തിരുവനന്തപുരം: തനിക്കെതിരെ തുടരുന്ന സ്റ്റുഡന്റ് ഫെഡറേഷൻ ഓഫ് ഇന്ത്യ (എസ്എഫ്ഐ) പ്രതിഷേധം സ്പോൺസർ ചെയ്യുന്നത് മുഖ്യമന്ത്രി പിണറായി വിജയനാണെന്ന് കേരള ഗവർണർ ആരിഫ് മുഹമ്മദ് ഖാൻ ആരോപിച്ചു. കേരള, കാലിക്കറ്റ് സർവ്വകലാശാലകളിലെ സെനറ്റുകളിലേക്ക് സംഘപരിവാർ സ്ഥാനാർത്ഥികളെ നാമനിർദ്ദേശം ചെയ്തുവെന്നാരോപിച്ച് ചാൻസലർക്കെതിരെ പടയൊരുക്കം നടത്തിയ എസ്എഫ്ഐ, പുതുവർഷ തലേന്ന് കണ്ണൂർ പയ്യാമ്പലം ബീച്ചിൽ അദ്ദേഹത്തിന്റെ കോലം കത്തിച്ചിരുന്നു. പ്രതിഷേധത്തിൽ എസ്എഫ്ഐ സംസ്ഥാന പ്രസിഡന്റ് കെ. അനുശ്രീ ഉൾപ്പെടെ നിരവധി എസ്എഫ്ഐ പ്രവർത്തകർ അറസ്റ്റിലായി. എന്നാല്, രാഷ്ട്രത്തലവനെതിരായ പ്രതിഷേധം തടയാൻ കാര്യമായൊന്നും ചെയ്യാത്തതിന് സർക്കാരിനെ ബിജെപി വിമര്ശിച്ചു. തിങ്കളാഴ്ച വൈകിട്ട് തിരുവനന്തപുരത്ത് എത്തിയ അദ്ദേഹം മാധ്യമ പ്രവർത്തകരോട് സംസാരിക്കവെ, എസ്എഫ്ഐ തന്റെ കോലം കത്തിച്ചതിൽ സന്തോഷമുണ്ടെന്ന് ഗവര്ണ്ണര് പറഞ്ഞു. അവർ (എസ്എഫ്ഐ) സാധാരണയായി ആളുകളെ ജീവനോടെ ചുട്ടെരിക്കുന്നവരാണെന്ന് അദ്ദേഹം പറഞ്ഞു. കണ്ണൂരിൽ കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) [സിപിഐ(എം)]…
തനിക്കെതിരെ അക്രമം നടത്താന് എസ്എഫ്ഐയെ പ്രേരിപ്പിക്കുന്നത് മുഖ്യമന്ത്രി പിണറായി വിജയന്: ഗവര്ണ്ണര് ആരിഫ് മുഹമ്മദ് ഖാന്
