Author: പ്രശാന്ത്, ന്യൂഡല്‍ഹി

വേങ്ങര : “ക്ഷേമനിധി ഔദാര്യമല്ല അവകാശമാണ്” എന്ന തലക്കെട്ടിൽ ടൈലറിംഗ് & ഗാർമെന്റ് വർക്കേഴ്സ് യൂണിയൻ – എഫ് ഐടിയു സംസ്ഥാനവ്യാപകമായി ഫെബ്രുവരി 1-28 ന് സംഘടിപ്പിക്കുന്ന മെമ്പർഷിപ്പ് ക്യാമ്പയിന്റെ മലപ്പുറം ജില്ലാ തല ഉദ്ഘാടനം വേങ്ങര മണ്ഡലത്തിലെ കണ്ണമംഗലം മുതുവിൽ കുണ്ടിൽ എഫ് ഐ ടി യു ജില്ലാ സെക്രട്ടറി സക്കീന വേങ്ങരയുടെ വീട്ടുമുറ്റത്ത് വെച്ച് നടന്ന പരിപാടിയിൽ 15 പേർ മെമ്പർഷിപ്പ് എടുത്തു എഫ് ഐ ടി യു ജില്ലാ പ്രസിഡന്റ് ഖാദർ അങ്ങാടിപ്പുറം നിർവഹിച്ചു. കഴിഞ്ഞ കുറെ കാലങ്ങളായി തയ്യൽ തൊഴിലാളി ക്ഷേമനിധി ബോർഡിൽ സോഫ്റ്റ്‌വെയർ അപ്ഡേഷൻ മൂലം പലതരത്തിലുള്ള ബുദ്ധിമുട്ടുകളാണ് തൊഴിലാളികൾ നേരിട്ടത്. അംശാദായ അടവിലും പലിശയിലും അമിതമായ തുകയാണ് സോഫ്റ്റ്‌വെയറിൽ കാണിക്കുന്നത്. കുടിശിക ഇല്ലാത്ത തൊഴിലാളികൾ കുടിശിക അടക്കണമെന്നും കോവിഡ് കാലത്ത് ഒഴിവാക്കപ്പെട്ട പിഴ പലിശ അടയ്ക്കണമെന്നും കാണിക്കുന്ന അപാകതകൾ…

തിരുവനന്തപുരം: കായിക മേഖലയിലേയ്ക്ക് ഡിഫറന്റ് ആര്‍ട് സെന്ററിന്റെ പുതിയ ചുവടുവയ്പുമായി ടേബിള്‍ ടെന്നീസ് പരിശീലനത്തിന് തുടക്കം കുറിച്ചു. ഇന്നലെ (ബുധന്‍) നടന്ന ചടങ്ങില്‍ കായികതാരം കെ.എം ബീനാമോള്‍ ഭിന്നശേഷിക്കാരുടെ ലോക ടെന്നീസ് ടൂര്‍ണമെന്റില്‍ ഇന്ത്യയെ പ്രതിനിധീകരിച്ച 15വയസ്സുകാരനായ ആരോണ്‍ അജിത്തിനോടൊപ്പം ടേബിള്‍ ടെന്നീസ് കളിച്ചാണ് പദ്ധതിക്ക് തുടക്കം കുറിച്ചത്. പാരാലിംപിക്‌സ്, ദേശീയ അന്തര്‍ദ്ദേശീയ മത്സരങ്ങള്‍ എന്നിവയില്‍ പങ്കെടുപ്പിക്കുന്നതിന് ഭിന്നശേഷിക്കുട്ടികളെ പ്രാപ്തരാക്കുക എന്ന ലക്ഷ്യമാണ് പദ്ധതിക്ക് പിന്നിലുള്ളത്. കായിക മേഖലയിലും ഭിന്നശേഷിക്കാര്‍ തങ്ങളുടെ കഴിവുകള്‍ പ്രദര്‍ശിപ്പിച്ച് കൂടുതല്‍ അംഗീകാരങ്ങള്‍ നേടിയെടുത്ത് രാജ്യത്തിന് അഭിമാനമാകണമെന്ന് ബീനാമോള്‍ ഉദ്ഘാടനത്തിനിടെ പറഞ്ഞു. ഇതിനായി ഡിഫറന്റ് ആര്‍ട് സെന്റര്‍ കുട്ടികള്‍ക്ക് നല്‍കുന്ന സൗകര്യങ്ങള്‍ പ്രശംസിക്കപ്പെടേണ്ടതാണെന്ന് അവര്‍ കൂട്ടിച്ചേര്‍ത്തു. ഡിഫറന്റ് ആര്‍ട് സെന്റര്‍ എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാട് അദ്ധ്യക്ഷത വഹിച്ച ചടങ്ങില്‍ ബീനാമോള്‍ ആരോണ്‍ അജിത്തിനെ പൊന്നാട അണിയിച്ചും മെമെന്റോ നല്‍കിയും ആദരിച്ചു. സെന്ററില്‍…

പാലക്കാട്: നെന്മാറക്കടുത്ത് പോത്തുണ്ടിയിൽ ജാമ്യത്തിലിറങ്ങിയ കൊലക്കേസ് പ്രതി ചെന്താമര നടത്തിയ ഇരട്ടക്കൊലപാതകത്തിൽ നെന്മാറ പൊലീസ് സ്റ്റേഷൻ്റെ ചുമതലയുള്ള പൊലീസ് ഇൻസ്പെക്ടർ മഹേന്ദ്ര സിംഹനെ സസ്പെന്‍ഡ് ചെയ്തു. ജില്ലാ പോലീസ് മേധാവി വി. അജിത് കുമാർ നൽകിയ റിപ്പോർട്ടിനെ തുടർന്നാണ് സിംഹനെ സസ്‌പെൻഡ് ചെയ്തത്. ജാമ്യ വ്യവസ്ഥകൾ ലംഘിച്ച് പരാതി നൽകിയിട്ടും ചെന്താമരയ്‌ക്കെതിരെ പോലീസ് നടപടിയെടുക്കാത്തതിനെ കുറിച്ച് അഡീഷണൽ ഡയറക്ടർ ജനറൽ ഓഫ് പോലീസ് (ലോ ആൻഡ് ഓർഡർ) മനോജ് എബ്രഹാം ജില്ലാ പോലീസ് മേധാവിയോട് റിപ്പോർട്ട് തേടിയിരുന്നു. ജാമ്യത്തിലിറങ്ങിയ ശേഷം ഒരു മാസത്തിലേറെയായി നെന്മാറയിൽ താമസിച്ച് ജാമ്യ വ്യവസ്ഥ ലംഘിച്ച് ചെന്താമരയ്‌ക്കെതിരെ നടപടിയെടുക്കുന്നതിൽ സിംഹൻ പരാജയപ്പെട്ടുവെന്ന് അജിത് കുമാർ റിപ്പോർട്ടിൽ പറയുന്നു. നെന്മാറ പൊലീസ് സ്റ്റേഷൻ പരിധിയിൽ പ്രവേശിക്കരുതെന്ന വ്യവസ്ഥയിലാണ് ചെന്താമരയെ കോടതി ജാമ്യത്തിൽ വിട്ടയച്ചത്. തിങ്കളാഴ്ച അമ്മ ലക്ഷ്മിയോടൊപ്പം ചെന്താമര കൊലപ്പെടുത്തിയ സുധാകരൻ, നെന്മാറയിലെ വീട്ടിൽ…

ഫ്ളോറിഡ: ഫോമ റീജിയണല്‍ വൈസ്‌ പ്രസിഡന്റ്‌ ജോമോന്‍ ആന്റണിയുടെ നേതൃത്വത്തിലുള്ള ഫോമ സണ്‍ഷൈന്‍ റീജിയന്റെ 2024-26 ലേക്കുള്ള കമ്മിറ്റിയുടെ പ്രവര്‍ത്തനോദ്ഘാടനം ജനുവരി 25-ന്‌ വൈകിട്ട്‌ അഞ്ചു മണിക്ക്‌ ടാമ്പായിലെ സെന്റ്‌ ജോസഫ്‌ സീറോ മലബാര്‍ കാത്തലിക്‌ ചര്‍ച്ച്‌ ഓഡിറ്റോറിയത്തില്‍ വച്ച്‌ വിപുലമായ പരിപാടികളോടെ പ്രൗഢഗംഭിരമായി നടത്തപ്പെട്ടു. ഫോമയുടെ സമുന്നതരായ നേതാക്കള്‍ക്കൊപ്പം സണ്‍ഷൈന്‍ റീജിയനിലെ എല്ലാ അംഗ സംഘടനകളുടേയും സമ്പൂര്‍ണ്ണ പ്രാതിനിധ്യവും, ടാമ്പാ മലയാളികളുടെ നിറസാന്നിധ്യവും കൂടി ഒത്തുചേര്‍ന്ന്‌ ഈ മഹനീയ ചടങ്ങ്‌ അവിസ്മരണീയമാക്കി. വര്‍ണ്ണശബളമായ ഘോഷയാത്രയില്‍ താളമേളങ്ങളുടെ അകമ്പടിയോടുകൂടി വിശിഷ്ടാതിഥികളെ സമ്മേളന നഗറിലേക്ക്‌ സ്വീകരിച്ചാനയിച്ചു. ജോമോന്‍ ആന്റണി അദ്ധ്യക്ഷത വഹിച്ച സമ്മേളനത്തില്‍ നാഷണൽ കമ്മിറ്റി മെമ്പര്‍ ടിറ്റോ ജോൺ സ്വാഗതം ആശംസിച്ചു. ഫോമാ പ്രസിഡന്റ്‌ ബേബി മണക്കുന്നേല്‍ ഉദ്ഘാടന കര്‍മ്മം നിര്‍വഹിച്ചു. ഫോമ എന്ന സംഘടനക്ക് സണ്‍ഷൈന്‍ റീജിയൻ നല്‍കുന്ന പിന്തുണയ്ക്ക്‌ അദ്ദേഹം പ്രത്യേകം നന്ദി അറിയിച്ചു.…

താമ്പാ: ഹോളി ചൈല്‍ഡ്ഹുഡ് മിനിസ്ട്രി (തിരുബാല സഖ്യം) യുടെ ആഭിമുഖ്യത്തില്‍ താമ്പാ സേക്രഡ് ഹാര്‍ട്ട് ക്നാനായ കത്തോലിക്കാ ഫൊറോനാ ദേവാലയത്തില്‍ ഹോളി ചൈല്‍ഡ്ഹുഡ് ദിനം സംഘടിപ്പിച്ചു. ഇടവക വികാരി ഫാ. ജോസ് ആദോപ്പിള്ളില്‍ അര്‍പ്പിച്ച വിശുദ്ധ കുര്‍ബാനയോടെ പരിപാടികള്‍ ആരംഭിച്ചു. കുട്ടികള്‍ക്കായി ഗോഡ് ഓഫ് വേര്‍ഡ് ചലഞ്ച്, പെയിന്റിങ്, പ്രസംഗ മത്സരങ്ങള്‍ നടത്തുകയും സമ്മാനങ്ങള്‍ നല്‍കുകയും ചെയ്തു. ഹോളി ചൈല്‍ഡ്ഹുഡ് മിനിസ്ട്രി കോര്‍ഡിനേറ്റര്‍ സിസ്റ്റര്‍ അമൃതാ എസ്.വി.എം., സണ്‍ഡേ സ്‌കൂള്‍ പ്രിന്‍സിപ്പല്‍ സാലി കുളങ്ങര, സണ്‍ഡേ സ്‌കൂള്‍ അധ്യാപകര്‍ എന്നിവര്‍ പരിപാടികള്‍ക്ക് നേതൃത്വം നല്‍കി.

ഹൂസ്റ്റണ്‍: ഹൃദയഹാരിയായ നഗരമാണ് ഹൂസ്റ്റണ്‍. കനത്ത മഞ്ഞുവീഴ്ചമൂലം ഈയിടെ നഗരജീവിതം സ്തംഭിക്കുകയുണ്ടായി. നിരത്തില്‍ വാഹനങ്ങള്‍ ഒന്നും ഇല്ലായിരുന്നു എന്ന് പറഞ്ഞാല്‍ അത് ഒട്ടും അതിശയോക്തിയാവില്ല. സിറ്റി അധികൃതര്‍ ജനങ്ങളോട് വീട്ടില്‍തന്നെ കഴിയുവാന്‍ നിര്‍ദേശം നല്‍കിയിരുന്നു. അത് പാലിക്കപ്പെടുകയും ചെയ്തു. വായനയുടെയും എഴുത്തിന്റെയും സ്വതന്ത്ര ചിന്തയുടെയും കേദാരവും മലയാള സാഹിത്യ സ്‌നേഹികളുടെ അമേരിക്കയിലെ പ്രഥമ മലയാളി കൂട്ടായ്മയുമായ, ഹൂസ്റ്റണിലെ കേരള റൈറ്റേഴ്‌സ് ഫോറത്തിന്റെ പ്രതിമാസ യോഗം നിശ്ചയിച്ച പ്രകാരം ചേരാന്‍ കഴിയുമോയെന്ന ആശങ്കയുണ്ടായി. എന്നാല്‍ ഹൂസ്റ്റണില്‍ കാലാവസ്ഥയ്ക്ക് മാറ്റം വന്നു. കൊടും തണുപ്പ് ക്രമേണ കുറഞ്ഞ് അന്തരീക്ഷ താപനില 60 ഡിഗ്രി ഫാരന്‍ഹീറ്റ് വരെയായി ഉയര്‍ന്നു. ലോകത്തെ പരിഭ്രാന്തിയിലാഴ്ത്തിയ കോവിഡിന് ശേഷമുള്ള നീണ്ട ഇടവേളയ്ക്ക് പിന്നാലെ റൈറ്റേഴ്‌സ് ഫോറത്തിന്റെ പുതുവര്‍ഷത്തിലെ മീറ്റിങ്ങുകള്‍ ഹോട്ടലില്‍ ചേരുവാന്‍ തീരുമാനിച്ചിരുന്നു. അതനുസരിച്ച് ഇക്കഴിഞ്ഞ 25-ാം തീയതി ശനിയാഴ്ച കേരള കിച്ചണ്‍ റസ്റ്ററന്റില്‍ റൈറ്റേഴ്‌സ്…

കാലിഫോര്‍ണിയ: അമേരിക്കയിലെ കാലിഫോർണിയയിലുണ്ടായ കാട്ടുതീയെ തുടര്‍ന്ന് പുതിയൊരു ദുരന്തം പൊട്ടിപ്പുറപ്പെടുന്നതായി റിപ്പോര്‍ട്ടുകള്‍. പ്രദേശത്ത് പക്ഷിപ്പനി അതിവേഗം വർദ്ധിച്ചുകൊണ്ടിരിക്കുകയാണെന്ന് റിപ്പോര്‍ട്ടുകള്‍ സൂചിപ്പിക്കുന്നു. ശാസ്ത്രജ്ഞർ H5N9 എന്ന് വിളിക്കുന്ന ഒരു തരം പക്ഷിപ്പനി രോഗബാധിതരായ പക്ഷികളിൽ കണ്ടെത്തി. ഇതാദ്യമായാണ് അമേരിക്കയില്‍ കോഴിയിറച്ചിയില്‍ എച്ച്5എൻ9 കണ്ടെത്തുന്നതെന്ന് യുഎസ് കൃഷി വകുപ്പ് പറഞ്ഞു. ഇത് ഗുരുതരമായ രോഗത്തിന് കാരണമാകുമെന്നും പറയുന്നു. രോഗബാധിത പ്രദേശങ്ങൾ ക്വാറൻ്റൈൻ ചെയ്യുകയും മരണനിരക്ക് വർധിക്കുകയും ചെയ്തു. വർദ്ധിച്ചുവരുന്ന കേസുകൾ കണക്കിലെടുത്ത്, കൊറോണ കാലത്ത് ചെയ്തതുപോലെ, ബാധിത പ്രദേശങ്ങൾ സംസ്ഥാന അധികാരികൾ ക്വാറൻ്റൈൻ ചെയ്തു. കൊറോണ കാലത്ത് ഏതെങ്കിലും പ്രദേശത്ത് രോഗിയെ കണ്ടെത്തിയാൽ ആ സ്ഥലം സീൽ ചെയ്തിരുന്നു. പക്ഷിപ്പനി വൈറസുകളെ ശാസ്ത്രജ്ഞർ തരംതിരിച്ചിരിക്കുന്നത് അവയിൽ അടങ്ങിയിരിക്കുന്ന രണ്ട് പ്രധാന പ്രോട്ടീനുകളെ അടിസ്ഥാനമാക്കിയാണ്, H5 അല്ലെങ്കിൽ H3 പോലുള്ള ഹീമാഗ്ലൂട്ടിനിൻ, N1 അല്ലെങ്കിൽ N9 പോലുള്ള ന്യൂറാമിനിഡേസ്. ഈ രണ്ട്…