്ലാദേശിലെ മൈമെൻസിംഗ് നഗരത്തിൽ സ്ഥിതി ചെയ്യുന്ന പ്രശസ്ത ബാലസാഹിത്യകാരനും പ്രസാധകനുമായ ഉപേന്ദ്രകിഷോർ റേയുടെ പൂർവ്വിക ഭവനം പൊളിച്ചുമാറ്റുകയാണ്. ഇന്ത്യൻ സർക്കാർ ഇതിൽ ഗുരുതരമായ ആശങ്ക പ്രകടിപ്പിച്ചിട്ടുണ്ട്. പ്രശസ്ത കവി സുകുമാർ റേയുടെ പിതാവ് മാത്രമല്ല, ലോകപ്രശസ്ത ചലച്ചിത്ര നിർമ്മാതാവ് സത്യജിത് റേയുടെ മുത്തച്ഛനുമാണ് ഉപേന്ദ്ര കിഷോർ. ബംഗാളി സാഹിത്യത്തിന്റെയും സംസ്കാരത്തിന്റെയും മൂന്ന് തലമുറകളുടെ പാരമ്പര്യത്തിന്റെ പ്രതീകമായി ഈ കെട്ടിടം കണക്കാക്കപ്പെടുന്നു. ഈ ചരിത്രപ്രധാനമായ കെട്ടിടം സംരക്ഷിക്കണമെന്ന് ഇന്ത്യ ബംഗ്ലാദേശ് സർക്കാരിനോട് അഭ്യർത്ഥിക്കുകയും അത് പൊളിച്ചുമാറ്റുന്നതിനുപകരം അതിന്റെ സംരക്ഷണം പരിഗണിക്കണമെന്ന് നിർദ്ദേശിക്കുകയും ചെയ്തു. ബംഗാളി സാംസ്കാരിക നവോത്ഥാനവുമായി ബന്ധപ്പെട്ട ഒരു പ്രധാന സ്ഥലമാണിതെന്ന്…

മൗണ്ട് ഒലീവ് സെന്റ് തോമസിൽ പെരുന്നാളും ഭാരവാഹികളെ ആദരിക്കുന്ന ചടങ്ങും.

16 ജൂലൈ 2025Jul 16, 2025 ??????? ??????????

മൗണ്ട് ഒലീവ് (ന്യൂജേഴ്‌സി ): സെന്റ് തോമസ് ഓർത്തഡോക്സ് ഇടവകയിലെ പെരുന്നാൾ ആഘോഷവും മുൻ വർഷങ്ങളിലെ ഭാരവാഹികളെ ആദരിക്കുന്ന ചടങ്ങും നടന്നു. ജൂലൈ 2 ബുധനാഴ്ച (കോലഞ്ചേരി) ഫാ.ഗീവറുഗീസ് വള്ളിക്കാട്ടിലും, 3 വ്യാഴാഴ്ച (ഡിട്രോയിറ്റ്) ഡീക്കൻ യെൻ തോമസും കൺവൻഷൻ പ്രസംഗങ്ങൾ നടത്തി. വെള്ളിയാഴ്ച ഫിലഡൽഫിയയിൽ നിന്നുള്ള ഫാ.ഗീവറുഗീസ് ജോൺ പെരുന്നാൾ സന്ദേശം നൽകി. തുടർന്ന് റാസ, ക്രിസ്ത്യൻ മ്യൂസിക്കൽ കൺസർട്ട്, കരിമരുന്ന് പ്രയോഗം, തട്ടുകട എന്നിവയും ഉണ്ടായിരുന്നു. ശനിയാഴ്ച്ച രാവിലെ ബാൾട്ടിമോർ സെന്റ് തോമസ് ഇടവക വികാരി ഫാ. ടോബിൻ പി മാത്യുവിന്റെ കാർമികത്വത്തിലുള്ള കുർബാന. തുടർന്ന് മൗണ്ട് ഒലീവിൽ ഇടവക ആരംഭിച്ചതിന് ശേഷമുള്ള ഭാരവാഹികളെ ആദരിക്കുന്ന ചടങ്ങും ഉണ്ടായിരുന്നു. കൈക്കാരന്മാരായിരുന്ന ഫിലിപ്പ് തങ്കച്ചൻ, തോമസ് കുട്ടി ഡാനിയൽ, സുനോജ് തമ്പി, റിനു ചെറിയാൻ, സെക്രട്ടറിമാരായിരുന്ന ജോർജ് തുമ്പയിൽ, ഡോ. ജോളി കുരുവിള, നിതിൻ ഏബ്രഹാം…

പതിനൊന്നാമത് അന്താരാഷ്ട്ര മാധ്യമ സമ്മേളനത്തിന്റെ ചിക്കാഗോ ചാപ്റ്റർ കിക്കോഫ് മീറ്റിംഗിന് അഭൂതപൂര്‍വമായ ജനപിന്തുണ!

16 ജൂലൈ 2025Jul 16, 2025 .

ചിക്കാഗോ: ഇന്ത്യാ പ്രസ്ക്ലബ്ബ് ഓഫ് നോർത്ത് അമേരിക്കയുടെ പതിനൊന്നാമത് മീഡിയ കോൺഫറൻസിന്റെ ചിക്കാഗോ ചാപ്റ്ററിന്റെ നെത്ര്വത്തിലുള്ള ഔദ്യോഗികമായ കിക്ക്‌ ഓഫ് മീറ്റിംഗ് മൗണ്ട് പ്രോസ്പെക്റ്ററിലെ ചിക്കാഗോ മലയാളി അസോസിയേഷൻ ഹാളിൽ വച്ച് നടത്തപ്പെട്ടു. ചിക്കാഗോ ചാപ്റ്റർ പ്രസിഡണ്ട് ബിജു സഖറിയായുടെ അധ്യക്ഷയിൽ കൂടിയ സമ്മേളനത്തിൽ, നാഷണൽ പ്രസിഡണ്ട് സുനിൽ ട്രൈസ്റ്റാർ മുഖ്യാതിഥിയായി പങ്കെടുത്തുകൊണ്ടാണ് കിക്ക്‌ ഓഫ് നടത്തപ്പെട്ടത്. പ്രസ്ക്ലബ്ബ് നാഷണൽ മുൻ പ്രസിഡന്റും അഡ്വൈസറി ബോർഡ് മെമ്പറുമായ ബിജു കിഴക്കേക്കുറ്റ്, മറ്റൊരു മുൻ പ്രസിഡന്റും അഡ്വൈസറി ബോർഡ് മെംബെയറും പ്ലൈൻഫീൽഡ് വില്ലേജ്‌ ട്രസ്റ്റിയും കൂടിയായ ശിവൻ മുഹമ്മ, പ്രസ്ക്ലബ്ബ് നാഷണൽ ജോയിന്റ് ട്രഷറർ റോയി മുളകുന്നം എന്നിവർ വേദിയിൽ സന്നിഹിതരായിരുന്നു. ചിക്കാഗോ ചാപ്റ്റർ സെക്രട്ടറി അനിൽ മറ്റത്തിക്കുന്നേൽ സ്വാഗതം ആശംസിച്ചു. ഫൊക്കാന എക്സിക്യൂട്ടീവ് വൈസ് പ്രസിഡണ്ട് പ്രവീൺ തോമസ്, ഫോമാ ആർ വി പി ജോൺസൺ കണ്ണൂർക്കാടൻ,…

ട്രൈ‌സ്റ്റേറ്റ് കേരളാ ഫോറം ‘പെഴ്സണ്‍ ഓഫ് ദി ഇയര്‍ അവാര്‍ഡ് 2025′ നു അപേക്ഷകൾ ക്ഷണിക്കുന്നു

16 ജൂലൈ 2025Jul 16, 2025 ?????? ????? ???????????

ഫിലഡല്‍ഫിയ: ട്രൈസ്റ്റേറ്റ് ഏരിയായിലെ മലയാളി സംഘടനകളുടെ ഐക്യവേദിയായ കേരളാ ഫോറത്തിന്‍റെ സംയുക്ത ഓണാഘോഷവേദിയില്‍ അമേരിക്കന്‍ മലയാളികളില്‍ സാമൂഹിക, സാംസ്ക്കാരിക, രംഗങ്ങളിൽ മികവ് പുലര്‍ത്തിയിട്ടുള്ള വ്യക്തിയെ അവാർഡ് നൽകി ആദരിക്കുന്നു. ട്രൈസ്റ്റേറ്റ് കേരളാഫോറത്തിന്‍റെ “പേഴ്സണ്‍ ഓഫ് ദി ഇയര്‍” എന്ന വിശിഷ്ടമായ അവാര്‍ഡിന് അര്‍ഹതയുള്ളവരെ നാമനിര്‍ദ്ദേശം ചെയ്യുകയോ, അല്ലെങ്കില്‍ നിങ്ങള്‍ യോഗ്യരാണെന്ന് ബോദ്ധ്യമുണ്ടെങ്കില്‍ നിങ്ങളുടെ സാമൂഹിക, സാംസ്ക്കാരിക, വിദ്യാഭ്യാസ മേഖലകളിലെ സംഭാവനകള്‍ അടങ്ങിയ നാമനിർദേശ പത്രിക ഓഗസ്റ്റ് ഒന്നാം തീയതിക്കുള്ളില്‍ അവാർഡ് കമ്മിറ്റി ചെയർമാൻ റോണി വറുഗീസിനു (267-213-5544) ronyvkm@gmail.com എന്ന ഇമെയില്‍ വിലാസത്തിൽ അയക്കാവുന്നതാണ്. ട്രൈ‌സ്റ്റേറ്റ് കേരളാ ഫോറം ‘പെഴ്സണ്‍ ഓഫ് ദി ഇയര്‍ അവാര്‍ഡ് കൂടാതെ മികച്ച മലയാളി കര്‍ഷകരെ കണ്ടെത്താനുള്ള മത്സരം, ഓണത്തിന് അണിഞ്ഞൊരുങ്ങി വരുന്ന ബെസ്റ്റ് കപ്പിള്‍സിന് ആകര്‍ഷകമായ സമ്മാനങ്ങള്‍ എന്നിവയും പതിവുപോലെ ഇത്തവണയും ഉണ്ടായിരിക്കുന്നതാണ്. ട്രൈസ്റ്റേറ്റ് ഏരിയയിലെ മുഴുവൻ മലയാളികളെയും ഒന്നിച്ചൊരു…

ഇന്ത്യയുമായി ഒരു വ്യാപാര കരാറിൽ ഉടൻ എത്തിച്ചേരാൻ കഴിയുമെന്ന് ട്രം‌പ്

16 ജൂലൈ 2025Sep 29, 2025 .

യുഎസും ഇന്തോനേഷ്യയും തമ്മിലുള്ള വിജയകരമായ വ്യാപാര കരാറിന് ശേഷമാണ് ഡൊണാൾഡ് ട്രംപിന്റെ പരാമർശം. അവര്‍ക്ക് മുമ്പ് പ്രഖ്യാപിച്ച 32% ഇറക്കുമതി തീരുവ 19% ആയി കുറച്ചു. ഈ വിജയത്തിനുശേഷം, ഇന്ത്യ ഉൾപ്പെടെയുള്ള മറ്റ് രാജ്യങ്ങളുമായി സമാനമായ കരാറുകൾ ഉടൻ ഉണ്ടാക്കാൻ കഴിയുമെന്ന് ട്രംപ് സൂചിപ്പിച്ചു. വാഷിംഗ്ടണ്‍: ഇന്ത്യയുമായി ഉഭയകക്ഷി വ്യാപാര കരാറിനുള്ള സാധ്യത യുഎസ് പ്രസിഡന്റ് ഡൊണാൾഡ് ട്രംപ് വീണ്ടും ഉന്നയിച്ചു. ഓഗസ്റ്റ് 1 ന് മുമ്പ് ഈ കരാർ സാധ്യമാകുമെന്നും, ചില രാജ്യങ്ങൾക്ക് പരസ്പര താരിഫ് ചുമത്താൻ യുഎസ് പദ്ധതിയിടുന്നുണ്ടെന്നും അദ്ദേഹം പറഞ്ഞു. ഇന്തോനേഷ്യയുമായുള്ള വ്യാപാര കരാർ അടുത്തിടെ വിജയിച്ചതിന്റെ പശ്ചാത്തലത്തിലാണ് ട്രംപിന്റെ പരാമർശം. അമേരിക്ക ഇന്തോനേഷ്യക്ക് പ്രഖ്യാപിച്ച 32% താരിഫ് 19% ആയി കുറച്ചിരുന്നു. ഇന്തോനേഷ്യയില്‍ സംഭവിച്ചതുപോലെ ഇന്ത്യയിലും സമാനമായ എന്തെങ്കിലും സംഭവിക്കുമെന്നാണ് ട്രം‌പിന്റെ അവകാശവാദം. ഇന്ത്യയുമായുള്ള ചർച്ചകൾ പോസിറ്റീവ് ദിശയിലേക്ക് നീങ്ങുന്നുണ്ടെന്നും, അതുമായി…

അന്താരാഷ്ട്ര വടംവലി മത്സരം ചരിത്രസംഭവമാക്കാൻ ടിസാക്ക് : ഡോ. സഖറിയ തോമസും ജിജു കുളങ്ങരയും ചെയര്‍മാന്മാര്‍

16 ജൂലൈ 2025Jul 16, 2025 ????? ??????

ഹൂസ്റ്റൺ: ടെക്സാസ് ഇന്റർനാഷണൽ സ്പോർട്സ് ആൻഡ് ആർട്സ് ക്ലബ്ബിന്റെ (TISA Club) ആഭിമുഖ്യത്തിൽ നടത്തപെടുന്ന സീസൺ 4 അന്താരാഷ്ട്ര വടംവലി ചരിത്രസംഭവമാക്കാൻ ഹൂസ്റ്റൺ നഗരം ഒരുങ്ങുന്നു. വടംവലിയോടൊപ്പം തന്നെ ടെക്സസിലെ കലാ കായികാസ്വാദകരെ ആകർഷിക്കാൻ വൈവിധ്യമാർന്ന പരിപാടികളാണ് സംഘാടകർ ഒരുക്കിയിരിക്കുന്നത്. ആയിരക്കണക്കിന് ആളുകളെ ഉൾക്കൊള്ളുവാൻ ശേഷിയുള്ള ഫോർട്ട് ബെൻഡ് കൗണ്ടി എപ്പിസെന്ററിലാണ് (Fort bend County Epicenter – Indoor air- conditioning) ആഗസ്റ്റ് 9 ശനിയാഴ്ചയാണ് മത്സരം. പ്രസിഡന്റ് ഡാനി രാജുവിന്റെ അദ്ധ്യക്ഷതയിൽ കൂടിയ ടിസാക്ക് ഡയറക്ടർ ബോർഡ് യോഗത്തിൽ ഇവന്റ് ചെയർമാന്മാരായി ഹൂസ്റ്റണിലെ സാമൂഹ്യ സാംസ്കാരിക മാധ്യമ രംഗത്തെ പ്രമുഖരായ ഡോ. സഖറിയാ തോമസ് (ഷൈജു), ജിജു കുളങ്ങര എന്നിവരെ തെരഞ്ഞെടുത്തു. ഈ വർഷത്തെ സീസൺ 4 മത്സരം ഒരു ഉത്സവമാക്കി മാറ്റാനുള്ള തയ്യാറെടുപ്പുകൾ തുടങ്ങിക്കഴിഞ്ഞുവെന്നു ചെയർമന്മാരായി ചുമതല ഏറ്റെടുത്ത ഡോ. ഷൈജുവും ജിജുവും…

ഇരട്ടക്കൊലപാതകക്കേസിലെ പ്രതി മൈക്കൽ ബെർണാഡ് ബെല്ലിൻറെ വധ ശിക്ഷ നടപ്പാക്കി,ഫ്ലോറിഡയിൽ വധശിക്ഷ 10 വർഷത്തെ ഏറ്റവും ഉയർന്ന നിരക്കിൽ

16 ജൂലൈ 2025Jul 16, 2025 ?? ?? ???????

ജാക്‌സൺവില്ലെ(ഫ്ലോറിഡ):ഇരട്ടക്കൊലപാതകക്കേസിലെ പ്രതിയായ മൈക്കൽ ബെർണാഡ് ബെല്ലിൻറെ വധ ശിക്ഷ ഫ്ലോറിഡയിൽ ചൊവ്വാഴ്ച നടപ്പാക്കി . ഇതോടെ വധശിക്ഷകൾ 10 വർഷത്തെ ഏറ്റവും ഉയർന്ന നിലയിലെത്തി. ഇരട്ടക്കൊലപാതകക്കേസിലെ പ്രതിയായ മൈക്കൽ ബെർണാഡ് ബെല്ലിനെ വധശിക്ഷയ്ക്ക് വിധേയനാക്കിയതോടെയാണ് ഈ വർദ്ധനവ് രേഖപ്പെടുത്തിയത്. ഇത് അമേരിക്കയിൽ ഈ വർഷം നടന്ന ഏറ്റവും ഉയർന്ന വധശിക്ഷാ നിരക്കാണ്. 1993 ഡിസംബർ 9-ന് ജാക്‌സൺവില്ലെ ബാറിന് പുറത്ത് വെച്ച് 23 വയസ്സുള്ള ജിമ്മി വെസ്റ്റിനെയും 18 വയസ്സുള്ള തമെക്ക സ്മിത്തിനെയും കൊലപ്പെടുത്തിയ കേസിലാണ് മൈക്കൽ ബെല്ലിനെ ജൂലൈ 15 ചൊവ്വാഴ്ച വധശിക്ഷയ്ക്ക് വിധേയനാക്കിയത്. എകെ-47 തോക്ക് ഉപയോഗിച്ചാണ് ബെൽ ക്രൂരമായ കൊലപാതകം നടത്തിയത്. വൈകുന്നേരം 6:25-ഓടെ മരിച്ചതായി പ്രഖ്യാപിക്കപ്പെട്ട ബെൽ, ഈ വർഷം യുഎസിൽ വധശിക്ഷയ്ക്ക് വിധേയനാകുന്ന 26-ാമത്തെ തടവുകാരനാണ്. കഴിഞ്ഞ വർഷം രാജ്യത്ത് ആകെ 25 വധശിക്ഷകളാണ് നടപ്പാക്കിയിരുന്നത്. 2015 മുതൽ യുഎസിൽ…

ഐ ഓ സി (യു കെ) ബാൺസ്ലെയിൽ യൂണിറ്റ് രൂപീകരിച്ചു; ബിബിൻ രാജ് പ്രസിഡന്റ്‌, രാജുൽ രമണൻ ജനറൽ സെക്രട്ടറി, ജെഫിൻ ജോസ് ട്രഷറര്‍

16 ജൂലൈ 2025Jul 16, 2025 ???? ????????????

ബാൺസ്ലെ: ഇന്ത്യൻ ഓവർസീസ് കോൺഗ്രസ് (യു കെ) – കേരള ചാപ്റ്ററിന്റെ നേതൃത്വത്തിൽ ബാൺസ്ലെയിൽ പുതിയ യൂണിറ്റ് രൂപീകരിച്ചു. കേരള ചാപ്റ്ററിന്റെ മിഡ്‌ലാൻഡ്സ് ഏരിയ നേതൃത്വത്തിന്റെ പരിധിയിലായിരിക്കും യൂണിറ്റിന്റെ പ്രവർത്തനം. യൂണിറ്റ് പ്രസിഡന്റായി തെരഞ്ഞെടുക്കപ്പെട്ട ബിബിൻ രാജിന്റെ അദ്ധ്യക്ഷതയിൽ ഞായറാഴ്ച നടന്ന യൂണിറ്റ് രൂപീകരണം യോഗം ഐ ഓ സി(യു കെ) – കേരള ചാപ്റ്റർ പ്രസിഡന്റ്‌ ഷൈനു ക്ലെയർ മാത്യൂസ് ഉദ്ഘാടനം ചെയ്തു. കേരള ചാപ്റ്റർ ജനറൽ സെക്രട്ടറി റോമി കുര്യാക്കോസ് മുഖ്യപ്രഭാഷണം നടത്തി. ബാൺസ്ലെ യൂണിറ്റിനെ പ്രതിനിധീകരിച്ച് അലൻ ജെയിംസ് ഒവിൽ, മനോജ്‌ മോൻസി തുടങ്ങിയവർ സംസാരിച്ചു. യൂണിറ്റ് ജനറൽ സെക്രട്ടറിയായി തെരഞ്ഞെടുക്കപ്പെട്ട രാജുൽ രമണൻ നന്ദി പ്രകാശിപ്പിച്ചു. എ ഐ സി സിയുടെ നിർദേശപ്രകാരം യൂറോപ്യൻ രാജ്യങ്ങളിൽ അടുത്തിടെ നടന്ന ഐ ഓ സി – ഓ ഐ സി സി സംഘടനകളുടെ…