Author: Shakir Mongam

മലപ്പുറം: ഷൊർണൂർ-നിലമ്പൂർ റെയിൽപാതയിൽ കൂടുതൽ തീവണ്ടി സർവീസുകൾ അനുവദിക്കണമെന്നാവശ്യപ്പെട്ട് വെൽഫെയർ പാർട്ടി മലപ്പുറം ജില്ലാ കമ്മിറ്റി അങ്ങാടിപ്പുറം റെയിൽവേ സ്റ്റേഷൻ മാസ്റ്റർക്കു നിവേദനം നൽകി. മലപ്പുറം ജില്ലയുടെ പ്രധാന യാത്രാമാർഗങ്ങളിലൊന്നായ ഈ റൂട്ടിൽ വിദ്യാർത്ഥികൾ, തൊഴിൽ അന്വേഷകർ, വ്യാപാരികൾ, വിദേശ യാത്രക്കാർ, തീർഥാടകർ എന്നിവർക്കൊപ്പം ആയിരക്കണക്കിന് യാത്രക്കാർ ദിനംപ്രതി ആശ്രയിക്കുന്നതായിട്ടുണ്ടെങ്കിലും നിലവിലുള്ള തീവണ്ടി സേവനങ്ങൾ പര്യാപ്തമല്ല. യാത്രക്കാരുടെ എണ്ണം വർദ്ധിച്ചു വരികയാണെന്നും, അതിനാൽ കൂടുതൽ ട്രെയിനുകൾ അനുവദിക്കണമെന്നുമാണ് നിവേദനത്തിലുള്ള ആവശ്യം. നിവേദനത്തിൽ ഷൊർണൂർ-നിലമ്പൂർ റൂട്ടിൽ കൂടുതൽ പാസഞ്ചർ/മെമു ട്രെയിനുകൾ അനുവദിക്കണമെന്ന ആവശ്യം ഉന്നയിച്ചു. കൂടാതെ, എറണാകുളം-ഷൊർണൂർ മെമു ട്രെയിൻ നിലമ്പൂർ വരെ നീട്ടണമെന്നും നിലവിൽ പകൽ സമയം നിലമ്പൂരിൽ പാർക്കുന്ന രാജ്യറാണി എക്‌സ്പ്രസിനെ മറ്റ് ദിശകളിലേക്ക് സർവീസ് നടത്താൻ ക്രമീകരിക്കണമെന്നും ആവശ്യപ്പെട്ടു. കോവിഡ് കാലത്ത് റദ്ദാക്കിയ കോട്ടയം എക്‌സ്പ്രസിന്റെ സ്റ്റോപ്പുകൾ പുനഃസ്ഥാപിക്കണമെന്ന് നിവേദനത്തിൽ ചൂണ്ടിക്കാട്ടി. വിദ്യാർത്ഥികൾക്കും തൊഴിൽ…

മലപ്പുറം: ടൈലറിംഗ് & ഗാർമെന്റ് വർക്കേഴ്സ് യൂണിയൻ മലപ്പുറം ജില്ലാ ഭാരവാഹികളെ യൂണിയൻ സംസ്ഥാന ജനറൽ സെക്രട്ടറി ഹനീഫ ഇ എച്ച് മലപ്പുറം സാബിർ അൻസാരി മെമ്മോറിയൽ ഹാളിൽ വച്ച് നടന്ന സംഗമത്തിൽ വച്ച് പ്രഖ്യാപിച്ചു. ജില്ലാ പ്രസിഡന്റ് സെയ്താലി വലമ്പൂർ, സെക്രട്ടറി സമീറ വടക്കാങ്ങര, ട്രഷറർ പിടി അബൂബക്കർ, വൈസ് പ്രസിഡണ്ട് ഷീബ വടക്കാങ്ങര, അബൂബക്കർ പൂപ്പലം, ഖദീജ വേങ്ങര, അസിസ്റ്റന്റ് സെക്രട്ടറി, അനിതാ ദാസ്, സലീജ കീഴുപറമ്പ്, സുരയ്യ കുന്നക്കാവ്. എഫ്ഐടിയു ജില്ലാ പ്രസിഡന്റ് ഖാദർ അങ്ങാടിപ്പുറം പരിപാടിയിൽ അദ്ധ്യക്ഷത വഹിച്ചു. റഹ്മത്ത് പെരിന്തൽമണ്ണ, മുഹ്സിന താനൂര്‍, നസീമ കൊണ്ടോട്ടി എന്നിവർ പരിപാടിക്ക് നേതൃത്വം നൽകി. വാർത്ത: ജില്ലാ കൺവീനർ

തിരുവനന്തപുരം: അക്കാദമിക് മികവിനൊപ്പം വ്യാവസായിക സഹകരണത്തിനും പരിശീലനത്തിനും പ്രാധാന്യം നൽകിക്കൊണ്ട് തൊഴിൽ വിപണിയിലെ അവസരങ്ങൾ പ്രയോജനപ്പെടുത്താൻ യുവാക്കളെ സജ്ജമാക്കുകയാണ് കേരളത്തിന്റെ സംരംഭങ്ങളെന്ന് മുഖ്യമന്ത്രി പിണറായി വിജയൻ പറഞ്ഞു. മാർ ബസേലിയോസ് എഞ്ചിനീയറിംഗ് കോളേജിൽ എപിജെ അബ്ദുൾ കലാം സർവകലാശാലയുടെ എമർജിംഗ് ടെക്നോളജി ഫോർ ഇന്റലിജന്റ് സിസ്റ്റംസ് എന്ന ആദ്യ അന്താരാഷ്ട്ര സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മുഖ്യമന്ത്രി. വളർന്നുവരുന്ന സാങ്കേതികവിദ്യകൾ അവതരിപ്പിക്കുന്ന അവസരങ്ങളോട് കേരളം മുൻകൈയെടുക്കുന്ന സമീപനമാണ് സ്വീകരിക്കുന്നത്. സ്മാർട്ട് സിറ്റികളും ബുദ്ധിപരമായ ഗതാഗതവും മുതൽ കമ്പ്യൂട്ടർ സാങ്കേതികവിദ്യകളും സൈബർ സുരക്ഷയും വരെയുള്ള വിഷയങ്ങൾ സുസ്ഥിരവും നൂതനവുമായ ഒരു ഭാവി രൂപപ്പെടുത്തുന്നതിൽ നിർണായകമാണ്. ക്യാമ്പസ് ഇൻഡസ്ട്രിയൽ പാർക്കുകളും ക്യാമ്പസിലെ വ്യവസായവും പോലുള്ള കേരളത്തിന്റെ ആശയങ്ങൾ സംസ്ഥാനത്തിന്റെ വികസനവും വിദ്യാർത്ഥികളുടെ സംരംഭകത്വ പരിശീലനവും ലക്ഷ്യമിടുന്നുവെന്ന് മുഖ്യമന്ത്രി പറഞ്ഞു. എപിജെ അബ്ദുൾ കലാം ടെക്നോളജിക്കൽ യൂണിവേഴ്സിറ്റിയുടെ എമേർജിംഗ് ടെക്നോളജി ഫോർ…

തിരുവനന്തപുരം: കേരള സർക്കാരിന്റെ ലക്ഷ്യമായ നവകേരള നിർമ്മാണത്തിന് ആവേശകരമായ പുതിയൊരു പ്രചോദനം നൽകുന്ന ഒരു സൃഷ്ടിപരമായ ഇടപെടലാണ് കേരളത്തിന്റെ ഈ വാർഷിക പൊതുബജറ്റ് എന്ന് മുഖ്യമന്ത്രി പിണറായി വിജയൻ പറഞ്ഞു. 2025-26 സാമ്പത്തിക വർഷത്തെ ബജറ്റിൽ, കേന്ദ്ര സർക്കാരിന്റെ കടുത്ത സാമ്പത്തിക വിവേചനം ഉണ്ടായിരുന്നിട്ടും, കഠിനാധ്വാനത്തിലൂടെ കേരളത്തിന്റെ വികസനത്തെയും കേരളീയരുടെ ജീവിത ക്ഷേമത്തെയും ശക്തിപ്പെടുത്തുകയും അത് മുന്നോട്ട് കൊണ്ടുപോകുകയും ചെയ്യുന്ന സമീപനമാണ് കേരളം സ്വീകരിച്ചിരിക്കുന്നതെന്നും അദ്ദേഹം പറഞ്ഞു. ഹ്രസ്വകാല ക്ഷേമ സഹായത്തിനും ദീർഘകാല വികസനത്തിനും ഊന്നൽ നൽകുന്നു. ജനങ്ങളുടെ ഉപജീവനമാർഗ്ഗത്തിന് വിട്ടുവീഴ്ച ചെയ്യാതെ വിഭവങ്ങൾ സമാഹരിക്കുന്നു. വിഭവ സമാഹരണത്തിനായി പുതിയ മേഖലകൾ തിരിച്ചറിയുന്നു. അർഹതപ്പെട്ടതു കേന്ദ്രം തരാതിരിക്കുന്ന സാഹചര്യത്തിലും ജനജീവിതവും നാടിന്റെ വികസനവും ഉപേക്ഷിക്കപ്പെടില്ല എന്നത് ഉറപ്പാക്കുന്നു ഈ ബജറ്റ്. വിലക്കയറ്റത്തിന്റെ ദേശവ്യാപക അന്തരീക്ഷത്തിലും സാധാരണ ഉപഭോക്താക്കളുടെ താല്പര്യങ്ങളെ സംരക്ഷിക്കുന്നു. നവകേരള നിർമ്മിതിക്കും വിജ്ഞാന സമ്പദ്ഘടനാ വികസനത്തിനും…

കൊടുവള്ളി: മർകസ് സാമൂഹ്യക്ഷേമ വകുപ്പ് കൊടുവള്ളി കളരാന്തിരി റഹ്മത്താബാദിൽ നിർമിച്ച കമ്യൂണിറ്റി വാട്ടർ പ്രൊജക്റ്റ് നാളെ(09/02/2025 ഞായർ) നാടിന് സമർപ്പിക്കും. പ്രദേശത്ത് കുടിവെള്ളക്ഷാമം പതിവായ സാഹചര്യത്തിൽ എസ് വൈ എസ് കമ്മിറ്റി ഭാരവാഹികൾ മർകസ് അധികൃതരെ ഉണർത്തിയതിനെ തുടർന്നാണ് ശുദ്ധജല പദ്ധതി ആരംഭിക്കുന്നത്.  നഗരസഭയിലെ എട്ടാം ഡിവിഷനിലെ 15 കുടുംബങ്ങൾക്ക് ഉപകരിക്കുന്ന വിധം നിർമിച്ച പൊതുകിണറും 10000 ലിറ്റർ ടാങ്കും പൈപ്പ് കണക്ഷനുമാണ് നാളെ നടക്കുന്ന ചടങ്ങിൽ ഉദ്ഘാടനം ചെയ്യുന്നത്. സമർപ്പണ ചടങ്ങ് എ കെ സി മുഹമ്മദ് ഫൈസി ഉദ്ഘാടനം ചെയ്യും. കൊടുവള്ളി നഗരസഭ ചെയർമാൻ വെള്ളറ അബ്ദു സ്വിച്ച് ഓൺ കർമം നിർവഹിക്കും. മർകസ് ഡയറക്ടർ സി പി ഉബൈദുല്ല സഖാഫി മുഖ്യ പ്രഭാഷണം നടത്തും. സയ്യിദ് ശിഹാബുദ്ദീൻ തങ്ങൾ കളരാന്തിരി പ്രാർഥനക്ക് നേതൃത്വം നൽകും. പദ്ധതിക്കാവശ്യമായ സ്ഥലം സൗജന്യമായി നൽകിയ വി പി…

ബോൾട്ടൻ: യു കെ പ്രവാസി മലയാളി സമൂഹത്തെ പ്രതിനിധീകരിക്കുന്ന പ്രമുഖ സംഘടനയായ ഓവർസീസ് ഇന്ത്യൻ കൾച്ചറൽ കോൺഗ്രസ്‌ (ഓ ഐ സി സി) – ക്ക്‌ മാഞ്ചസ്റ്ററിലെ ബോൾട്ടനിൽ ഓഫീസ് കെട്ടിടവും വായനശാലയും ഒരുങ്ങുന്നു. ഫെബ്രുവരി 14ന് യു കെയിൽ തന്റെ ആദ്യ യൂറോപ്യൻ സന്ദർശനത്തിനെത്തുന്ന പാലക്കാട്‌ എം എൽ എയും യൂത്ത് കോൺഗ്രസ് സംസ്ഥാന അദ്ധ്യക്ഷനുമായ രാഹുൽ മാങ്കൂട്ടത്തിൽ എം എൽ എ ഓ ഐ സി സി ഓഫീസ് കെട്ടിടത്തിന്റെയും പ്രിയദർശിനി വായനശാലയുടെയും ഉദ്ഘാടനം നിർവഹിക്കും. യു കെയിലെ ഓ ഐ സി സിയുടെ ചുമതല വഹിക്കുന്ന കെ പി സി സി വൈസ് പ്രസിഡന്റ്‌ വി പി സജീന്ദ്രൻ എക്സ് എം എൽ എ, ജനറൽ സെക്രട്ടറി എം എം നസീർ, ഇൻകാസ് മുൻ പ്രസിഡന്റ്‌ മഹാദേവൻ വാഴശ്ശേരിൽ എന്നിവർ ചടങ്ങിൽ മുഖ്യാതിഥികളായി…

വർക്കല: ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക (ഫൊക്കാന) യുടെ യൂത്ത് നാഷണൽ കമ്മിറ്റിയംഗം ആകാശ് അജീഷിന്റെ പിതാമഹി പുന്നമൂട് അജയഭവനിൽ ശാന്തമ്മ (84) അന്തരിച്ചു. ഭർത്താവ്: പരേതനായ കെ.അപ്പുക്കുട്ടൻപിള്ള. മക്കൾ: അജയ് കുമാർ, പ്രദീപ് കുമാർ, അജീഷ് കുമാർ (ഹ്യൂസ്റ്റൻ), അജിത കുമാരി. മരുമക്കൾ: ശ്രീലത, മിനി കുമാരി, ഷിനി കൃഷ്ണ, രാജഗോപാൽ. പരേതയുടെ നിര്യാണത്തിൽ ഫൊക്കാന പ്രസിഡന്റ് സണ്ണി മറ്റമന, ജനറൽ സെക്രട്ടറി എബ്രഹാം ഈപ്പൻ, ട്രഷറർ സണ്ണി ജോസഫ്, ട്രസ്റ്റി ബോർഡ് ചെയർമാൻ ജോസഫ് കുരിയപ്പുറം, എക്സിക്യൂട്ടീവ് വൈസ് പ്രസിഡന്റ് ഡോ. ജേക്കബ് ഈപ്പൻ, ഇന്റർനാഷണൽ കോഓർഡിനേറ്റർമാരായ കല ഷഹി, റെജി കുര്യൻ, അസോസിയേറ്റ് സെക്രട്ടറി റോബർട്ട് അരീചിറ, വൈസ് പ്രസിഡന്റ് ഷാജി ആലപ്പാട്ട്, ജോയിന്റ് സെക്രട്ടറി തമസ് ജോർജ്, പി ആർ ഒ ഷാജി ജോൺ എന്നിവർ അനുശോചിച്ചു.