റായ്പൂർ: യുഎസ് പ്രസിഡന്റ് ഡോണാള്‍ഡ് ട്രം‌പ് നടത്തിയ ഇന്ത്യ-പാക്കിസ്താന്‍ വെടിനിർത്തൽ പ്രഖ്യാപനത്തില്‍ ഛത്തീസ്ഗഢ് മുൻ മുഖ്യമന്ത്രിയും കോൺഗ്രസ് ജനറൽ സെക്രട്ടറിയുമായ ഭൂപേഷ് ബാഗേൽ ശക്തമായ എതിർപ്പ് പ്രകടിപ്പിച്ചു. ബീഹാർ പര്യടനത്തിന് ശേഷം ഞായറാഴ്ച റായ്പൂരിലേക്ക് മടങ്ങവേ വിമാനത്താവളത്തിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. മല്ലികാർജുൻ ഖാർഗെയുടെയും രാഹുൽ ഗാന്ധിയുടെയും ആവശ്യപ്രകാരം പാർലമെന്റ് സമ്മേളനം വിളിക്കുന്നതിനെക്കുറിച്ചും അദ്ദേഹം സംസാരിച്ചു. ബംഗ്ലാദേശി നുഴഞ്ഞുകയറ്റക്കാരെ തിരിച്ചറിയുന്നതിനായി സർക്കാർ സൃഷ്ടിക്കുന്ന എസ്ടിഎഫ് രൂപീകരണത്തെക്കുറിച്ചും ഭൂപേഷ് ബാഗേൽ തന്റെ അഭിപ്രായങ്ങൾ പ്രകടിപ്പിച്ചു. പ്രധാനമന്ത്രി ആവാസ് യോജനയുടെ വീടുകളെക്കുറിച്ചുള്ള ആഭ്യന്തര മന്ത്രി വിജയ് ശർമ്മയുടെ വെല്ലുവിളി ഭൂപേഷ് ബാഗേൽ സ്വീകരിച്ചു. ഡൊണാൾഡ് ട്രംപിന്റെ വെടിനിർത്തൽ പ്രഖ്യാപനം രാജ്യത്തെ ജനങ്ങളെ നിരാശരാക്കിയെന്ന് ഭൂപേഷ് ബാഗേൽ പറഞ്ഞു. രണ്ട് രാജ്യങ്ങളും വെടിനിർത്തലിന് തീരുമാനിച്ചിട്ടുണ്ട്. എന്നാൽ, ഈ അപമാനകരമായ പ്രഖ്യാപനം നടത്തിയത് അമേരിക്കൻ പ്രസിഡന്റാണ്. രണ്ട് രാജ്യങ്ങളില്‍ ഏതെങ്കിലും ഒന്നായിരിക്കും…
യുഎസ് പ്രസിഡന്റ് ഡോണാള്‍ഡ് ട്രംപിന്റെ വെടിനിർത്തൽ പ്രഖ്യാപനവും ഉത്തരവുകളും അപമാനകരം: ഭൂപേഷ് ബാഗേൽ
