Author: ?? ?? ???????

ഡർഹാം (നോർത്ത് കരോലിന): നോർത്ത് കരോലിനയിലെ നാലാം കോൺഗ്രഷണൽ ഡിസ്ട്രിക്റ്റിലേക്കുള്ള ഡെമോക്രാറ്റിക് പ്രൈമറി തിരഞ്ഞെടുപ്പിൽ പുരോഗമന ചിന്താഗതിക്കാരിയായ നിദ അല്ലം പരാജയം സമ്മതിച്ചു. നിലവിലെ പ്രതിനിധിയായ വലേരി ഫുഷെയാണ് നേരിയ ഭൂരിപക്ഷത്തിന് വിജയിച്ചത്. 99% വോട്ടുകൾ എണ്ണിക്കഴിഞ്ഞപ്പോൾ ഫുഷെ 49.2 ശതമാനവും നിദ അല്ലം 48.2 ശതമാനവും വോട്ടുകൾ നേടി. ശതകോടീശ്വരന്മാരും ആർട്ടിഫിഷ്യൽ ഇന്റലിജൻസ്  ലോബികളും വൻതോതിൽ പണമൊഴുക്കിയാണ് തന്റെ സീറ്റ് ‘വാങ്ങിയതെന്ന്’ നിദ അല്ലം ആരോപിച്ചു. വൻകിട കോർപ്പറേറ്റ് താൽപ്പര്യങ്ങൾക്കും യുദ്ധക്കൊതിയൻമാരായ ലോബികൾക്കും വഴങ്ങുന്ന ഡെമോക്രാറ്റിക് പാർട്ടി നേതൃത്വത്തിനെതിരെ അവർ ശക്തമായ മുന്നറിയിപ്പ് നൽകി. ഗാസയിലെ കൂട്ടക്കൊലയ്‌ക്കെതിരെ നിലപാടെടുക്കാനും, ഐ.സി.ഇ  നിർത്തലാക്കാനും, എഐ  ഡാറ്റാ സെന്ററുകൾക്ക് നിയന്ത്രണം ഏർപ്പെടുത്താനും വിജയിച്ച വലേരി ഫുഷെയോട് നിദ ആവശ്യപ്പെട്ടു. 2022-ലും ഫുഷെയോട് പരാജയപ്പെട്ട 32-കാരിയായ നിദ അല്ലം, ഇസ്രായേൽ അനുകൂല ഗ്രൂപ്പുകളുടെയും വൻകിട നിക്ഷേപകരുടെയും ഇടപെടലുകൾ കാരണമാണ് തനിക്ക്…

നോർത്ത് കരോലിന:സ്വന്തം ഭർത്താവിനെ വെടിവെച്ചു കൊലപ്പെടുത്തിയ കേസിൽ നോർത്ത് കരോലിന സ്വദേശിനിയായ ഹെതർ ഹിക്സ് ഓമന് ബുധനാഴ്ച  കോടതി ജീവപര്യന്തം തടവുശിക്ഷ വിധിച്ചു. പ്രമുഖ ഫയർഫോഴ്‌സ് ഉദ്യോഗസ്ഥനായിരുന്ന മൈക്കൽ ജെയിംസ് ഓമനെ  2022-ൽ കൊലപ്പെടുത്തിയ കേസിലാണ് ഈ വിധി. 2022 ജൂണിൽ ഇവരുടെ വീട്ടിൽ വെച്ചാണ് മൈക്കൽ വെടിയേറ്റ് മരിച്ചത്. ഭർത്താവ് സ്വയം വെടിവെച്ച് ആത്മഹത്യ ചെയ്തതാണെന്നായിരുന്നു ഹെതർ ആദ്യം പോലീസിനോട് പറഞ്ഞിരുന്നത്. എന്നാൽ ശാസ്ത്രീയ പരിശോധനയിൽ മൈക്കലിന്റെ ശരീരത്തിൽ തോക്കിന്റെ അവശിഷ്ടങ്ങൾ (gunshot residue) കണ്ടെത്താനായില്ല. കൂടാതെ, മൂന്ന് അടിയിൽ കൂടുതൽ അകലെ നിന്നാണ് വെടിയേറ്റതെന്ന് മെഡിക്കൽ റിപ്പോർട്ടുകൾ വ്യക്തമാക്കിയതോടെ ഇത് കൊലപാതകമാണെന്ന് തെളിഞ്ഞു. റാൻഡോൾഫ് കൗണ്ടി കോടതി ഹെതർ കുറ്റക്കാരിയാണെന്ന് കണ്ടെത്തുകയും പരോൾ ഇല്ലാത്ത ജീവപര്യന്തം തടവിന് ശിക്ഷിക്കുകയും ചെയ്തു. 20 വർഷത്തിലധികം സേവനമനുഷ്ഠിച്ച മൈക്കൽ ജെയിംസ് ഓമൻ പ്രദേശത്തെ അറിയപ്പെടുന്ന ഫയർഫോഴ്‌സ് ഉദ്യോഗസ്ഥനായിരുന്നു..

ഡാളസ് : കേരള എക്യുമെനിക്കൽ ക്രിസ്ത്യൻ ഫെല്ലോഷിപ്പ്  ഡാലസിന്റെ ആഭിമുഖ്യത്തിൽ 25-ാമത് ലോക പ്രാർത്ഥനാ ദിനവും സിൽവർ ജൂബിലി ആഘോഷങ്ങളും സംഘടിപ്പിക്കുന്നു. 2026 മാർച്ച് 7 ശനിയാഴ്ച രാവിലെ 9:00 മുതൽ ഉച്ചയ്ക്ക് 12:30 വരെ കാരൾട്ടണിലുള്ള സെന്റ് ഇഗ്നേഷ്യസ് മലങ്കര യാക്കോബായ സുറിയാനി ക്രിസ്ത്യൻ കത്തീഡ്രലിൽ വെച്ചാണ് (2707 Dove Creek Ln, Carrollton, TX 75006) ഈ പ്രാർത്ഥനാ സംഗമം നടക്കുന്നത്. “ഞാൻ നിങ്ങൾക്ക് ആശ്വാസം നൽകും” (മത്തായി 11:28) എന്നതാണ് ഈ വർഷത്തെ ചിന്താവിഷയം. ലൂസിയാനയിലെ റെഡീംഡ് ക്രിസ്ത്യൻ ചർച്ച് ഓഫ് ഗോഡിലെ (RCCG) പ്രമുഖ പ്രഭാഷക അഡെറിൻസോയ് അലോംഗെ  ചടങ്ങിൽ മുഖ്യാതിഥിയായി പങ്കെടുക്കും. ഈ വർഷം പ്രത്യേകമായി നൈജീരിയയ്ക്ക് വേണ്ടി പ്രാർത്ഥിക്കുവാനാണ് ഈ സംഗമം ആഹ്വാനം ചെയ്യുന്നത്. വിവിധ വംശങ്ങളിലും സംസ്കാരങ്ങളിലും പാരമ്പര്യങ്ങളിലും പെട്ട സ്ത്രീകളെ ഒരുമിച്ചു കൊണ്ടുവരിക എന്ന ലക്ഷ്യത്തോടെയാണ്…

അന്തർ ദേശീയ Al സമ്മിറ്റിൽ ചൈനയുടെ റോബോട്ട് അടക്കമുള്ള ഉല്പന്നങ്ങൾ വാങ്ങി ഇന്ത്യയുടെ കണ്ടുപിടിത്തമാണെന്ന് അവതരിപ്പിച്ചുള്ള നാടകം രാജ്യത്തിന് തന്നെ നാണക്കേടായി. കേന്ദ്ര സർക്കാരിൻ്റെ അവാർഡ് നേടിയ യു പി യിലെ ഗൽ കോട്ടിയാസ് യുണിവേഴ്സിറ്റിയാണ് ചൈനീസ് ഉല്പന്നങ്ങൾ വാങ്ങി ഇന്ത്യയുടെ ആണെന്ന് പറഞ്ഞ് പ്രദർശിപ്പിച്ചത്. തുടക്കത്തിൽ പ്രധാനമന്ത്രി അവരെ അനുമോദിക്കുകയും ഫോട്ടോ ഷൂട്ട് നടത്തുകയും ചെയ്തു. പ്രസ്തുത യുണിവേഴ്സിറ്റിയിലെ ഒരു പ്രഫസർ ഒരു ജേർണലിൽ പ്രസിദ്ധീകരിച്ചിരുന്നത് പാത്രം കൊട്ടിയാൽ കൊറോണ പോകുമെന്നാണ്. ആ മണ്ടത്തരം ഏറ്റുപിടിച്ച് സർക്കാർ ദേശീയ തലത്തിൽ പാത്രം കൊട്ടാൻ ആഹ്വാനം ചെയ്തു. സർക്കാർ തലത്തിൽ തന്നെ ശാസ്ത്ര ഉപദേഷ്ടാക്കൾ ഉണ്ട്. അവർക്ക് നിയന്ത്രിക്കാമായിരുന്നു. യൂണിവേഴ്സിറ്റികളെ കുറ്റപ്പെടുത്തിയിട്ട് കാര്യമില്ല. അക്കാഡമിക്ക് രംഗങ്ങൾ രാഷ്ട്രീയ ജാതി മാഫിയകൾ ആണ് നിയന്ത്രിക്കുന്നത്. നല്ല ഗുരുക്കന്മാർ വന്നാൽ മാത്രമേ അടുത്ത തലമുറ രക്ഷപ്പെടു. യൂണിവേഴ്സിറ്റി സിൻഡിക്കേറ്റിൽ ഗുണ്ടകളെയും…

പാലക്കാട്: മുസ്ലിം ലീഗിന്റെ ബിരിയാണി ചലഞ്ചുകളിൽ ഇനി മുതൽ ബീഫ് കാണില്ല എന്നല്ലേ എം എസ് എഫ് ഉയർത്തുന്ന എസ് എഫ് ഐ ക്കെതിരെയുള്ള വിമർശനം! കേരള സ്റ്റോറി 2 സിനിമ ബീഫ് വിവാദ പശ്ചാത്തലത്തിൽ എസ് എഫ് ഐ യുടെ ബീഫ് ഫെസ്റ്റ് ബീഫ് കഴിക്കാത്ത ഹിന്ദുക്കളെ ആർ എസ് എസിന് അനുകൂലമാക്കും എന്ന മുസ്ലിം ലീഗിന്റെ വിദ്യാർത്ഥി സംഘടനയായ എം എസ് എഫിന്റെ വിചിത്ര വാദത്തിൽ ആണ് നാഷണൽ യൂത്ത് ലീഗ് നേതാവ് കെ.വി.അമീറിന്റെ പ്രതികരണം. ഫേസ്ബുക്ക് ൽ നടത്തിയ പ്രതികരണം ഇങ്ങിനെ.. കേരള സ്റ്റോറി2 SFI യുടെ ബീഫ് ഫെസ്റ്റ് ന് എതിരെ മുസ്ലിം ലീഗിന്റെ MSF Rss നെ തൃപ്തിപ്പെടുത്തുന്ന രീതിയിൽ പ്രസ്താവന ഇറക്കുന്നത് ‘കേരള സ്റ്റോറി’ എന്ന മുസ്ലിം വിരുദ്ധ, കേരള വിരുദ്ധ സിനിമക്ക് ഒപ്പം നിൽക്കുന്ന ഏർപ്പാടായി. ബീഫ്…

ആലപ്പുഴ: വണ്ടാനം ഗവൺമെന്റ് മെഡിക്കൽ കോളേജിലെ ശസ്ത്രക്രിയാ പിഴവുമായി ബന്ധപ്പെട്ട് ആരോഗ്യ വകുപ്പ് നടപടി സ്വീകരിച്ചു. ശസ്ത്രക്രിയ നടത്തിയ ഡോക്ടർ ഡോ. ജെ. ഷാഹിദയെയും നഴ്‌സ് പി.എസ്. ധന്യയെയും അന്വേഷണവിധേയമായി സസ്‌പെൻഡ് ചെയ്തു. മെഡിക്കൽ കോളേജ് പ്രിൻസിപ്പൽ സമർപ്പിച്ച പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. റിപ്പോര്‍ട്ട് രാവിലെ തന്നെ കിട്ടിയെന്ന് ആരോഗ്യമന്ത്രി വീണ ജോര്‍ജ് അറിയിച്ചെങ്കിലും പ്രതിഷേധം കടുത്തതോടെ രാത്രിയോടെ ഇരുവരേയും അന്വേഷണ വിധേയമായി സസ്പെന്‍ഡ് ചെയ്യാന്‍ തീരുമാനിക്കുകയായിരുന്നു. ശസ്ത്രക്രിയാ പിഴവിന് ഉത്തരവാദികളായവർക്കെതിരെ കർശന നടപടി സ്വീകരിക്കുമെന്ന് ആരോഗ്യമന്ത്രി വീണ ജോർജ് നേരത്തെ വ്യക്തമാക്കിയിരുന്നു. സംഭവത്തെക്കുറിച്ച് അന്വേഷിക്കാൻ ഒരു വിദഗ്ധ സമിതിയെ നിയോഗിച്ചിട്ടുണ്ട്. ഗൈനക്കോളജി പ്രൊഫസർ, ഫോറൻസിക് വിഭാഗം മേധാവി, തിരുവനന്തപുരം മെഡിക്കൽ കോളേജിലെ സർജറി വിഭാഗത്തിലെ പ്രൊഫസർ എന്നിവർ അന്വേഷണ സംഘത്തിൽ ഉൾപ്പെടുന്നു. അഞ്ചു വർഷത്തോളം വയറ്റിൽ ലോഹവസ്തുവുമായി നരകയാതന അനുഭവിച്ച പുന്നപ്ര സ്വദേശിനി…

തിരുവനന്തപുരം: പ്രമുഖ എ.ഐ ഡിജിറ്റൽ ട്രാൻസ്ഫോർമേഷൻ സൊല്യൂഷൻസ് കമ്പനിയായ യു.എസ്.ടി., തിരുവനന്തപുരം മെഡിക്കൽ കോളേജ് ആശുപത്രിയിലെ ഇൻറേണൽ മെഡിസിൻ വിഭാഗത്തിന് 16 ലക്ഷം രൂപയിൽ അധികം വിലവരുന്ന അൾട്രാസൗണ്ട് സ്കാനിംഗ് മെഷീൻ സംഭാവനയായി നൽകി. യു.എസ്.ടി.യുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (സി എസ് ആർ) ടീമിന്റെ നേതൃത്വത്തിലാണ് അൾട്രാസൗണ്ട് സ്കാനിംഗ് മെഷീൻ കൈമാറിയത്. അതിവേഗം രോഗനിർണയം നടത്താനും തുടർ ചികിത്സ വൈകിപ്പിക്കാതെ രോഗികൾക്ക് ആശ്വാസം ഉറപ്പാക്കാനും യു എസ് ടി സംഭാവന ചെയ്ത ഇ ക്യൂബ് ഐ7 ഹൈഎൻഡ് പോർട്ടബിൾ കളർ ഡോപ്ലർ സംവിധാനത്തിലൂടെ സാധിക്കും. തിരുവനന്തപുരം മെഡിക്കൽ കോളേജ് ആശുപത്രിയിലെ ഇൻറേണൽ മെഡിസിൻ വിഭാഗം വിവിധ സാമൂഹ്യ-സാമ്പത്തിക പശ്ചാത്തലങ്ങളിലുള്ള രോഗികൾക്ക് ചികിത്സ നൽകിവരുന്ന വിഭാഗമാണ്. യു.എസ്.ടി. കൈമാറിയ പോർട്ടബിൾ അൾട്രാസൗണ്ട് മെഷീൻ ഗുരുതരാവസ്ഥയിലുള്ളവർക്കും കിടപ്പുരോഗികൾക്കും അടിയന്തര സാഹചര്യങ്ങളിൽ വളരെ സഹായകപ്രദമാണ്. യു.എസ്.ടി. സംഭാവന ചെയ്ത ഇ…

കൊല്ലം: ശബരിമല സ്വര്‍ണ്ണ മോഷണ കേസില്‍ മുൻ ദേവസ്വം ബോർഡ് പ്രസിഡന്റ് എ. പത്മകുമാറിന് കൊല്ലം വിജിലൻസ് കോടതി ഉപാധികളോടെ ജാമ്യം അനുവദിച്ചെങ്കിലും, ദ്വാരപാലക ശിൽപ കേസിൽ അദ്ദേഹം ജയിലിൽ തന്നെ തുടരും. കട്ടിളപ്പാളി സ്വര്‍ണ്ണ മോഷണ കേസിൽ 90 ദിവസത്തെ റിമാൻഡ് കാലാവധി പൂർത്തിയായതിന് ശേഷം, കുറ്റപത്രം സമർപ്പിക്കുന്നതിൽ എസ്.ഐ.ടി പരാജയപ്പെട്ടുവെന്ന് ചൂണ്ടിക്കാട്ടിയാണ് പത്മകുമാർ സ്വാഭാവിക ജാമ്യം തേടിയത്. സ്വാഭാവിക ജാമ്യം ലഭിച്ചെങ്കിലും ദ്വാരപാലക കേസിൽ റിമാൻഡ് തുടരുന്നതിനാൽ പദ്മകുമാറിന് ജയിലിൽ നിന്ന് പുറത്തിറങ്ങാൻ കഴിയില്ല. ദ്വാരപാലക കേസിൽ 90 ദിവസത്തെ റിമാൻഡ് പൂർത്തിയായാൽ ജാമ്യത്തിനുള്ള നീക്കം നടത്തും. ഇതുവരെ പുറത്തിറങ്ങിയ 6 പ്രതികളിൽ 4 പേർക്ക് സ്വാഭാവിക ജാമ്യം ലഭിച്ചിരുന്നു. കേസിലെ മറ്റൊരു പ്രതിയായ മുൻ ബോർഡ് അംഗം കെ പി ശങ്കരദാസിന്റെ രണ്ട് ജാമ്യാപേക്ഷകളും ഈ മാസം 23 ന് പരിഗണിക്കും. അതേസമയം,…