Category: AMERICA

അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പേരിൽ ഹൈദരാബാദിൽ ഒരു പ്രധാന റോഡിന് “ഡൊണാൾഡ് ട്രംപ് അവന്യൂ” എന്ന് നാമകരണം ചെയ്യുന്നു. മുഖ്യമന്ത്രി എ. രേവന്ത് റെഡ്ഡി റോഡിന്റെ ഔദ്യോഗിക ഉദ്ഘാടനം നിർവഹിക്കും. സൈബറാബാദിലെ അമേരിക്കൻ കോൺസുലേറ്റിന് സമീപം സ്ഥിതിചെയ്യുന്ന റോഡിന്റെ നാമകരണ ചടങ്ങ് നയതന്ത്ര പ്രാധാന്യമുള്ള പരിപാടിയായിരിക്കും. സംസ്ഥാനത്തെ മുതിർന്ന ഉദ്യോഗസ്ഥരും അമേരിക്കൻ നയതന്ത്ര പ്രതിനിധികളും ചടങ്ങിൽ പങ്കെടുക്കുമെന്നാണ് പ്രതീക്ഷിക്കുന്നത്. ഇന്ത്യയിൽ, നിലവിലുള്ള ഒരു അമേരിക്കൻ പ്രസിഡന്റിന്റെ പേരിൽ പ്രമുഖ പൊതുവഴിക്ക് പേര് നൽകുന്ന അപൂർവ സംഭവങ്ങളിലൊന്നായിരിക്കും ഈ നീക്കം. ഹൈദരാബാദിന്റെ ആഗോള പ്രതിച്ഛായ കൂടുതൽ ശക്തിപ്പെടുത്തുന്നതിനും അമേരിക്കയുമായി നഗരത്തിനുള്ള അടുത്ത ബന്ധം ലോകത്തിനു മുന്നിൽ അവതരിപ്പിക്കുന്നതിനുമാണ് ഈ തീരുമാനം ലക്ഷ്യമിടുന്നതെന്ന് സംസ്ഥാന സർക്കാർ വൃത്തങ്ങൾ അറിയിച്ചു. അമേരിക്കൻ സൗഹൃദപരമായ ഡിജിറ്റൽ നഗരമെന്ന നിലയിൽ ഹൈദരാബാദിന്റെ സ്ഥാനം കൂടുതൽ ഉറപ്പിക്കാനും ഇതിലൂടെ സാധിക്കുമെന്ന് അധികൃതർ പ്രതീക്ഷിക്കുന്നു. ഹൈദരാബാദിനെ…

വാഷിംഗ്ടൺ: അഞ്ച് വയസ്സുകാരിയെ ലൈംഗികമായി പീഡിപ്പിച്ച കേസിൽ അറസ്റ്റിലായ അനധികൃത കുടിയേറ്റക്കാരന് കുറഞ്ഞ തുകയ്ക്ക് ജാമ്യം അനുവദിച്ചതിനെച്ചൊല്ലി യു.എസ് ആഭ്യന്തര സുരക്ഷാ വകുപ്പും വിർജീനിയ ഗവർണറും തമ്മിൽ കടുത്ത ഭിന്നത. വുഡ്ബ്രിഡ്ജ് സ്വദേശിയായ ഹൊസെ നഹൂൻ അലിമാൻ ഹെർണാണ്ടസ് (43) എന്നയാളെയാണ് കഴിഞ്ഞ ജൂൺ 3-ന് പ്രിൻസ് വില്യം പോലീസ് അറസ്റ്റ് ചെയ്തത്. ഒരു ബേബിസിറ്ററുടെ വീട്ടിൽ വെച്ച് 2023 ജനുവരി മുതൽ 2026 മാർച്ച് വരെയുള്ള കാലയളവിൽ ഇയാൾ കുട്ടിയെ ലൈംഗികമായി പീഡിപ്പിച്ചു എന്നാണ് കേസ്.  പ്രതിക്ക് വെറും 5,000 ഡോളർ ജാമ്യത്തുകയിൽ  കോടതി ജാമ്യം അനുവദിച്ചു. പ്രതിക്ക് ജാമ്യം ലഭിച്ചതോടെ ഇയാൾ സമൂഹത്തിലേക്ക് തിരികെ ഇറങ്ങാതിരിക്കാൻ വിർജീനിയ ഗവർണർ അബിഗയിൽ സ്പാൻബെർഗർ അടിയന്തരമായി ഇടപെടണമെന്ന് DHS ആവശ്യപ്പെട്ടു. കുടിയേറ്റ നിയമങ്ങൾ കർശനമായി നടപ്പാക്കാത്ത വിർജീനിയയുടെ ‘സാങ്ച്വറി’  നയം സംസ്ഥാനത്തെ ജനങ്ങളുടെ സുരക്ഷ അപകടത്തിലാക്കുകയാണെന്നും, ഗവർണറുടെ…

വെല്ലിംഗ്ടൺ, ഫ്ലോറിഡ : അമേരിക്കൻ മലയാളി സമൂഹത്തിന് അഭിമാനകരമായ നേട്ടം സ്വന്തമാക്കി ജോർജ് വാഷിങ്ടൺ സർവകലാശാലയിലെ വിദ്യാർത്ഥിയായ ജോൺ ജോർജ് പാറേൽ. സർവകലാശാലയുടെ 2026-ലെ മുഴുവൻ ബിരുദധാരികളായ വിദ്യാർത്ഥികളിൽ നിന്ന് തിരഞ്ഞെടുക്കപ്പെടുന്ന ഏറ്റവും ഉയർന്ന അക്കാദമിക് ബഹുമതികളിലൊന്നായ “ഡിസ്റ്റിംഗ്വിഷ്ഡ് സ്കോളർ” പദവി ജോൺ ജോർജ് പാറേൽ നേടി. ഈ ബഹുമതിയുടെ ഭാഗമായി സർവകലാശാലയുടെ വാർഷിക ബിരുദദാന ചടങ്ങിൽ മുഴുവൻ ബിരുദധാരികളെയും പ്രതിനിധീകരിച്ച് പ്രസംഗിക്കാനുള്ള അവസരവും അദ്ദേഹത്തിന് ലഭിച്ചു. 2026 അധ്യയന വർഷം മുതൽ അദ്ദേഹം അതേ സർവകലാശാലയിൽ മെഡിക്കൽ പഠനം ആരംഭിക്കും. ജോണിന്റെ ഈ നേട്ടം അദ്ദേഹത്തിന്റെ അക്കാദമിക് മികവിന്റെ തുടർച്ചയാണ്. പാം ബീച്ച് കൗണ്ടിയിലെ പ്രമുഖ വിദ്യാഭ്യാസ സ്ഥാപനങ്ങളിലൊന്നായ സൺകോസ്റ്റ് കമ്മ്യൂണിറ്റി ഹൈസ്കൂളിന്റെ 2023-ലെ വാലെഡിക്ടോറിയൻ ആയിരുന്നു ജോൺ ജോർജ് പാറേൽ. ഹൈസ്കൂൾ തലത്തിൽ വാലെഡിക്ടോറിയൻ ബഹുമതി നേടിയതിനു പിന്നാലെ സർവകലാശാല തലത്തിൽ ഡിസ്റ്റിംഗ്വിഷ്ഡ് സ്കോളർ…

ഷിക്കാഗോ: ഷിക്കാഗോയിലുള്ള ഇന്ത്യൻ കോൺസുലേറ്റ് ജനറൽ ഓഫീസിൽ സ്വാമി വിവേകാനന്ദന്റെ പൂർണ്ണകായ പ്രതിമ അനാച്ഛാദനം ചെയ്തു. യു.എസിലെ ഇന്ത്യൻ അംബാസഡർ വിനയ് മോഹൻ ക്വാത്രയാണ് പ്രതിമയുടെ അനാച്ഛാദന കർമ്മം നിർവ്വഹിച്ചത്. ഇന്ത്യൻ കോൺസുലേറ്റും യു.എസ് ഇന്ത്യൻ കമ്മ്യൂണിറ്റി ഫൗണ്ടേഷനും (USICF) സംയുക്തമായാണ് ചടങ്ങ് സംഘടിപ്പിച്ചത്. അമേരിക്കയിലെ ഇന്ത്യൻ സമൂഹം കോൺസുലേറ്റിന് നൽകിയ ഉപഹാരമാണ് ഈ വെങ്കല പ്രതിമ. 1893-ൽ ഷിക്കാഗോയിൽ നടന്ന ലോകമത പാർലമെന്റിൽ സ്വാമി വിവേകാനന്ദൻ നടത്തിയ ചരിത്രപ്രസിദ്ധമായ പ്രസംഗത്തിന്റെ ഓർമ്മകൾ പുതുക്കുന്നതാണ് ഈ പ്രതിഷ്ഠാപനം. ചടങ്ങിൽ വന്ദേമാതരം ആലപിക്കുകയും ജനപ്രതിനിധികളും കമ്മ്യൂണിറ്റി നേതാക്കളും പങ്കെടുത്ത പ്രത്യേക ചർച്ച സംഘടിപ്പിക്കുകയും ചെയ്തു. “സ്വാമി വിവേകാനന്ദൻ ലോകത്തിന് നൽകിയ സേവനത്തിന്റെയും സാർവത്രിക സാഹോദര്യത്തിന്റെയും സന്ദേശം ഇന്നും പ്രസക്തമാണ്,” എന്ന് ചടങ്ങിൽ സംസാരിച്ച അംബാസഡർ വിനയ് മോഹൻ ക്വാത്ര വ്യക്തമാക്കി.  ഭാരതത്തിന്റെ ദ്രുതഗതിയിലുള്ള സാമ്പത്തിക വളർച്ചയെക്കുറിച്ചും, ഇന്ത്യ-യു.എസ് പങ്കാളിത്തം…

ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ് (FOMAA) എന്ന മഹത്തായ പ്രസ്ഥാനത്തോടൊപ്പം പ്രവർത്തിക്കാൻ കഴിഞ്ഞത് എന്റെ ജീവിതത്തിലെ ഏറ്റവും വലിയ അനുഗ്രഹങ്ങളിലൊന്നാണ്. 2008-ൽ ഹൂസ്റ്റണിൽ ഫോമായുടെ പ്രവർത്തനങ്ങളുമായി അടുത്ത ബന്ധം ആരംഭിച്ച ഞാൻ, ഫോമായുടെ വളർച്ചയും പുരോഗതിയും നേരിട്ട് കണ്ടറിയാനും അതിന്റെ വിവിധ പ്രവർത്തനങ്ങളുടെ ഭാഗമാകാനും അവസരം ലഭിച്ചു. ഈ കാലയളവിൽ ഫോമായുടെ വിവിധ പ്രസിഡന്റുമാരോടും ദേശീയ നേതാക്കളോടും കമ്മിറ്റികളോടും ചേർന്ന് പ്രവർത്തിക്കാനും സംഘടനയുടെ നിരവധി പദ്ധതികളിൽ പങ്കാളിയാകാനും സാധിച്ചു. ഓരോ നേതൃത്വത്തിന്റെയും ദീർഘവീക്ഷണവും പ്രവർത്തനങ്ങളും ചേർന്നാണ് ഇന്ന് ഫോമാ ഉത്തര അമേരിക്കയിലെ ഏറ്റവും ശക്തവും സ്വാധീനവുമുള്ള മലയാളി സംഘടനകളിലൊന്നായി വളർന്നത്. ശ്രീ ഫിലിപ്പ് ചാമത്തിൽ പ്രസിഡന്റായിരുന്ന 2018–2020 കാലഘട്ടത്തിൽ ഫോമായുടെ ചാരിറ്റി ചെയർമാനായി സേവനം അനുഷ്ഠിക്കാൻ എനിക്ക് അവസരം ലഭിച്ചു. സമൂഹത്തോടുള്ള ഉത്തരവാദിത്വവും മനുഷ്യസ്നേഹവും പ്രവർത്തിയിലൂടെ പ്രകടിപ്പിക്കാനുള്ള ഒരു സുവർണ്ണാവസരമായിരുന്നു അത്. 2018-ലെ കേരള…

വാഷിംഗ്ടൺ: അമേരിക്കയിൽ വ്യാപകമായി ഉപയോഗിക്കുന്ന ‘ഡ്യുലോക്സെറ്റിൻ’ (Duloxetine) എന്ന വിഷാദരോഗ മരുന്ന് വൻതോതിൽ വിപണിയിൽ നിന്ന് തിരിച്ചുവിളിക്കുന്നു. മരുന്നിൽ ക്യാൻസറിന് കാരണമായേക്കാവുന്ന ‘എൻ-നൈട്രോസോ-ഡ്യുലോക്സെറ്റിൻ’ (N-nitroso-duloxetine) എന്ന രാസവസ്തുവിന്റെ അളവ് അനുവദനീയമായതിലും കൂടുതലായി കണ്ടെത്തിയതിനെ തുടർന്നാണ് നടപടി. ഫാർമസ്യൂട്ടിക്കൽ കമ്പനിയായ ‘തോവ’ ഉത്പാദിപ്പിച്ച 3,70,000-ത്തോളം കുപ്പി മരുന്നുകളാണ് യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ  തിരിച്ചുവിളിക്കാൻ ഉത്തരവിട്ടത്. ‘സിംബാൽറ്റ’ (Cymbalta) എന്ന ബ്രാൻഡ് നാമത്തിൽ അറിയപ്പെടുന്ന ഈ മരുന്ന് വിഷാദം, ഉത്കണ്ഠ, വിട്ടുമാറാത്ത ശരീരവേദന എന്നിവയ്ക്കാണ് സാധാരണയായി നൽകാറുള്ളത്. തൽക്കാലം ഗുരുതരമായ ആരോഗ്യപ്രശ്നങ്ങൾ ഒന്നും റിപ്പോർട്ട് ചെയ്തിട്ടില്ലെങ്കിലും സുരക്ഷ മുൻനിർത്തിയാണ് ഈ നടപടി. എന്നാൽ, ഡോക്ടറുടെ നിർദ്ദേശമില്ലാതെ രോഗികൾ ഈ മരുന്ന് കഴിക്കുന്നത് പെട്ടെന്ന് നിർത്തരുതെന്നും, പകരം സംവിധാനങ്ങൾക്കായി ഫാർമസിസ്റ്റിനെയോ ഡോക്ടറെയോ സമീപിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്.

സാൻ ഫ്രാൻസിസ്കോ: കാലിഫോർണിയയിലെ സാന്താക്രൂസ് കൗണ്ടിയിൽ യെല്ലോ ബാങ്ക് ബീച്ചിൽ കിടന്നുറങ്ങിയിരുന്ന രണ്ട് ഇന്ത്യൻ വംശജരായ കോളേജ് വിദ്യാർത്ഥിനികള്‍ തിരമാലയില്‍ പെട്ട് മരിച്ചു. സാൻ ഹോസെ സ്റ്റേറ്റ് യൂണിവേഴ്സിറ്റി വിദ്യാർത്ഥിനിയായ മഹിയാൽ സ്രാൻ (20), യുസി ബെർക്ക്‌ലിയിൽ പഠിച്ചിരുന്ന ഹർഷിത നായർ എന്നിവരെയാണ് തിരമാല കടലിലേക്ക് വലിച്ചെടുത്തത്. യൂണിവേഴ്സിറ്റി ഓഫ് കാലിഫോർണിയ ബെർക്ക്‌ലിയിലെ ലീഗൽ സ്റ്റഡീസ് വിദ്യാര്‍ത്ഥി സ്വിദ്യാർത്ഥിനിയായിരുന്നു ഹര്‍ഷിത നായർ. മഹിയാൽ സ്രാൻ സാൻ ഹോസെ സ്റ്റേറ്റ് യൂണിവേഴ്സിറ്റിയിൽ പബ്ലിക് ഹെൽത്ത് (പൊതുജനാരോഗ്യം) വിദ്യാർത്ഥിനിയുമായിരുന്നു. ഫ്രീമോണ്ടിലെ വാഷിംഗ്ടൺ ഹൈസ്‌കൂളിൽ നിന്ന് 2023-ൽ സ്കൂൾ വിദ്യാഭ്യാസം പൂർത്തിയാക്കിയ ഇരുവർക്കും 2027-ൽ ബിരുദം ലഭിക്കേണ്ടതായിരുന്നു. അപ്രതീക്ഷിതമായി എത്തിയ ശക്തമായ വേലിയേറ്റവും അപകടകരമായ തിരമാലകളും ഇവരെ കടലിലേക്ക് വലിച്ചിഴക്കുകയായിരുന്നു. മാറിക്കൊണ്ടിരുന്ന തീരദേശ കാലാവസ്ഥയും ശക്തമായ തിരമാലകളുമാണ് ദുരന്തത്തിന് കാരണമായതെന്ന് അധികൃതർ വ്യക്തമാക്കി. രക്ഷാപ്രവർത്തകർ ഇരുവരെയും കരയിലെത്തിച്ചെങ്കിലും ജീവൻ രക്ഷിക്കാനായില്ല. ഈ…

ഫ്ലോറിഡ: ഐവിഎഫ് (IVF) ചികിത്സയിലെ ഗുരുതരമായ അബദ്ധത്തെത്തുടർന്ന് മാറിപ്പോയ ഭ്രൂണത്തിലൂടെ ജനിച്ച പെൺകുഞ്ഞിനെ സ്വന്തം മകളായി വളർത്താൻ ദമ്പതികൾക്ക് കോടതി അനുമതി നൽകി. ഫ്ലോറിഡ സ്വദേശികളായ ടിഫാനി സ്കോർ, സ്റ്റീവൻ മിൽസ് എന്നീ വെള്ളക്കാരയ ദമ്പതികൾക്കാണ് ഓർലാൻഡോയിലെ ഫെർട്ടിലിറ്റി സെന്ററിന്റെ അബദ്ധം മൂലം കറുത്ത വർഗ്ഗക്കാരിയായ കുഞ്ഞ് ജനിച്ചത്. കഴിഞ്ഞ ഡിസംബറിലായിരുന്നു കുഞ്ഞിന്റെ ജനനം. തുടർന്ന് നടത്തിയ അന്വേഷണത്തിൽ കുഞ്ഞിന്റെ യഥാർത്ഥ ജൈവിക മാതാപിതാക്കളെ (Biological parents) ദമ്പതികൾ കണ്ടെത്തിയിരുന്നു. എന്നാൽ കുഞ്ഞുമായി വൈകാരികമായി ഏറെ അടുത്തതിനാൽ അവളെ വിട്ടുനൽകില്ലെന്ന് ഇവർ വ്യക്തമാക്കി. തുടർന്ന് ഇരുവിഭാഗവും തമ്മിലുണ്ടാക്കിയ സംയുക്ത കസ്റ്റഡി കരാറിന് സെമിനോൾ കൗണ്ടി കോടതി ഈയാഴ്ച അംഗീകാരം നൽകി. ഇതോടെ കുഞ്ഞിന്റെ സ്ഥിരമായ രക്ഷാകർതൃത്വം ടിഫാനിക്കും സ്റ്റീവനും ലഭിച്ചു. അശ്രദ്ധ കാണിച്ച ഫെർട്ടിലിറ്റി ക്ലിനിക്കിനെതിരെ ദമ്പതികൾ നിയമനടപടി സ്വീകരിച്ചിട്ടുണ്ട്.

വാഷിംഗ്ടൺ ഡി.സി: യുഎസ് സർക്കാർ ലോകമെമ്പാടുമുള്ള മുപ്പതിലധികം രാജ്യങ്ങളിലായി 120-ലധികം ബയോളജിക്കൽ ലബോറട്ടറികൾക്ക് ധനസഹായം നൽകിയിട്ടുണ്ടെന്ന രഹസ്യവിവരങ്ങൾ യുഎസ് നാഷണൽ ഇന്റലിജൻസ് ഡയറക്ടർ  തുളസി ഗബ്ബാർഡ് പുറത്തുവിട്ടു. മുൻ ഭരണകൂടങ്ങളിലെ ഉന്നതരും ഡോ. ഫൗചി ഉൾപ്പെടെയുള്ള ആരോഗ്യ ഉദ്യോഗസ്ഥരും ഈ വിവരങ്ങൾ ബോധപൂർവം ജനങ്ങളിൽ നിന്ന് മറച്ചുവെച്ചതായും സത്യം വെളിപ്പെടുത്താൻ ശ്രമിച്ചവരെ രാജ്യദ്രോഹികളായി ചിത്രീകരിച്ചതായും അവർ കുറ്റപ്പെടുത്തി. അപകടകരമായ വൈറസ് ഗവേഷണങ്ങൾക്കുള്ള (gain-of-function research) ഫണ്ടിങ് നിർത്തലാക്കാനുള്ള പ്രസിഡന്റ് ട്രംപിന്റെ ഉത്തരവിന്റെ ഭാഗമായാണ് ഈ സുപ്രധാന വെളിപ്പെടുത്തൽ. യുക്രെയ്ൻ ഉൾപ്പെടെയുള്ള രാജ്യങ്ങളിൽ പ്രവർത്തിക്കുന്ന ഇത്തരം ലാബുകളിൽ അതീവ അപകടകരമായ രോഗകാരികളെക്കുറിച്ചുള്ള ഗവേഷണങ്ങൾ കാര്യമായ മേൽനോട്ടമില്ലാതെ നടന്നിട്ടുണ്ടെന്നും, യുദ്ധസാഹചര്യത്തിൽ ഇവ പിടിച്ചെടുക്കപ്പെടാൻ സാധ്യതയുണ്ടെന്നും ഇന്റലിജൻസ് റിപ്പോർട്ടിൽ പറയുന്നു. വിദേശങ്ങളിലെ ഇത്തരം ലാബുകളെക്കുറിച്ചുള്ള കൂടുതൽ വിവരങ്ങൾ ശേഖരിക്കാൻ ഇന്റലിജൻസ് വിഭാഗത്തിന് തുളസി ഗബ്ബാർഡ് നിർദ്ദേശം നൽകിയിട്ടുണ്ട്.