ബെർക്ക്ലി, കാലിഫോർണിയ -മെയ് 17 ന് ഭട്ടി ബിരുദം നേടാൻ പോകുകയായിരുന്നു.ബിരുദദാനത്തിന് ഏതാനും ദിവസങ്ങൾ മാത്രം ശേഷിക്കെ, യുസി ബെർക്ക്ലി സീനിയർ വിദ്യാർത്ഥിനിയായ 21 വയസ്സുള്ള ബന്ദ്‌ന ഭട്ടി, ഫ്രറ്റേണിറ്റി ഹൗസിൽ ഉണ്ടായ ഗുരുതരമായ വീഴ്ചയെത്തുടർന്ന് ജീവിതത്തെ മാറ്റിമറിക്കുന്ന ഒരു സാഹചര്യം അഭിമുഘീകരിക്കുന്നു.വീഴ്ചയിൽ നട്ടെല്ലിന് ഒടിവ്, തലച്ചോറിൽ ഒരു ഹെമറ്റോമ, അരയ്ക്ക് താഴേക്ക് തളർച്ച എന്നിവ ഉണ്ടായി.
ഡാറ്റാ സയൻസ് മേജറായ ഭട്ടി, പീഡ്‌മോണ്ട് അവന്യൂവിലുള്ള ഫ്രറ്റേണിറ്റി ഹൗസിലെ ഒരു ബാഹ്യ പടിക്കെട്ടിൽ നിന്ന് ഉച്ചയ്ക്ക് 1 മണിയോടെ വീണതായി റിപ്പോർട്ടുണ്ട്. ഏകദേശം 15 മിനിറ്റിനുശേഷം അവളെ കണ്ടെത്തിയതായി കുടുംബാംഗങ്ങൾ പറഞ്ഞു. അവളുടെ പരിക്കുകളുടെ വ്യാപ്തിയെക്കുറിച്ച് തുടക്കത്തിൽ അറിയില്ലായിരുന്നു, സുഹൃത്തുക്കൾ അവളെ അവളുടെ അപ്പാർട്ട്മെന്റിലേക്ക് തിരികെ കൊണ്ടുവന്നു. ഏഴ് മണിക്കൂറിനുശേഷം മാത്രമാണ് അടിയന്തര സേവനങ്ങളെ ബന്ധപ്പെട്ടത്.
കെടിവിയുവിനു നൽകിയ അഭിമുഖത്തിൽ അവളുടെ അമ്മ സുഖ് ഭട്ടി കുടുംബത്തിന്റെ വേദന പങ്കുവെച്ചു. “അവൾക്ക് നടക്കാൻ കഴിയില്ല. അവൾക്ക് ശരീരം ചലിപ്പിക്കാൻ കഴിയില്ല,” ബിരുദദാനത്തെക്കുറിച്ചുള്ള മകളുടെ ചോദ്യങ്ങൾ ഓർമ്മിക്കുമ്പോൾ അവളുടെ ശബ്ദം തകർന്നു, അവൾ പറഞ്ഞു. “‘ഞാൻ ഇപ്പോഴും ബിരുദം നേടാൻ പോകുകയാണോ?’ എന്ന് അവൾ ചോദിച്ചു”
ഭട്ടിയുടെ കുടുംബം ആരംഭിച്ച ഒരു GoFundMe കാമ്പെയ്‌ൻ അവരെ “ബുദ്ധിമാനായ, അനുകമ്പയുള്ള, സഹിഷ്ണുതയുള്ള യുവതി” എന്നാണ് വിശേഷിപ്പിച്ചത്. മെയ് 5 ന് രാവിലെ വരെ, ഫണ്ട്‌റൈസറിന് 90,000 ഡോളറിലധികം സംഭാവനകൾ ലഭിച്ചു.
