കണ്ണൂര്: കുടലിലെ അപൂര്വ മുഴയ്ക്ക് ചികിത്സ തേടിയെത്തിയ വിവിന് (യഥാര്ത്ഥ പേരല്ല) എന്ന കാസര്കോട് സ്വദേശിയായ 13 കാരന് മംഗളുരുവിലെ കെ എം സി ആശുപത്രിയിലെ വിദഗ്ധ ഡോക്ടര്മാരുടെ ഇടപെടല് മൂലം ജീവിതത്തിലേക്ക് മടങ്ങിവന്നു. ഇന്ഫ്ളമേറ്ററി മയോഫൈബ്രോബ്ലാസ്റ്റിക് ട്യൂമര് (ഐഎംടി) എന്ന അസുഖം വിവിന് ഉണ്ടെന്ന് ഡോക്ടര്മാര് കണ്ടെത്തുകയും ശസ്ത്രക്രിയക്കു വിധേയനാക്കുകയും ചെയ്യുകയായിരുന്നു. കുട്ടികളെയും യുവാക്കളെയും ബാധിക്കുന്ന അപൂര്വമായ രോഗമാണ് ഐഎംടി. ഏറ്റവും മികച്ച ചികിത്സ തേടുന്നതിനായി വിവിന്റെ മാതാപിതാക്കള് ആരംഭിച്ച യാത്ര മംഗളൂരുവിലെ കെഎംസി ആശുപത്രിയിലാണ് അവസാനിച്ചത്. വിവിന്റെ അവസ്ഥ വിലയിരുത്താന് ആശുപത്രിയിലെ വിവിധ വിഭാഗങ്ങളിലുള്ള ഡോക്ടര്മാര് അടങ്ങിയ പ്രത്യേക സംഘം വിദഗ്ധ പരിശോധനകളും തുടര്ന്ന് ശസ്ത്രക്രിയയും നിര്ദേശിക്കുകയായിരുന്നു. മാതാപിതാക്കള് അതിന് സമ്മതിച്ചതോടെ ലാപ്രോസ്കോപ്പിക് ശസ്ത്രക്രിയയിലൂടെ മുഴ നീക്കം ചെയ്തു. ശരീര ഭാരം കുറയുന്നത് അടക്കമുള്ള ലക്ഷണങ്ങള് കണ്ടതോടെ നടത്തിയ അള്ട്രാസൗണ്ട് സ്കാനിംങില് കുടലിലെ മുഴ…
13കാരന്റെ കുടലില് നിന്ന് അപൂര്വ മുഴ നീക്കം ചെയ്തു
