Year: 2022

തിരുവനന്തപുരം: സംസ്ഥാനത്ത് പോലീസ് സേനയെ രാഷ്ട്രീയവത്കരിക്കുന്നുവെന്ന ആരോപണം അടിസ്ഥാനരഹിതമാണെന്ന് മുഖ്യമന്ത്രി പിണറായി വിജയൻ. കേസന്വേഷണത്തിൽ പോലീസ് കാര്യക്ഷമമായി പ്രവർത്തിക്കുന്നു. ഒരു അന്വേഷണത്തിലും രാഷ്ട്രീയ ഇടപെടലുണ്ടെന്നോ അന്വേഷണം കാര്യക്ഷമമല്ലെന്നോ ആർക്കും പറയാനാകില്ല. ജനശ്രദ്ധ പിടിച്ചുപറ്റിയ എല്ലാ കേസുകളിലും യഥാസമയം പ്രതികളെ കണ്ടെത്തി കുറ്റപത്രം സമർപ്പിക്കാൻ പൊലീസിന് കഴിഞ്ഞിട്ടുണ്ടെന്നും മുഖ്യമന്ത്രി നിയമസഭയിൽ പറഞ്ഞു. പ്രതിപക്ഷത്തിന്റെ അടിയന്തര പ്രമേയത്തിന് അവതരണാനുമതി തേടിയുള്ള നോട്ടീസിന് മറുപടി പറയുകയായിരുന്നു മുഖ്യമന്ത്രി. സംസ്ഥാനത്തെ പോലീസ് ഉദ്യോഗസ്ഥര്‍ക്കെതിരെ ആരോപണമുണ്ടാകുന്ന എല്ലാ സംഭവങ്ങളിലും അന്വേഷണം നടത്താറുണ്ട്. കഴമ്പുള്ള ആരോപണങ്ങളില്‍ ക്രിമിനല്‍ കേസുകള്‍ രജിസ്റ്റര്‍ ചെയ്ത് പ്രതികള്‍ക്കെതിരെ നിയമനടപടികള്‍ സ്വീകരിക്കാറുണ്ടെന്നും മുഖ്യമന്ത്രി വ്യക്തമാക്കി. 2016 മുതല്‍ പോലീസ് ഉദ്യോഗസ്ഥര്‍ പ്രതികളായിട്ടുള്ള 828 ക്രിമിനല്‍ കേസുകള്‍ രജിസ്റ്റര്‍ ചെയ്തു. ഗുരുതരമായ കുറ്റകൃത്യങ്ങളില്‍ ഉള്‍പ്പെടുന്ന പോലീസ് ഉദ്യോഗസ്ഥരെ സര്‍വീസില്‍ നിന്ന് പിരിച്ചുവിടുന്നതടക്കമുള്ള ശക്തമായ നടപടിയെടുക്കാറുണ്ട്. ഇത്തരത്തില്‍ ക്രിമിനല്‍ കേസുകളില്‍ ഉള്‍പ്പെട്ട വിവിധ റാങ്കുകളുള്ള…

ആറ് ഭാര്യമാരും 54 കുട്ടികളും ഉള്ള പാക്കിസ്താന്‍ സ്വദേശി അബ്ദുൾ മജീദ് ഹൃദയാഘാതം മൂലം മരണപ്പെട്ടതായി മാധ്യമങ്ങള്‍ റിപ്പോര്‍ട്ട് ചെയ്തു. 75 വയസ്സുള്ള അദ്ദേഹം ഏറെ നാളായി ഹൃദ്രോഗ ബാധിതനായിരുന്നു. നോഷ്കി ജില്ലക്കാരനായ മജീദ് ട്രക്ക് ഡ്രൈവറായിരുന്നു. പ്രതിമാസം 15,000 മുതൽ 25,000 രൂപ വരെ സമ്പാദിക്കുമായിരുന്നു എന്നു പറയുന്നു. അദ്ദേഹത്തിന്റെ മരണശേഷം ഇപ്പോൾ കുടുംബം പോറ്റുന്നത് പ്രതിസന്ധിയിലായിരിക്കുകയാണ്. അബ്ദുൾ മജീദിന്റെ മൂത്ത മകന്‍ 37-കാരനായ അബ്ദുൾ വാലിയും ട്രക്ക് ഡ്രൈവറാണ്. മരിക്കുന്നതിന് 5 ദിവസം മുമ്പ് വരെ പിതാവ് ട്രക്ക് ഓടിച്ചിരുന്നതായി വാലി പറഞ്ഞു. “ഞങ്ങളില്‍ പലരും വിദ്യാസമ്പന്നരാണെങ്കിലും ആർക്കും ജോലി ലഭിച്ചിട്ടില്ല. അതുകൊണ്ടാണ് പിതാവിനെ വേണ്ട രീതിയിൽ ചികിത്സിക്കാൻ കഴിയാതെ പോയത്. ഈ വർഷത്തെ പ്രളയത്തിൽ ഞങ്ങളുടെ വീട് പോലും നശിച്ചു,” വാലി പറഞ്ഞു. 2017ലെ പാക്കിസ്ഥാനിലെ സെൻസസ് സമയത്ത് അബ്ദുൾ മജീദ് മാധ്യമ…

ഗാസ സിറ്റി: റോമൻ കാലഘട്ടത്തിലെ പുരാതന ശ്മശാന സ്ഥലത്ത് 60 ലധികം ശവകുടീരങ്ങൾ കണ്ടെത്തിയതായി ഗാസയിലെ ഹമാസ് അധികൃതർ ഞായറാഴ്ച പ്രഖ്യാപിച്ചു. കഴിഞ്ഞ ജനുവരിയിൽ ഈജിപ്ഷ്യൻ ധനസഹായത്തോടെയുള്ള ഭവനപദ്ധതിയുടെ തയ്യാറെടുപ്പിനിടെ കണ്ടെത്തിയ സ്ഥലം മുതൽ തൊഴിലാളികൾ ഇവിടെ ഖനനം നടത്തുകയാണ്. മൊത്തം 63 ശവക്കുഴികൾ തിരിച്ചറിഞ്ഞിട്ടുണ്ടെന്നും ഒരു ശവകുടീരത്തിൽ നിന്നുള്ള ഒരു കൂട്ടം അസ്ഥികളും പുരാവസ്തുക്കളും രണ്ടാം നൂറ്റാണ്ടിലേതാണെന്നും ഹമാസ് നടത്തുന്ന പുരാവസ്തു, ടൂറിസം മന്ത്രാലയത്തിലെ ഗവേഷകനായ ഹിയാം അൽ-ബിതാർ പറഞ്ഞു. സൈറ്റിനെക്കുറിച്ച് കൂടുതലറിയാൻ ഫ്രഞ്ച് വിദഗ്ധരുടെ ഒരു ടീമുമായി മന്ത്രാലയം പ്രവർത്തിക്കുന്നുണ്ടെന്ന് അദ്ദേഹം പറഞ്ഞു. ഞായറാഴ്ച തൊഴിലാളികൾ മണ്ണ് അരിച്ചുപെറുക്കി ഉന്തുവണ്ടികളിലെ മൺകൂമ്പാരങ്ങൾ നീക്കം ചെയ്തു. പുരാതന ശ്മശാനം ഇപ്പോൾ പൊതുജനങ്ങളിൽ നിന്ന് തടഞ്ഞിട്ടുണ്ടെങ്കിലും, ഭവന പദ്ധതിയുടെ നിർമ്മാണം തുടരുന്നുണ്ട്. കൂടാതെ, സ്ഥലം അപ്പാർട്ട്മെന്റ് കെട്ടിടങ്ങളാൽ ചുറ്റപ്പെട്ടിരിക്കുന്നു. സൈറ്റ് ആദ്യമായി കണ്ടെത്തിയപ്പോൾ കൊള്ളയടിച്ചതായി പ്രാദേശിക മാധ്യമങ്ങൾ…

സൂപ്പർസ്റ്റാർ രജനികാന്തിന്റെ 72-ാം ജന്മദിനത്തോടനുബന്ധിച്ച് നെൽസൺ സംവിധാനം ചെയ്യുന്ന അദ്ദേഹത്തിന്റെ അടുത്ത ചിത്രമായ ജയിലറിന്റെ നിർമ്മാതാക്കൾ ‘മുത്തുവേൽ പാണ്ഡ്യൻ ഉടൻ എത്തുന്നു…’ എന്ന ടാഗ്‌ലൈനോടുകൂടിയ പോസ്റ്റർ പുറത്തിറക്കി. ചിത്രത്തിന്റെ ടീസർ ഇന്ന് വൈകിട്ട് 6 മണിക്ക് പുറത്തിറങ്ങുമെന്ന് അണിയറപ്രവർത്തകർ പോസ്റ്ററിലൂടെ അറിയിച്ചു. സൺ പിക്‌ചേഴ്‌സിന്റെ പിന്തുണയുള്ള ജയിലറില്‍ രമ്യ കൃഷ്ണൻ, ശിവരാജ്കുമാർ, വിനായകൻ, യോഗി ബാബു, വസന്ത് രവി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. അനിരുദ്ധ് രവിചന്ദറാണ് സംഗീതം. പേട്ട , ദർബാർ എന്നീ ചിത്രങ്ങൾക്ക് ശേഷം രജനികാന്തിന്റെ മൂന്നാമത്തെ കൂട്ടുകെട്ടാണ് ജയിലർ. 2023 വേനൽക്കാലത്ത് ജയിലർ തിയേറ്ററുകളിൽ എത്തുമെന്നാണ് പ്രതീക്ഷിക്കുന്നത്. അതേസമയം, ജയിലറിന് ശേഷമുള്ള രജനികാന്തിന്റെ അടുത്ത ചിത്രത്തെക്കുറിച്ചുള്ള പ്രഖ്യാപനം അദ്ദേഹത്തിന്റെ പിറന്നാൾ ദിനമായ ഇന്ന് ഉണ്ടാകുമെന്ന് സൂചനയുണ്ട്. ദേസിംഗ് പെരിയസാമി, സിബി ചക്രവർത്തി തുടങ്ങിയ പേരുകൾ പ്രചരിക്കുന്നുണ്ട്,

ഷിക്കാഗോ: ഷിക്കാഗോ മലയാളി അസോസിയേഷന്‍ ക്രിസ്തുമസ്-പുതുവത്സരാഘോഷങ്ങള്‍ വിവിധ കലാപരിപാടികളോട് ജനുവരി 7ന് ശനിയാഴ്ച മോര്‍ട്ടന്‍ ഗ്രോവിലുള്ള സെന്റ് മേരീസ് ക്‌ന്ാനായ ഹാളില്‍(7800 Lyons St., Morton Grove, IL 60053) വച്ച് നടത്തുന്നതാണ്. പരിപാടികള്‍ നടത്തുവാന്‍ താല്‍പര്യമുള്ളവര്‍ അസോസിയേഷന്‍ ഭാരവാഹികളുമായി ബന്ധപ്പെടേണ്ടതാണ്. ഗോള്‍ഡന്‍ ജൂബിലി ആഘോഷിക്കുവാന്‍ പോകുന്ന അസോസിയേഷന്‍ കിക്ക് ഓഫ് പ്രസ്തുത സ്റ്റേജില്‍ വച്ച് നടത്തുന്നതാണ്. ക്രിസ്തുമസ്-പുതുവത്സരാഘോഷത്തിന്റെ ജനറല്‍ കോര്‍ഡിനേറ്റര്‍ മനോജ് തോമസ്സ്(630 687 5768) ക്രിസ്തുമസ് ട്രീ മത്സരത്തിന്റെ കോര്‍ഡിനേറ്റര്‍ റോസ് വടകര(708 662 0774) എന്നിവരാണ്. കൂടുതല്‍ വിവരങ്ങള്‍ക്ക് ജോഷി വള്ളിക്കളം(312 685 6749)- പ്രസിഡന്റ് ലീല ജോസഫ്(224 578 521), സെക്രട്ടറി, ഷൈനി ഹരിദാസ്(630 290 7143)- ട്രഷറര്‍ മൈക്കിള്‍ മാണി പറമ്പില്‍, വിവീഷ് ജേക്കബ്, ഡോ.സിബിള്‍ ഫിലിപ്പ്.

ലബക്ക് : വിദ്യാര്‍ത്ഥിനികള്‍ ഉപയോഗിക്കുന്ന ലോക്കര്‍  റൂമില്‍ ഒളിക്യാമറ വെച്ച കേസില്‍ പോലീസ് അറസ്റ്റ് ചെയ്ത് ജാമ്യത്തില്‍ വിട്ടു സിഗ്രെവേസ് ഐ.എസ്.ഡി  സൂപ്രണ്ട് ജോഷ്വാ ജിയോണ്‍ (43) സ്വയം വെടിയുതിര്‍ത്ത് ആത്മഹത്യചെയ്തു. കഴിഞ്ഞ തിങ്കളാഴ്ചയാണ് എഫ്.ബി.ഐയും  ലോ എന്‍ഫോഴ്സ്മെന്റ് ഏജന്‍സിയും ചേര്‍ന്ന് സൂപ്രണ്ടിനെ അറസ്റ്റ് ചെയ്തത്. അടുത്ത ദിവസം ഇയാളുടെ വസതി പരിശോധിച്ച അധികൃതര്‍ ചില ഉപകരണങ്ങള്‍ പിടിച്ചെടുക്കുകയും ചെയ്തിരുന്നു. ഡിസംബര്‍ 9 വെള്ളിയാഴ്ച ഇയാള്‍ താമസിക്കുന്ന ഷാലോ  വാട്ടര്‍ ഉള്ള വസതിയില്‍ നിന്ന് പോലീസിന് ലഭിച്ച സന്ദേശത്തെ തുടര്‍ന്ന് നടത്തിയ അന്വേഷണത്തില്‍ വെടിയേറ്റ് നിലത്തു കിടക്കുന്ന ജോഷ്വയെ കണ്ടെത്തി. തലക്ക് വെടിയേറ്റ ഇയാള്‍ സംഭവസ്ഥലത്ത് വെച്ചുതന്നെ മരിച്ചിരുന്നു. കഴിഞ്ഞമാസമാണ് വിദ്യാര്‍ത്ഥിനികളുടെ റൂമില്‍ വീഡിയോ റെക്കോര്‍ഡിങ് നടക്കുന്നു എന്ന പരാതി ലഭിച്ചത്. തുടര്‍ന്നു നടന്ന അന്വേഷണത്തിനൊടുവില്‍ ആണ് സൂപ്രണ്ടിന്റെ പങ്ക് വ്യക്തമായത്. ഇതിനെ   തുടര്‍ന്ന് ജോഷ്വായെ…

വാഷിംഗ്ടൺ: ചാരവൃത്തി ആരോപിച്ച് 2020 ൽ റഷ്യയിൽ തടവിലാക്കിയ മുൻ യുഎസ് മറൈൻ പോൾ വീലന്റെ മോചനം ഉറപ്പാക്കുന്നതിനുള്ള അടുത്ത നടപടികൾ ചർച്ച ചെയ്യാൻ ബൈഡൻ അഡ്മിനിസ്ട്രേഷൻ ഉദ്യോഗസ്ഥർ തിങ്കളാഴ്ച രാവിലെ യോഗം ചേരുമെന്ന് പ്രസിഡന്റ് ജോ ബൈഡന്റെ ബന്ദികാര്യ ദൂതൻ റോജർ കാർസ്റ്റൻസ് ഞായറാഴ്ച പറഞ്ഞു. വീലനെ മോചിപ്പിക്കാനുള്ള ശ്രമത്തിൽ പ്രസിഡന്റും സ്റ്റേറ്റ് സെക്രട്ടറി ആന്റണി ബ്ലിങ്കനും വ്യക്തിപരമായി ശ്രദ്ധ കേന്ദ്രീകരിച്ചിരുന്നതായി കാർസ്റ്റൻസ് മാധ്യമങ്ങളോട് പറഞ്ഞു. കഴിഞ്ഞ വേനൽക്കാലത്ത് ഒപ്പിട്ട പ്രസിഡൻഷ്യൽ എക്സിക്യൂട്ടീവ് ഉത്തരവിന് കീഴിൽ ഭരണകൂടത്തിന് ഉടൻ തന്നെ പുതിയ ഉപരോധങ്ങൾ ഏർപ്പെടുത്താൻ കഴിയുമെന്ന് അദ്ദേഹം പറഞ്ഞു. അമേരിക്കൻ ബാസ്‌ക്കറ്റ്‌ബോൾ താരം ബ്രിട്ട്‌നി ഗ്രിനറെ ഉൾപ്പെടുത്തി തടവുകാരെ കൈമാറുമെന്ന് ബൈഡൻ വ്യാഴാഴ്ച പ്രഖ്യാപിച്ചെങ്കിലും വീലന്റെ മോചനം നേടാനായില്ല. വീലന്റെ കാര്യത്തെ റഷ്യ വ്യത്യസ്തമായാണ് പരിഗണിക്കുന്നതെന്ന് ബൈഡന്‍ പറഞ്ഞു. എന്നാൽ, ശ്രമം ഒരിക്കലും ഉപേക്ഷിക്കില്ലെന്ന് അദ്ദേഹം…

ലോസ്‌ആഞ്ചലസ്: ലോസ്‌ആഞ്ചലസ് മേയറായി കേരൺ ബാസ് സത്യപ്രതിജ്ഞ ചെയ്ത് അധികാരമേറ്റു. ഡിസംബർ 11 ഞായറാഴ്ചയായിരുന്നു സത്യപ്രതിജ്ഞാ ചടങ്ങ്. സിറ്റിയുടെ ചരിത്രത്തിൽ ആദ്യമായാണ് ഒരു ബ്ലാക്ക് വനിത മേയർ പദവി അലങ്കരിക്കുന്നത്. ഈ ചരിത്ര മുഹൂർത്തിനു സാക്ഷ്യം വഹിക്കാൻ അമേരിക്കൻ വൈസ് പ്രസിഡന്റ് കമലാ ഹാരിസും എത്തിയിരുന്നു. സിറ്റി നേരിടുന്ന പാർപ്പിട പ്രശ്നം പരിഹരിക്കുന്നതിനാണ് പ്രഥമ പരിഗണന നൽകുക എന്ന് സത്യപ്രതിജ്ഞാ ചടങ്ങിനുശേഷം മേയർ പറഞ്ഞു. സിറ്റിയുടെ തെരുവോരങ്ങളിൽ 40,000 പേരാണു ഭവനരഹിതരായി കഴിയുന്നത്. രാജ്യത്തെ ഏറ്റവും ജനനിബിഡമായ സിറ്റി എന്ന ദുഷ്പേര് ലോസ്‌ആഞ്ചലസിനാണ് എന്നുള്ളത് യഥാർത്ഥ്യമാണെന്നും എന്നാൽ എല്ലാവർക്കും പാർപ്പിട സൗകര്യങ്ങൾ നൽകുമെന്നും മേയർ പറഞ്ഞു. 2020 നേക്കാൾ 1.7 ശതമാനം കൂടുതൽ ഭവനരഹിതരാണ് ഇപ്പോൾ ഉള്ളത്. അടുത്ത വർഷാവസാനത്തോടെ ഇവരുടെ പ്രശ്നങ്ങൾ പരിഹരിക്കാൻ കഴിയുമെന്നു മേയർ പ്രത്യാശ പ്രകടിപ്പിച്ചു. ബൈഡൻ ഭരണകൂടവുമായി നല്ല ബന്ധമാണ് ഉള്ളതെന്നും…