Category: KERALA

മലപ്പുറം: നിത്യോപയോഗ സാധനങ്ങളുടെ വിലയകയറ്റത്തിനെതിരെ ഫെഡറേഷൻ ഓഫ് ഇൻഡ്യൻ ട്രേഡ് യൂണിയൻസ് ( FITU) മലപ്പുറം ജില്ലാ കമ്മിറ്റി മലപ്പുറം കലക്ടറേറ്റിനു മുന്നിൽ പ്രതിഷേധ തെരുവ് സംഘടിപ്പിച്ചു. പ്രതിഷേധം എഫ് ഐ ടി യു സംസ്ഥാന പ്രസിഡന്റ് ജ്യോതി വാസ് പറവൂർ ഉദ്ഘാടനം ചെയ്തു. നിത്യോപയോഗ സാധനങ്ങളുടെ വിലകൾ അനിയന്ത്രിതമായി കുതിക്കുമ്പോൾ അതിനെതിരെ മൗനം പാലിക്കുന്ന ഭരണ പ്രതിപക്ഷ തൊഴിലാളി യൂണിയനുകളുടെ നിലപാട് പ്രതിഷേധാർഹവും അപഹാസ്യവുമാണെന്നും അദ്ദേഹം പറഞ്ഞു. ഭക്ഷ്യവസ്തുക്കളുടെ ഉല്പാദനം കൂടുതലുള്ള സംസ്ഥാനങ്ങളുമായി ചർച്ച നടത്തി കൂടുതൽ സാധനങ്ങൾ വിപണിയിലേക്ക് എത്തിക്കുന്നതിന് സർക്കാർ തയ്യാറാകണം. സപ്ലൈകോ ഔട്ട്ലെറ്റുകളിലൂടെ കൂടുതൽ സാധനങ്ങൾ കൂടുതൽ അളവിൽ സബ്സിഡി നിരക്കിൽ നൽകുന്നതിന് സർക്കാർ നയപരമായ തീരുമാനം എടുക്കണം. തടസ്സം കൂടാതെ സ്റ്റോക്കുകൾ എത്തിക്കുന്നതിന് ആവശ്യമായ നടപടികൾ സ്വീകരിക്കണം. ഭക്ഷ്യവസ്തുക്കളും മറ്റ് ആവശ്യ സാധനങ്ങളും നിയന്ത്രിത വിലയിൽ ജനങ്ങളിലേക്ക് എത്തിക്കാൻ ഹോർട്ടികോർപ്…

മക്കരപ്പറമ്പ : ‘മുഹർറം – വിമോചനത്തിന്റെ പലായനങ്ങൾ’ തലക്കെട്ടിൽ സോളിഡാരിറ്റി യൂത്ത് മൂവ്മെന്റ് മക്കരപ്പറമ്പ ഏരിയ കടുങ്ങൂത്ത് തർബിയത്തുൽ ഇസ്‌ലാം മദ്രസയിൽ വെച്ച് ഇഫ്താർ സംഗമവും യൂത്ത്മീറ്റും സംഘടിപ്പിച്ചു. സോളിഡാരിറ്റി യൂത്ത് മൂവ്മെന്റ് സംസ്ഥാന ജനറൽ സെക്രട്ടറി തൗഫീഖ് മമ്പാട് ഉദ്ഘാടനം ചെയ്തു. സോളിഡാരിറ്റി മക്കരപ്പറമ്പ എരിയ പ്രസിഡന്റ് കെ ഷബീർ വടക്കാങ്ങര അദ്ധ്യക്ഷത വഹിച്ചു. എം.ബി.ബി.എസ് കരസ്ഥമാക്കിയ ഡോ. നബീൽ അമീനെ സോളിഡാരിറ്റി മക്കരപ്പറമ്പ ഏരിയ ആദരിച്ചു. സംസ്ഥാന ജനറൽ സെക്രട്ടറി തൗഫീഖ് മമ്പാട് ഉപഹാരം നൽകി. സോളിഡാരിറ്റി മക്കരപ്പറമ്പ ഏരിയയുടെ ആറുമാസ റിപ്പോർട്ട് ഫോട്ടോ പ്രദർശനം നടത്തി. സഅദ് മക്കരപ്പറമ്പ ഖിറാഅത്ത് ൻനടത്തി. ഏരിയ സെക്രട്ടറി സി.എച്ച് റാസി സ്വാഗതവും പ്രോഗ്രാം കൺവീനർ പി.കെ നിയാസ് തങ്ങൾ നന്ദിയും പറഞ്ഞു.

ആലുവ: ആലുവയിൽ നിന്ന് തട്ടിക്കൊണ്ടുപോയ കുടിയേറ്റ തൊഴിലാളിയുടെ അഞ്ചുവയസ്സുള്ള ചാന്ദ്നി എന്ന പെണ്‍കുട്ടിയെ ക്രൂരമായി പീഡിപ്പിച്ച് കൊലപ്പെടുത്തി. പോലീസിന്റെ പ്രാഥമിക റിപ്പോർട്ടിലാണ് ഇക്കാര്യം സൂചിപ്പിച്ചിരിക്കുന്നത്. ഈ കേസ് അന്വേഷിക്കാൻ ആലുവ ഡിവൈഎസ്പിയുടെ നേതൃത്വത്തിൽ പ്രത്യേക അന്വേഷണ സംഘം (എസ്ഐടി) രൂപീകരിച്ചിട്ടുണ്ട്. മുഖ്യപ്രതി അസ്ഫാഖ് ആലം ​​എന്ന കുടിയേറ്റ തൊഴിലാളി കുറ്റം സമ്മതിച്ചിട്ടുണ്ടെന്ന് പോലീസ് പറഞ്ഞു. ലൈംഗികാതിക്രമത്തിനിടെയാണ് പെൺകുട്ടി കൊല്ലപ്പെട്ടത്. ചാന്ദിനിയുടെ മുഖത്തും തലയിലും ജനനേന്ദ്രിയത്തിലും ഗുരുതരമായി പരിക്കേറ്റിട്ടുണ്ടെന്നാണ് റിപ്പോർട്ട്. അസ്ഫാഖ് പെൺകുട്ടിയെ നൂൽ കൊണ്ട് കഴുത്ത് ഞെരിച്ച് കൊലപ്പെടുത്തുകയും മുഖം കല്ലുകൊണ്ട് ഇടിക്കുകയും ചെയ്തു. മൃതദേഹം കളമശ്ശേരി സർക്കാർ മെഡിക്കൽ കോളേജിൽ പോസ്റ്റ്‌മോർട്ടം നടത്തി ഇന്ന് പൂർത്തിയാകുമെന്ന് റിപ്പോർട്ട്. പോസ്റ്റ്‌മോർട്ടം കഴിഞ്ഞാൽ മാത്രമേ കൂടുതൽ വിവരങ്ങൾ പറയാനാകൂവെന്ന് റൂറൽ എസ്പി വിവേക് ​​കുമാർ പറഞ്ഞു. പെൺകുട്ടിയുടെ മാതാപിതാക്കളെ മെഡിക്കൽ കോളേജിൽ പ്രവേശിപ്പിച്ചു. മൃതദേഹം ജില്ലാ ആശുപത്രി മോർച്ചറിയിൽ…

തിരുവനന്തപുരം: സർക്കാർ ആർട്‌സ് ആൻഡ് സയൻസ് കോളേജുകളിലെ പ്രിൻസിപ്പൽ നിയമന പട്ടിക അട്ടിമറിച്ച ഉന്നത വിദ്യാഭ്യാസ മന്ത്രി ആർ ബിന്ദു രാജിവെക്കണമെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ ആവശ്യപ്പെട്ടു. വേലി തന്നെ വിളകള്‍ തിന്നുന്ന അവസ്ഥയാണിതെന്നും അദ്ദേഹം പറഞ്ഞു. മന്ത്രി അധികാര ദുർവിനിയോഗം നടത്തിയെന്നും ഉന്നതവിദ്യാഭ്യാസ മേഖലയെ കമ്മ്യൂണിസ്റ്റ് പാർട്ടിയുടെ ആസ്ഥാന കേന്ദ്രമായ എകെജി സെന്ററാക്കി മാറ്റിയെന്നും കെ സുരേന്ദ്രൻ ആരോപിച്ചു. പാർട്ടി കേഡർമാർക്ക് അവരുടെ മെറിറ്റിന്റെ അടിസ്ഥാനത്തിൽ നിയമനം ലഭിക്കാതെ വന്നപ്പോൾ അവർ നിയമന പട്ടികയിൽ മാറ്റം വരുത്തി യോഗ്യതയില്ലാത്തവരെ തിരുകിക്കയറ്റുകയായിരുന്നു എന്ന് സുരേന്ദ്രന്‍ പറഞ്ഞു. മന്ത്രിയായി തുടരാൻ അവർക്ക് അർഹതയില്ലെന്നും സുരേന്ദ്രന്‍ കൂട്ടിച്ചേര്‍ത്തു. വകുപ്പുതല സ്ഥാനക്കയറ്റ സമിതി അംഗീകരിച്ച നാൽപ്പത്തിമൂന്നു പേരുടെ നിയമനം തടയാൻ മന്ത്രി ബിന്ദുവിന് അധികാരമില്ലെന്ന് ബിജെപി നേതാവ് പറഞ്ഞു. മന്ത്രി ചെയ്തത് സത്യപ്രതിജ്ഞാ ലംഘനവും സ്വജനപക്ഷപാതവുമാണ്. വ്യാജസർട്ടിഫിക്കറ്റും മാർക്ക്…

കേരളത്തെ മദ്യത്തിൽ മുക്കിക്കൊല്ലാനുള്ള നീക്കത്തിൽ നിന്നും സർക്കാർ പിന്മാറണമെന്ന് വെൽഫെയർ പാർട്ടി മലപ്പുറം ജില്ലാ കമ്മറ്റി ആവശ്യപ്പെട്ടു. ഒന്നാം പിണറായി സർക്കാർ അധികാരത്തിലെത്തുന്നത് തന്നെ ഘട്ടംഘട്ടമായി മദ്യനിരോധം നടപ്പാക്കുമെന്ന വാഗ്ദാനം നൽകിയാണ്. എന്നാൽ പൂട്ടിയ ഔട്ട്ലെറ്റുകൾ തന്നെ തുറക്കാൻ ഇടതു സർക്കാർ ഇപ്പോൾ നടത്തുന്ന നീക്കം തെരഞ്ഞെടുപ്പ് വാഗ്ദാന ലംഘനവും ജനങ്ങളോടുള്ള വഞ്ചനയുമാണ്. കൊലപാതകം അടക്കമുള്ള കുറ്റകൃത്യങ്ങൾ ദിനംതോറും പെരുകുന്ന നാടാണിന്ന് കേരളം. കുറ്റകൃത്യങ്ങളിലേർപ്പെടുന്നവരിൽ ഭൂരിഭാഗവും ലഹരിക്ക് അടിപ്പെട്ടവരാണെന്ന് റിപ്പോർട്ടുകൾ പറയുന്നു. ഈ സാഹചര്യത്തിൽ മദ്യവിമുക്തിക്കും ലഹരി വിരുദ്ധതക്കും നേതൃത്വം നൽകി ജാഗ്രത പാലിക്കേണ്ട ഭരണകൂടം ലഹരി ലഭ്യത വർധിപ്പിക്കുന്നതിലൂടെ യുവത്വത്തിൻ്റെ മാത്രമല്ല, സമൂഹത്തിൻ്റെ തന്നെ ക്രയശേഷിയെ നശിപ്പിക്കുകയാണ്. ലഹരി വർജനമെന്ന പേരിൽ സർക്കാർ നടത്തുന്ന പരിപാടികൾ വെറും പ്രഹസനമാണെന്ന് തെളിയിക്കുന്നതാണ് പുതിയ നടപടി. സർക്കാർ ഖജനാവിൻ്റെ വരുമാന വർദ്ധനവ് മാത്രം ലക്ഷ്യം വെച്ച് നാട്ടിൽ സുലഭമായി…

എറണാകുളം: മണിപ്പൂര്‍ വിഷയത്തില്‍ രാജ്യത്തെ മതസൗഹാർദ്ദം തകർക്കാൻ ബോധപൂർവം ശ്രമിച്ചു എന്നാരോപിച്ച് മീഡിയവൺ ചാനലിനെതിരെ ബിജെപിയുടെ എറണാകുളം ജില്ലാ ലീഗൽ സെൽ സംസ്ഥാന പോലീസ് മേധാവിക്ക് പരാതി നൽകി. മണിപ്പൂരിലെ കലാപവുമായി ബന്ധപ്പെട്ട് മീഡിയവൺ വെബ് ഓൺലൈനിൽ പ്രസിദ്ധീകരിച്ച ലേഖനത്തിലാണ് രാജ്യത്തിന്റെ സമാധാനം തകർക്കുന്ന റിപ്പോർട്ടുകൾ ഉള്ളതെന്നാണ് ബിജെപിയുടെ ആരോപണം. പ്രധാനമന്ത്രിയെ അധിക്ഷേപിക്കുന്നതടക്കമുള്ള തെറ്റായ വിവരങ്ങളോടെയാണ് ലേഖനം തയ്യാറാക്കിയതെന്നു പറയുന്നു. പരാതിയിൽ റിപ്പോർട്ടർ എം ബിനോജ് നായരുടെ പേര് പ്രത്യേകമായി ഉൾപ്പെടുത്തി റിപ്പോർട്ടർക്കെതിരെയും എഡിറ്റർക്കെതിരെയുമാണ് കേസ്. രാജ്യത്തെ ഹിന്ദു-ക്രിസ്ത്യൻ വിഭാഗങ്ങൾ തമ്മിലുള്ള സമാധാനാന്തരീക്ഷം തകർക്കാനുള്ള ബോധപൂർവമായ ശ്രമത്തിന്റെ ഭാഗമാണ് ലേഖനമെന്ന് പരാതിയിൽ ചൂണ്ടിക്കാട്ടുന്നു. കലാപ നിരോധന നിയമം, പട്ടികജാതി-പട്ടികവർഗക്കാർക്കെതിരായ അതിക്രമം തടയൽ, വിവരസാങ്കേതിക നിയമ ലംഘനം എന്നീ വകുപ്പുകൾ പ്രകാരം ചാനലിനെതിരെ നിയമനടപടി സ്വീകരിക്കണമെന്ന് ബിജെപി ജില്ലാ ലീഗൽ സെൽ ആവശ്യപ്പെടുന്നു. മീഡിയവൺ മാധ്യമ സ്വാതന്ത്ര്യം ആവർത്തിച്ച്…

മൂവാറ്റുപുഴ: കോളേജിന് മുന്നിലൂടെ റോഡ് മുറിച്ചുകടക്കുന്നതിനിടെ അമിതവേഗതയിലെത്തിയ ബൈക്കിടിച്ച് ഇന്നലെ ദാരുണമായി മരിച്ച മൂവാറ്റുപുഴ നിർമല കോളേജിലെ വിദ്യാർത്ഥിനി നമിതയുടെ 20-ാം ജന്മദിനമായിരുന്നു ഇന്ന്. ഭാവി വാഗ്ദാനമായ നമിതയുടെ വേർപാടിൽ കുടുംബവും സുഹൃത്തുക്കളും ഇപ്പോഴും അവിശ്വാസത്തിലാണ്. ബി.കോം കോഴ്‌സ് പൂർത്തിയാക്കിയ ശേഷം ചാർട്ടേഡ് അക്കൗണ്ടൻസി (സിഎ) പഠിക്കാനായിരുന്നു ആഗ്രഹം. ബൈക്ക് ഓടിച്ച ആൻസൺ റോയിക്കെതിരെ കർശന നടപടിയെടുക്കണമെന്ന് ആവശ്യപ്പെട്ട് കോളേജിലെ സഹപാഠികളും പ്രതിഷേധ പ്രകടനം നടത്തി. ആൻസന്റെ ഡ്രൈവിംഗ് ലൈസൻസ് റദ്ദാക്കുമെന്ന് മോട്ടോർ വാഹന വകുപ്പ് സ്ഥിരീകരിച്ചു. കൊലപാതകം ഉൾപ്പെടെ നിരവധി കുറ്റങ്ങൾ ചുമത്തിയാണ് ആൻസണിനെതിരെ പോലീസ് കേസെടുത്തിരിക്കുന്നത്. നിരവധി പോലീസ് സ്റ്റേഷനുകളിലായി പത്തിലധികം കേസുകൾ ആൻസണിനെതിരെ രജിസ്റ്റർ ചെയ്തിട്ടുണ്ട്. കൂടാതെ, ആൻസണെ പ്രതിക്കൂട്ടിലാക്കാനും മറ്റുള്ളവരെ സമാനമായ നിരുത്തരവാദ പ്രവർത്തനങ്ങളിൽ നിന്ന് പിന്തിരിപ്പിക്കാനും വേണ്ടി കേരള ആന്റി സോഷ്യൽ ആക്ടിവിറ്റീസ് (പ്രിവൻഷൻ) ആക്ട് (കാപ) ചുമത്താനും പോലീസ്…

തിരുവനന്തപുരം: തിരുവനന്തപുരത്ത് എക്‌സൈസ് വകുപ്പ് നടത്തിയ മിന്നല്‍ പരിശോധനയിൽ എം.ഡി.എം.എ. 4.207 ഗ്രാം എം.ഡി.എം.എ പിടികൂടി. പിക്കപ്പ് ഓട്ടോയിൽ അനധികൃതമായി കടത്തുന്നതിനിടെയാണ് വെള്ളായണി സ്വദേശി അരുണ്‍ പിടിയിലായത്. കൂടെയുണ്ടായിരുന്നവർ സംഭവസ്ഥലത്ത് നിന്ന് ഓടി രക്ഷപ്പെട്ടു. തിരുവനന്തപുരം ജില്ലയിലെ സ്‌കൂൾ വിദ്യാർഥികളെ കേന്ദ്രീകരിച്ച്‌ ലഹരിമരുന്ന് കച്ചവടം നടത്തിയിരുന്നതായി എക്‌സൈസ് വകുപ്പ് വെളിപ്പെടുത്തി. തിരുവനന്തപുരം എക്സൈസ് സർക്കിൾ ഇൻസ്പെക്ടർ ഷിജുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. സ്‌കൂൾ വിദ്യാർത്ഥികളെ ലക്ഷ്യമിട്ട് മയക്കുമരുന്ന് വിൽപന നടത്തുന്നവർക്കെതിരെ നിരവധി പരാതികൾ പോലീസിന് ലഭിക്കുന്നുണ്ട്. യുവാക്കൾക്കിടയിലെ മയക്കുമരുന്ന് ഉപയോഗം വർധിച്ചതും അക്രമങ്ങൾ വർധിക്കാൻ കാരണമായതായി റിപ്പോർട്ടുകൾ സൂചിപ്പിക്കുന്നു. ഇതിന് മറുപടിയായി, രക്ഷിതാക്കളോടും അദ്ധ്യാപകരോടും ജാഗ്രത പാലിക്കാനും വിദ്യാർത്ഥികളിൽ അവബോധം വളർത്താനും മയക്കുമരുന്ന് ഉപയോഗവുമായി ബന്ധപ്പെട്ട ഏത് വിവരവും അധ്യാപകരെ അറിയിക്കാൻ അവരെ പ്രാപ്തരാക്കാനും എക്സൈസ് വകുപ്പ് അഭ്യർത്ഥിക്കുന്നു.  

തിരുവനന്തപുരം: സാമൂഹിക മാധ്യമങ്ങളിലൂടെ മാധ്യമ പ്രവർത്തകയെ അധിക്ഷേപിച്ചെന്ന പരാതിയിൽ മുൻ സബ് ജഡ്ജി എസ് സുദീപിനെതിരെ കന്റോൺമെന്റ് പൊലീസ് എഫ്ഐആർ രജിസ്റ്റർ ചെയ്തു. ഐപിസി സെക്ഷൻ 354 എ, ഐടി ആക്ട് സെക്ഷൻ 67 എന്നിവ പ്രകാരമാണ് കേസെടുത്തിരിക്കുന്നത്. ഏഷ്യാനെറ്റ് എക്‌സിക്യുട്ടീവ് എഡിറ്റർ സിന്ധു സൂര്യകുമാറിനെതിരെ ജൂൺ 8ന് സോഷ്യൽ മീഡിയയിൽ സമകാലിക വിഷയങ്ങൾ പങ്കുവെക്കുന്ന സുദീപിന്റെ ഫേസ്ബുക്ക് പോസ്റ്റ് വിവാദമായിരുന്നു. മാധ്യമ പ്രവർത്തകയ്‌ക്കെതിരെ ലൈംഗികച്ചുവയുള്ള പരാമർശങ്ങളാണ് പോസ്റ്റിലുണ്ടായിരുന്നത്. മാധ്യമ പ്രവർത്തക തന്റെ വാർത്താ ചാനലിൽ അവതരിപ്പിച്ച ഒരു കഥയ്ക്ക് മറുപടിയായാണ് ഇടതുപക്ഷ അനുഭാവിയായ മുൻ ജഡ്ജിയുടെ പോസ്റ്റ്. ജൂലൈ 21-നാണ് കേസ് രജിസ്റ്റർ ചെയ്തത്. സുദീപ് 2021 ജൂലൈയിൽ സബ് ജഡ്ജ് സ്ഥാനം രാജിവെച്ചിരുന്നു. തന്ത്രപ്രധാനമായ വിഷയങ്ങളില്‍ സോഷ്യൽ മീഡിയ ഇടപെടലുകളിലൂടെ ജുഡീഷ്യൽ ഓഫീസർമാർക്കായി നിശ്ചയിച്ചിട്ടുള്ള മാർഗ്ഗനിർദ്ദേശങ്ങൾ ലംഘിച്ചുവെന്ന് ഹൈക്കോടതി കണ്ടെത്തിയതിനെത്തുടർന്നാണ് 2021 ജൂലൈയിൽ അദ്ദേഹം…

കൊച്ചി: ആറുവയസുകാരിയെ അസം സ്വദേശിയായ തൊഴിലാളി മർദിച്ചു. ആലുവ തായിക്കാട്ടുകര റെയിൽവേ ഗേറ്റിന് സമീപമാണ് സംഭവം. മുക്കത്ത് പ്ലാസയിൽ വാടകയ്ക്ക് താമസിക്കുന്ന ബിഹാർ ബിഷംപൂർ സ്വദേശി രാംധർ തിവാരിയുടെ മകൾ ചാന്ദ്‌നിയെയാണ് കൊണ്ടുപോയത്. ഇന്ന് വൈകീട്ട് മൂന്ന് മണിയോടെയായിരുന്നു സംഭവം. കുടിയേറ്റ തൊഴിലാളികള്‍ ഇടതിങ്ങി താമസിക്കുന്ന കെട്ടിടമാണ് മുക്കത്ത് പ്ലാസ. ഇതേ കെട്ടിടത്തിൽ രണ്ടു ദിവസം മുൻപു താമസക്കാരനായെത്തിയ അസം സ്വദേശിയായ തൊഴിലാളിയാണ് കുട്ടിയെ കടത്തിക്കൊണ്ട് പോയതെന്നാണ് സൂചന. തൃശൂർ ഭാഗത്തേക്കുള്ള ബസിലാണ് കുട്ടിയെ കൊണ്ടുപോയിരിക്കുന്നത്. ഇതിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. തായിക്കാട്ടുകര സ്‌കൂൾ കോംപ്ലക്‌സിൽ ഒന്നാം ക്ലാസ് വിദ്യാർത്ഥിയായ ചാന്ദ്‌നി നന്നായി മലയാളം സംസാരിക്കും. കുട്ടിക്ക് വേണ്ടിയുള്ള അന്വേഷണം പോലീസ് ശക്തമാക്കിയിട്ടുണ്ട്.