Day: October 22, 2026

തൃശൂർ: പന്നിയങ്കര ടോൾ പ്ലാസയിൽ കെഎസ്ആർടിസി ബസുകൾ തടഞ്ഞുവച്ച സംഭവത്തിൽ വിശദീകരണവുമായി കെഎസ്ആർടിസി അധികൃതർ. ഫാസ്റ്റാഗ് വഴിയുള്ള ടോൾ പണമിടപാടുകൾ കൃത്യമായി നടത്തുന്നുണ്ടെന്നും ബാങ്കിന്റെ ഭാഗത്തുനിന്നുണ്ടായ സാങ്കേതിക വീഴ്ചയാണ് ബസുകൾ തടഞ്ഞുവയ്ക്കപ്പെടാൻ കാരണമായതെന്നും കെഎസ്ആർടിസി വ്യക്തമാക്കി. സംഭവത്തിൽ ബന്ധപ്പെട്ട ബാങ്ക് ആഭ്യന്തര അന്വേഷണം ആരംഭിച്ചതായും അന്വേഷണ റിപ്പോർട്ട് ഉടൻ ലഭ്യമാകുമെന്നും അധികൃതർ അറിയിച്ചു. കെഎസ്ആർടിസി ബസുകളുടെ ഫാസ്റ്റാഗ് പണമിടപാടുകൾ കൈകാര്യം ചെയ്യുന്നതിനുള്ള ചുമതല ഇത്തവണ ടെൻഡർ നടപടികളിലൂടെയാണ് യൂണിയൻ ബാങ്കിന് കൈമാറിയത്. ടോൾ തുക അടയ്ക്കുന്നതുമായി ബന്ധപ്പെട്ട നടപടികൾ കെഎസ്ആർടിസിയുടെ ഭാഗത്തുനിന്ന് കൃത്യമായി നിർവഹിക്കുന്നുണ്ടെന്നാണ് അധികൃതരുടെ വിശദീകരണം. എന്നാൽ ബാങ്കിങ് സംവിധാനത്തിലുണ്ടായ സാങ്കേതിക പ്രശ്നം മൂലം ഫാസ്റ്റാഗ് ഇടപാടുകൾ തടസ്സപ്പെട്ടതാണ് ടോൾ പ്ലാസയിൽ പ്രതിസന്ധി സൃഷ്ടിച്ചതെന്നാണ് കെഎസ്ആർടിസിയുടെ നിലപാട്. കഴിഞ്ഞ ദിവസമാണ് തൃശൂരിലേക്ക് വരികയായിരുന്ന അന്തർസംസ്ഥാന സർവീസുകൾ ഉൾപ്പെടെ അഞ്ച് കെഎസ്ആർടിസി ബസുകൾ പന്നിയങ്കര ടോൾ പ്ലാസയിൽ…

ഫ്ലോറിഡ: നാല് പതിറ്റാണ്ടുകൾക്ക് മുൻപ് ഡെപ്യൂട്ടി ഷെരീഫിനെ വെടിവെച്ചു കൊലപ്പെടുത്തിയ കേസിൽ ഫ്ലോറിഡയിൽ 77 കാരനായ തടവുകാരന് വധശിക്ഷ നടപ്പാക്കി. വില്യം റീവ്സ് ആണ് ഫ്ലോറിഡ സ്റ്റേറ്റ് പ്രിസണിൽ വെച്ച് മരിച്ചതായി സ്ഥിരീകരിച്ചത്. മൂന്ന് മരുന്നുകൾ അടങ്ങിയ മാരക കുത്തിവെപ്പ് നൽകിയാണ് ഒക്ടോബര് 20 ചൊവാഴ്ച വധശിക്ഷ  നടപ്പിലാക്കിയത്. 1986 സെപ്റ്റംബറിലാണ് കേസിനാസ്പദമായ സംഭവം നടക്കുന്നത്. ഇന്ത്യൻ റിവർ കൗണ്ടി ഡെപ്യൂട്ടി ഷെരീഫ് റിച്ചാർഡ് റാസ്കോസ്കിയെ വില്യം റീവ്സ് വെടിവെച്ചു കൊല്ലുകയായിരുന്നു. 911 നമ്പറിലേക്ക് റീവ്സ് വിളിച്ചതിനെത്തുടർന്ന് സ്ഥലത്തെത്തിയതായിരുന്നു ഡെപ്യൂട്ടി. തടസ്സവാദങ്ങളും അപ്പീലുകളും കോടതി തള്ളിയതിനെത്തുടർന്നാണ് ശിക്ഷ നടപ്പിലാക്കിയത്. തനിക്ക് അവസാനമായി ഒന്നും പറയാനില്ലെന്ന് റീവ്സ് വ്യക്തമാക്കിയിരുന്നു. വിയറ്റ്നാം യുദ്ധത്തിൽ പങ്കെടുത്തിട്ടുള്ള റീവ്സ് കടുത്ത പോസ്റ്റ്-ട്രോമാറ്റിക് സ്ട്രെസ് ഡിസോർഡർ (PTSD) ബാധിതനായിരുന്നുവെന്നും, യുദ്ധവീരനെന്ന പരിഗണന നൽകി വധശിക്ഷ ഒഴിവാക്കണമെന്നും അഭിഭാഷകരും മുൻ സൈനികരും അഭ്യർത്ഥിച്ചിരുന്നെങ്കിലും ഗവർണർ  ഇത്…