കൊച്ചി: മതത്തിന്റെ മറവില്‍ ഭീകരവാദത്തെ തഴുകി താലോലിച്ച് വെള്ളപൂശുവാന്‍ നടത്തുന്ന ബോധപൂര്‍വ്വവും സംഘടിതവുമായ കുത്സിതശ്രമങ്ങള്‍ക്ക് കീഴ്‌പ്പെട്ടാല്‍ വന്‍ അപകടം ഭാവിയില്‍ സമൂഹം ക്ഷണിച്ചുവരുത്തുമെന്ന് കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍. ഭരണ അധികാരത്തിനും രാഷ്ട്രീയ നേട്ടങ്ങള്‍ക്കും വേണ്ടി ഭീകരവാദപ്രസ്ഥാനങ്ങളോട് സന്ധി പ്രഖ്യാപിച്ച് കൂട്ടുചേരുന്നവരും ഇവർക്കായി കുടപിടിക്കുന്നവരും മാതൃരാജ്യത്തെയും ജനങ്ങളെയും നാശത്തിലേയ്ക്ക് തള്ളിവിടുന്നുവെന്ന് തിരിച്ചറിയണം. രാഷ്ട്രീയ പാര്‍ട്ടികളിലൂടെ ഭീകരവാദശക്തികള്‍ ഭരണസംവിധാനത്തിനുള്ളിലേയ്ക്ക് നുഴഞ്ഞു കയറുന്നതിന്റെ സൂചനകളും തെളിവുകളും പുറത്തുവന്നിട്ടും ഉത്തരവാദിത്തപ്പെട്ടവർ പുറംതിരിഞ്ഞു നില്‍ക്കുന്നത് കേരള സമൂഹം ചോദ്യം ചെയ്യണം. സുഡാനിലും നൈജീരിയയിലും ഇസ്ലാമിക ഭീകര അക്രമത്തിൽ നിരവധി ക്രൈസ്തവര്‍ കുഞ്ഞുങ്ങളടക്കം ദിനംപ്രതി കൊല്ലപ്പെടുന്നത് കേരള മനഃസാക്ഷി കാണാതെ പോകരുത്. കോംഗോയില്‍ ക്രൈസ്തവ വിശ്വാസം ഉപേക്ഷിച്ച് ഇസ്ലാംമതം സ്വീകരിക്കാത്തതിന്റെ പേരില്‍ 14 ക്രൈസ്തവരെ ഐഎസുമായി ബന്ധമുള്ള അലൈഡ് ഡെമോക്രാറ്റിക് ഫോഴ്‌സ് കഴുത്തറുത്തു കൊന്നപ്പോള്‍ കേരളത്തിലെ…
ഭീകരവാദത്തെ തഴുകി താലോലിക്കുന്നവർ വന്‍ അപകടം ക്ഷണിച്ചുവരുത്തും: ഷെവലിയര്‍ അഡ്വ.വി.സി.സെബാസ്റ്റ്യന്‍
