നെടുമ്പാശ്ശേരി: നെടുമ്പാശ്ശേരിയില്‍ അർധരാത്രിയിലുണ്ടായ വാഹനാപകടത്തിൽ മൂന്ന് യുവജീവനുകൾ പൊലിഞ്ഞ സംഭവം നാടിനെ നടുക്കി. 19 വയസ്സുകാരൻ ഓടിച്ച ആഡംബര മിനി കൂപ്പർ കാർ അമിതവേഗത്തിൽ സ്കൂട്ടറിന്റെ പിന്നിലിടിച്ചതാണ് മൂന്ന് വിദ്യാർത്ഥികളുടെ മരണത്തിനിടയാക്കിയത്. പഠനത്തിനൊപ്പം പാർട്ട് ടൈം ജോലി ചെയ്ത് ജീവിതത്തിൽ മുന്നേറാൻ ശ്രമിച്ചിരുന്ന മൂന്ന് യുവാക്കളുടെ സ്വപ്നങ്ങളാണ് നിമിഷങ്ങൾക്കുള്ളിൽ തകർന്നടിഞ്ഞത്. വയനാട് കൽപ്പറ്റ സന്തോഷ് ഭവനിൽ സന്തോഷിന്റെയും സരിതയുടെയും മകൾ ദേവിക എന്ന കുക്കു (21), പാലക്കാട് മണ്ണാർക്കാട് എടക്കുറിശ്ശി നെല്ലാട്ട കരിമ്പ മുള്ളൻകുഴി ഹൗസിൽ ഓട്ടോറിക്ഷാ ഡ്രൈവറായ എം.ആർ. പ്രദീപ് കുമാറിന്റെയും സജിതയുടെയും മകൾ ഗോപിക (22), കർണാടകയിലെ കൂർഗ് കനകമഞ്ചൽ ഹൗസിൽ ഇബ്രാഹിമിന്റെയും റുഖിയയുടെയും മകൻ ഇയാസ് (21) എന്നിവരാണ് ദാരുണമായി മരിച്ചത്. ശനിയാഴ്ച അർധരാത്രി കഴിഞ്ഞ് പുലർച്ചെ 1.40ഓടെ നെടുമ്പാശ്ശേരി വിമാനത്താവളത്തിന് സമീപമുള്ള സുവർണോദ്യാനം ബയോളജിക്കൽ പാർക്കിനടുത്തായിരുന്നു അപകടം. നെടുമ്പാശ്ശേരിയിലെ ഹോട്ടലിൽനിന്ന് ഭക്ഷണം…
“എന്റെ അച്ഛന്‍ കേസ് കൈകാര്യം ചെയ്തുകൊള്ളും”; കൊച്ചിയില്‍ ആഡംബര കാറിടിച്ച് മൂന്നു പേരുടെ ജീവനെടുത്തിട്ടും അഹങ്കാര ഭാഷയില്‍ 19-കാരന്റെ പ്രതികരണം
