Category: KERALA

ആലുവ/ എടത്വാ: ഇന്ത്യൻ വോളീബോൾ ടീം അംഗവും തലവടി സിഎംഎസ് ഹൈസ്ക്കൂൾ പൂർവ്വ വിദ്യാർത്ഥിയുമായ തലവടി മണക്ക് കറുകയിൽ എം.ജെ അലക്സാണ്ടർ (അലക്സ് -79)അന്തരിച്ചു. സംസ്ക്കാരം സെപ്റ്റംബർ 1ന് 2.30ന് ആലുവ സെന്റ് ജോൺസ് സി.എസ്.ഐ പള്ളിയിൽ. ഭാര്യ: കൊല്ലം മുളമൂട്ടിൽ കുടുംബാംഗം അമ്മിണി. മക്കൾ: അൻപു അലക്സ്, അൻസു അലക്സ്. മരുമക്കൾ :തിരുവല്ല പുലിപ്ര ചെറിയാൻ വർഗ്ഗീസ്, തിരുവനന്തപുരം മാള ഉക്കൻ വീട്ടിൽ സൂരജ്. സഹോദരിമാർ: കുഞ്ഞുമോൾ, ആലീസ്, മോളി, ജോയമ്മ. കളമശ്ശേരി പ്രീമിയര്‍ ടയേഴ്സില്‍ നിന്നും വിരമിച്ച് ആലുവ ചൂണ്ടിയിൽ ആയിരുന്നു താമസം.1982ൽ ഡൽഹിയിൽ നടന്ന ഏഷ്യാഡിൽ റഫറിയായിരുന്നു. നിര്യാണത്തില്‍ തലവടി കുന്തിരിക്കൽ സി.എം.എസ് ഹൈസ്ക്കൂൾ പൂർവ്വ വിദ്യാർത്ഥി സംഘടന അനുശോചനം രേഖപ്പെടുത്തി.

കൊച്ചി: കൊച്ചിൻ ഇൻ്റർനാഷണൽ എയർപോർട്ട് ലിമിറ്റഡ് (സിയാൽ) തങ്ങളുടെ യാത്രക്കാർക്കായി ബജറ്റ് നിരക്കിൽ ലോകോത്തര വിമാനത്താവള അനുഭവം അവതരിപ്പിക്കാൻ ഒരുങ്ങുന്നു. മുഖ്യമന്ത്രി ശ്രീ. സിയാലിൻ്റെ പുതിയ സംരംഭമായ 0484 എയ്‌റോ ലോഞ്ച് സെപ്റ്റംബർ 1 ഞായറാഴ്ച വൈകുന്നേരം 4 മണിക്ക് ടെർമിനൽ 2 ൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ‘താങ്ങാനാവുന്ന ലക്ഷ്വറി’ എന്ന വിപ്ലവകരമായ ആശയത്തിൽ നിർമ്മിച്ച 0484 എയ്‌റോ ലോഞ്ച് യാത്രക്കാർക്കും സന്ദർശകർക്കും മണിക്കൂർ നിരക്കിൽ അസാധാരണവും പ്രീമിയം എയർപോർട്ട് ലോഞ്ച് അനുഭവവും ഊന്നിപ്പറയുന്നു. സമകാലിക സൗന്ദര്യശാസ്ത്രത്തിലും ബജറ്റിന് അനുയോജ്യമായ താമസസൗകര്യങ്ങളിലും മറ്റും പ്രാദേശിക സംസ്‌കാരത്തിൻ്റെ പ്രത്യേക പ്രാതിനിധ്യം വിളിച്ചോതുന്ന എയ്‌റോ ലോഞ്ച്, പാരമ്പര്യം, കല, കായൽ, ഭൂപ്രകൃതി, സസ്യജാലങ്ങൾ എന്നിവ സമന്വയിപ്പിച്ച് കേരളത്തിൻ്റെ തനതായ സൗന്ദര്യം അവതരിപ്പിക്കുന്നു. 50,000 ചതുരശ്ര അടി വിസ്തൃതിയുള്ള ഇതിൽ 37 മുറികൾ, നാല് സ്യൂട്ടുകൾ, മൂന്ന്…

തിരുവനന്തപുരം: തൊഴിൽ തട്ടിപ്പിൽ കബളിപ്പിക്കപ്പെട്ട് റഷ്യയിൽ കുടുങ്ങിക്കിടക്കുന്ന മലയാളികളെ തിരികെ കൊണ്ടുവരാൻ കേന്ദ്ര സർക്കാർ നടപടി സ്വീകരിക്കണമെന്ന് കേരള മുഖ്യമന്ത്രി പിണറായി വിജയൻ വെള്ളിയാഴ്ച (ആഗസ്റ്റ് 30) കേന്ദ്ര സർക്കാരിനോട് അഭ്യർത്ഥിച്ചു. റഷ്യ-യുക്രൈൻ അതിർത്തിയിൽ ഡ്രോൺ ആക്രമണത്തിൽ മരിച്ച തൃശൂർ സ്വദേശി സന്ദീപ് ചന്ദ്രൻ്റെ മൃതദേഹം നാട്ടിലെത്തിക്കാൻ ഇടപെടണമെന്നും വിദേശകാര്യ മന്ത്രി എസ് ജയശങ്കറിന് അയച്ച കത്തിൽ മുഖ്യമന്ത്രി ആവശ്യപ്പെട്ടു . സന്ദീപിൻ്റെ മൃതദേഹം റഷ്യയിലെ റോസ്‌തോവിൽ ഉണ്ടെന്ന് റഷ്യയിലെ ഇന്ത്യൻ എംബസി സ്ഥിരീകരിച്ചിട്ടുണ്ടെന്ന് എസ് ജയശങ്കര്‍ അറിയിച്ചതായി മുഖ്യമന്ത്രിയുടെ ഓഫീസിൽ നിന്നുള്ള പ്രസ്താവനയിൽ പറയുന്നു. മൃതദേഹം എത്രയും വേഗം നാട്ടിലെത്തിക്കാനുള്ള നടപടികൾ സ്വീകരിക്കണമെന്ന് മുഖ്യമന്ത്രി കത്തിൽ ആവശ്യപ്പെട്ടു. മലയാളികളായ സന്തോഷ് കാട്ടുകാലായിൽ, ഷൺമുഖൻ, സിബി സൂസമ്മ ബാബു, റെനിൻ പുന്നേക്കൽ തോമസ് എന്നിവർ അപകടകരമായ സാഹചര്യങ്ങൾ നേരിടുന്ന ലുഹാൻസ്കിലെ സൈനിക ക്യാമ്പിൽ കുടുങ്ങിക്കിടക്കുകയാണെന്ന് മുഖ്യമന്ത്രി പറഞ്ഞു.…

അഞ്ച് വേരിയൻ്റുകളിൽ ലഭ്യമാണ്, ബ്രിട്ടാനിയ ടോസ്റ്റി ഏത് പ്രഭാത പാനീയത്തിനൊപ്പവും തികച്ചും അനുയോജ്യമാണ് മിക്ക വീടുകളിലും, പ്രഭാത ദിനചര്യകൾ ആരംഭിക്കുന്നത് ഒരു ചൂടുള്ള ചായയും ദിവസത്തിൻ്റെ തിരക്കിന് മുമ്പുള്ള ശാന്തമായ നിമിഷങ്ങളുമായാണ്. നിങ്ങളുടെ ആദ്യ സിപ്പിന് മികച്ച ക്രഞ്ച് നൽകുന്ന റസ്ക് ആയ ബ്രിട്ടാനിയ ടോസ്റ്റി, വൈവിധ്യമാർന്ന രുചികളോടെ ഈ ദിനചര്യയിൽ ആഹ്ലാദത്തിൻ്റെ ഒരു സ്പർശം ചേർക്കുന്നു. ബ്രിട്ടാനിയ ടോസ്റ്റി എല്ലാ പ്രഭാതങ്ങളെയും രുചിയുടെയും ഒരുമയുടെയും ആഘോഷമാക്കി മാറ്റുന്നു. നന്നായി സമ്പാദിച്ച ക്രഞ്ചിൻ്റെ ലളിതമായ സന്തോഷം നിങ്ങൾ ആസ്വദിക്കുമ്പോൾ ഓരോ നിമിഷവും സവിശേഷമാകുന്നു. വൈവിധ്യമാർന്ന ശ്രേണിയിൽ പ്രീമിയം ബേക്ക് റസ്‌ക് ഉൾപ്പെടുന്നു, അത് കാലാതീതമായ റസ്‌കിൻ്റെ പരമ്പരാഗത രുചിയിൽ ഏലക്കയുടെ സ്വാദ് ചേർക്കുന്നു, അത് നിങ്ങൾക്ക് ഊർജസ്വലമായ ദിവസം സമ്മാനിക്കുന്നു. മികച്ച ബദൽ തേടുന്നവർക്ക് മൾട്ടിഗ്രെയിൻ റസ്ക് നല്ലൊരു തിരഞ്ഞെടുപ്പാണ്. ഓട്‌സ്, ആട്ട, റാഗി, എള്ള് എന്നിവയുടെ…

വടക്കാങ്ങര: വടക്കാങ്ങര എം.എം. എൽ. പി സ്കൂൾ റിട്ട. അദ്ധ്യാപകൻ, ദീർഘകാലം വടക്കാങ്ങര നുസ്റത്തുൽ അനാം ട്രസ്റ്റ് ചെയർമാനും ജമാഅത്തെ ഇസ്ലാമി പ്രാദേശിക അമീറുമായിരുന്ന കരുവാട്ടിൽ അബൂബക്കർ മൗലവി അനുസ്മരണ സമ്മേളനം സംഘടിപ്പിച്ചു. ടാലന്റ് പബ്ലിക് സ്കൂൾ ഓപ്പൺ ഓഡിറ്റോറിയത്തിൽ നടന്ന സമ്മേളനം ഈസ്റ്റ് ജുമാമസ്ജിദ് മഹല്ല് ഖാദി എ സിദ്ധീഖ് ഹസ്സൻ മൗലവി ഉദ്ഘാടനം ചെയ്തു. വടക്കാങ്ങര പ്രദേശത്തെ വിദ്യാഭ്യാസ, സാമൂഹിക, നവോത്ഥാന സംരംഭംങ്ങൾക്ക് നേതൃപരമായ പങ്ക് വഹിക്കുകയും നിർലോഭമായി സഹായിക്കുകയും സമൂഹത്തിലെ ദരിദ്രരും അശരണരുമായ വ്യക്തികളുടെ അടിസ്ഥാന പ്രശ്നങ്ങൾ പരിഹരിക്കുകയും ചെയ്യുന്നതിൽ അദ്ദേഹത്തിൻ്റെ സംഭാവാനകൾ തികച്ചും മാതൃകാപരമാണെന്ന് അദ്ദേഹം പറഞ്ഞു. വിദ്യാർത്ഥി കാലത്ത് തന്നെ ജനസേവന രംഗത്ത് തൻ്റെ വ്യക്തിമുദ്ര അടയാളപ്പെടുത്തിയ വ്യക്തിത്വമായിരുന്നു അബൂബക്കർ മൗലവിയെന്ന് അനുസ്മരണ പ്രഭാഷണം നിർവഹിച്ച പി.കെ സയ്യിദ് ഹുസൈൻ കോയ തങ്ങൾ അഭിപ്രായപ്പെട്ടു. ടി ഉണ്ണീൻ മൗലവി, യു.പി…

മലപ്പുറം : വയനാട്ടിൽ ഉണ്ടായ ഉരുൾപൊട്ടലിൽ ദുരിതബാധിതരായ ആളുകളുടെ രക്ഷാപ്രവർത്തനത്തിലും പുനരധിവാസത്തിലും കൈത്താങ്ങായി നിന്ന ടീംവെൽഫെയർ സന്നദ്ധപ്രവർത്തകരെ വെൽഫെയർ പാർട്ടി മലപ്പുറം ജില്ലാ കമ്മിറ്റി ആദരിച്ചു. മലപ്പുറം ടൗൺഹാളിൽ വച്ച് നടന്ന ചടങ്ങിൽ വെൽഫെയർ പാർട്ടി സംസ്ഥാന പ്രസിഡന്റ് റസാഖ്‌ പാലേരി ഉദ്ഘാടനം നിർവഹിച്ചു. വെൽഫെയർ പാർട്ടി ജില്ലാ പ്രസിഡണ്ട് അധ്യക്ഷത വഹിച്ച പരിപാടിയിൽ സംസ്ഥാന സെക്രട്ടറി പ്രേമാ ജി പിഷാരടി മുഖ്യപ്രഭാഷണം നിർവഹിച്ചു. സംസ്ഥാന വൈസ് ക്യാപ്റ്റൻ രജിത മഞ്ചേരി, ജില്ലാ ട്രഷറർ മുനീബ് കാരക്കുന്ന്, ജില്ലാ സെക്രട്ടറി അഷ്റഫ് അലി കട്ടുപ്പാറ, ടീം വെൽഫെയർ ജില്ലാ ക്യാപ്റ്റൻ ശാക്കിർ മോങ്ങം എന്നിവർ സംസാരിച്ചു. ജില്ലാ സെക്രട്ടറിമാരായ നൗഷാദ് ചുള്ളിയൻ, ബിന്ദു പരമശ്വരൻ, ആരിഫ് ചുണ്ടയിൽ, ജംഷീൽ അബൂബക്കർ, റെജീന വളാഞ്ചേരി എന്നിവർ പങ്കെടുത്തു. ചടങ്ങിൽ രക്ഷാപ്രവർത്തനങ്ങളിൽ പങ്കെടുത്ത സന്നദ്ധപ്രവർത്തവരുടെ പ്രതിനിധികളായി ഹസീന വഹാബ്, ജസീൽ…

മലപ്പുറം: പുനരധിവാസം, വോട്ടവകാശം, യാത്രാ ടിക്കറ്റ് കൊള്ള, ലീഗൽ പ്രശ്‌നങ്ങൾ, ക്ഷേമ പ്രവർത്തനങ്ങൾ തുടങ്ങി നിരവധി പ്രശ്‌നങ്ങളാണ് പ്രവാസികൾ അഭിമുഖീകരിച്ചുകൊണ്ടിരിക്കുന്നത്. പ്രവാസികൾ നിരന്തരമായി ആവശ്യപ്പെട്ടിട്ടും പ്രശ്‌നങ്ങൾ കേൾക്കാനോ ചർച്ചചെയ്യാനോ തയ്യാറാകാതെ അധികാര കേന്ദ്രങ്ങൾ മൗനം പാലിക്കുന്ന പശ്ചാത്തലത്തിൽ വിവിധ സംഘടനാ പ്രതിനിധികൾ ഒരുമിച്ചിരുന്ന് പ്രശ്‌നങ്ങളും പരിഹാരങ്ങളും ചർച്ച ചെയ്യുകയും പ്രതികരിക്കുകയും ചെയ്യുകയാണ്. മറ്റന്നാൾ (2024 ആഗസ്റ്റ് 31 ശനിയാഴ്ച) വൈകുന്നേരം 3.30ന് മലപ്പുറം കിഴക്കെതല വേങ്ങര റോഡിൽ എസ്‌പെറോ ഇൻ ഹോട്ടൽ ഓഡിറ്റോറിയത്തിലാണ് ചർച്ച സംഘടിപ്പിച്ചിരിക്കുന്നത്. പ്രവാസി വെൽഫെയർ ഫോറം സംസ്ഥാന പ്രസിഡന്റ് അസ്‌ലം ചെറുവാടി ചർച്ചാസംഗമം ഉദ്ഘാടനം ചെയ്യും. പ്രവാസി ലീഗ് ജില്ലാ ജില്ലാ പ്രസിഡണ്ട് ടിഎച്ച് കുഞ്ഞാലി ഹാജി, കേരള പ്രവാസി സംഘം ജില്ലാ സെക്രട്ടറി വി.കെ അബ്ദുൽ റഊഫ്, വെൽഫെയർ പാർട്ടി ജില്ലാ പ്രസിഡണ്ട് നാസർ കീഴ്പറമ്പ്, കേരള പ്രദേശ് പ്രവാസി കോൺഗ്രസ്…

മലപ്പുറം : എസി എസ്ടി വിഭാഗങ്ങളുടെ സംവരണാവകാശങ്ങളെ ഇല്ലാതാക്കാനുള്ള സംഘപരിവാർ നീക്കമാണ് രാജ്യത്തു നടന്നു കൊണ്ടിരിക്കുന്നതെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി പറഞ്ഞു. വെൽഫെയർ പാർട്ടി ചാലിയാർ പഞ്ചായത്തിലെ അകംമ്പാടത്ത് സംഘടിപ്പിച്ച അയ്യങ്കാളി അനുസ്മരണവും ഭൂസമര പോരാളി ബിന്ദു വൈലാശ്ശേരിക്കും സഹപ്രവർത്തകർക്കും ഉള്ള സ്വീകരണ പരിപാടിയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോടതികൾ ഈ നീക്കത്തെ പിന്തുണക്കുന്നത് നിരാശാജനകമാണ്. ഭരണഘടന ഉറപ്പുനൽകുന്ന സാമൂഹിക നീതിയും അവകാശങ്ങളും റദ്ദ് ചെയ്യാനുള്ള നീക്കങ്ങൾ നീതിപീഠങ്ങൾ അവസാനിപ്പിക്കണം. നേരത്തെ നടപ്പിലാക്കിയ OBC വിഭാഗത്തിന്റെ സംവരണത്തിൽ ക്രിമിലയർ റദ്ദ് ചെയ്യണം. Sc ST സംവരണത്തിൽ ക്രീമിലർ ഏർപ്പെടുത്താനുള്ള നീക്കം അവസാനിപ്പിക്കണം. മഹാത്മാ അയ്യങ്കാളിയുടെ നവോത്ഥന പോരാട്ടങ്ങൾക്ക് തുടച്ച ഉണ്ടാക്കാൻ പുതിയ കേരളത്തിന് സാധ്യമായിട്ടില്ല. ഭൂമിയുടെ അവകാശങ്ങൾക്ക് വേണ്ടി നിരവധി പോരാട്ടങ്ങൾ നടക്കുന്ന കേരളത്തിൽ സമഗ്ര ഭൂപരിഷ്ക്കരണത്തിന് സർക്കാർ തയ്യാറാകണം. കുത്തകകൾ…

കർണാടകയിലെ ഷിരൂരിൽ ഉരുൾപൊട്ടലിൽ കാണാതായ അർജുൻ്റെ കുടുംബം കർണാടക മുഖ്യമന്ത്രി സിദ്ധരാമയ്യയെ കണ്ടു. അർജുൻ്റെ ഭാര്യാ സഹോദരൻ ജിതിനാണ് കർണാടക മുഖ്യമന്ത്രി സിദ്ധരാമയ്യയുമായി കൂടിക്കാഴ്ച നടത്തിയത്. ഡ്രഡ്ജർ എത്തിച്ച് തിരച്ചിൽ നടത്തുമെന്ന് സിദ്ധരാമയ്യ കുടുംബത്തിന് ഉറപ്പ് നൽകി. ഇത് സംബന്ധിച്ച് കളക്ടർക്ക് നിർദേശം നൽകുമെന്ന് കർണാടക മുഖ്യമന്ത്രി അറിയിച്ചു. എം കെ രാഘവൻ എംപിയും കുടുംബത്തോടൊപ്പമുണ്ടായിരുന്നു. തിരച്ചില്‍ നടത്താന്‍ ഡൈവിംഗിന് അനുമതി കിട്ടുന്നില്ലെന്നും, ഡ്രഡ്ജിംഗ് മെഷീൻ എത്തിച്ച് മണ്ണ് നീക്കിയാലേ തിരച്ചിൽ സാധ്യമാകൂവെന്നും അർജുൻ്റെ വീട് സന്ദർശിച്ച ശേഷം മുങ്ങൽ വിദഗ്ധൻ ഈശ്വർ മൽപെ പറഞ്ഞു. ഗംഗാവലി നദിയിൽ അർജുനെ തേടി പലതവണ മുങ്ങിത്തപ്പിയ ആളാണ് മാൽപെ. ലോറിയില്‍ മരം കെട്ടിയ കയർ ഉൾപ്പെടെയുള്ള ഭാഗങ്ങൾ സംഘം കണ്ടെടുത്തെങ്കിലും അർജുനെക്കുറിച്ച് സൂചനകളൊന്നും ലഭിച്ചിരുന്നില്ല. ജൂലൈ 16നാണ് കർണാടകയിലെ ഷിരൂരിലുണ്ടായ മണ്ണിടിച്ചിലിൽ അർജുനെ കാണാതായത്. പിന്നാലെ, അർജുനെ കണ്ടെത്താൻ…

മുല്ലപ്പെരിയാറിൽ പുതിയ അണക്കെട്ട് ആവശ്യമില്ലെന്ന് മെട്രോമാൻ ഇ ശ്രീധരൻ അഭിപ്രായപ്പെട്ടു. മുല്ലപ്പെരിയാർ റിസർവോയറിൽ നിന്ന് തമിഴ്‌നാട്ടിലേക്ക് തുരങ്കം നിർമിക്കണമെന്നും, അവിടെ വെള്ളം ശേഖരിക്കാൻ ചെറിയ അണക്കെട്ടുകൾ നിർമിക്കണമെന്നും അദ്ദേഹം നിർദ്ദേശിച്ചു. തുരങ്കം നിർമിച്ചാൽ മുല്ലപ്പെരിയാറിന് ഒരു ഭീഷണിയുമുണ്ടാകില്ല. ഇത് ശക്തിപ്പെടുത്തിയാൽ 50 വർഷത്തേക്ക് ഒരു ഭീഷണിയും ഉണ്ടാകുകയില്ലെന്നും അദ്ദേഹം വ്യക്തമാക്കി. തമിഴ്‌നാട്ടിലേക്ക് നാല് കിലോമീറ്റർ നീളത്തിലും ആറ് മീറ്റർ വീതിയിലും തുരങ്കം നിർമിക്കാമെന്ന് നിര്‍ദ്ദേശിച്ച അദ്ദേഹം, അണക്കെട്ട് നിർമാണം ചെലവേറിയതാണെന്നും ചൂണ്ടിക്കാട്ടി. ജലനിരപ്പ് 100 അടിയായി നിജപ്പെടുത്തണമെന്ന് അദ്ദേഹം ആവശ്യപ്പെട്ടു. ഈ നിർദേശം തമിഴ്‌നാടും കേന്ദ്രവും ഉടൻ അംഗീകരിക്കുമെന്നും സുപ്രീം കോടതിക്ക് എതിർപ്പുണ്ടാകുകയില്ലെന്നും അദ്ദേഹം പറഞ്ഞു. വയനാട് ഉരുൾപൊട്ടലിന് ശേഷം മുല്ലപ്പെരിയാറിൻ്റെ സുരക്ഷയെ കുറിച്ച് ചർച്ചകൾ നടന്നിരുന്നു. മുല്ലപ്പെരിയാർ അണക്കെട്ട് ഡീകമ്മിഷൻ ചെയ്യണമെന്ന ആവശ്യം ശക്തമായി ഉയർന്നിരുന്നു. മുല്ലപ്പെരിയാർ അണക്കെട്ടിൻ്റെ പരമാവധി സംഭരണശേഷി 152 അടിയും അനുവദനീയമായ…