വെര്മോണ്ട്: താങ്ക്സ്ഗിവിംഗ് അവധിക്കാല ഒത്തുചേരലിനായി ബർലിംഗ്ടണിലെത്തിയ പലസ്തീൻ വംശജരായ മൂന്ന് യുവാക്കൾക്ക് വെർമോണ്ട് സർവകലാശാലയ്ക്ക് സമീപം വെച്ച് വെടിയേറ്റു. പരിക്കേറ്റ മൂന്നുപേരില് ഒരാളുടെ നില ഗുരുതരമാണെന്ന് ബര്ലിംഗ്ടണ് പോലീസ് പറഞ്ഞു. ആക്രമണം വിദ്വേഷ കുറ്റകൃത്യമായിരിക്കാമെന്ന് അധികൃതർ പറഞ്ഞു. വെടിയേറ്റ മൂന്ന് പേരും വെർമോണ്ട് യൂണിവേഴ്സിറ്റി മെഡിക്കൽ സെന്ററിൽ ചികിത്സയിലാണ്. റോഡ് ഐലൻഡിലെ ബ്രൗൺ യൂണിവേഴ്സിറ്റി വിദ്യാർത്ഥി ഹിഷാം അവർത്താനി, പെൻസിൽവാനിയയിലെ ഹാവർഫോർഡ് കോളജ് വിദ്യാർത്ഥി കിന്നൻ അബ്ദൽഹമിദ്, കണക്റ്റിക്കട്ടിലെ ട്രിനിറ്റി കോളജ് വിദ്യാർത്ഥിയായ തഹ്സീൻ അഹ്മ്മദ് എന്നിവർക്കാണ് വെടിയേറ്റത്. ഇതിൽ രണ്ട് പേരുടെ ആരോഗ്യനില തൃപ്തികരമാണ്. ഒരാളുടെ നില ഗുരുതരമായി തുടരുന്നുവെന്ന് പൊലീസ് അറിയിച്ചു. ശനിയാഴ്ച വൈകുന്നേരം 6:25 ന് യൂണിവേഴ്സിറ്റി ഓഫ് വെര്മോണ്ട് (യുവിഎം) കാമ്പസിന് സമീപമാണ് വെടിവയ്പ്പ് നടന്നതെന്ന് ബർലിംഗ്ടൺ പോലീസ് മേധാവി ജോൺ മുറാദ് പറഞ്ഞു. വെടിവെച്ചയാൾക്കായി പോലീസ് തിരച്ചിൽ നടത്തുകയാണെന്നും അദ്ദേഹം…
വെര്മോണ്ടില് കോളേജ് വിദ്യാര്ത്ഥികളായ മൂന്ന് ഫലസ്തീന് യുവാക്കള്ക്ക് വെടിയേറ്റു; ഒരാളുടെ നില ഗുരുതരം
