Category: KERALA

കൊച്ചി: ഷെല്‍ ഇന്ത്യയുടെയും സംസ്ഥാന സര്‍ക്കാരിന്റെയും സഹകരണത്തോടെ സ്‌മൈല്‍ ഫൗണ്ടേഷന്‍ സംഘടിപ്പിച്ച എന്‍എക്‌സ്‌പ്ലോറേഴ്‌സ് കാര്‍ണിവല്‍ ശനിയാഴ്ച തൃശ്ശൂര്‍ ഹോട്ടല്‍ മെര്‍ലിന്‍ ഇന്റര്‍നാഷണലില്‍ നടന്നു. ഗ്രാമീണ മേഖലകളിലെ സ്‌കൂളുകളില്‍ നിന്നുള്ള വിദ്യാര്‍ത്ഥികള്‍ക്ക് തങ്ങളുടെ ശാസ്ത്രീയ കഴിവുകള്‍ പ്രകടിപ്പിക്കാനുള്ള വേദിയൊരുക്കുകയെന്നതായിരുന്നു ഏകദിന കാര്‍ണിവലിന്റെ ലക്ഷ്യം. ജില്ലാ വിദ്യാഭ്യാസ ഓഫീസര്‍ എ. അന്‍സാര്‍ കാര്‍ണിവലില്‍ മുഖ്യാതിഥിയായിരുന്നു. സംസ്ഥാന സര്‍വ്വ ശിക്ഷാ പ്രൊജക്ട് കോര്‍ഡിനേറ്റര്‍ ശശീധരന്‍ ഇ. സെന്റ്. തോമസ് കോളേജ് ഫിസിക്‌സ് ഡിപ്പാര്‍ട്ട്‌മെന്റ് അസിസ്റ്റന്റ് പ്രൊഫസര്‍ ഡോ. ഡെയ്‌സണ്‍ പനെങ്ങാടന്‍, എന്നിവരും ചടങ്ങില്‍ പങ്കെടുത്തു. 19 സ്‌കൂളുകളില്‍ നിന്നുള്ള 116 വിദ്യാര്‍ത്ഥികളുടെ ശാസ്ത്രം, സാങ്കേതിക വിദ്യ, എന്‍ജിനിയറിംഗ്, ഗണിതശാസ്ത്രം(സ്‌റ്റെം) എന്നീ മേഖലകളിലെ തെരഞ്ഞെടുത്ത 40 പ്രൊജക്ടുകള്‍ കാര്‍ണിവലില്‍ പ്രദര്‍ശിപ്പിച്ചു. സുസ്ഥിര വികസന ലക്ഷ്യങ്ങളുമായി ബന്ധപ്പെട്ട് നില്‍ക്കുന്ന ദൈനംദിന പ്രശ്‌നങ്ങള്‍ നേരിടുന്നതിനും കാര്‍ഷിക മേഖലയുടെ നിലനില്‍പ്പിന് ആവശ്യമായതും കാര്‍ബണ്‍ പുറന്തള്ളല്‍ നിയന്ത്രിക്കുന്നതിനും പ്രകൃതി…

തിരുവനന്തപുരം; ആദിപരാശക്തി ദേവതയായ ആറ്റുകാലമ്മയ്ക്ക് ഇന്ന് പൊങ്കാല സമർപ്പണം. കുംഭമാസത്തിലെ പൂരം നാളിലാണ് ചരിത്രപ്രസിദ്ധമായ ആറ്റുകാല്‍ പൊങ്കാല ആഘോഷിക്കുന്നത്. ദാരികയുടെ വധത്തിനു ശേഷം പൊങ്കാല നിവേദ്യവുമായി ഭക്തർക്ക് മുന്നിൽ പ്രത്യക്ഷപ്പെടുന്ന സർവ്വാഭീഷ്ടദായിനിയായ ഭദ്രകാളി ദേവിയെ ഭക്തർ വരവേൽക്കുന്നു എന്നാണ് ഐതിഹ്യം. പൊങ്കാല നിവേദ്യ സമർപ്പണത്തിനായി നിരവധി ഭക്തരാണ് തലസ്ഥാന നഗരിയിൽ എത്തിച്ചേർന്നിരിക്കുന്നത്. രാവിലെ 10:30 ഓടെ പണ്ടാര അടുപ്പിലേക്ക് അഗ്നിപകരും. ഉച്ചയ്ക്ക് 2:30നാണ് പൊങ്കാല നിവേദ്യ സമർപ്പണം. അന്ന പൂർണേശ്വരിയായ ആറ്റുകാലമ്മയുടെ തിരുമുൻപിൽ പൊങ്കാലയർപ്പിക്കാനെത്തുന്നവരെല്ലാം കാപ്പു കെട്ടുന്ന ദിവസം മുതൽ വ്രതാനുഷ്ഠാനങ്ങൾ ആരംഭിക്കണമെന്നതാണ് ആചാരം. ഏഴുദിവസമോ, ഏറ്റവും കുറഞ്ഞത് മൂന്നു ദിവസമോ വ്രതം അനുഷ്ഠിച്ചിരിക്കണം. പൊങ്കാല കഴിഞ്ഞ് നിവേദ്യം സമർപ്പിക്കുന്നവരെ വ്രതം തുടരണം. സസ്യാഹാരം മാത്രമെ വ്രത സമയത്ത് കഴിക്കാവൂ. ദിവസം ഒരു നേരം അരിയാഹാരം കഴിക്കുക. മറ്റ് സമയങ്ങളിൽ ഗോതമ്പോ , ഫലവർഗ്ഗങ്ങളോ കഴിക്കാം. എല്ലാ…

തൃശൂർ: മതസൗഹാർദത്തിൻ്റെയും സഹവർത്തിത്വത്തിൻ്റെയും അവസാന കേന്ദ്രമാണ് കേരളം, അത് വീഴാൻ അനുവദിക്കരുതെന്ന് മുഖ്യമന്ത്രി പിണറായി വിജയൻ പറഞ്ഞു. എൽഡിഎഫ് സർക്കാരിൻ്റെ ജനസമ്പർക്ക പരിപാടിയായ നവകേരള സദസിൻ്റെ ഭാഗമായി ഞായറാഴ്ച തൃശൂരിൽ ലുലു കന്‍വെന്‍ഷന്‍ സെന്ററില്‍ സംഘടിപ്പിച്ച സാംസ്‌കാരിക രംഗത്തെ വ്യക്തികളുമായി മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം. “മതത്തിൻ്റെയും ജാതിയുടെയും ജീവിതശൈലിയുടെയും പേരിൽ ഐക്യകേരളത്തെ ഭിന്നിപ്പിക്കാനുള്ള ശ്രമങ്ങൾ നടക്കുന്നുണ്ട്. അത് നമ്മൾ അനുവദിക്കരുത്. കേരളം എപ്പോഴും ഇടതുപക്ഷ ചിന്താഗതിയാണ് സൂക്ഷിക്കുന്നത്. പുരോഗതിയിലും ജീവിത നിലവാരത്തിലും മറ്റ് സംസ്ഥാനങ്ങളെ അപേക്ഷിച്ച് ഇത് ഞങ്ങളെ മുന്നോട്ട് നയിച്ചു. ഇപ്പോൾ അതിനെ വലതുവശത്തേക്ക് മാറ്റാനുള്ള ശ്രമമാണ് നടക്കുന്നത്. ഐക്യകേരളത്തെ വിഭജിച്ച കേരളമാക്കി മാറ്റാനാണ് അവർ ശ്രമിക്കുന്നത്. സംസ്ഥാനത്തിൻ്റെ നിലനിൽപ്പ് തന്നെ ഭീഷണിയിലാണ്. നമ്മൾ ഒറ്റക്കെട്ടായി ഇതിനെ ചെറുക്കേണ്ടതുണ്ട്,” മുഖ്യമന്ത്രി പറഞ്ഞു. ഒരു ഭാഷ, ഒരു സംസ്‌കാരം, ഒരു മതം എന്നിങ്ങനെ ഏകീകൃത സംസ്‌കാരം…

ഇടുക്കി: തൊടുപുഴയിലെ ഹോട്ടലിൽ വിദ്യാർത്ഥിനിയോട് നാലംഗ സംഘം മോശമായി പെരുമാറിയതായി പരാതി. ഹോട്ടലിൽ ഭക്ഷണം കഴിക്കാനെത്തിയ വിദ്യാർത്ഥിനിയെ അസഭ്യം പറയുകയും സുഹൃത്തുക്കളായ മറ്റ് വിദ്യാർത്ഥികളെ മർദിക്കുകയും ചെയ്തതായാണ് പരാതി. തൊടുപുഴ മങ്ങാട്ടുകവലയിലെ ഹോട്ടലിലാണ് സംഭവം. മൂവാറ്റുപുഴ നിർമ്മല കോളേജിലെ വിദ്യാർത്ഥിനികൾക്കാണ് തൊടുപുഴയിലെ ഒരു ഹോട്ടലിൽ വെച്ച് ദൗർഭാഗ്യകരമായ അനുഭവം ഉണ്ടായത്. തൊടുപുഴ ന്യൂമാൻ കോളേജിൽ നടക്കുന്ന വടംവലി മത്സരത്തിൽ പങ്കെടുക്കാൻ മൂവാറ്റുപുഴയിൽ നിന്ന് എത്തിയതായിരുന്നു ഇവര്‍. വിദ്യാർഥിനിയും സുഹൃത്തുക്കളും മങ്ങാട്ടുകവലയിലെ ഹോട്ടലിൽ ഭക്ഷണം കഴിക്കാൻ എത്തിയപ്പോഴായിരുന്നു തൊട്ടടുത്ത മേശയിലിരുന്ന നാലു യുവാക്കളിൽ ഒരാൾ പെൺകുട്ടിയെ അസഭ്യം പറഞ്ഞത്. പീഡിപ്പിക്കുകയായിരുന്നു. വിദ്യാർഥികൾ തൊടുപുഴ പൊലീസിൽ പരാതി നൽകി. യുവാക്കള്‍ അശ്ലീലവാക്കുകൾ ഉപയോഗിക്കുകയും തള്ളി മാറ്റുകയും സുഹൃത്തുക്കളിൽ ഒരാളെ തല്ലുകയും ചെയ്തതായി പെൺകുട്ടി നൽകിയ പരാതിയിൽ പറയുന്നു. സംഭവത്തിൽ നാലു പേർക്കെതിരെ തൊടുപുഴ പൊലീസ് കേസെടുത്തു. മൂലമറ്റം സ്വദേശികളാണ് യുവാക്കള്‍…

കോഴിക്കോട്: ഭിന്നാഭിപ്രായക്കാരായ ജനങ്ങളെ ഒന്നിപ്പിക്കുന്ന വേദിയായി വിഭാവനം ചെയ്‌ത ഇന്ത്യാ മുസിരിസ് ആൻഡ് ഹെറിറ്റേജ് സെൻ്ററിൻ്റെ രജതജൂബിലിയുടെ ഉദ്ഘാടനം ശനിയാഴ്ച നടന്ന സമസ്ത കേരള ജംഇയ്യത്തുൽ ഉലമ പ്രസിഡൻ്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ പ്രതീക്ഷിച്ച ഫലം കണ്ടില്ല. ഗോവ ഗവർണർ പി എസ് ശ്രീധരൻ പിള്ള പങ്കെടുത്ത പരിപാടിയിൽ മുഖ്യാതിഥി എത്തിയില്ല. അനാവശ്യ വിവാദങ്ങൾ സൃഷ്ടിക്കാൻ ആഗ്രഹിക്കുന്നില്ലെന്ന് അവകാശപ്പെട്ടാണ് തങ്ങൾ പരിപാടിയിൽ നിന്ന് പിന്മാറിയതെന്ന് ഇന്ത്യ മുസിരിസ് ആൻഡ് ഹെറിറ്റേജ് സെൻ്റർ രക്ഷാധികാരി ആറ്റക്കോയ പള്ളിക്കണ്ടി പറഞ്ഞു. ക്ഷണിക്കപ്പെട്ട അതിഥികളായ തോട്ടത്തിൽ രവീന്ദ്രൻ എംഎൽഎ, സംഗീതജ്ഞൻ കൈതപ്രം ദാമോദരൻ നമ്പൂതിരി എന്നിവരും എത്തിയില്ല. വ്യക്തിബന്ധങ്ങളാണ് പ്രധാനമെന്ന് ആഘോഷങ്ങള്‍ ഉദ്ഘാടനം ചെയ്തുകൊണ്ട് ശ്രീധരന്‍ പിള്ള പറഞ്ഞു. ഇക്കാലത്ത് കേരളത്തിൽ വെറുപ്പാണ് വിളവെടുക്കുന്നത്. സംഘട്ടനമല്ല, സംഗമമാണ് കാലഘട്ടത്തിൻ്റെ ആവശ്യമെന്നും അദ്ദേഹം അഭിപ്രായപ്പെട്ടു. നൂറ്റാണ്ടുകളുടെ അറബ് രാജ്യങ്ങളുമായുള്ള കേരളത്തിൻ്റെ…

കോട്ടയം: പൂഞ്ഞാര്‍ സെന്റ് മേരീസ് പള്ളി സഹവികാരി ഫാ. ജോസഫ് ആറ്റുചാലിനെ പള്ളി കോമ്പൗണ്ടില്‍ കയറി ആക്രമിച്ചവരെ കണ്ടെത്തി അടിയന്തര നടപടിയുണ്ടാകണമെന്ന് കാത്തലിക് ബിഷപ്പ്സ് കോൺഫറൻസ് ഓഫ് ഇന്ത്യ (സിബിസിഐ )ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ. വി.സി. സെബാസ്റ്റ്യന്‍ സംസ്ഥാന സര്‍ക്കാരിനോട് ആവശ്യപ്പെട്ടു. പള്ളിയിലെ ആരാധനയ്ക്കു തടസം സൃഷ്ടിക്കുന്ന രീതിയില്‍ ബൈക്കഭ്യാസം പള്ളിയുടെ കോമ്പൗണ്ടില്‍ അരങ്ങേറിയത് ആസൂത്രിതമെന്ന് സംശയിക്കുന്നു.മുൻപും ഇത്തരം ശ്രമങ്ങൾ ഉണ്ടായി എന്നതിന്റെ വിവരങ്ങൾ പുറത്തു വന്നിട്ടുണ്ട്.പ്രതികൾക്കെതിരെ വധശ്രമം ഉൾപ്പെടെയുള്ള വകുപ്പുകൾ ഉൾപെടുത്തി കേസെടുക്കണം.മതമൈത്രി തകര്‍ക്കുന്ന ഇത്തരം നീക്കങ്ങള്‍ അവസാനിപ്പിച്ചില്ലെങ്കില്‍ പ്രത്യാഘാതം വളരെ വലുതായിരിക്കും. പള്ളി കോമ്പൗണ്ട് സഭയുടെയും ഇടവക സമൂഹത്തിന്റേതുമാണ്. സാമൂഹ്യവിരുദ്ധര്‍ക്ക് അഴിഞ്ഞാടാനുള്ളതല്ല. എന്തു വിലകൊടുത്തും സഭയ്ക്കും സമൂഹത്തിനുമായി നിസ്വാര്‍ത്ഥ സേവനവും ശുശ്രൂഷയും ചെയ്യുന്ന വൈദികരെയും ക്രൈസ്തവ വിശ്വാസത്തിന്റെ കേന്ദ്രമായ ആരാധനാലയങ്ങളേയും വിശ്വാസി സമൂഹം സംരക്ഷിക്കുമെന്നും വി.സി. സെബാസ്റ്റ്യന്‍ പറഞ്ഞു.

മഞ്ചേരി: വ്യത്യസ്ത കഴിവുകളുള്ള വനിതാ നേതാക്കൾ സമൂഹത്തിൽ വളർന്നുവരേണ്ടതുണ്ടെന്നും അതിനുവേണ്ട പരിശീലനങ്ങൾ സ്ത്രീകൾ നേടേണ്ടതുണ്ടെന്നും വിമൻ ജസ്റ്റിസ് മൂവ്‌മെന്റ് കേരള ജനറൽ സെക്രട്ടറി ഫസ്‌ന മിയാൻ. അഞ്ച് വർഷങ്ങൾക്കു മുമ്പ് പിറവിയെടുത്ത വിമൻ ജസ്റ്റിസ് മൂവ്‌മെന്റ സ്ത്രീകളുടെയും കുട്ടികളുടെയും ശാക്തീകരണവും ഉന്നമനവും ലക്ഷ്യം വെച്ചാണ് പ്രവർത്തിക്കുന്നതെന്നും അവർ പറഞ്ഞു. ജില്ലാ കമ്മിറ്റി മൂന്ന് മേഖലകളിലായി സംഘടിപ്പിക്കുന്ന നേതൃപരിശീലനം മഞ്ചേരിയിൽ ഉദ്ഘാടനം ചെയ്ത് സംസാരിക്കുകയായിരുന്നു അവർ. സുഭദ്ര വണ്ടൂർ (മീഡിയ, പബ്ലിക് റിലേഷൻ), ബിന്ദു പരമേശ്വരൻ (സോഷ്യൽ മീഡിയ), അഡ്വ. താജുന്നീസ (സമരം, ഇടപെടൽ) എന്നിവർ വിവിധ വിഷയങ്ങളിൽ ക്ലാസ്സെടുത്തു. വെൽഫെയർ പാർട്ടി ജില്ലാ സെക്രട്ടറി ഖാദർ അങ്ങാടിപ്പുറം ആശംസാ പ്രസംഗം നടത്തി. ജില്ലാ പ്രസിഡണ്ട് റജീന വളാഞ്ചേരി ആധ്യക്ഷം വഹിച്ചു. റുക്സാന സ്വാഗതം പറഞ്ഞു. വൈസ് പ്രസിഡണ്ട് ഹസീന വഹാബ് സമാപന പ്രഭാഷണം നടത്തി.

കോഴിക്കോട്: വിശുദ്ധ ഖുർആൻ പഠിതാക്കൾക്ക് സമൂഹത്തിൽ വലിയ ദൗത്യങ്ങൾ നിർവഹിക്കാനുണ്ടെന്ന് മർകസ് ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാർ. ഖുർആൻ ഹൃദിസ്ഥമാക്കുന്നതോടൊപ്പം അതിന്റെ ആശയങ്ങൾ പ്രചരിപ്പിക്കാനും നന്മയിലധിഷ്ഠിതമായി സമൂഹത്തെ നയിക്കാനും ഹാഫിളുകൾ മുന്നോട്ടു വരണമെന്നും അദ്ദേഹം പറഞ്ഞു. മർകസ് അക്കാദമി ഓഫ് ഖുർആൻ സ്റ്റഡീസ് അലുംനൈ കൂട്ടായ്മ അത്ഖ സംഘടിപ്പിച്ച സമ്പൂർണ പൂർവ്വ വിദ്യാർഥി സംഗമം ‘കോൺഫാബി’ൽ സംസാരിക്കുകയായിരുന്നു. ജാമിഅ മർകസ് റെക്ടർ ഡോ. മുഹമ്മദ് അബ്ദുൽ ഹകീം അസ്ഹരി ഉദ്ഘാടനം ചെയ്തു. ഡയറക്ടർ ജനറൽ സി മുഹമ്മദ് ഫൈസി സന്ദേശ പ്രഭാഷണം നടത്തി. ഹാഫിള് അബൂബക്കർ സഖാഫി പന്നൂർ അധ്യക്ഷത വഹിച്ചു. സംഗമത്തിൽ ഹിഫ്ള് പഠനകാലത്തെ മനോഹരമായ ഓർമകൾ പങ്കുവെച്ച് ആയിരത്തോളം ഹാഫിളുകൾ പങ്കെടുത്തു. ഖുർആനിക സന്ദേശ പ്രചരണ പ്രവർത്തന രംഗത്ത് പുതിയ ആലോചനകൾക്കും കർമ പദ്ധതികൾക്കും ചടങ്ങിൽ രൂപം നൽകി. സമൂഹത്തിൽ…