Author: ജയപ്രകാശ് നായർ

ഇടക്കാല തിരഞ്ഞെടുപ്പില്‍ റിപ്പബ്ലിക്കൻ പാര്‍ട്ടി വിജയിച്ചാല്‍ ഒരു പ്രധാന സാമ്പത്തിക വാഗ്ദാനം യുഎസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. പ്രായപൂർത്തിയായ ഓരോ അമേരിക്കക്കാരനും 5,000 ഡോളർ നൽകുമെന്നാണ് അദ്ദേഹത്തിന്റെ വാഗ്ദാനം. ഡാളസ്: അമേരിക്കൻ രാഷ്ട്രീയത്തെ ഇളക്കിമറിച്ച ഒരു പ്രത്യേക റിപ്പബ്ലിക്കൻ പാർട്ടി ഇടക്കാല കൺവെൻഷനിൽ യുഎസ് പ്രസിഡന്റ് ഡൊണാൾഡ് ട്രംപ് ഒരു പ്രഖ്യാപനം നടത്തി. നവംബർ തിരഞ്ഞെടുപ്പിന് ശേഷവും റിപ്പബ്ലിക്കൻ പാർട്ടി കോൺഗ്രസിന്റെ ഇരുസഭകളുടെയും നിയന്ത്രണം നിലനിർത്തുകയാണെങ്കിൽ, ഓരോ മുതിർന്ന അമേരിക്കക്കാരനും 5,000 ഡോളർ ലഭിക്കുമെന്ന് ട്രംപ് അവകാശപ്പെട്ടു. ഈ പദ്ധതിയെ അദ്ദേഹം “ട്രംപ് ഡിവിഡന്റ്” എന്നാണ് വിശേഷിപ്പിച്ചത്. ഡാളസിൽ നടന്ന കൺവെൻഷനെ അഭിസംബോധന ചെയ്തുകൊണ്ട് ട്രംപ് തന്റെ അനുയായികളോട് തിരഞ്ഞെടുപ്പില്‍ തന്നെ സ്ഥാനാർത്ഥിയായി കാണണമെന്ന് അഭ്യർത്ഥിച്ചു. റിപ്പബ്ലിക്കൻ വിജയം പൊതുജനങ്ങളുടെ വിജയമായിരിക്കുമെന്നും അവർക്ക് 5,000 ഡോളർ ലഭിക്കുമെന്നും അദ്ദേഹം പ്രഖ്യാപിച്ചു. എന്നാല്‍, ഈ പദ്ധതി സാമ്പത്തികവും…

പെൻസിൽവാനിയ: പെൺകുഞ്ഞിന്റെ കൈകാലുകളും വാരിയെല്ലുകളും ഒടിച്ച സംഭവത്തിൽ പിതാവ് അറസ്റ്റിൽ; കുഞ്ഞിനോട് താൻ അല്പം പരുഷമായി പെരുമാറിയിട്ടുണ്ടാകാമെന്ന് പ്രതിയുടെ മൊഴി. പെൻസിൽവാനിയയിലാണ് നവജാത ശിശുവിന് നേരെ ക്രൂരമായ അതിക്രമമുണ്ടായത്. 31കാരനായ വിൻസെന്റ് മറീനോയാണ് അറസ്റ്റിലായത്. കുട്ടികളുടെ സംരക്ഷണം അപകടത്തിലാക്കിയതിന് ഇയാൾക്കെതിരെ മൂന്ന് ഫെലോണി കുറ്റങ്ങൾ ചുമത്തി. 10 ലക്ഷം ഡോളറാണ് കോടതി ജാമ്യത്തുക നിശ്ചയിച്ചിരിക്കുന്നത്. സെപ്റ്റംബർ 15-ന് കേസിൽ പ്രാഥമിക വാദം കേൾക്കൽ നടക്കും. കൈകൾക്കും കാലുകൾക്കും വാരിയെല്ലുകൾക്കും ഒടിവുകളോടെയാണ് നവജാത ശിശുവിനെ ആശുപത്രിയിൽ പ്രവേശിപ്പിച്ചത്. കുഞ്ഞിന്റെ ശരീരത്തിൽ ഗുരുതരമായ ചതവുകളും കണ്ടെത്തി. ഇതൊരു അപകടമല്ലെന്നും കുട്ടിയെ ക്രൂരമായി ഉപദ്രവിച്ചതാണെന്നും ചൈൽഡ് അബ്യൂസ് വിഭാഗം ഡോക്ടർമാർ സ്ഥിരീകരിച്ചു. തുടക്കത്തിൽ വീട്ടിലെ പൂച്ച ചാടിയതിനെ തുടർന്ന് കുഞ്ഞ് താഴെ വീണതാണെന്നായിരുന്നു പിതാവിന്റെ വാദം. എന്നാൽ പരുക്കുകളുടെ തീവ്രത വിശദീകരിക്കാൻ ഇയാൾക്കായില്ല. പിന്നീട്, കുഞ്ഞിനോട് താൻ അല്പം പരുഷമായി പെരുമാറിയിട്ടുണ്ടാകാമെന്ന്…

കേരള സെന്റർ സെപ്തംബർ 5 ന് സ്വന്തം ഓഡിറ്റോറിയത്തിൽ വച്ച് വിവിധ കലാപരിപാടികളോട് കൂടി ഓണം ആഘോഷിച്ചു. കേരള സെന്റർ ജോയിന്റ് സെക്രട്ടറി മേരി ഫിലിപ്പിന്റെ ആമുഖത്തോടുകൂടി യോഗം ആരംഭിച്ചു. വിശിഷ്ട അതിഥികളും സെന്റർ ഭാരവാഹികളും ചേർന്ന് നിലവിളക്കു കൊളുത്തി കലാപരിപാടികൾക്ക് തുടക്കം കുറിച്ച് താലപ്പൊലി ചെണ്ടമേളം എന്നിവയുടെ അകമ്പടിയോട് കൂടി വിശിഷ്ടാഥിതികളും ഭാരവാഹികളും ചേർന്ന് മഹാബലിയെ വേദിയിലേക്ക് സ്വീകരിച്ചാനയിച്ചു. മാവേലി മന്നന്റെ ഓണസന്ദേശത്തിനു ശേഷം ഉഷ ജോർജിന്റെയും ഡോ. അന്നാ ജോർജിന്റെയും നേതൃത്വത്തിൽ നടന്ന തിരുവാതിരയും അർച്ചന ഫിലിപ്പ്‌ ഒരുക്കിയ കുട്ടികളുടെ ഡാൻസും മനോഹരമായ ദൃശ്യാനുഭവമായി. കേരള സെന്റർ പ്രസിഡന്റ് അലക്‌സ് എസ്തപ്പാൻ എല്ലാവർക്കും സ്വാഗതം ആശംസിച്ചു. ഓണദിവസത്തെ സന്തോഷവും ഐക്യവും എന്നും നിലനിർത്തുവാൻ അദ്ദേഹം എല്ലാവരോടും ആഹ്വാനം ചെയ്തു. മുഖ്യാഥിതി ന്യൂയോർക്ക് ഗവർണറുടെ ഓഫീസിലെ ഏഷ്യൻ അമേരിക്കൻ & പസഫിക് ഐലൻഡർ അഫയേഴ്സ് ഡയറക്ടർ…

ടെക്സസ് :നോർത്ത് ടെക്സസ് സർവകലാശാലയ്ക്ക് (UNT) ആർട്ടിഫിഷ്യൽ ഇന്റലിജൻസ് (AI) കോളേജ് സ്ഥാപിക്കുന്നതിനായി ഇന്ത്യൻ വംശജരായ അനുരാധ-വികാസ് സിൻഹ ദമ്പതികൾ 20 ദശലക്ഷം ഡോളർ (ഏകദേശം 166 കോടി രൂപ) സംഭാവനയായി നൽകി. ഈ പുതിയ കോളേജിന് ദമ്പതികളുടെ പേരാണ് നൽകിയിരിക്കുന്നത്. ആർട്ടിഫിഷ്യൽ ഇന്റലിജൻസ്, ഡാറ്റ അനലിറ്റിക്സ്, സൈബർ സുരക്ഷ എന്നിവയിൽ ഉന്നത വിദ്യാഭ്യാസം നൽകുന്നതാണ് ഈ പുതിയ സ്ഥാപനം. വിദ്യാർത്ഥികൾക്ക് സ്കോളർഷിപ്പുകൾ നൽകുന്നതിനും നൂതന ഗവേഷണങ്ങൾക്കുമായാണ് ഈ തുക പ്രധാനമായും ഉപയോഗിക്കുന്നത്. കുടിയേറ്റക്കാരായ തങ്ങൾക്ക് വിദ്യാഭ്യാസം നൽകിയ അവസരങ്ങൾ മറ്റുള്ളവർക്കും ലഭ്യമാക്കുകയാണ് ഇതിലൂടെ ലക്ഷ്യമിടുന്നതെന്ന് ദമ്പതികൾ വ്യക്തമാക്കി.

വടക്കാങ്ങര : ‘വെളിച്ചമാണ് തിരുദൂതർ’ തലക്കെട്ടിൽ ജമാഅത്തെ ഇസ്ലാമി വടക്കാങ്ങരയും ഈസ്റ്റ് ജുമാമസ്ജിദ് മഹല്ല് കമ്മിറ്റിയും സംയുക്തമായി ടാലന്റ് പബ്ലിക് സ്കൂൾ ഓപ്പൺ ഓഡിറ്റോറിയത്തിൽ പ്രഭാഷണം സംഘടിപ്പിച്ചു. ശാന്തപുരം അൽജാമിഅ അൽ ഇസ്ലാമിയ പി.ജി ഡീൻ കെ.എം അഷ്റഫ് നീർക്കുന്നം പ്രഭാഷണം നിർവഹിച്ചു. വടക്കാങ്ങര ഈസ്റ്റ് ജുമാമസ്ജിദ് മഹല്ല് പ്രസിഡന്റ് അനസ് കരുവാട്ടിൽ അദ്ധ്യക്ഷത വഹിച്ചു. നേഹ ഫിറോസ് ഖിറാഅത്ത് നടത്തി. ജമാഅത്തെ ഇസ്ലാമി വടക്കാങ്ങര സെൻട്രൽ ഹൽഖ നാസിം സി.പി കുഞ്ഞാലൻ കുട്ടി സ്വാഗതവും ടി ശഹീർ നന്ദിയും പറഞ്ഞു.

കൊച്ചി: കേരളത്തില്‍ സൈബര്‍ കുറ്റകൃത്യങ്ങള്‍ പെരുകുന്നതായി പോലീസ്. ഫെയ്സ്ബുക്കിലും ഇന്‍സ്റ്റാഗ്രാമിലും സ്ത്രീകളുടെയും പെണ്‍കുട്ടികളുടെയും ഫോട്ടോകള്‍ മോര്‍ഫ് ചെയ്ത് പ്രചരിപ്പിക്കുന്ന ഒരു സംഘം തന്നെ കേരളത്തില്‍ വളര്‍ന്നു കൊണ്ടിരിക്കുകയാണ്, പ്രത്യേകിച്ച് കോളേജ് കാമ്പസുകളില്‍ .ഈ സൈബർ കുറ്റകൃത്യ ശൃംഖലകൾ സംസ്ഥാനത്തിന്റെ നിയന്ത്രണത്തിനപ്പുറത്തേക്ക് വളർന്നിരിക്കുന്നതായാണ് പോലീസ് പറയുന്നത്. സ്വഭാവഹത്യ ചെയ്യാനും ബ്ലാക്ക്‌മെയിലിംഗ് ചെയ്യാനും നിരപരാധികളെ ലക്ഷ്യമിടുന്ന ഈ ശൃംഖലകൾക്ക് അന്താരാഷ്ട്ര ബന്ധങ്ങളുണ്ടെന്നാണ് റിപ്പോര്‍ട്ട്. വളരെ ആഴത്തില്‍ വേരൂന്നിയ ഈ ശൃംഖലകൾ തകർക്കാൻ കേന്ദ്ര അന്വേഷണ ഏജൻസികളെ വിന്യസിക്കണം. സോഷ്യൽ മീഡിയ പോലും ഉപയോഗിക്കാത്തവരുടെ ഫോട്ടോകൾ എടുത്ത് ഡിജിറ്റലായി മാറ്റിയാണ് സമൂഹ മാധ്യമങ്ങള്‍ വഴി പ്രചരിപ്പിക്കുന്നത്. തൃക്കാക്കര മോർഫിംഗ് കേസിനും സമാനമായ സംഭവങ്ങൾക്കും ശേഷം, മോർഫിംഗും ഡീപ്പ്ഫേക്കുകളും പലർക്കും ഒരു പേടിസ്വപ്നമായി മാറിക്കൊണ്ടിരിക്കുകയാണ്. വിദേശ സെർവറുകൾ, എൻക്രിപ്റ്റ് ചെയ്ത ആപ്പുകൾ, ക്രിപ്‌റ്റോ കറൻസി അടിസ്ഥാനമാക്കിയുള്ള ഇടപാടുകൾ എന്നിവയാണ് ഈ നെറ്റ്‌വർക്കുകളുടെ പ്രധാന…

തിരുവനന്തപുരം: കെ.എസ്.ആർ.ടി.സി.ക്ക് പുതിയ ബസുകൾ വാങ്ങുന്നതിനും വിതരണം ചെയ്യുന്നതിനുമുള്ള സ്പോൺസർഷിപ്പ് പ്രോഗ്രാമിന്റെ മാര്‍ഗ നിര്‍ദ്ദേശങ്ങള്‍ പുറപ്പെടുവിച്ചു. ഈ സ്കീമിന്റെ ഭാഗമായി വ്യക്തികള്‍ക്കും സ്ഥാപനങ്ങള്‍ക്കും ബസുകള്‍ സ്പോണ്‍സര്‍ ചെയ്യാം. തദ്ദേശ സ്വയംഭരണ സ്ഥാപനങ്ങൾ, സഹകരണ സ്ഥാപനങ്ങൾ, കമ്പനികൾ, ട്രസ്റ്റുകൾ, സാമൂഹിക സംഘടനകൾ, ക്ലബ്ബുകൾ, ബിസിനസ് സ്ഥാപനങ്ങൾ എന്നിവയ്ക്കും സി‌എസ്‌ആർ ഫണ്ട് ഉപയോഗിച്ച് ബസുകൾ സംഭാവന ചെയ്യാം. എസി പ്രീമിയം ബസുകൾ, എസി സീറ്റർ, എസി സ്ലീപ്പർ, സൂപ്പർ-ഫാസ്റ്റ്, ഫാസ്റ്റ് പാസഞ്ചർ ബസുകൾ എന്നിവ സ്വീകരിക്കും. വാഹനങ്ങൾ നേരിട്ട് വാങ്ങാം, അല്ലെങ്കിൽ തുക കോർപ്പറേഷനിലേക്ക് മാറ്റാം. സാമ്പത്തിക സഹായമായി നൽകിയാൽ, ടെൻഡർ നടപടിക്രമങ്ങളിലൂടെ കെ‌എസ്‌ആർ‌ടി‌സി തന്നെ വാഹനം വാങ്ങും. സ്പോൺസർഷിപ്പ് വഴി ലഭിക്കുന്ന ബസുകൾ കെഎസ്ആർടിസി മാനേജിംഗ് ഡയറക്ടറുടെ പേരിലായിരിക്കും രജിസ്റ്റർ ചെയ്യുക. വാഹനത്തിന്റെ അറ്റകുറ്റപ്പണി, ഇൻഷുറൻസ്, ടിക്കറ്റ് വരുമാനം, ജീവനക്കാരുടെ നിയമനം എന്നിവയിൽ കെഎസ്ആർടിസിക്ക് പൂർണ്ണ അധികാരമുണ്ടാകും. സ്പോൺസർമാർ…