ന്യൂയോർക്ക്: മാധ്യമ രംഗത്ത് നിരവധി സംഭാവനകൾ നൽകുന്ന വടക്കേ അമേരിക്കയിലെ മലയാളി മാധ്യമ പ്രവർത്തകരുടെ കൂട്ടായ്മയായ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ (ഐ.പി.സി.എൻ.എ) മാധ്യമശ്രീ, മാധ്യമരത്ന, മീഡിയ എക്സലൻസ് പുരസ്കാരങ്ങൾക്കുള്ള നാമനിര്ദ്ദേശത്തിന് വമ്പിച്ച പ്രതികരണം. നവംബർ 30 ആയിരുന്നു നാമനിര്ദ്ദേശം നൽകാനുള്ള സമയ പരിധി. ഇത് ആദ്യമായാണ് ഇത്രയധികം നാമനിര്ദ്ദേശങ്ങള് മാധ്യമ പ്രവർത്തകരിൽ നിന്ന് ലഭിക്കുന്നത്. നാമനിര്ദ്ദേശങ്ങളില് നിന്ന് തിരഞ്ഞെടുക്കപ്പെടുന്നവർക്ക് ജനുവരി 10 നു വൈകുന്നേരം 5 മണിക്ക് കൊച്ചിയിലെ ഗോകുലം കൺവെൻഷൻ സെന്ററിൽ നടക്കുന്ന നിറപ്പകിട്ടാർന്ന ചടങ്ങിൽ പുരസ്ക്കാരങ്ങൾ സമ്മാനിക്കും. സാമൂഹിക – സാംസ്ക്കാരിക – രാഷ്ട്രീയ മാധ്യമ രംഗത്തെ പ്രമുഖർ പങ്കെടുക്കും. മാധ്യമ രംഗത്തെ ഏറ്റവും വലിയ പുരസ്ക്കാര രാവായിരിക്കും ഇവിടെ അരങ്ങേറുക. എഴുത്തുകാരൻ, മുൻ പത്രപ്രവർത്തകൻ എന്നീ നിലകളിൽ ശോഭിച്ച ഇപ്പോൾ നിയമ-വ്യവസായ മന്ത്രിയായ പി. രാജീവ്, റവന്യു മന്ത്രി…
ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ മാധ്യമ പുരസ്കാര നാമനിര്ദ്ദേശത്തിന് വമ്പിച്ച പ്രതികരണം
