Month: March 2023

ഷിക്കാഗോ: ലോക വനിതാദിനത്തോടനുബന്ധിച്ച് ഷിക്കാഗോ മലയാളി അസോസിയേഷന്‍ മാര്‍ച്ച് പതിനൊന്നിന് നടത്തുന്ന വനിതാദിന ആഘോഷങ്ങളില്‍ വച്ച് വനിതാ റസ്പിരേറ്ററി തെറാപിസ്റ്റുകളെ ആദരിക്കുന്നു. ഷിക്കാഗോ മലയാളി അസോസിയേഷന്റെ അംഗങ്ങളായിട്ടുള്ള വനിതകളില്‍ ഇരുപത് വര്‍ഷത്തില്‍ കൂടുതലായി ജോലി ചെയ്യുന്ന റെസ്പിരേറ്ററി തെറാപിസ്റ്റുകളെയാണ് ആദരിക്കുന്നത്. ഇതിന് അര്‍ഹരായിട്ടുള്ളവര്‍ മാര്‍ച്ച് മൂന്നിന് മുമ്പായി കോര്‍ഡിനേറ്റേഴ്‌സിന്റെ പക്കല്‍ പേര് നല്‍കേണ്ടതാണ്. ഷിക്കാഗോ മലയാളി അസോസിയേഷന്‍ വനിതകള്‍ക്ക് വേണ്ടത്ര പ്രാധാന്യം നല്‍കി വരാറുണ്ട്. അതിന്റെ മകുടോദാഹരണമാണ് അസോസിയേഷന്റെ എക്‌സിക്യൂട്ടീവിലും ബോര്‍ഡിലുമുള്ള വനിതകളുടെ പ്രാതിനിധ്യം. ഷിക്കാഗോ മലയാളി അസോസിയേഷന്‍ മാര്‍ച്ച് പതിനൊന്നിനു നടത്തുന്ന വനിതാദിന സമ്മേളനത്തിലേക്ക്  ഏവരേയും ക്ഷണിക്കുന്നതായി പ്രസിഡന്റ് ജോഷി വള്ളിക്കളം, സെക്രട്ടറി ലീല ജോസഫ്, ട്രഷറര്‍ ഷൈനി ഹരിദാസ്, വൈസ് പ്രസിഡന്റ് മൈക്കിള്‍ മാണി പറമ്പില്‍, ജോ.സെക്രട്ടറി ഡോ.സിബിള്‍ ഫിലിപ്പ്, ജോ.ട്രഷറാര്‍ വിവീഷ് ജേക്കബ് എന്നിവര്‍ അറിയിച്ചു. കൂടുതല്‍ വിവരങ്ങള്‍ക്ക്:  ഡോ. റോസ് വടകര…

സാക്രമെന്റോ (കാലിഫോര്‍ണിയ): ഇന്ത്യന്‍ അമേരിക്കന്‍ ഡമോക്രാറ്റ് ഷമാ ഹക്കിം മെസ്സിവാല കാലിഫോര്‍ണിയ തേര്‍ഡ് ഡിസ്ട്രിക്ട് അപ്പീല്‍ കോടതിയില്‍ അസോസിയേറ്റ് ജഡ്ജിയായി സത്യപ്രതിജ്ഞ ചെയ്ത് അധികാരമേറ്റു. ജഡ്ജി ഷമാ ഹക്കീം ചരിത്രത്തിലാദ്യമായി ഈ സ്ഥാനത്തേക്ക് നിയമിക്കപ്പെടുന്ന ആദ്യ സൗത്ത് ഏഷ്യന്‍ അമേരിക്കക്കാരിയും, ആദ്യ അമേരിക്കന്‍ മുസ്‌ലീം വനിതയുമാണ്. ജസ്റ്റീസ് കോള്‍മാന്‍ ബ്ലീസ് റിട്ടയര്‍ ചെയ്ത സ്ഥാനത്താണ് ഷമായുടെ നിയമനം. ചീഫ് ജസ്റ്റീസ് ഗുറേറോ, അറ്റോര്‍ണി ജനറല്‍ റോസ് ബോന്റാ, ആക്ടിംഗ് പ്രിസൈഡിംഗ് ജസ്റ്റീസ റൊണാള്‍ഡ് റോബി എന്നിവര്‍ അടങ്ങുന്ന മൂന്നംഗ കമ്മീഷനാണ് ഷമാ ഹക്കീമിനെ ഐക്യകണ്‌ഠ്യേന ഈ സ്ഥാനത്തേക്ക് നോമിനേറ്റ് ചെയ്തത്. 2017 മുതല്‍ സാക്രമെന്റോ കൗണ്ടി സുപ്പീരിയര്‍ കോര്‍ട്ട് ജഡ്ജിയായിരുന്ന ഷമാ സൗത്ത് ഏഷ്യന്‍ ബാര്‍ അസോസിയേഷന്‍ (സാക്രമെന്റോ) സഹ സ്ഥാപകയാണ്. കാലിഫോര്‍ണിയ യൂണിവേഴ്‌സിറ്റിയില്‍ നിന്നും ജൂറിസ് ഡോക്ടര്‍ ബിരുദം നേടിയിട്ടുണ്ട്. ഇതേ യൂണിവേഴ്‌സിറ്റിയില്‍ പ്രൊഫസറായും ഇവര്‍…

ന്യൂയോർക് :ടിക് ടോക് സ്ക്രീൻ സമയം കുറയ്ക്കുന്നതിനും യുവ ഉപയോക്താക്കളുടെ ക്ഷേമം മെച്ചപ്പെടുത്തുന്നതിനും ഉദ്ദേശിച്ചുള്ള പുതിയ ഫീച്ചറുകളുടെ ഒരു ബാച്ച് ടിക് ടോക് പ്രഖ്യാപിച്ചു. 18 വയസ്സിന് താഴെയുള്ള ഓരോ ടിക് ടോക് ഉപയോക്താക്കൾക്കും 60 മിനിറ്റ് പ്രതിദിന സ്‌ക്രീൻ സമയ പരിധി ബാധകമാകും. ഈ സമയ പരിധി കടന്നാൽ കൗമാരക്കാർക്ക് തുടർന്ന് കാണുന്നതിന് ഒരു പാസ്‌കോഡ് നൽകാൻ ആവശ്യപ്പെടും. അവർക്ക് ഫീച്ചർ പൂർണ്ണമായും പ്രവർത്തനരഹിതമാക്കാൻ കഴിയും, എന്നാൽ അവർ അങ്ങനെ ചെയ്‌ത് ഒരു ദിവസം 100 മിനിറ്റിലധികം ടിക് ടോകിൽ ചെലവഴിക്കുകയാണെങ്കിൽ, ഒരു പുതിയ പരിധി നിശ്ചയിക്കാൻ അവരോട് ആവശ്യപ്പെടും. ഫീച്ചറിന്റെ ആദ്യ മാസത്തെ പരിശോധനയിൽ ഈ നിർദ്ദേശങ്ങൾ അതിന്റെ സ്‌ക്രീൻ ടൈം മാനേജ്‌മെന്റ് ടൂളുകളുടെ ഉപയോഗം 234 ശതമാനം വർധിപ്പിച്ചതായി ടിക് ടോക് അവകാശപ്പെടുന്നു. കൗമാരപ്രായക്കാർക്ക് അവരുടെ സ്‌ക്രീൻ സമയം റീക്യാപ് ചെയ്യുന്ന ഇൻബോക്‌സ്…

കാലിഫോര്‍ണിയ: ജൂൺ 1 മുതൽ കാലിഫോർണിയ കമ്മ്യൂണിറ്റി കോളേജുകളുടെ പതിനൊന്നാമത്തെ ചാൻസലറായി സോണിയ ക്രിസ്റ്റ്യനെ നിയമിച്ചതായി കോളേജ് ബോർഡ് ഓഫ് ഗവർണർ പ്രഖ്യാപിച്ചു. 1.8 ദശലക്ഷം വിദ്യാർത്ഥികൾക്ക് സേവനം നൽകുന്ന രാജ്യത്തെ ഏറ്റവും വലിയ ഉന്നത വിദ്യാഭ്യാസ സമ്പ്രദായത്തെ നയിക്കുന്ന ദക്ഷിണേഷ്യൻ വംശജരായ ആദ്യ വനിതയും ആദ്യ വ്യക്തിയുമായിരിക്കും കേരളത്തിൽ ജനിച്ച് വളർന്ന സോണിയ എന്ന് കോളേജ് പത്രക്കുറിപ്പിൽ പറയുന്നു. 2021 ജൂലൈ മുതൽ കേൺ കമ്മ്യൂണിറ്റി കോളേജ് ഡിസ്ട്രിക്റ്റ് ചാൻസലറായി സേവനമനുഷ്ഠിച്ച ക്രിസ്റ്റ്യൻ, “പാൻഡെമിക് സമയത്ത് നാടകീയമായ എൻറോൾമെന്റ് ഇടിവ് നേരിട്ട, ഏകദേശം 300,000 വിദ്യാർത്ഥികളെ നഷ്ടപ്പെട്ട ഒരു കോളേജ് സംവിധാനം ഏറ്റെടുക്കും” എന്ന് ലോസ് ഏഞ്ചൽസ് ടൈംസ് അഭിപ്രായപ്പെട്ടു. കൂടാതെ, ബിരുദങ്ങളും സർട്ടിഫിക്കറ്റുകളും ക്രെഡൻഷ്യലുകളും നേടുന്ന വിദ്യാർത്ഥികളുടെ എണ്ണം വർധിപ്പിക്കാനും സംസ്ഥാനത്തെ നാലു വർഷത്തെ സർവകലാശാലകളിലേക്ക് മാറ്റാനും ഗവർണർ ഗാവിൻ ന്യൂസോം നിശ്ചയിച്ച ലക്ഷ്യങ്ങൾ…

ചിക്കാഗോ പോലീസ് സൂപ്രണ്ട് ഡേവിഡ് ബ്രൗൺ മാർച്ച് 16 ന് സ്ഥാനമൊഴിയും.ബുധനാഴ്ച ഉച്ചകഴിഞ്ഞ് ഒരു പ്രസ്താവനയിലാണ് ലൈറ്റ്ഫൂട്ട് ഇക്കാര്യം അറിയിച്ചത്, ബ്രൗൺ തന്റെ രാജി ഇന്ന് തന്നെ അറിയിച്ചതായി അവർ പറഞ്ഞു. ലൈറ്റ്ഫൂട്ടിന്റെ വിജയത്തോടെയാണ് ചിക്കാഗോയിലെ വർധിച്ചുവരുന്ന കുറ്റകൃത്യങ്ങളെ നിയന്ത്രിക്കാൻ ഡാളസ് പോലീസ് ചീഫായി പ്രവർത്തിച്ചിരുന്ന ഡേവിഡ് ബ്രൗനിനെ 2020 ൽ ചിക്കാഗോ മേയറായി തിരെഞ്ഞെടുക്കപെട്ട ലൈറ്റ്ഫൂട്ട് അദ്ദേഹത്തെ ചിക്കാഗോയിലേക്കു കൊണ്ടുവന്നത്. ഇന്നലെ നടന്ന ചിക്കാഗോ മേയർ തിരെഞ്ഞെടുപ്പിൽ ലൈറ്റ്ഫൂട്ട് ദയനീയമായി പരാജയപ്പെട്ടതാണു ചീഫിന്റെ രാജിയിലേക്കു നയിച്ചത്എന്ന്‌ കരുതപ്പെടുന്നു “ഞാൻ അദ്ദേഹത്തിന്റെ രാജി സ്വീകരിച്ചു, ഡിപ്പാർട്ട്‌മെന്റിന് മാത്രമല്ല, നഗരം മുഴുവൻ തുടർച്ചയായി രണ്ട് വർഷമായി റെക്കോർഡ് എണ്ണം അനധികൃത തോക്ക് വീണ്ടെടുക്കൽ ഉൾപ്പെടെ; 2022 ൽ അക്രമാസക്തമായ കുറ്റകൃത്യങ്ങളിൽ ഇരട്ട അക്ക കുറവ് വരുത്തിയത് ഉൾപ്പെടെയുള്ള അദ്ദേഹത്തിന്റെ നേട്ടങ്ങൾക്ക് അദ്ദേഹത്തെ അഭിനന്ദിക്കാൻ ആഗ്രഹിക്കുന്നു.കഴിഞ്ഞ വർഷം 950-ലധികം പുതിയ…

മലപ്പുറം : വിദ്യാർത്ഥികളുടെ കൺസഷൻ വെട്ടിക്കുറച്ചതിൽ പ്രതിഷേധിച്ച് ഫ്രറ്റേണിറ്റി മലപ്പുറം ജില്ലാ കമ്മിറ്റി കെ.എസ്.ആർ.ടി.സി മലപ്പുറം, പൊന്നാനി, നിലമ്പൂർ ഡിപ്പോകളിൽ പ്രതിഷേധ സംഗമം നടത്തി. കെ.എസ്.ആർ.ടിസിയുടെ ബാധ്യത വിദ്യാർത്ഥികളുടെ മേൽ അടിച്ചേൽപ്പിക്കരുത് കൺസഷനിൽ വരുത്തിയിക്കുന്ന ഭേദഗതി ഉടൻ പിൻവലിക്കണമെന്നും പ്രതിഷേധ സംഗമം ആവശ്യപ്പെട്ടു. യഥാക്രമം മലപ്പുറം,പൊന്നാനി, നിലമ്പൂർ ഡിപ്പോകളിലെ സംഗമം ഫ്രറ്റേണിറ്റി സംസ്ഥാന സെക്രട്ടറി സബീൽ ചെമ്പ്രശ്ശേരി, ഫ്രറ്റേണിറ്റി മലപ്പുറം ജില്ലാ ജനറൽ സെക്രട്ടറി അബ്ദുൽ ബാസിത് എ.കെ, ജില്ലാ സെക്രട്ടറി ഷബീർ പി.കെ തുടങ്ങിയവർ ഉദ്ഘാടനം നിർവ്വഹിച്ചു. ജില്ലാ സെക്രട്ടറിമാരായ അജ്മൽ തോട്ടോളി, സാബിറ വണ്ടൂർ, എം.ഐ അനസ് മൻസൂർ, മുബീൻ മലപ്പുറം, ഫായിസ്, നഈം സി കെ എം, അഫ്നാൻ ഹമീദ്, ജസീം കൊളത്തൂർ, മുഹമ്മദ് പൊന്നാനി തുടങ്ങിയവർ സംസാരിച്ചു.

കൊച്ചി: സപ്ലൈക്കോയ്ക്ക് വിറ്റ നെല്ലിന്റെ പണം ലഭിക്കാന്‍ കര്‍ഷകര്‍ കൃഷിഭൂമി കേരള ബാങ്കില്‍ പണയംവെയ്‌ക്കേണ്ട ദുര്‍ഗതി നേരിടുന്നുവെന്നും നെല്ലെടുപ്പിന്റെ മറവില്‍ വന്‍ സാമ്പത്തിക കെടുകാര്യസ്ഥതയാണ് സംസ്ഥാനത്ത് നടക്കുന്നതെന്നും ഇന്‍ഫാം ദേശീയ സെക്രട്ടറി ജനറല്‍ അഡ്വ.വി.സി.സെബാസ്റ്റ്യന്‍ ആരോപിച്ചു. ബാങ്കുകളുടെ കണ്‍സോര്‍ഷ്യത്തില്‍ നിന്ന് മാറി കേരള ബാങ്കിലൂടെ പണം ലഭിക്കുമെന്നാണ് സപ്ലൈക്കോ അറിയിക്കുന്നതെങ്കിലും മില്ലുടമകളും ഇടനിലക്കാരും ഏജന്റുമാരും ചേര്‍ന്നുള്ള മാഫിയ സംഘങ്ങളുടെ അനധികൃത ഇടപെടല്‍ ശക്തമാണ്. കൃഷിവകുപ്പിലെ ഉന്നതരും ഇതിന് കൂട്ടുനില്‍ക്കുന്നതായി സംശയിക്കപ്പെടുന്നു. സപ്ലൈക്കോയ്ക്ക് വിറ്റ നെല്ലിന്റെ പണം ലഭിക്കുവാന്‍ കൃഷിഭൂമി പണയം വെയ്ക്കുക മാത്രമല്ല 12 മാസത്തിനുള്ളില്‍ കേരള സ്റ്റേറ്റ് സിവില്‍ സപ്ലൈസ് കോര്‍പ്പറേഷന്‍, ബാങ്കില്‍ പണം അടയ്ക്കാത്തപക്ഷം കര്‍ഷകന് നെല്ലുവിലയായി ബാങ്ക് നല്‍കിയ തുകയും പലിശയും തിരിച്ചടയ്‌ക്കേണ്ടതും അല്ലാത്തപക്ഷം കര്‍ഷകന്റെ സ്ഥാവരജംഗമ വസ്തുക്കളില്‍ നിന്ന് ഈടാക്കാമെന്ന് സമ്മതിച്ച് ബാങ്കില്‍ കരാര്‍ ഒപ്പിട്ടുകൊടുക്കുകയും വേണം. കര്‍ഷകസംരക്ഷകരെന്ന് കൊട്ടിഘോഷിക്കുന്ന ഭരണസംവിധാനങ്ങളും…

തിരുവനന്തപുരം: സംസ്ഥാനത്ത് പകൽ ചൂട് ക്രമാതീതമായി ഉയരുന്ന സാഹചര്യത്തിൽ വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയം നാളെ മുതൽ ഏപ്രിൽ 30 വരെ പുനഃക്രമീകരിച്ചു. സൂര്യാഘാത സാധ്യത കണക്കിലെടുത്താണ് തീരുമാനം. രാവിലെ 7:00 മുതൽ വൈകിട്ട് 7:00 വരെ എട്ട് മണിക്കൂറായി ജോലി സമയം നിശ്ചയിച്ചിട്ടുണ്ട്. ഷിഫ്റ്റ് സമ്പ്രദായത്തിൽ ജോലി ചെയ്യുന്ന തൊഴിലാളികൾക്ക് ഷിഫ്റ്റുകൾ ഉച്ചയ്ക്ക് 12 മണിക്ക് അവസാനിപ്പിച്ച് മൂന്ന് മണിക്ക് ആരംഭിക്കുന്ന തരത്തിലാണ് പുനഃക്രമീകരണമെന്ന് ലേബർ കമ്മീഷണർ അറിയിച്ചു. സമുദ്രനിരപ്പിൽ നിന്ന് 3000 അടിയിൽ കൂടുതൽ ഉയരമുള്ള സൂര്യാഘാതത്തിന് സാധ്യതയില്ലാത്ത മേഖലകളെ ഈ ഉത്തരവിന്റെ പരിധിയിൽ നിന്ന് ഒഴിവാക്കിയിട്ടുണ്ട്.

തിരുവനന്തപുരം: തദ്ദേശ ഉപതെരഞ്ഞെടുപ്പിൽ എൽഡിഎഫിന് സിറ്റിങ് സീറ്റുകൾ നഷ്ടമായത് മുഖ്യമന്ത്രി പിണറായി വിജയനുള്ള മുന്നറിയിപ്പാണെന്ന് കെപിസിസി പ്രസിഡന്റ് കെ സുധാകരൻ. ഇടതുമുന്നണിയിൽ നിന്ന് 5 സീറ്റ് യുഡിഎഫ് നേടിയെടുത്തത് അതിന് തെളിവാണെന്നും കെ സുധാകരൻ പറഞ്ഞു. ജനവിരുദ്ധ സമീപനങ്ങളുമായി മുന്നോട്ടുപോകാനുള്ള പിണറായി വിജയന്റെ ധാര്‍ഷ്ട്യത്തിനുള്ള മറുപടിയാണ് തദ്ദേശ തിരഞ്ഞെടുപ്പിൽ പോലും പ്രതിഫലിച്ചത്. യു.ഡി.എഫ് തോറ്റ സ്ഥലങ്ങളിൽ പോലും ഉജ്ജ്വല പോരാട്ടമാണ് സ്ഥാനാർഥികൾ കാഴ്ചവെച്ചതെന്നും സുധാകരൻ പറഞ്ഞു. കൊല്ലം കോർപറേഷനിലെ മീനത്തുചേരി ഡിവിഷനിൽ യുഡിഎഫിന് അട്ടിമറി വിജയമാണ് ലഭിച്ചത്. 632 വോട്ടിന്റെ ഭൂരിപക്ഷത്തിലാണ് സീറ്റ് പിടിച്ചെടുത്തത്. കടപ്ലാമറ്റം വയലാ ടൗൺ വാർഡ്, തൃത്താല പഞ്ചായത്ത് നാലാംവാർഡ് എന്നിവയും എൽഡിഎഫിൽ നിന്ന് പിടിച്ചെടുത്തു. രണ്ട് സീറ്റുകൾ പിടിച്ചെടുത്തത് ഉൾപ്പെടെ വടക്കൻ കേരളത്തിൽ എട്ട് വാർഡുകളിലാണ് യുഡിഎഫ് വിജയിച്ചത്. ആറിടത്ത് എൽഡിഎഫ് സീറ്റ് നിലനിർത്തി. ചെറുവണ്ണൂർ കക്കറമുക്ക് വാർഡും വയനാട് നഗരസഭയിലെ…