Month: November 2022

അമേരിക്കയിലെ അവധിക്കാല യാത്രകള്‍ പ്രതികൂല കാലാവസ്ഥ മൂലം ഞായറാഴ്ച 3,000-ലധികം വിമാനങ്ങൾ വൈകുകയോ റദ്ദാക്കുകയോ ചെയ്യപ്പെട്ടതായി ഓൺലൈൻ ഫ്ലൈറ്റ് ട്രാക്കർ FlightAware കാണിക്കുന്നു. ഞായറാഴ്ച ഉച്ചവരെ 3,134 ഫ്ലൈറ്റുകൾ വൈകുകയും 77 എണ്ണം യു എസിനു അകത്തോ പുറത്തോ റദ്ദാക്കുകയും ചെയ്‌തതായി ഡാറ്റ കാണിക്കുന്നു. താങ്ക്സ്ഗിവിംഗിനു ശേഷമുള്ള ഞായറാഴ്ച വർഷത്തിലെ ഏറ്റവും തിരക്കേറിയ യാത്രാ ദിവസങ്ങളിൽ ഒന്നാണ്. ശനിയാഴ്ച 2,268,189 യാത്രക്കാർ ട്രാൻസ്‌പോർട്ടേഷൻ ആൻഡ് സെക്യൂരിറ്റി അഡ്മിനിസ്‌ട്രേഷൻ ചെക്ക്‌പോസ്റ്റുകളിൽ ലോഗിൻ ചെയ്‌തിട്ടുണ്ട്. കോവിഡ്-19 മഹാമാരി ആരംഭിക്കുന്നതിന് മുമ്പും ശേഷവും 2019-ൽ ഉള്ളതിനേക്കാൾ കൂടുതലാണിത്. വെള്ളിയാഴ്ച യാത്രക്കാരുടെ എണ്ണം, 1,980,837, 2019 നമ്പരുകളും കടന്നു. മിസ്സിസിപ്പി നദീതീരത്ത് നിന്ന് വടക്കുകിഴക്ക് ഭാഗത്തേക്ക് ഞായറാഴ്ച വരെ വലിയ കൊടുങ്കാറ്റ് നീങ്ങുമെന്നും, കനത്ത മഴയും ശക്തമായ കാറ്റും മിഡ്‌വെസ്റ്റിനെ ബാധിക്കുമെന്നും പ്രവചിക്കപ്പെട്ടതിനു ശേഷമാണ് അവധിക്കാല യാത്ര ആരംഭിച്ചത്. യാത്രക്കാരുടെ എണ്ണം പതിവില്‍…

ഉക്രെയ്‌നിന് സർക്കാർ നൽകുന്ന സഹായത്തിനെതിരെയും ദീര്‍ഘവീക്ഷണമില്ലാത്ത വ്യാപാര-ഊർജ്ജ നയങ്ങളായി അവർ കരുതുന്ന നയങ്ങളിലും പ്രതിഷേധിച്ച് ചെക്ക് ജനത തലസ്ഥാനമായ പ്രാഗിൽ തെരുവിലിറങ്ങി പ്രതിഷേധ പ്രകടനം നടത്തി. ലെറ്റ്‌നയിൽ ഒത്തുകൂടിയ പ്രതിഷേധക്കാർ, യൂറോപ്യൻ യൂണിയനെയും നേറ്റോയെയും ലക്ഷ്യം വെച്ച്, ഉക്രെയ്‌നിലേക്കുള്ള അവരുടെ തുടർച്ചയായ സഹായത്തിനെതിരെയും, യുഎസ് താവളങ്ങൾക്കെതിരെയും വിമര്‍ശിച്ചു. യൂറോപ്പിലെ അമേരിക്കന്‍ താവളങ്ങള്‍ ഒരിക്കലും സമാധാനം തരില്ലെന്നും, യുദ്ധക്കൊതിയന്മാരേ നിര്‍ത്തൂ എന്നും പ്രകടനക്കാര്‍ മുദ്രാവാക്യമുയര്‍ത്തി. യൂട്ടിലിറ്റി ചെലവ് കുറയ്ക്കുക, ഊർജ കയറ്റുമതി നിർത്തുക, ഭൂഗർഭ വാതക സംഭരണ ​​കേന്ദ്രങ്ങൾ ദേശസാൽക്കരിക്കുക, രാജ്യത്ത് നിർമ്മിക്കുന്ന വസ്തുക്കൾ വിൽക്കുന്നതിന് ഉയർന്ന മുൻഗണന നൽകുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് പ്രതിഷേധക്കാർ രാജ്യത്തിന്റെ സാമ്പത്തിക ഭദ്രതയെ ചൂണ്ടിക്കാണിച്ചത്. സെപ്റ്റംബറിൽ, ആയിരക്കണക്കിന് ചെക്ക് റിപ്പബ്ലിക്കന്‍ ജനങ്ങള്‍ പ്രാഗിൽ പ്രകടനം നടത്തി തിരഞ്ഞെടുപ്പ് നേരത്തേ നടത്തുകയും മധ്യ-വലത് ഭരണകൂടത്തോട് രാജിവയ്ക്കാൻ ആവശ്യപ്പെടുകയും ചെയ്തിരുന്നു. ശൈത്യകാലത്തിന് മുമ്പ് ഗ്യാസ്…

ആലപ്പുഴ: വള്ളികുന്നം ഊട്ടുപുര ചാരിറ്റബിൾ സൊസൈറ്റി കല, സാഹിത്യ, ജീവകാരുണ്യ, വിദ്യാഭ്യാസ രംഗത്തു മികച്ച പ്രവർത്തനം നിർവഹിക്കുന്നവർക്ക് ഏർപ്പെടുത്തിയ ഗാന്ധി പുരസ്‌കാരത്തിന് വള്ളികുന്നം അരീക്കര എൽ.പി സ്കൂൾ പ്രധാനാദ്ധ്യാപിക ഡി. പത്മജാ ദേവി അർഹയായി. ആലപ്പുഴ ജില്ലാ കളക്ടർ കൃഷ്ണ തേജ പുരസ്ക്കാരം സമ്മാനിച്ചു. ചടങ്ങിൽ മഠത്തിൽ ഷുക്കൂർ അദ്ധ്യക്ഷത വഹിച്ചു. സൗഹൃദ വേദി ജനറൽ കോഓർഡിനേറ്റർ ആയ പത്മജാ ദേവി കൺസ്യൂമേഴ്സ് ഫെഡറേഷൻ ഓഫ് കേരള, കേരള സംസ്ഥാന പൗരാവകാശ സമിതി, സബർമതി ചാരിറ്റബിൾ ട്രസ്റ്റ് തുടങ്ങി വിവിധ സംഘടനകളിൽ പ്രതിഫലേച്ഛ കൂടാതെ സേവനം അനുഷ്ടിക്കുന്നു. മികച്ച കവിയിത്രി കൂടിയായ അവര്‍ നേവൽ ബേസ് അഡ്മിനിസ്ട്രേറ്റീവ് ഓഫിസർ വള്ളികുന്നം കൃഷ്ണാഞ്ജനയിൽ ജി. കൃഷ്ണൻകുട്ടിയുടെ സഹധർമ്മിണിയാണ്. ഡോ. നന്ദിത കൃഷ്ണൻ മകളും ഫിംഗർപ്രിൻ്റ് വിദഗ്‌ദ്ധന്‍ ജെ. ശ്രീജിത്ത് മരുമകനുമാണ്. അദ്ധ്യാപകവൃത്തിക്കിടയിൽ സ്തുത്യർഹ്യമായ നിലയിൽ സേവന പ്രവർത്തനങ്ങൾ നടത്തുന്ന…

കോഴിക്കോട്: സാധാരണക്കാരിൽ നിന്ന് അകന്നുപോകുന്നതാണ് കോൺഗ്രസിന്റെ ഇന്നത്തെ പിന്നോക്കാവസ്ഥക്ക് കാരണമെന്ന് കെപിസിസി പ്രസിഡന്റ് കെ.സുധാകരൻ. പ്രത്യയ ശാസ്ത്രം പഠിച്ചിട്ടല്ല എല്ലാവരും ഇപ്പോൾ രാഷ്ട്രീയം സ്വീകരിക്കുന്നത്. ആളുകളെ സഹായിക്കുന്നവർക്കൊപ്പം നിൽക്കുന്നിടത്താണ് ഇപ്പോൾ രാഷ്ട്രീയമെന്നും അദ്ദേഹം പറഞ്ഞു. സാധാരണക്കാര്‍ക്കൊപ്പം നേതാക്കള്‍ നിൽക്കണം. അവരുടെ പൊതുവായ പ്രശ്‌നങ്ങള്‍ ഏറ്റെടുക്കണമെന്നും അല്ലാത്തവരെ ഇപ്പോള്‍ ആര്‍ക്കും വേണ്ടതെന്നും അദ്ദേഹം പറഞ്ഞു. നേതാക്കളുടെ ചിന്തകള്‍ മാറണമെന്നും പുതിയ ചിന്തകളും മുഖവും ഉണ്ടാകണമെന്നും സുധാകരന്‍ പറഞ്ഞു. കോഴിക്കോട് ഡിസിസി ഓഫീസിന്റെ തറക്കല്ലിടല്‍ ചടങ്ങില്‍ സംസാരിക്കവെയാണ് അദ്ദേഹം ഇക്കാര്യങ്ങൾ പറഞ്ഞത് .

മുന്നാക്ക സംവരണം അനുവദിക്കുന്ന 103-ാം ഭരണഘടനാ ഭേദഗതി ശരിവെച്ച സുപ്രീം കോടതി വിധി ചോദ്യം ചെയ്ത് സോളിഡാരിറ്റി യൂത്ത് മൂവ്മെന്‍റ് സുപ്രീം കോടതിയിൽ റിവ്യൂ ഹരജി സമർപ്പിച്ചു. ഭരണഘടന മുന്നോട്ട് വെക്കുന്ന സാമൂഹിക നീതി അടക്കമുള്ള സങ്കൽപ്പങ്ങളെ അട്ടിമറിക്കുന്നതാണ് മുന്നാക്ക സംവരണം സാധ്യമാക്കുന്ന 103-ാം ഭരണഘടനാ ഭേദഗതിയെന്നും ഇത് ഭരണഘടനയുടെ അടിസ്ഥാന മൂല്യങ്ങളിൽ ഒന്നായ സമത്വ സങ്കല്പത്തിന് എതിരാണെന്നും ഹരജിയിൽ പറയുന്നു. ഭരണഘടനാ ഭേദഗതി പരിശോധിച്ചതിൽ ഭരണഘടനാ ബെഞ്ചിന് നിരവധി നിയമപരമായ തെറ്റുകൾ സംഭവിച്ചിട്ടുണ്ടെന്ന് വിധി പുനഃപരിശോധിക്കണമെന്നുമാണ് ഹരജിയിലെ ആവശ്യം. 103-ാം ഭരണഘടനാ ഭേദഗതി ചോദ്യം ചെയ്തും സോളിഡാരിറ്റി ഹരജി നൽകിയിരുന്നു. മുതിർന്ന അഭിഭാഷകൻ ജയന്ത് മുത്തുരാജാണ് സോളിഡാരിറ്റിക്ക് വേണ്ടി സുപ്രീം കോടതി ഭരണഘടനാ ബെഞ്ചിന് മുന്നിൽ ഹാജരായിരുന്നത്. അഭിഭാഷകരായ ജെയ്മോൻ ആൻഡ്രൂസ്, അമീൻ ഹസ്സൻ എന്നിവർ മുഖേനയാണ് ഹരജി സമർപ്പിച്ചത്.

തിരൂർക്കാട് : കേരള മദ്രസ എജ്യുക്കേഷൻ ബോർഡ് മദ്രസ വിദ്യാർത്ഥികളുടെ മലപ്പുറം മേഖലാ മജ്‌ലിസ് ഫെസ്റ്റ് ഡിസംബർ 4-ന് തിരൂർക്കാട് ഇലാഹിയ കോളേജിൽ നടക്കും. ഖുർആൻ പാരായണം, ആംഗ്യപ്പാട്ട്, അറബി ഗാനം, ഇസ്ലാമിക ഗാനം, പ്രസംഗം, നാടകം, കോൽക്കളി, സംഗീത ശിൽപ്പം, ഒപ്പന, വട്ടപ്പാട്ട് തുടങ്ങി നിരവധി മത്സരങ്ങൾ മജ്ലിസ് ഫെസ്റ്റിൽ അരങ്ങേറും. കേരള മദ്രസ എജ്യുക്കേഷൻ ബോർഡിന് കീഴിലെ മലപ്പുറം ജില്ലയിലെ മുഴുവൻ മദ്രസകളിൽ നിന്നുമുള്ള 2000 ഓളം വിദ്യാർത്ഥികൾ മത്സ്രരത്തിൽ പങ്കെടുക്കും. 4 കാറ്റഗറിലായി 54 ഇനങ്ങളിൽ 10 വേദികളിലാണ് മത്സരങ്ങൾ നടക്കുക. മജ്‌ലിസ് ഫെസ്റ്റിന്റെ വിജയത്തിനായി സ്വാഗതസംഘം രൂപീകരിച്ചു. ജമാഅത്തെ ഇസ്ലാമി മലപ്പുറം ജില്ലാ പ്രസിഡന്റ് സലീം മമ്പാടാണ് മുഖ്യ രക്ഷാധികാരി. ചെയർമാനായി മുഹമ്മദലി മാസ്റ്റർ മങ്കടയെ തെരെഞ്ഞെടുത്തു. പി അബ്ദു റഹീം രാമപുരമാണ് ജനറൽ കൺവീനർ. വിവിധ വകുപ്പ് കൺവീനർമാരായി ഉസ്മാൻ…

ആലപ്പുഴ: മിൽമ പാലിന്റെ വില വർദ്ധിപ്പിക്കാനുള്ള നീക്കം ഉപേക്ഷിക്കണമെന്ന് കൺസ്യൂമേഴ്സ് ഫെഡറേഷൻ ഓഫ് കേരള (സി.എഫ്.കെ) ആലപ്പുഴ ജില്ലാ സമ്മേളനം സർക്കാറിനോട് അഭ്യർത്ഥിച്ചു. നിത്യോപയോഗ സാധനങ്ങളുടെ വില വർദ്ധനവ് കാരണം കുടുംബ ബജറ്റ് താളം തെറ്റി നിൽക്കുന്ന സാധാരണക്കാരായ ഉപഭോക്‌താക്കൾ ഏറെ പ്രയാസം അനുഭവിക്കുകയാണെന്നും സമ്മേളനം അഭിപ്രായപ്പെട്ടു. ഭരണഘടനാ ദിനത്തോടനുബന്ധിച്ചാണ് കൺസ്യൂമേഴ്സ് ഫെഡറേഷൻ ഓഫ് കേരള ആലപ്പുഴ ജില്ലാ സമ്മേളനം സംഘടിപ്പിച്ചത്. സിഡാം ഹാളിൽ ആലപ്പുഴ ജില്ലാ സപ്ലൈ ഓഫിസർ ഗാനാ ദേവി ഉദ്ഘാടനം ചെയ്തു. രാജു പള്ളിപറമ്പിൽ അദ്ധ്യനായിരുന്നു. സി.എഫ്. കെ സ്ഥാപക ചെയർമാൻ കെ.ജി. വിജയകുമാരൻ നായർ മുഖ്യപ്രഭാഷണം നടത്തി. സംസ്ഥാന വർക്കിംഗ് ചെയർമാൻ സഖറിയാസ് എൻ സേവ്യർ, സംസ്ഥാന വൈസ് ചെയർമാൻ പി. അബ്ദുൽ മജീദ്, ആലപ്പുഴ മുനിസിപ്പൽ കൗൺസിലർ ക്ലാരമ്മ പീറ്റർ, സകരിയ്യ പള്ളിക്കണ്ടി, ഇന്ദിരാദേവി, എസ്. ശ്രീജിത്ത്കുമാർ, കവയിത്രി സുവർണ്ണകുമാരി…