Author: പി പി ചെറിയാൻ

നോർത്ത് കരോലിന:നോർത്ത് കരോലിനയിലെ ക്യാമ്പ് ലെജ്യൂണിനടുത്തുള്ള ഗ്യാസ് സ്റ്റേഷനിൽ കാറിൽ മരിച്ച നിലയിൽ കണ്ടെത്തിയ മൂന്ന് യു.എസ് നാവികർ കാർബൺ മോണോക്സൈഡ് വിഷബാധയേറ്റ് മരിച്ചതായി അധികൃതർ അറിയിച്ചു.ലാൻസ് കോർപ്പറൽ റാങ്കിലുള്ള മൂവരും, ഒക്‌ലയിലെ പൊട്ടവറ്റോമിയിലെ മെറാക്‌സ് ഡോക്കറി (23), വിസ്‌കിലെ മാഡിസണിൽ നിന്നുള്ള ടാനർ കാൾട്ടൻബെർഗ് (19), ഫ്‌ലായിലെ നേപ്പിൾസിൽ നിന്നുള്ള ഇവാൻ ഗാർസിയ (23) എന്നിവരാണെന്ന് തിരിച്ചറിഞ്ഞു. നോർത്ത് കരോലിനയിലെ ജാക്‌സൺവില്ലെ, മരിച്ച സൈനികരിൽ ഒരാളുടെ അമ്മയിൽ നിന്നാണ് ഞായറാഴ്ച രാവിലെ ദാരുണമായ കണ്ടെത്തലിലേക്ക് നയിച്ച മിസ്സിംഗ് കോൾ വന്നതെന്നും ഉദ്യോഗസ്ഥർ വെളിപ്പെടുത്തി. പെൻഡർ കൗണ്ടി ഷെരീഫിന്റെ ഓഫീസിന് രാവിലെ 8:30 ന് തൊട്ടുമുമ്പ് കോൾ ലഭിച്ചു, തന്റെ മറൈൻ മകൻ തലേദിവസം രാത്രി ഒക്‌ലഹോമയിലേക്കുള്ള ഷെഡ്യൂൾ ചെയ്ത വിമാനത്തിൽ ഒരിക്കലും വന്നിട്ടില്ലെന്ന് സ്ത്രീ റിപ്പോർട്ട് ചെയ്തു, ഔട്ട്‌ലെറ്റ് റിപ്പോർട്ട് ചെയ്തു. ഷെരീഫിന്റെ ഓഫീസ് പിന്നീട്…

ഷിക്കാഗോ: കേരളാ അസോസിയേഷൻ ഓഫ് ഷിക്കാഗോയുടെ വാർഷിക പിക്‌നിക്കും രണ്ടാമത് ചെണ്ടമേള മത്സരവും സംയുക്തമായി ഏപ്രിൽ 22-ാം തീയതി വുഡ്‌റിഡ്ജ് കസ്റ്റാൽഡോ പാർക്കിൽ വച്ച് ഗംഭീരമായി കൊണ്ടാടി. രാവിലെ 10 മണിക്ക് കേരളീയരുടെ പരമ്പരാഗത വിഭവങ്ങളടങ്ങിയ പ്രഭാതഭക്ഷണത്തോടെ തുടങ്ങിയ പിക്‌നിക്ക് പ്രസിഡന്റ് ആന്റോ കവലയ്ക്കൽ ഉദ്ഘാടനം ചെയ്തു. പങ്കെടുത്ത ആബാലവൃന്ദം ജനങ്ങൾക്ക് രസകരമായ വിവിധ കായിക മത്സരങ്ങൾ നടത്തി അവർക്ക് പ്രോത്സാഹന സമ്മാനങ്ങളും നൽകി. ഉച്ചഭക്ഷണവും ബാർബക്യൂവും ഉണ്ടായിരുന്നു. ഭക്ഷണവും തയാറാക്കുന്നതിന് ജോസഫ് ചാണ്ടിയുടെ നേതൃത്വത്തിൽ സുനിൽ കിടങ്ങയിൽ, സൈജു കിടങ്ങയിൽ, തമ്പിച്ചൻ ചെമ്മാച്ചേൽ, സന്തോഷ് അഗസ്റ്റിൻ, രാജു മാധവൻ തുടങ്ങിയവർ പ്രവർത്തിച്ചു. പ്രോഗ്രാമിൽ സൗണ്ട് സിസ്റ്റം നൽകിയത് ഏഞ്ചൽ വോയ്‌സായിരുന്നു. സൗണ്ട് എൻജിനീയറും, ഗായകരുമായ ജോസഫ് നടുന്തോട്ടം, പീറ്റർ കൊല്ലപ്പള്ളി, ജോർജ് പണിക്കർ തുടങ്ങിയവർ വിവിധ ഗാനങ്ങൾ ആലപിച്ച് സദസ്യരെ ആനന്ദിപ്പിച്ചു. ഉച്ചകഴിഞ്ഞ് ചെണ്ടമേള മത്സരം…

സാൻഫ്രാൻസിസ്കോ : ജനഹൃദയങ്ങൾ കീഴടക്കിയ കേരളത്തിന്റെ മുൻ മുഖ്യമന്ത്രിയും ജനനായകനുമായിരുന്ന ഉമ്മൻ ചാണ്ടിയുടെ നിര്യാണത്തിൽ ഓവർസീസ് ഇന്ത്യൻ കൾച്ചറൽ കോൺഗ്രസ് യുഎസ്എയുടെ (ഒഐസിസി യൂഎസ്‌എ) സാൻഫ്രാൻസിസ്കോ ചാപ്റ്ററിന്റെ നേതൃത്വത്തിൽ അനുസ്മരണ സമ്മേളനം നടത്തി. ജൂലൈ 23 നു ഞായറാഴ്ച വൈകുന്നേരം വൈസ് പ്രസിഡണ്ട് തോമസ് പട്ടരുമഡിന്റെ ഭവനാങ്കണത്തിൽ കൂടിയ സമ്മേളനം സാൻഫ്രാൻസിസ്‌കോയിലെ  പ്രമുഖരുടെ സാന്നിധ്യം കൊണ്ട് ശ്രദ്ധേയമായി. ഉമ്മൻ ചാണ്ടി ചേർത്ത് പിടിച്ചവരും, ഉമ്മൻ ചാണ്ടിയെ ചേർത്ത് പിടിച്ചവരും പിടിച്ചവരുമായിരുന്നു പ്രസംഗകരിൽ ഭൂരിഭാഗവും. സമ്മേളനം ആരംഭിക്കുന്നതിന് മുമ്പ് അന്തരിച്ച നേതാവിനോടുള്ള ആദര സൂചകമായി മൗനമാചരിച്ചു. ചാപ്റ്റർ പ്രസിഡണ്ട് അനിൽ ജോസഫ് മാത്യു അധ്യക്ഷത വഹിച്ചു. താൻ കെ എസ് യു പ്രസ്ഥാനത്തിൽ സജീവമായി പ്രവർത്തിക്കുന്ന സമയം മുതൽ ഉമ്മൻ ചാണ്ടിയുമായുള്ള അടുത്ത ബന്ധം അനിൽ മാത്യു എടുത്തു പറഞ്ഞു. ഒരു വിശുദ്ധനെ പോലെ പോലെ ജീവിച്ച, എല്ലാവരെയും…

കോട്ടയം: അന്തരിച്ച മുൻ മുഖ്യമന്ത്രിയും കോൺഗ്രസ് നേതാവുമായ ഉമ്മൻചാണ്ടിയുടെ മരണാനന്തര ചടങ്ങുകളോടനുബന്ധിച്ച് 9-ാം സ്മൃതിദിനമായ ഇന്ന് ജൂലൈ 26-ന് രാവിലെ ഉമ്മൻചാണ്ടിയുടെ അന്ത്യവിശ്രമസ്ഥലമായ പുതുപ്പള്ളി സെന്റ് ജോർജ്ജ് ഓർത്തഡോക്‌സ് വലിയ പള്ളിയിൽ കുര്‍ബാനയും ഖബറിടത്തില്‍ ധൂപപ്രാർഥനയും നടത്തി. കോട്ടയം ഭദ്രാസനാധിപൻ യൂഹാനോൻ മാർ ദിയസ്കോറോസിന്റെ മുഖ്യ കാര്‍മ്മികത്വത്തിലായിരുന്നു ചടങ്ങ്. കുന്നംകുളം ഭദ്രാസനാധിപതി ഗീവർഗീസ് മാർ യൂലിയോസ്, പള്ളി വികാരി വർഗീസ് തുടങ്ങി നിരവധി വൈദികർ ചടങ്ങിൽ പങ്കെടുത്തു. ഉമ്മൻ ചാണ്ടിയുടെ ഭാര്യ മറിയാമ്മ, മക്കളായ ചാണ്ടി ഉമ്മൻ, മറിയം ഉമ്മൻ അച്ചു ഉമ്മൻ എന്നിവർ കുർബാനയിലും പ്രാർത്ഥനയിലും പങ്കെടുത്തു. ഒന്‍പതാം ഓര്‍മ്മ ദിനമായ ഇന്ന് ഉമ്മൻ ചാണ്ടിയുടെ കല്ലറ സന്ദർശിക്കാൻ നിരവധി ആളുകളാണ് എത്തിയത്. ബസേലിയോസ് തോമസ് പ്രഥമൻ കാതോലിക്കാ ബാവയും, ഉമ്മന്‍ ചാണ്ടിയുടെ മരണത്തില്‍ ദുഃഖാര്‍ദ്രരായ കുടുംബത്തെ ആശ്വസിപ്പിക്കാന്‍ യാക്കോബായ സഭ അധ്യക്ഷൻ ബസേലിയോസ് തോമസ്…

മാഞ്ചസ്റ്റര്‍: രാഷ്ട്രീയ കേരളത്തിന് തീരാനഷ്ടം സൃഷ്ടിച്ചുകൊണ്ട് വേർപിരിഞ്ഞുപോയ ജനപ്രിയ നേതാവും മുൻ മുഖ്യമന്ത്രിയുമായിരുന്ന ഉമ്മൻ ചാണ്ടിയുടെ നിര്യാണത്തിൽ അനുശോചിച്ച് മാഞ്ചസ്റ്ററിലെ ഇന്ത്യൻ ഓവർസീസ് കോൺഗ്രസ് പ്രവർത്തകർ അനുസ്മരണ യോഗം സംഘടുപ്പിച്ചു. മാഞ്ചസ്റ്റർ കത്തീഡ്രൽ യാർഡിലെ മഹാത്മാ ഗാന്ധി സ്തൂപത്തിന് മുന്നിലാണ് ചടങ്ങ് സംഘടിപ്പിച്ചത്. രാഷ്ട്രീയ എതിരാളികളാൽ ഇത്രയേറെ വേട്ടയാടപ്പെട്ടിട്ടും അവരോട് ക്ഷമിച്ചും പരിഭവങ്ങളില്ലാതെ സ്നേഹിക്കുകയും ചെയ്ത ഉമ്മൻ ചാണ്ടിയോടുള്ള ആദരവ് പ്രകടമാക്കാൻ, അഹിംസ വാദിയായ മഹാത്മാജിയുടെ സ്തൂപം ഉൾകൊള്ളുന്ന ഇടമാണ് അനുസ്മരണ യോഗ വേദിയായി തിരഞ്ഞെടുത്തതെന്ന് ചടങ്ങുകൾക്ക് നേതൃത്വം നൽകിയ IOC (UK) കേരള ചാപ്റ്റർ ഭാരവാഹി റോമി കുര്യാക്കോസ് പറഞ്ഞു. മൗന പ്രാർത്ഥയോടെ ആരംഭിച്ച അനുസ്മരണ ചടങ്ങിൽ അംഗങ്ങൾ ഉമ്മൻ ചാണ്ടിയുടെ ഛായാചിത്രത്തിന് മുന്നിൽ പുഷ്പാർച്ചന നടത്തി. വിവിധ കമ്മിറ്റികളെ പ്രതിനിധീകരിച്ച് സോണി ചാക്കോ, ജിപ്സൺ ഫിലിപ്പ് ജോർജ്, ബേബി ലൂക്കോസ്, അഖിൽ ജോസ്, സച്ചിൻ…

മലപ്പുറം: സർക്കാർ പ്രഖ്യാപിച്ച 97 താൽകാലിക ബാച്ചുകൾ പ്രതിസന്ധിക്ക് പരിഹാരമല്ലെന്നും ആവശ്യമായ സ്ഥിരംബാച്ചുകൾ അനുവദിക്കുന്നവിധം മലബാർ സ്പെഷൽ പാക്കേജ് നടപ്പിലാക്കണമെന്നും വെൽഫെയർ പാർട്ടി മലപ്പുറം ജില്ലകമ്മിറ്റി ആവശ്യപ്പെട്ടു. മലപ്പുറത്തും മലബാറിലും പ്ലസ് വൺ സീറ്റുകൾ ഇപ്പോഴും ഒഴിഞ്ഞു കിടക്കുകയാണെന്നും രാഷ്ട്രീയ പ്രേരിതമായാണ് ചിലർ പ്രതിസന്ധി ഉന്നയിക്കുന്നതെന്നുമാണ് ദേശാഭിമാനിയും ഇടതുപക്ഷവും എസ് എഫ് ഐ യും ഇതുവരെ പ്രചരിപ്പിച്ചിരുന്നത്. ആ ഇടതുപ്രചാരണം വ്യാജമായിരുന്നുവെന്നാണ് സർക്കാരിപ്പോൾ പ്രഖ്യാപിച്ച താൽക്കാലിക ബാച്ചുകൾ വ്യക്തമാക്കുന്നത്. നിലവിൽ അനുവദിച്ച 97 താൽക്കാലിക ബാച്ചുകൾകൊണ്ടും പരിഹരിക്കുന്നതിനേക്കാൾ കുട്ടികളാണ് സീറ്റില്ലാതെ പുറത്ത് നിൽക്കുന്നത്. അതിനാൽ ഈ യാഥാർഥ്യം ഉൾക്കൊണ്ട് അടുത്ത ബജറ്റിൽ സ്ഥിരംപരിഹാര പാക്കേജ് പ്രഖ്യാപിക്കുകയാണ് സർക്കാർ ചെയ്യേണ്ടത്. ജില്ലാ പ്രസിഡണ്ട് നാസർ കീഴുപറമ്പ് അധ്യക്ഷത വഹിച്ചു. ജനൽ സെക്രട്ടറി കെ വി സഫീർഷാ, മുനീബ് കാരക്കുന്ന്, കൃഷ്ണൻ കുനിയിൽ, വഹാബ് വെട്ടം, നസീറ ബാനു, സുഭദ്ര…

മങ്കട: അൺ എയ്ഡഡ്‌ സ്കൂളുകളിൽ കനത്ത ഫീസ്‌ നൽകി പഠിക്കേണ്ടി വരുന്ന വിദ്യാർത്ഥികൾക്കായി ഫ്രറ്റേണിറ്റി മൂവ്‌മെന്റ്‌ മങ്കട മണ്ഡലം കമ്മിറ്റി മങ്കട ടൗണിൽ പിച്ചയെടുക്കൽ സമരം സംഘടിപ്പിച്ചു. ചേരിയം ഗവ. ഹൈസ്കൂൾ ഹയർ സെക്കണ്ടറിയായി ഉയർത്തുകയും മങ്കട മണ്ഡലത്തിൽ നിലവിലുള്ള ഹയർ സെക്കണ്ടറികളിലെ ഭൗതിക സാഹചര്യങ്ങൾ വിലയിരുത്തി പുതിയ സ്ഥിരം ബാച്ചുകൾ അനുവദിക്കണമെന്നും ഫ്രറ്റേണിറ്റി മൂവ്‌മെന്റ്‌ മങ്കട മണ്ഡലം പ്രസിഡന്റ്‌ ഡോ. നബീൽ അമീൻ സമരത്തെ അഭിസംബോധനം ചെയ്ത്‌ ആവശ്യപ്പെട്ടു. ഫ്രറ്റേണിറ്റി മൂവ്‌മെന്റ്‌ മങ്കട മണ്ഡലം സെക്രട്ടറി ഹനീന പി.കെ, മണ്ഡലം കമ്മിറ്റി അംഗങ്ങളായ അഷ്ഫാഖ്‌ എൻ, ഹമ്ന സി.എച്ച്‌, ഹാനിഷ്‌ എൻ.കെ, ഖലീലുറഹ്മാൻ, നസ്‌ല പി.കെ, നിസ്‌വ ചേരിയം, സഫ സാദിഖ്‌ എന്നിവർ നേതൃത്വം നൽകി.

ബെയ്ജിംഗ്: ചൈനയിൽ ഒരു മാസമായി കാണാതായ വിദേശകാര്യ മന്ത്രി ക്വിൻ ഗെംഗിനെ സ്ഥാനത്തുനിന്ന് നീക്കി. 2022 ഡിസംബറിലാണ് ക്വിൻ ഗെങ് ചൈനയുടെ വിദേശകാര്യ മന്ത്രിയായത്. 10 വർഷമായി വിദേശകാര്യ മന്ത്രിയായിരുന്ന വാങ് യിയെ മാറ്റിയാണ് ഗെങ് ചുമതലയേറ്റത്. ജൂൺ 25 മുതൽ അദ്ദേഹത്തെ പൊതുസ്ഥലങ്ങളിൽ കാണാനില്ലായിരുന്നു. പ്രസിഡന്റ് ഷി ജിൻപിംഗ് ഉടൻ തന്നെ മാ ഷാക്‌സുവിനെ പുതിയ വിദേശകാര്യ മന്ത്രിയാക്കുമെന്ന് വിശ്വസിക്കപ്പെടുന്നു. നിലവിൽ മുതിർന്ന നയതന്ത്രജ്ഞനായ അദ്ദേഹം വിദേശകാര്യ മന്ത്രാലയത്തിൽ രണ്ടാം സ്ഥാനത്താണ്. ചൈനയുടെ വിദേശകാര്യ മന്ത്രി ക്വിൻ ഗെങ് ജൂലൈ 4 ന് യൂറോപ്യൻ യൂണിയന്റെ വിദേശ നയ മേധാവി ജോസഫ് ബോറെലുമായി കൂടിക്കാഴ്ച നടത്താനിരുന്നെങ്കിലും യോഗം പെട്ടെന്ന് മാറ്റി. രണ്ട് ദിവസം മുമ്പാണ് ഇക്കാര്യം ബോറെലിനെ അറിയിച്ചത്. യോഗം നീട്ടി വെയ്ക്കാനുള്ള കാരണവും വ്യക്തമാക്കിയിട്ടില്ല.