Author: ജീമോൻ റാന്നി

ഹൂസ്റ്റൺ: ലവ് ടു ഷെയർ ഫൗണ്ടേഷൻ അമേരിക്കയുടെ ആഭിമുഖ്യത്തിൽ വർഷംതോറും സംഘടിപ്പിച്ചുവരുന്ന സൗജന്യ ആരോഗ്യ മേള (ഫ്രീ ഹെൽത്ത് ഫെയർ) 14-ാം വർഷവും നടത്തപ്പെടുന്നതാണ്. 2026 സെപ്റ്റംബർ 26 ശനിയാഴ്ച രാവിലെ 8 മുതൽ ഉച്ചയ്ക്ക് 12 വരെ മാൻവെലിലെ ഡോ. ലക്ഷ്മി നായരുടെ സായി പ്രൈമറി കെയർ / ന്യൂ ലൈഫ് പ്ലാസയിൽ വെച്ചാണ് ആരോഗ്യ മേള സംഘടിപ്പിക്കുന്നത്. 3945 CR 58, (288–CR 58 ജംഗ്ഷൻ), മാൻവെൽ, ടെക്സസ് 77578 എന്നതാണ് വേദി. പ്രമുഖ ആശുപത്രികൾ, ഫാർമസികൾ, ആരോഗ്യ മേഖലയിലെ വിവിധ സ്ഥാപനങ്ങൾ എന്നിവയുടെ സഹകരണത്തോടെയാണ് പരിപാടി. ആരോഗ്യ പരിശോധനയുടെ ഭാഗമായി വിവിധ ഹെൽത്ത് സ്‌ക്രീനിങ്ങുകൾ, ഇ.കെ.ജി., ബോഡി മാസ് ഇൻഡക്സ് (BMI), രക്തസമ്മർദ്ദ പരിശോധന, ബ്ലഡ് ഗ്ലൂക്കോസ് പരിശോധന, തൈറോയ്ഡ് അൾട്രാസൗണ്ട്, കരോട്ടിഡ് ഡോപ്ലർ, ലംഗ് ഫംഗ്ഷൻ ടെസ്റ്റ്, കാഴ്ച, കേൾവി പരിശോധനകൾ…

ഡാളസ്: ഡാളസ് മലയാളി കത്തോലിക്കാ സമൂഹത്തിന്റെ ആത്മീയ നവീകരണം ലക്ഷ്യമാക്കി നടത്തുന്ന 3 ദിവസത്തെ ശക്തമായ ഉപവാസ പ്രാർത്ഥനാ ധ്യാനം ‘തപസ്’ (TAPAS Residential Retreat, Dallas) ഒക്ടോബറിൽ നടക്കും. 2026 ഒക്ടോബർ 02 മുതൽ 04 വരെ (വെള്ളി മുതൽ ഞായർ വരെ) ടെക്സസിലെ വിൻസ്ബോറോയിലുള്ള പ്രശസ്തമായ ഗ്രേസ് ഓഫ് ഹെവൻ റിട്രീറ്റ് സെന്ററിലാണ് (Grace of Heaven Retreat Center, Winnsboro, Texas) ധ്യാനം ക്രമീകരിച്ചിരിക്കുന്നത്. പ്രശസ്ത ധ്യാനഗുരുവും പ്രഭാഷകനുമായ റവ. ഫാ. ജോസഫ് കണ്ടത്തിപ്പറമ്പിൽ HGN (Rev. Fr. Joseph Kandathiparambil), മറ്റ് പ്രമുഖ ആത്മീയ പ്രഭാഷകർ എന്നിവരടങ്ങുന്ന ടീമാണ് ഈ 3-ദിന റസിഡൻഷ്യൽ ധ്യാനത്തിന് നേതൃത്വം നൽകുന്നത്. വിശ്വാസം ആഴപ്പെടുത്തുക, ആത്മീയ നവീകരണം അനുഭവിക്കുക, ദൈവത്തിന്റെ സമാധാനവും സാന്നിധ്യവും ദർശിക്കുക, പരസ്പര പ്രചോദനമേകുന്ന കൂട്ടായ്മ വളർത്തുക എന്നിവയാണ് ഈ ഒത്തുചേരലിന്റെ പ്രധാന…

അറ്റ്ലാന്റ : ഇവിഞ്ചലിസ്റ്റ് എം.ഇ. ചെറിയാന്റെ സ്മരണയ്ക്കായി ‘സ്വർഗീയ നാദം വോളിയം 49 – അനുഗ്രഹ കീർത്തനം’ എന്ന ലൈവ് സ്ട്രീമിംഗ് മ്യൂസിക് പരിപാടി സെപ്റ്റംബർ 25-ന് നടക്കും. ക്രിസ്തീയ സംഗീത ലോകവും വിശ്വാസികളും ഏറെ പ്രതീക്ഷയോടെ കാത്തിരിക്കുന്ന ഈ സംഗീത സന്ധ്യ സൂം പ്ലാറ്റ്‌ഫോം വഴിയാണ് ക്രമീകരിച്ചിരിക്കുന്നത്. പരിപാടിയുടെ പ്രധാന ആകർഷണം ഇവിഞ്ചലിസ്റ്റ് എം.ഇ. ചെറിയാന്റെ മകനും, മൾട്ടി-ഇൻസ്ട്രുമെന്റലിസ്റ്റും ഗാനരചയിതാവും, ‘ഹാപ്പി മെലഡി’ ഗ്രൂപ്പിന്റെ ദീർഘകാല നേതാവുമായ ഇവിഞ്ചലിസ്റ്റ് ടൈറ്റസ് ചെറിയാൻ നയിക്കുന്ന ‘ഫേസ് ടു ഫേസ്’ ആണ്. 1917-ൽ ജനിച്ച് 1993-ൽ അന്തരിച്ച ഇവിഞ്ചലിസ്റ്റ് എം.ഇ. ചെറിയാൻ “ലിറ്റിൽ മാൻ വിത്ത് ഗ്രേറ്റ് ഫെയ്ത്, ലവ്, ആൻഡ് ഹോപ്പ്” എന്നാണ് അറിയപ്പെടുന്നത്. സ്വാധീനശക്തിയുള്ള ബൈബിൾ അധ്യാപകനും കവിയുമായിരുന്ന അദ്ദേഹം തന്റെ 26-ാം വയസ്സിൽ സ്കൂൾ അധ്യാപക ജോലി ഉപേക്ഷിച്ച്, കേരളത്തിൽ നിന്ന് തമിഴ്നാട്ടിലെ മധുരയിലേക്ക്…

2012ൽ ഭക്തർ സമർപ്പിച്ച 445.78 ഗ്രാം കിരീടം രേഖകളിൽ; പരിശോധനയിൽ കണ്ടെത്തിയത് 240 ഗ്രാം മാത്രം തൂക്കമുള്ള വ്യാജമെന്ന് സംശയിക്കുന്ന കിരീടം; സുരക്ഷാ നടപടികളിലും ഗുരുതര ചോദ്യങ്ങൾ തിരുവനന്തപുരം: ശബരിമലയിൽ സൂക്ഷിച്ചിരിക്കുന്ന അമൂല്യ വസ്തുക്കളുടെ കണക്കെടുപ്പിനിടെ സ്വർണക്കിരീടവുമായി ബന്ധപ്പെട്ട് ഗുരുതരമായ പൊരുത്തക്കേട് കണ്ടെത്തിയതായി വിവരം. സന്നിധാനത്തെ സ്‌ട്രോങ് റൂമിൽ രേഖകൾ പ്രകാരം സൂക്ഷിച്ചിരിക്കേണ്ട 55.72 പവൻ തൂക്കമുള്ള സ്വർണക്കിരീടത്തിന് പകരം, രൂപത്തിലും വലുപ്പത്തിലും സമാനമായ മറ്റൊരു കിരീടമാണ് പരിശോധനയിൽ കണ്ടെത്തിയതെന്നാണ് റിപ്പോർട്ട്. കണ്ടെത്തിയ കിരീടം മുക്കുപണ്ടമാണെന്ന സംശയവും ഉയർന്നിട്ടുണ്ട്. 2012 ഓഗസ്റ്റ് 17ന് തമിഴ്‌നാട്ടിൽ നിന്നെത്തിയ അയ്യപ്പഭക്തരാണ് കിരീടം ശബരിമലയിൽ സമർപ്പിച്ചതെന്നാണ് രേഖകൾ വ്യക്തമാക്കുന്നത്. ചാർട്ടേഡ് അക്കൗണ്ടന്റുമാരായ ഭക്തർ നടയ്ക്കുവെച്ച കിരീടം ദേവസ്വം ബോർഡ് ഔദ്യോഗികമായി സ്വീകരിക്കുകയും അതിന് രസീത് നൽകുകയും ചെയ്തിരുന്നു. തുടർന്ന് അയ്യപ്പവിഗ്രഹത്തിൽ കിരീടം ചാർത്തിയശേഷം സുരക്ഷിതമായി സൂക്ഷിക്കുന്നതിനായി സന്നിധാനത്തെ സ്‌ട്രോങ് റൂമിലേക്ക് മാറ്റിയെന്നാണ്…

കോട്ടയം: വർഷങ്ങളായി അനിശ്ചിതത്വത്തിലായിരുന്ന കോട്ടയത്തെ ആകാശപ്പാത പദ്ധതിക്ക് വീണ്ടും പ്രതീക്ഷ. മുടങ്ങിക്കിടക്കുന്ന പദ്ധതിയുടെ നിർമാണ പ്രവർത്തനങ്ങൾ ഉടൻ പുനരാരംഭിക്കാൻ തിരുവനന്തപുരത്ത് ചേർന്ന ഉന്നതതല യോഗത്തിൽ ധാരണയായി. നഗരത്തിലെ കാൽനട യാത്രക്കാരുടെ സുരക്ഷ ഉറപ്പാക്കുന്നതിനൊപ്പം തിരക്കേറിയ മേഖലകളിലെ ഗതാഗത പ്രശ്നങ്ങൾക്ക് പരിഹാരം കണ്ടെത്തുക എന്ന ലക്ഷ്യത്തോടെയാണ് പദ്ധതിയുടെ തുടർനടപടികൾ വേഗത്തിലാക്കുന്നത്. റോഡ് സുരക്ഷയ്ക്ക് മുൻഗണന നൽകുന്ന റോഡ് സേഫ്ടി മിഷന്റെ പ്രധാന പദ്ധതികളിലൊന്നായാണ് കോട്ടയം ആകാശപ്പാത നടപ്പാക്കുന്നതെന്ന് യോഗത്തിൽ പങ്കെടുത്ത ഗതാഗതമന്ത്രി സി.പി. ജോൺ വ്യക്തമാക്കി. ഏറെക്കാലമായി നിർമാണം നിലച്ചുകിടന്ന സാഹചര്യത്തിൽ പദ്ധതി പൂർത്തീകരിക്കുന്നതിനാവശ്യമായ നടപടികൾ അടിയന്തരമായി സ്വീകരിക്കാനാണ് തീരുമാനം. ആകാശപ്പാതയുടെ തുടർനിർമാണത്തിനായി ഈ വർഷത്തെ സംസ്ഥാന ബജറ്റിൽ 15 കോടി രൂപ നീക്കിവച്ചിട്ടുണ്ട്. പദ്ധതി പൂർത്തീകരിക്കാൻ ഇതിലധികം തുക ആവശ്യമായി വന്നാൽ ബാക്കി തുക അനുവദിക്കുന്നതിനായി പ്ലാനിങ് ബോർഡിനെ സമീപിക്കുമെന്നും ഗതാഗതമന്ത്രി അറിയിച്ചു. സാമ്പത്തിക തടസ്സങ്ങൾ മൂലം…

വോട്ടർ പട്ടികയിൽ കൃത്രിമവും വ്യാപകമായി പേരുകൾ നീക്കം ചെയ്തതുമെന്ന ആരോപണങ്ങളിൽ സുതാര്യമായ അന്വേഷണം വേണമെന്ന് പ്രിയങ്ക; ക്രമക്കേടുകൾക്ക് തിരഞ്ഞെടുപ്പ് കമ്മീഷന്റെ സഹായമുണ്ടായെന്ന് തെളിഞ്ഞാൽ അതീവ ഗുരുതരമെന്നും പ്രതികരണം; തീരുമാനങ്ങൾ ഏകകണ്ഠമായിരുന്നുവെന്ന് കമ്മീഷന്റെ വിശദീകരണം. നിലമ്പൂർ: തിരഞ്ഞെടുപ്പ് പ്രക്രിയയുടെ വിശ്വാസ്യത തന്നെ ചോദ്യം ചെയ്യപ്പെടുന്ന സാഹചര്യമുണ്ടായാൽ അത് രാജ്യത്തിന്റെ ജനാധിപത്യ സംവിധാനത്തിന് നേരെയുള്ള ഗുരുതരമായ വെല്ലുവിളിയാണെന്ന് കോൺഗ്രസ് എംപിയും വയനാട് ലോക്സഭാ അംഗവുമായ പ്രിയങ്ക ഗാന്ധി വാദ്ര. തിരഞ്ഞെടുപ്പ് നീതിപൂർവവും സുതാര്യവുമായിരിക്കേണ്ടത് ജനാധിപത്യത്തിന്റെ അടിസ്ഥാനമാണെന്നും, അതിൽ കൃത്രിമമോ ക്രമക്കേടോ നടന്നുവെന്ന ആരോപണം ഉയർന്നാൽ അതിനെ അതീവ ഗൗരവത്തോടെ അന്വേഷിക്കണമെന്നും അവർ ആവശ്യപ്പെട്ടു. നിലമ്പൂരിൽ മാധ്യമങ്ങളോട് സംസാരിക്കുകയായിരുന്നു പ്രിയങ്ക. തിരഞ്ഞെടുപ്പുകൾ തന്നെ നീതിപൂർവമല്ലാതാകുകയും അത്തരമൊരു സാഹചര്യം സൃഷ്ടിക്കുന്നതിൽ തിരഞ്ഞെടുപ്പ് കമ്മീഷന്റെ ഭാഗത്തുനിന്ന് സഹായമുണ്ടാകുകയും ചെയ്താൽ അത് ജനാധിപത്യ സംവിധാനത്തിന്റെ അടിത്തറയെ ബാധിക്കുന്ന വിഷയമാണെന്ന് പ്രിയങ്ക പറഞ്ഞു. ക്രമക്കേടുകളെക്കുറിച്ച് ബന്ധപ്പെട്ട ഉന്നത…

സ്വകാര്യ വ്യക്തിയുടെ പണം ഉപയോഗിച്ച് കെഎസ്ആർടിസിക്ക് ബസ് വാങ്ങുന്നത് ചരിത്രത്തിൽ ആദ്യം; അങ്കമാലി ഡിപ്പോയിൽനിന്ന് അതിരപ്പിള്ളിയെ തെക്കൻ കേരളവുമായി ബന്ധിപ്പിക്കുന്ന സർവീസ് നടത്തണമെന്ന അഭ്യർഥനയും ജോസ് മുന്നോട്ടു വെച്ചു.  തിരുവനന്തപുരം: കേരളത്തിന്റെ പൊതുഗതാഗത മേഖലയ്ക്ക് മാതൃകാപരമായ കൈത്താങ്ങുമായി അങ്കമാലി മൂക്കന്നൂർ സ്വദേശി ജോസ്. കെഎസ്ആർടിസിക്ക് പുതിയ ബസ് വാങ്ങുന്നതിനായി 40 ലക്ഷം രൂപയാണ് വ്യവസായിയായ ജോസ് സംഭാവന നൽകിയത്. ഒരു സ്വകാര്യ വ്യക്തി സ്വന്തം നിലയിൽ കെഎസ്ആർടിസിക്ക് ബസ് വാങ്ങുന്നതിനായി പണം നൽകുന്നത് കോർപറേഷന്റെ ചരിത്രത്തിൽ ഇതാദ്യമാണ്. മുഖ്യമന്ത്രിയുടെ ചേംബറിൽ നടന്ന ചടങ്ങിൽ ജോസ് 40 ലക്ഷം രൂപയുടെ ചെക്ക് മുഖ്യമന്ത്രി വി.ഡി. സതീശന് കൈമാറി. ഗതാഗത മന്ത്രി സി.പി. ജോൺ, ഉന്നത വിദ്യാഭ്യാസ മന്ത്രി റോജി എം. ജോൺ, കെഎസ്ആർടിസി സിഎംഡി ഡോ. പി.എസ്. പ്രമോജ് ശങ്കർ എന്നിവരും ചടങ്ങിൽ പങ്കെടുത്തു. ജോസിൽനിന്ന് ചെക്ക് സ്വീകരിച്ച…

കൊച്ചി: വടകര എംഡിഎംഎ കേസിലെ മൂന്നാം പ്രതിയും കൂരാച്ചുണ്ട് സ്വദേശിനിയുമായ കാവ്യക്ക് ഹൈക്കോടതി കർശന ഉപാധികളോടെ ജാമ്യം അനുവദിച്ചു. കഴിഞ്ഞ ജൂലൈ 25 മുതൽ റിമാൻഡിൽ കഴിയുകയായിരുന്ന കാവ്യയുടെ ജാമ്യാപേക്ഷ പരിഗണിച്ച ജസ്റ്റിസ് കൗസർ എടപ്പഗത്തിന്റെ ബെഞ്ചാണ് ഉപാധികളോടെ ജാമ്യം അനുവദിച്ചത്. കേസിലെ അന്വേഷണം ഏറെക്കുറെ പൂർത്തിയായതും അന്വേഷണവുമായി ബന്ധപ്പെട്ട പ്രധാന തൊണ്ടിമുതലുകൾ ഇതിനകം കണ്ടെടുത്തതും കോടതി പരിഗണിച്ചു. കാവ്യയ്ക്ക് മുൻപ് ക്രിമിനൽ പശ്ചാത്തലമില്ലെന്ന കാര്യവും കോടതി കണക്കിലെടുത്തു. ഈ സാഹചര്യത്തിൽ അന്വേഷണത്തിന്റെ പേരിൽ ഹരജിക്കാരിയെ തുടർന്നും തടവിൽ പാർപ്പിക്കേണ്ട ആവശ്യമില്ലെന്ന വിലയിരുത്തലിലാണ് ജാമ്യം അനുവദിച്ചത്. കർശന വ്യവസ്ഥകളോടെയാണ് കോടതി കാവ്യയ്ക്ക് ജാമ്യം അനുവദിച്ചിരിക്കുന്നത്. ഒരു ലക്ഷം രൂപയുടെ ബോണ്ടും തുല്യ തുകയ്ക്കുള്ള രണ്ട് ആൾജാമ്യവും ഹാജരാക്കണം. എല്ലാ ശനിയാഴ്ചകളിലും അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നും നിർദേശിച്ചിട്ടുണ്ട്. കേസുമായി ബന്ധപ്പെട്ട സാക്ഷികളെ നേരിട്ടോ അല്ലാതെയോ സ്വാധീനിക്കാനോ ഭീഷണിപ്പെടുത്താനോ…

ആദ്യഘട്ടത്തിൽ എഫ്‌ഐആർ രജിസ്റ്റർ ചെയ്യില്ല; രേഖകളും മൊഴികളും പരിശോധിച്ച് 30 ദിവസത്തിനകം പ്രാഥമിക അന്വേഷണ റിപ്പോർട്ട് സമർപ്പിക്കാൻ നിർദേശം തിരുവനന്തപുരം: സിഎംആർഎൽ–എക്‌സാലോജിക് സാമ്പത്തിക ഇടപാടുകളുമായി ബന്ധപ്പെട്ട ആരോപണങ്ങളിൽ മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയൻ ഉൾപ്പെടെയുള്ളവർക്കെതിരായ പ്രാഥമിക അന്വേഷണത്തിനായി പ്രത്യേക അന്വേഷണ സംഘം (എസ്‌ഐടി) രൂപീകരിച്ചു. ക്രൈം ബ്രാഞ്ച് എസ്‌പി വിക്രമനാണ് അന്വേഷണ ചുമതല. മൂന്ന് ഡിവൈഎസ്‌പിമാർ, അഞ്ച് ഇൻസ്‌പെക്ടർമാർ, സൈബർ വിഭാഗത്തിലെ ഉദ്യോഗസ്ഥർ എന്നിവരടങ്ങുന്ന സംഘമാണ് അന്വേഷണം നടത്തുക. എൻഫോഴ്‌സ്‌മെന്റ് ഡയറക്ടറേറ്റ് (ഇഡി) സംസ്ഥാന പൊലീസ് മേധാവിക്ക് കൈമാറിയ വിവരങ്ങളുടെയും രേഖകളുടെയും അടിസ്ഥാനത്തിലാണ് സർക്കാർ അന്വേഷണ നടപടികളിലേക്ക് കടന്നത്. സിഎംആർഎല്ലും പിണറായി വിജയന്റെ മകൾ ടി. വീണയുടെ ഉടമസ്ഥതയിലുണ്ടായിരുന്ന എക്‌സാലോജിക് സൊല്യൂഷൻസും തമ്മിലുള്ള സാമ്പത്തിക ഇടപാടുകളാണ് അന്വേഷണത്തിന്റെ പ്രധാന പരിധിയിൽ വരുന്നത്. ഇഡി ഉന്നയിച്ച ആരോപണങ്ങൾ ഇതുവരെ അന്വേഷണത്തിലൂടെയോ കോടതി നടപടികളിലൂടെയോ തെളിയിക്കപ്പെട്ടിട്ടില്ല.…