Author: .

കോന്നി: ശ്വാസതടസ്സത്തെ തുടർന്ന് ചികിത്സ തേടിയെത്തിയ 16 വയസുകാരിക്ക് 88 വയസുള്ള മറ്റൊരു രോഗിയുടെ എക്സ്റേ മാറി നൽകിയ സംഭവത്തിൽ കോന്നി മെഡിക്കൽ കോളേജിൽ ഗുരുതര വീഴ്ചയുണ്ടായതായി പ്രാഥമിക അന്വേഷണ റിപ്പോർട്ട്. തെറ്റായ എക്സ്റേയുടെ അടിസ്ഥാനത്തിൽ പെൺകുട്ടിക്ക് നട്ടെല്ലിന് വളവുണ്ടെന്ന് വിലയിരുത്തി ചികിത്സ നിർദേശിക്കുകയും നാലു ദിവസത്തോളം മരുന്ന് കഴിപ്പിക്കുകയും ചെയ്തതായാണ് പരാതി. സംഭവം ഗൗരവമായി പരിഗണിച്ച ആരോഗ്യ മന്ത്രി, വീഴ്ചയ്ക്ക് ഉത്തരവാദികളായവരെ കണ്ടെത്തി കർശന നടപടി സ്വീകരിക്കാൻ മെഡിക്കൽ കോളേജ് സൂപ്രണ്ടിന് അടിയന്തര നിർദേശം നൽകി. സംഭവത്തെക്കുറിച്ച് മെഡിക്കൽ കോളേജ് അധികൃതർ നടത്തിയ പ്രാഥമിക അന്വേഷണത്തിലും എക്സ്റേ മാറിനൽകുന്നതിൽ ഗുരുതര പിഴവ് സംഭവിച്ചതായി കണ്ടെത്തിയിട്ടുണ്ട്. ഡയറക്ടറേറ്റ് ഓഫ് മെഡിക്കൽ എജ്യുക്കേഷന് മെഡിക്കൽ കോളേജ് സൂപ്രണ്ട് നൽകിയ പ്രാഥമിക റിപ്പോർട്ട് പ്രകാരം, രോഗികൾക്ക് എക്സ്റേ വിതരണം ചെയ്യുന്ന കൗണ്ടറിലാണ് പിഴവ് സംഭവിച്ചത്. എന്നാൽ, തെറ്റായ എക്സ്റേ രോഗിയുടെ…

കൊച്ചി: ഫുട്ബോൾ ഇതിഹാസം ലയണൽ മെസ്സിയുടെ പേര് ഉപയോഗിച്ച് സാമ്പത്തിക തട്ടിപ്പ് നടത്തിയെന്ന കേസിൽ അന്വേഷണം കൂടുതൽ വ്യാപിപ്പിക്കാൻ പ്രത്യേക അന്വേഷണ സംഘം (എസ്ഐടി) നീക്കം തുടങ്ങി. കേസുമായി ബന്ധപ്പെട്ട് നടത്തിയ റെയ്ഡുകളിൽ കണ്ടെത്തിയ രേഖകളും വിദേശ കറൻസികളും ഇലക്ട്രോണിക് ഉപകരണങ്ങളും ഡിജിറ്റൽ തെളിവുകളും പരിശോധിച്ചതിന് പിന്നാലെ, കേന്ദ്ര ഏജൻസികളുടെ അന്വേഷണവും ആവശ്യപ്പെടാനാണ് എസ്ഐടി ഒരുങ്ങുന്നതെന്നാണ് വിവരം. എൻഫോഴ്സ്മെന്റ് ഡയറക്ടറേറ്റ് (ഇഡി), കസ്റ്റംസ്, റിസർവ് ബാങ്ക് ഓഫ് ഇന്ത്യ (ആർബിഐ) തുടങ്ങിയ ഏജൻസികൾക്ക് അന്വേഷണവുമായി ബന്ധപ്പെട്ട വിശദമായ റിപ്പോർട്ട് കൈമാറാനാണ് നീക്കം. ഓരോ ഏജൻസിയുടെയും അധികാരപരിധിയിൽ വരുന്ന സാമ്പത്തിക ഇടപാടുകൾ പ്രത്യേകം പരിശോധിക്കേണ്ട സാഹചര്യമുണ്ടെന്നാണ് അന്വേഷണ സംഘത്തിന്റെ വിലയിരുത്തൽ. റെയ്ഡുകളിൽ പിടിച്ചെടുത്ത രേഖകൾ, അക്കൗണ്ടുകളുമായും സാമ്പത്തിക ഇടപാടുകളുമായും ബന്ധപ്പെട്ട വിവരങ്ങൾ, വിദേശ കറൻസികൾ, മൊബൈൽ ഫോണുകൾ ഉൾപ്പെടെയുള്ള ഇലക്ട്രോണിക് ഉപകരണങ്ങൾ, മറ്റ് ഡിജിറ്റൽ രേഖകൾ എന്നിവയുടെ വിശദാംശങ്ങൾ…

തിരുവനന്തപുരം: സംസ്ഥാനത്തെ വിവിധ കലാലയ, പോളിടെക്‌നിക്, സ്കൂൾ പാർലമെന്റ് തെരഞ്ഞെടുപ്പുകളിൽ എസ്.എഫ്.ഐ നേടിയ മുന്നേറ്റം ഇടതുപക്ഷത്തിന്റെ തിരിച്ചുവരവിന്റെ സൂചനയാണെന്ന് പ്രതിപക്ഷ നേതാവ് പിണറായി വിജയൻ. തെരഞ്ഞെടുപ്പ് ഫലങ്ങളോട് സമൂഹമാധ്യമത്തിലൂടെ പ്രതികരിച്ച അദ്ദേഹം, ഒരു തെരഞ്ഞെടുപ്പ് പരാജയത്തോടെ ഒന്നും അവസാനിക്കുന്നില്ലെന്ന സന്ദേശമാണ് യുവതലമുറ നൽകുന്നതെന്ന് അഭിപ്രായപ്പെട്ടു. പ്രഖ്യാപിക്കപ്പെട്ട ഫലങ്ങൾ പ്രകാരം കേരള സർവകലാശാലയ്ക്ക് കീഴിലുള്ള 71 കോളജുകളിൽ 62 ഇടത്തും എസ്.എഫ്.ഐ യൂണിയൻ നേടിയതായി സംഘടന അവകാശപ്പെട്ടു. കണ്ണൂർ സർവകലാശാലയ്ക്ക് കീഴിലുള്ള 77 കോളജുകളിൽ 53 ഇടത്തും സംഘടന വിജയിച്ചതായാണ് കണക്ക്. സംസ്ഥാനത്തെ 55 പോളിടെക്‌നിക്കുകളിൽ 45 എണ്ണത്തിലും എസ്.എഫ്.ഐ മുന്നേറ്റം നേടിയതായും സംഘടന അറിയിച്ചു. സ്കൂൾ പാർലമെന്റ് തെരഞ്ഞെടുപ്പുകളിലും മികച്ച പ്രകടനം കാഴ്ചവെച്ചതായി എസ്.എഫ്.ഐ നേതൃത്വം അവകാശപ്പെട്ടു. തെരഞ്ഞെടുപ്പ് നടന്ന 699 സ്കൂളുകളിൽ 604 ഇടത്ത് ഭൂരിപക്ഷം നേടിയെന്നാണ് സംഘടന പുറത്തുവിട്ട കണക്ക്. കഴിഞ്ഞ മൂന്ന് മാസത്തെ…

വാഷിംഗ്ടൺ: റഷ്യയിൽ നിന്ന് വൻതോതിൽ എണ്ണയും പ്രകൃതിവാതകവും വാങ്ങുന്ന രാജ്യങ്ങൾക്കെതിരെ കടുത്ത വ്യാപാര നടപടി സ്വീകരിക്കാൻ വഴിതുറന്ന് യുഎസ് പ്രസിഡന്റ് ഡൊണാൾഡ് ട്രംപ് പുതിയ റഷ്യ-ഇറാൻ ഉപരോധ നിയമത്തിൽ ഒപ്പു വെച്ചു. ഇന്ത്യയും ചൈനയും ഉൾപ്പെടെയുള്ള റഷ്യൻ ഊർജത്തിന്റെ പ്രധാന ഉപഭോക്താക്കൾക്ക് 100 ശതമാനം വരെ തീരുവ ചുമത്താൻ യുഎസ് പ്രസിഡന്റിന് അധികാരം നൽകുന്നതാണ് നിയമത്തിലെ ഏറ്റവും നിർണായക വ്യവസ്ഥ. ഇതോടെ റഷ്യയിൽ നിന്നുള്ള എണ്ണ ഇറക്കുമതി തുടരുന്ന രാജ്യങ്ങൾക്കെതിരെ വാഷിംഗ്ടൺ സാമ്പത്തിക സമ്മർദം ശക്തമാക്കുമോ എന്നതാണ് ആഗോളതലത്തിൽ ഉയരുന്ന പ്രധാന ചോദ്യം. ഇന്ത്യയും ചൈനയും റഷ്യൻ ക്രൂഡ് ഓയിലിന്റെ പ്രധാന വാങ്ങുന്ന രാജ്യങ്ങളായതിനാൽ പുതിയ നിയമത്തിന്റെ തുടർനടപടികൾ ഇരുരാജ്യങ്ങൾക്കും നിർണായകമാകും. പുതിയ നിയമം പാസായതോടെ ഇന്ത്യൻ ഉൽപ്പന്നങ്ങൾക്ക് ഉടൻ 100 ശതമാനം തീരുവ നിലവിൽ വന്നു എന്ന പ്രചാരണം ശരിയല്ല. റഷ്യയിൽ നിന്ന് വലിയ തോതിൽ…

വാഷിംഗ്ടൺ: ലോകത്തിലെ ഏറ്റവും വലിയ ദ്വീപായ ഗ്രീൻലാൻഡിനെ അമേരിക്കയുടെ നിയന്ത്രണത്തിലാക്കണമെന്ന യുഎസ് പ്രസിഡന്റ് ഡൊണാൾഡ് ട്രംപിന്റെ ദീർഘകാല നിലപാടിന് പുതിയൊരു വഴിത്തിരിവ്. ഗ്രീൻലാൻഡിലെ സുരക്ഷ ശക്തിപ്പെടുത്തുന്നതുമായി ബന്ധപ്പെട്ട് അമേരിക്കയും ഡെൻമാർക്കും ഗ്രീൻലാൻഡും പുതിയ ധാരണയിലെത്തിയിരിക്കുകയാണ്. ഗ്രീൻലാൻഡിന്റെ ഉടമസ്ഥാവകാശമോ പരമാധികാരമോ അമേരിക്കയ്ക്ക് കൈമാറുന്ന കരാറല്ല ഇത്. എന്നാൽ ആർട്ടിക് മേഖലയിലെ യുഎസ് സൈനിക സാന്നിധ്യവും സുരക്ഷാ പങ്കാളിത്തവും കൂടുതൽ ശക്തിപ്പെടുത്താൻ പുതിയ ധാരണ വഴിയൊരുക്കും. സെപ്റ്റംബർ 18ന് കരാർ പ്രഖ്യാപിച്ച ട്രംപ്, ഗ്രീൻലാൻഡിന്റെ സുരക്ഷയുമായി ബന്ധപ്പെട്ട കാര്യങ്ങളിൽ അമേരിക്കയ്ക്ക് “സ്ഥിരമായ നിയന്ത്രണം” ലഭിക്കുമെന്നാണ് അവകാശപ്പെട്ടത്. ഗ്രീൻലാൻഡിനെയും അമേരിക്കയെയും സംരക്ഷിക്കുന്നതിന് ആവശ്യമായ നടപടികൾ സ്വീകരിക്കാൻ യുഎസിന് ദീർഘകാല ശേഷി ഉറപ്പാക്കുന്ന ധാരണയാണിതെന്നും അദ്ദേഹം പറഞ്ഞു. ഗ്രീൻലാൻഡിൽ അമേരിക്കയുടെ സൈനിക സാന്നിധ്യം കൂടുതൽ വിപുലീകരിക്കുന്നതിനുള്ള നടപടികൾ ആരംഭിക്കുമെന്നും ട്രംപ് പ്രഖ്യാപിച്ചിട്ടുണ്ട്. എന്നാൽ ഡെൻമാർക്കും ഗ്രീൻലാൻഡും കരാറിനെ അവതരിപ്പിച്ച രീതി ട്രംപിന്റെ വിശദീകരണത്തേക്കാൾ…

വാഷിംഗ്ടണ്‍: പ്രമുഖ അമേരിക്കൻ മാധ്യമങ്ങളായ സിഎൻഎൻ, എംഎസ് നൗ, പൊളിറ്റിക്കോ എന്നിവയ്ക്ക് വൈറ്റ് ഹൗസിൽ വിലക്കേർപ്പെടുത്തിയതായി പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. തന്റെ ഭരണകൂടത്തെക്കുറിച്ച് തുടർച്ചയായി തെറ്റായ വാർത്തകൾ പ്രസിദ്ധീകരിക്കുന്നുവെന്നാരോപിച്ചാണ് നടപടിയെന്ന് ട്രംപ് വ്യക്തമാക്കി. ട്രൂത്ത് സോഷ്യലിലൂടെയാണ് ട്രംപ് തീരുമാനം ആദ്യം പ്രഖ്യാപിച്ചത്. കാഴ്ചക്കാരുടെ എണ്ണവും വിശ്വാസ്യതയും കുറഞ്ഞതിനെ തുടർന്നാണ് എംഎസ്എൻബിസി അടുത്തിടെ എംഎസ് നൗ എന്ന് പേരുമാറ്റിയതെന്ന് അദ്ദേഹം പരിഹസിച്ചു. മുൻ പ്രസിഡന്റ് ജോ ബൈഡന്റെ ഭരണകാലത്ത് പൊളിറ്റിക്കോയ്ക്ക് എട്ട് ദശലക്ഷം ഡോളറിന്റെ സർക്കാർ സബ്സ്ക്രിപ്ഷൻ ലഭിച്ചിരുന്നുവെന്നും ഇതിൽ അഴിമതിയുണ്ടെന്നും ട്രംപ് ആരോപിച്ചു. പ്രസിഡന്റിനെയും ഭരണകൂടത്തെയും കുറിച്ച് തെറ്റായ വിവരങ്ങൾ നിരന്തരം റിപ്പോർട്ട് ചെയ്യുന്നത് അനുവദിക്കാനാകില്ലെന്നാണ് ട്രംപിന്റെ നിലപാട്. സമാനമായ രീതിയിൽ പ്രവർത്തിക്കുന്ന മറ്റ് മാധ്യമങ്ങൾക്കെതിരെയും നടപടി ഉണ്ടായേക്കാമെന്നും അദ്ദേഹം മുന്നറിയിപ്പ് നൽകി. പിന്നീട് ഓവൽ ഓഫിസിൽ മാധ്യമപ്രവർത്തകരോട് സംസാരിച്ച ട്രംപ് തീരുമാനത്തെ ന്യായീകരിച്ചു. വിലക്കേർപ്പെടുത്തിയ…

₹10 ലക്ഷം കാഷ് പ്രൈസുകൾ ₹1 ലക്ഷം ഗ്രാൻഡ് പ്രൈസ് സൗജന്യ പ്രസംഗപരിശീലനവും മെൻറ്റെറിംഗും വേൾഡ് മലയാളി ഫെഡറേഷൻറ്റെ സജീവ സഹകരണത്തോടെ ആഗോള മത്സരം ഇത്തവണ മുതൽ സബ് ജൂനിയർ വിഭാഗവും ഫിലാഡൽഫിയ: ലോകമെമ്പാടുമുള്ള മലയാളി സ്കൂൾ–കോളേജ് വിദ്യാർത്ഥികളുടെ പ്രസംഗശേഷി, ഭാഷാപാടവം, ആശയവിനിമയ മികവ്, ആത്മവിശ്വാസം, നേതൃത്വഗുണങ്ങൾ എന്നിവ വളർത്തുക എന്ന ലക്ഷ്യത്തോടെ ഓർമ്മ ഇന്റർനാഷണൽ സംഘടിപ്പിക്കുന്ന അന്താരാഷ്ട്ര പ്രസംഗമത്സരം സീസൺ 4 (2026–27)- ൻറ്റെ രജിസ്ട്രേഷൻ സെപ്റ്റംബർ 15-ന് ആരംഭിച്ചു. ഡിസംബർ 15 വരെ നീളുന്ന ആദ്യ റൗണ്ടിൽ പങ്കെടുക്കുന്നവർ രജിസ്ട്രേഷനോടൊപ്പം മൂന്നു മിനിറ്റിൽ കവിയാത്ത പ്രസംഗവീഡിയോ സമർപ്പിക്കണം. സബ് ജൂനിയർ, ജൂനിയർ, സീനിയർ വിഭാഗങ്ങളിലായി മലയാളത്തിലും ഇംഗ്ലീഷിലുമാണ് മത്സരം. മൂന്ന് ഘട്ടങ്ങളിലൂടെ മികച്ച പ്രകടനം കാഴ്ചവയ്ക്കുന്ന മത്സരാർത്ഥികളെ കണ്ടെത്തി, ഓരോ ഘട്ടത്തിലും സൗജന്യ പ്രസംഗപരിശീലനവും മെൻറ്റെറിംഗും നൽകി അവരുടെ കഴിവുകൾ കൂടുതൽ മികവുറ്റതാക്കിയ ശേഷമാണ്…