Month: July 2022

കോട്ടയം: ബിസിഎം കോളേജിന്റെ ടെറസ്സില്‍ നിന്ന് ചാടി പരിക്കേറ്റ വിദ്യാര്‍ത്ഥിനി മരിച്ചു. മൂന്നാം വർഷ ബിരുദ വിദ്യാർത്ഥിനി പന്തം എടപ്പോള്‍ സ്വദേശിനി ദേവികയാണ് മരിച്ചത്. കഴിഞ്ഞ തിങ്കളാഴ്ച രാവിലെ പതിനൊന്നരയോടെയാണ് പെൺകുട്ടി കോളേജ് കെട്ടിടത്തിന്റെ മുകൾ നിലയിൽ നിന്ന് ചാടി ആത്മഹത്യയ്ക്ക് ശ്രമിച്ചത്. കുടുംബപ്രശ്‌നങ്ങളാണ് ആത്മഹത്യാശ്രമത്തിന് പിന്നിലെന്ന് സംഭവത്തിന് പിന്നാലെ കോളജ് അധികൃതര്‍ വ്യക്തമാക്കിയിരുന്നു. പരിക്കേറ്റ പെണ്‍കുട്ടിയെ അന്നുതന്നെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റിയിരുന്നു. ചികിത്സയിലിരിക്കെ ഇന്ന് രാവിലെയാണ് മരിച്ചത്. നേരത്തേയും പെണ്‍കുട്ടി ജീവനൊടുക്കാന്‍ ശ്രമിച്ചിട്ടുണ്ടെന്ന് പൊലീസ് അറിയിച്ചു.

തിരുവനന്തപുരം: ഇന്ധനം ലാഭിക്കാൻ ജന്റം, സ്വിഫ്റ്റ് ബസുകളെ കെ‌എസ്‌ആര്‍‌ടി‌സി ബൈപാസ് റൈഡറുകളാക്കുന്നു. തിരുവനന്തപുരം-കോഴിക്കോട് റൂട്ടിലെ ബസുകളാണ് ആദ്യം ബൈപാസ് റൈഡറായി ഡീലക്സ് ബസുകളായി ഓടും. പുതിയ ഉത്തരവ് പ്രകാരം സർവീസ് ആരംഭിക്കുന്ന ബസ് സ്റ്റാൻഡും സർവീസ് അവസാനിക്കുന്ന ബസ് സ്റ്റാൻഡും ഒഴികെ പല സ്റ്റാൻഡുകളിലും ബസ് കയറുകയില്ല. പകരം പ്രധാന ജംക്‌ഷനുകളിൽ സ്റ്റോപ്പുണ്ടാകും. ഇത് ഇന്ധനവും സമയവും ലാഭിക്കുമെന്ന് മാനേജ്‌മെന്റ് പറയുന്നു. ഇതുവഴി യാത്രക്കാർക്കുണ്ടാകുന്ന ബുദ്ധിമുട്ട് മാനേജ്‌മെന്റ് പരിഗണിക്കുന്നില്ല. രാത്രി യാത്രക്കാർക്ക് ഏറെ ബുദ്ധിമുട്ടുണ്ടാക്കുന്ന തീരുമാനമാണ് മാനേജ്‌മെന്റ് എടുത്തിരിക്കുന്നത്. തിരുവനന്തപുരത്ത് നിന്ന് എന്‍എച്ച് വഴിയുള്ള കെഎസ്ആര്‍ടി ബസുകള്‍ ആറ്റിങ്ങല്‍, കരുനാഗപ്പള്ളി, വൈറ്റില ഹബ്, അങ്കമാലി, തൃശൂര്‍, കോഴിക്കോട് സ്റ്റാന്‍ഡുകളിലും ചില ഫീഡര്‍ സ്റ്റേഷനുകളിലും കയറും. ബാക്കി സ്ഥലങ്ങളില്‍ ബസ് സ്റ്റോപ്പുകളില്‍ മാത്രമാണ് നിര്‍ത്തുക. എംസി റോഡ് വഴി പോകുന്ന ബസുകള്‍ തിരുവനന്തപുരം വിട്ടാല്‍ ചടയമംഗലം, തിരുവല്ല, മൂവാറ്റുപുഴ,…

കോട്ടയം: കോമ്പൗണ്ട് റബറിന്റെ അനിയന്ത്രിത ഇറക്കുമതിയിലൂടെ പ്രകൃതിദത്ത റബറിന്റെ ആഭ്യന്തരവിപണി അട്ടിമറിച്ച് തകര്‍ക്കാനുള്ള നീക്കത്തിനെതിരെ കേന്ദ്രസര്‍ക്കാര്‍ ഇടപെടല്‍ നടത്തണമെന്ന് ഇന്‍ഫാം ദേശീയ സെക്രട്ടറി ജനറല്‍ ഷെവലിയര്‍ അഡ്വ.വി.സി.സെബാസ്റ്റ്യന്‍ ആവശ്യപ്പെട്ടു. വ്യവസായികളുടെ ഈ നീക്കത്തിനുപിന്നില്‍ റബര്‍ബോര്‍ഡിന്റെ അംഗീകാരവും ഒത്താശയുമുണ്ടെന്ന് കഴിഞ്ഞ കാലങ്ങളിലെ കോമ്പൗണ്ട് റബറിന്റെ ഇറക്കുമതി കണക്കുകള്‍ വ്യക്തമാക്കുന്നു. 2013-14ല്‍ 430 കോടിയുടെ 26655 ടണ്‍ കോമ്പൗണ്ട് റബര്‍ മാത്രമാണ് ഇറക്കുമതി ചെയ്തിരുന്നതെങ്കില്‍ 2021-22 ലിത് 1569 കോടിയുടെ 114636 ടണ്ണായി വര്‍ദ്ധിച്ചു. 2022 ജൂലൈ മാസം മാത്രം 30000 ടണ്‍ ഇറക്കുമതിയിലൂടെ ആഭ്യന്തര സ്വാഭാവിക റബര്‍ വിപണിവിലയിടിക്കുവാനുള്ള നീക്കം കേരളത്തിലെ റബര്‍ കര്‍ഷകര്‍ക്ക് വലിയ പ്രഹരമായിരിക്കും. ഇതിന്റെ തെളിവാണ് മഴമൂലം ടാപ്പിംഗ് നിലച്ചിട്ടും കഴിഞ്ഞ ദിവസങ്ങളില്‍ തുടര്‍ച്ചയായുണ്ടായ വിലത്തകര്‍ച്ച. ആഭ്യന്തര ഉല്പാദനം കുറഞ്ഞിട്ടും വിലയുയര്‍ത്താതെ ഗുണനിലവാരമില്ലാത്ത റബര്‍ ഇറക്കുമതി നടത്തുവാന്‍ കേന്ദ്രസര്‍ക്കാര്‍ ഏജന്‍സികള്‍തന്നെ കൂട്ടുനില്‍ക്കുന്നത് ശരിയായ പ്രവണതയല്ല.…

സിയോൾ: റഷ്യൻ ആക്രമണത്തിനെതിരായ പോരാട്ടത്തിൽ ഉക്രെയ്നിലെ പ്രഥമ വനിത ഒലീന സെലെൻസ്‌ക വ്യാഴാഴ്ച അന്താരാഷ്ട്ര പിന്തുണയ്‌ക്കായി ശക്തമായ അഭ്യർത്ഥന നടത്തി, നീണ്ടുനിൽക്കുന്ന സംഘർഷം “ലോകത്തിന്റെയാകെ ജനാധിപത്യ തത്വങ്ങളെ” ബാധിക്കുന്നുവെന്ന് ഊന്നിപ്പറഞ്ഞു. ഒരു മാധ്യമത്തിനു നൽകിയ പ്രത്യേക രേഖാമൂലമുള്ള അഭിമുഖത്തിൽ, സെലെൻസ്ക വികാരാധീനയായി. ഫെബ്രുവരി 24 ന് റഷ്യയുടെ അധിനിവേശം പൊട്ടിപ്പുറപ്പെട്ട യുദ്ധത്തോടുള്ള ഏത് അലംഭാവത്തിനെതിരെയും മുന്നറിയിപ്പ് നൽകി. “യുദ്ധം ശീലമാക്കരുത്, ഈ യുദ്ധത്തിൽ ഒരു നിഷ്പക്ഷ നിലപാടിന് ഇടമില്ലെന്ന് ഞാൻ ഊന്നിപ്പറയാൻ ആഗ്രഹിക്കുന്നു.” പ്രസിഡന്റ് വോളോഡിമർ സെലെൻസ്‌കിയുടെ ഭാര്യ പറഞ്ഞു. ഈ യുദ്ധം ഉക്രെയിനിനെ മാത്രമല്ല ആഗോള ജനാധിപത്യ മൂല്യങ്ങളെയും അപകടത്തിലാക്കുന്നതിനാൽ നിങ്ങൾക്ക് ഇത് വിദൂരവും അപ്രധാനവുമായ ഒന്നായി തള്ളിക്കളയാനാവില്ല. മനുഷ്യത്വപരമായ സഹായം, ആയുധങ്ങൾ, യുദ്ധാനന്തര പുനർനിർമ്മാണത്തിനുള്ള പിന്തുണ എന്നിവയുൾപ്പെടെ യുക്രെയ്‌നിന് എല്ലാം ആവശ്യമാണെന്ന് പ്രസ്താവിച്ചുകൊണ്ട് അവർ തുടർന്നു. 1945-ൽ രണ്ടാം ലോകമഹായുദ്ധം അവസാനിച്ചതിനുശേഷം യൂറോപ്യൻ പ്രദേശത്ത്…

ഹൂസ്റ്റൺ: അച്ചാമ്മ കുര്യൻ പന്നാപാറ (75) ഹൂസ്റ്റണിലെ, ഷുഗർലാൻഡിൽ സ്വവസതിയിൽ വെച്ച് നിര്യാതയായി. 1971 ആഗസ്റ്റ് 22-ന് കുരിയൻ പന്നാപാറയുമായി വിവാഹിതയായി. 1972ൽ അമേരിക്കയിലേക്ക് കുടിയേറി. നഴ്സിംഗ് മേഖലയില്‍ വളരെ കാലം സേവനമനുഷ്ഠിച്ചശേഷം റിട്ടയര്‍ ചെയ്തു. ഹ്യൂസ്റ്റന്‍ മലയാളികള്‍ക്കിടയില്‍ സാമൂഹിക-സാംസ്കാരിക രംഗങ്ങളിൽ ഈ ദമ്പതികൾ വളരെ സജീവമായി പ്രവർത്തിച്ചുവരികയായിരുന്നു. മക്കള്‍: ഷെർലി, ഷൈനി. അഞ്ച് കൊച്ചുമക്കളുണ്ട്. സംസ്കാരചടങ്ങുകൾ: ജൂലൈ 19-ന് സെന്റ് ലോറന്‍സ് കാത്തലിക് ചര്‍ച്ച്, ഷുഗര്‍ലാന്റ് (3100 Sweetwater BLVD, Sugar Land, TX 77479). പൊതുദര്‍ശനം: രാവിലെ 8:30 മുതല്‍ 10:00 വരെ. തുടർന്ന് ഫ്യൂണറൽ കുർബാന തിരുക്കർമ്മങ്ങൾ. തുടര്‍ന്ന് റോസൻ ബർഗിൽ ഡേവിസ് ഗ്രീൻലോൺ സെമിത്തേരിയിൽ (3900 B F Terry BLVD, Rosenberg,TX 77471) സംസ്ക്കാരം. ഇന്ത്യ കത്തോലിക്കാസ് ഓഫ് ഹൂസ്റ്റൺ അച്ചാമ്മയുടെ വേർപാടിൽ അനുശോചനം രേഖപ്പെടുത്തി.

ന്യൂയോർക്ക് :അമേരിക്കൻ പ്രസിഡൻറ് ഡൊണാൾഡ് ട്രംപിന്റെ മുൻഭാര്യ ന്യൂയോർക്കിൽ അന്തരിച്ചു. ഡൊണാൾഡ് ട്രമ്പ് തന്നെയാണ് ട്രൂത് സോഷ്യലിലൂടെ ഔദ്യോഗികമായി ഇവാനയുടെ മരണം അറിയിച്ചത്. 73 വയസ്സായിരുന്നു. 1977 ലായിരുന്നു ട്രമ്പ് ഇവനാ വിവാഹം. ഡൊണാൾഡ് ജൂനിയർ , ഇവാങ്ക ,എറിക് എന്നിവർ മക്കളാണ് . ന്യൂയോർക്ക് സ്വവസതിയിൽ വെച്ചു പെട്ടെന്ന് അബോധാവസ്ഥയിലായതിനെ തുടർന്ന് 911 വിളിക്കുകയായിരുന്നു .പ്രാഥമിക ചികിത്സ നല്‍കുന്നതിനു മുന്‍പു തന്നെ മരണം സംഭവിച്ചിരുന്നു. 1949 ൽ ചെക്കോസ്ലോവാക്കിയിലായിരുന്നു ജനനം . ഇവാനയുടെ ആകസ്മിക വിയോഗത്തിൽ ട്രമ്പ് അഗാധ ദുഃഖം അറിയിച്ചു.

ഒട്ടാവ: ടൊറന്റോയിൽ മഹാത്മാ ഗാന്ധിയുടെ പ്രതിമ വികൃതമാക്കിയ സംഭവത്തില്‍ പോലീസ് അന്വേഷണം ആരംഭിച്ചു. ടൊറന്റോയിലെ റിച്ച്മണ്ട് ഹില്ലിലുള്ള വിഷ്ണു ക്ഷേത്രത്തിനു സമീപമാണ് ബുധനാഴ്ച (ജൂലൈ 13) ഉച്ചയ്ക്ക് 12.30ഓടെ സംഭവം നടന്നത്. ഈ സാഹചര്യത്തിൽ, വിദ്വേഷ കുറ്റകൃത്യമായി കണക്കാക്കിയാണ് കേസ് അന്വേഷിക്കുന്നതെന്ന് ലോക്കൽ പോലീസ് പറയുന്നു. യോങ് സ്ട്രീറ്റിലെയും ഗാർഡൻ അവന്യൂവിലെയും വിഷ്ണു ക്ഷേത്രത്തിന്റെ പരിസരത്ത് 5 മീറ്ററോളം ഉയരമുള്ള രാഷ്ട്രപിതാവ് ഗാന്ധിയുടെ പ്രതിമ സ്ഥാപിച്ചിരുന്നു. അതാണ് അക്രമികൾ വികൃതമാക്കിയത്. മാത്രമല്ല, ഖാലിസ്ഥാൻ, റേപ്പിസ്റ്റ് തുടങ്ങിയ ആക്ഷേപകരമായ വാക്കുകളും സാമൂഹിക വിരുദ്ധർ ഈ പ്രതിമയിൽ എഴുതിയിട്ടുണ്ട്. മഹാത്മാഗാന്ധിയുടെ പ്രതിമയെ അപകീർത്തിപ്പെടുത്താൻ ആക്ഷേപകരമായ വാക്കുകൾ ഉപയോഗിച്ചുവെന്ന് യോർക്ക് റീജിയണൽ പോലീസ് വക്താവ് ആമി ബൗഡ്റോ സംഭവം സ്ഥിരീകരിച്ചു. വംശം, ജാതി, രാജ്യം, ഭാഷ, മതം, പ്രായം, ലിംഗഭേദം മുതലായവയുടെ അടിസ്ഥാനത്തിൽ മറ്റുള്ളവരെ വെറുക്കുന്നവർ പക്ഷപാതപരവും അപമാനിതരുമാണ്. നിയമപരമായ പരിധിക്കുള്ളിൽ…