ചെന്നൈ: ഗോകുലം ഗ്രൂപ്പിന്റെ ചെന്നൈയിലും കോഴിക്കോടുമുള്ള ഓഫീസുകളിലും വസതികളിലും എൻഫോഴ്സ്മെന്റ് ഡയറക്ടറേറ്റ് (ഇഡി) റെയ്ഡ് നടത്തി. ചെയർമാൻ ഗോകുലം ഗോപാലനെ ചെന്നൈയിൽ വിളിച്ചുവരുത്തി ചോദ്യം ചെയ്തു. ആ സമയത്ത് കോഴിക്കോട്ടുണ്ടായിരുന്ന ഗോപാലൻ ഇഡിയുടെ നിർദ്ദേശപ്രകാരം വ്യാഴാഴ്ച രാത്രി ചെന്നൈയിലെത്തി. രാത്രി 8:30 ഓടെ കോടമ്പാക്കത്തെ കോർപ്പറേറ്റ് ഓഫീസിൽ വെച്ചാണ് ചോദ്യം ചെയ്യൽ ആരംഭിച്ചത്. ഗോകുലം ഗോപാലൻ നിർമ്മാണ വിതരണ പങ്കാളിയായിരുന്ന ‘എമ്പുരാൻ’ എന്ന ചിത്രവുമായി ബന്ധപ്പെട്ട വിവാദത്തെത്തുടർന്ന് നടത്തിയ റെയ്ഡ്, രാഷ്ട്രീയ പ്രേരിതമായിരിക്കാമെന്ന സംശയവും ആരോപണവും ഉയർത്തിയിട്ടുണ്ട്. കോടമ്പാക്കത്തെ കോർപ്പറേറ്റ് ഓഫീസ്, സമീപത്തെ ശാഖകൾ, നീലാങ്കരൈയിലെ ഗോപാലന്റെ വസതി, കോഴിക്കോടുള്ള ഗോകുലം ഗ്രാൻഡ് ഹോട്ടൽ, ഗോകുലം മാൾ തുടങ്ങി നിരവധി സ്ഥലങ്ങളിൽ റെയ്ഡുകൾ നടന്നു. ചെന്നൈയിൽ രാത്രി മുഴുവൻ തിരച്ചിൽ തുടർന്നു. കോഴിക്കോട്ട്, വൈകുന്നേരം 4 മണിയോടെയാണ് റെയ്ഡ് അവസാനിച്ചത്. ഗ്രൂപ്പിന്റെ ഡയറക്ടർ ബോർഡ് യോഗത്തിൽ പങ്കെടുക്കാൻ…
ഗോകുലം ഗ്രൂപ്പ് ഓഫ് കമ്പനീസ് ഓഫീസുകളില് എന്ഫോഴ്സ്മെന്റ് ഡയറക്ടറേറ്റിന്റെ റെയ്ഡ്; ഗോകുലം ഗോപാലനെ ചോദ്യം ചെയ്തു
