Day: September 8, 2023

തിരുവനന്തപുരം: മോൺസൺ മാവുങ്കൽ (Monson Mavunkal) തട്ടിപ്പ് കേസിൽ പ്രതിയായ ഐജി ജി ലക്ഷ്മണയെ (I G Lakshmana) സംസ്ഥാന സർക്കാർ രണ്ടാം തവണയും സസ്പെൻഡ് ചെയ്തു. നിലവിൽ ഐജി ട്രെയിനിംഗായി സേവനമനുഷ്ഠിക്കുന്ന 1997 ബാച്ച് ഐപിഎസ് ഉദ്യോഗസ്ഥന്‍ ഒരു വർഷത്തോളം സസ്‌പെൻഷനിലായതിനു ശേഷം ഇക്കഴിഞ്ഞ ഫെബ്രുവരിയിലാണ് തിരിച്ചെടുത്തത്. മോൺസണെതിരായ കേസ് അന്വേഷിക്കുന്ന ക്രൈംബ്രാഞ്ച് നാലാം പ്രതിയായ ലക്ഷ്മണയെ നേരത്തെ അറസ്റ്റ് ചെയ്യുകയും മുൻകൂർ ജാമ്യത്തിലായതിനാൽ ജാമ്യത്തിൽ വിട്ടയക്കുകയും ചെയ്തിരുന്നു. അറസ്റ്റാണ് പുതിയ സസ്‌പെൻഷനിലേക്ക് വഴിവെച്ചത്. മുൻകൂർ ജാമ്യാപേക്ഷ നൽകുന്നതിനിടെ ലക്ഷ്മണയുടെ അഭിഭാഷകൻ മുഖ്യമന്ത്രിയുടെ ഓഫീസിനെതിരെ വിവാദ പരാമർശം നടത്തിയിരുന്നു. പരാതിക്കാരനായ യാക്കൂബ് പുരയിൽ കേസിൽ ഉദ്യോഗസ്ഥന്റെ പങ്ക് തെളിയിക്കുന്ന വീഡിയോ തെളിവുകൾ ഹാജരാക്കിയതായി സംസ്ഥാന പോലീസ് മേധാവി സർക്കാരിനെ അറിയിച്ചതിനെ തുടർന്നാണ് ഇപ്പോഴത്തെ സസ്‌പെൻഷൻ. ക്രൈംബ്രാഞ്ച് ചോദ്യം ചെയ്യലിൽ ഉദ്യോഗസ്ഥന്റെ പങ്ക് കൂടുതൽ വെളിപ്പെട്ടതായും റിപ്പോർട്ടുണ്ട്.…

ആലപ്പുഴ: വിവാഹ പന്തൽ പൊളിക്കുന്നതിനിടെ ഷോക്കേറ്റ് മൂന്ന് കുടിയേറ്റ തൊഴിലാളികള്‍ രണ്ട് പേർക്ക് ഗുരുതരമായി പരിക്കേറ്റു. ചേർത്തല കണിച്ചുകുളങ്ങരയിലാണ് സംഭവം നടന്നത്. ബിഡിജെഎസ് നേതാവ് തുഷാർ വെള്ളാപ്പള്ളിയുടെ മകളുടെ വിവാഹ ചടങ്ങിനായി ഇട്ടിരുന്ന പന്തൽ പൊളിക്കുന്നതിനിടെയാണ് അപകടം നടന്നത്. ബീഹാർ സ്വദേശികളായ ആദിത്യൻ, കാശിറാം, പശ്ചിമ ബംഗാളിൽ നിന്നുള്ള ധനഞ്ജയൻ എന്നിവരാണ് മരിച്ചത്. ബിഹാർ സ്വദേശികളായ ജാദുലാൽ, അനൂപ്, അജയൻ എന്നിവർക്കാണ് പരിക്കേറ്റത്. ഇവർ ഉപയോഗിച്ച കമ്പി എക്‌സ്ട്രാ ഹൈടെൻഷൻ ലൈനിൽ തട്ടിയാണ് ഷോക്കേറ്റതെന്ന് പോലീസ് പറഞ്ഞു.

പൊന്നാനി: കേരളത്തിലെ സുപ്രധാന സാമ്പത്തിക മേഖലയായ തീരദേശത്തെ തൊഴിലും ജീവിതവും സംരക്ഷിക്കണമെന്ന് വെൽഫെയർ പാർട്ടി (Welfare Party) സംസ്ഥാന പ്രസിഡന്റ് റസാഖ് പാലേരി ആവശ്യപ്പെട്ടു. തീരദേശ മേഖല വലിയ പ്രതിസന്ധികൾ അഭിമുഖീകരിക്കുകയാണ് .മത്സ്യ ബന്ധന മേഖലയുമായി ബന്ധപ്പെട്ട തൊഴിൽ പ്രശ്നങ്ങൾ രൂക്ഷമാണ്. അനിയന്ത്രിതമായ ഇന്ധന വിലവർദ്ധനവ്, കാലാവസ്ഥ വ്യതിയാനം, തീരശോഷണം, കുത്തകകളുടെ ആഴക്കടൽ മത്സ്യബന്ധനം മൂലം ശോഷിക്കുന്ന മത്സ്യ സമ്പത്ത്,ക്ഷേമ പദ്ധതികളുടെ അപര്യാപ്തത, വള്ളങ്ങളുടെ ഇൻഷൂറൻസ് നടപടിക്രമങ്ങളിലെ കൂടിയ ചിലവ്,മത്സ്യബന്ധന ഉപകരണങ്ങളുടെ അനിയന്ത്രിത വിലക്കയറ്റം, മത്സ്യബന്ധന മേഖലയെ ചൂഴ്ന്നു നിൽക്കുന്ന പലിശക്കെണികൾ, CRZ നിയമം, ഭവന പ്രശ്‍നങ്ങൾ, മത്സ്യത്തൊഴിലാളികൾക്ക് തുച്ഛമായ വരുമാനം തുടങ്ങിയ നിരവധി പ്രശ്‍നങ്ങൾ മത്സ്യത്തൊഴിലാളികൾ നേരിടുന്നുണ്ട്. ഓരോ വർഷവും മത്സ്യത്തൊഴിലാളികളുടെ ഇത്തരം പ്രശ്നങ്ങൾ വർധിക്കുമ്പോഴും സർക്കാരുകൾ പരിഹാര ശ്രമങ്ങളിലേക്ക് പ്രവേശിക്കാതെ വാർത്താ ശ്രദ്ധ കിട്ടുന്ന പി ആർ ഇവന്റുകൾ നടത്തി മുഖംമിനുക്കുക മാത്രമാണ് സർക്കാരുകൾ…

ചങ്ങനാശ്ശേരി: ഡിസ്ട്രിക്ട് ഓണാഘോഷം ചങ്ങനാശ്ശേരി ലയൺസ് ക്ലബ് ഹാളിൽ നടന്നു. ഡിസ്ട്രിക്ട് കോഓർഡിനേറ്റർ ലയൺ സുഭാഷ് ബാബുവിന്റെ അദ്ധ്യക്ഷതയിൽ ഡിസ്ട്രിക്ട് ഗവർണർ എം.ജെ.എഫ് ലയൺ ഡോ. ബിനോ ഐ കോശി നിർവഹിച്ചു. വിവിധയിനം കളികളായ അത്തപ്പൂക്കളം, തിരുവാതിര, പുലിയുടെ വാൽമുറിക്കൽ, കുപ്പിയിൽ വെള്ളം നിറയ്ക്കൽ, സുന്ദരിക്ക് പൊട്ടു തൊടീൽ, കസേര കളി, ഓണപ്പാട്ട്, വാദ്യമേളം, മാവേലി, വിഭവ സമൃദമായ ഓണസദ്യയും സഹിതം ഈ വർഷത്തെ ഓണം അതി ഗംഭീരമായി ആഘോഷിച്ചു.ഈ പ്രോഗ്രാമിന്റെ ഉദ്ഘാടനം ഓണം പ്രസ്തുത ചടങ്ങിൽ വൈസ് ഗവർണർമാരും, മുൻ ഗവർണർമാരും, ലയൺ ലീഡർമരും ആശംസകൾ അർപ്പിച്ചു സംസാരിച്ചു. കോട്ടയം, ആലപ്പുഴ, പത്തനംതിട്ട ജില്ലകളുടെ വിവിധ ഭാഗങ്ങളിൽ നിന്നുള്ള ലയൺ മെമ്പർമാരും, കുടുംബാഗങ്ങളും ഈ ചടങ്ങിൽ പങ്കെടുത്തതായി ജി.ഇ.ടി കോർഡിനേറ്റർ ലയൺ സജി ഏബ്രഹാം സാമുവേൽ , ലയൺ സുഭാഷ് ബാബു എന്നിവർ അറിയിച്ചു.

മമ്മൂട്ടി കമ്പനിയുടെ കണ്ണൂർ സ്‌ക്വാഡിന്റെ (Kannur Sqad) ട്രെയ്‌ലര്‍ റിലീസ് ചെയ്ത് മണിക്കൂറുകൾക്കുള്ളിൽ സോഷ്യൽ മീഡിയയിൽ തരംഗമായി മാറുകയാണ്. മണിക്കൂറുകൾക്കുള്ളിൽത്തന്നെ 1.4മില്യൺ കാഴ്ചക്കാരും എഴുപത്തി മൂവ്വായിരത്തില്പരം ലൈക്കുകളുമായി ഇൻവെസ്റ്റിഗേറ്റിംഗ് ത്രില്ലർ കണ്ണൂർ സ്‌ക്വാഡ് ട്രെയ്‌ലര്‍ പ്രേക്ഷകർ ഏറ്റെടുത്തിരിക്കുന്നു. യൂട്യൂബ് ട്രെൻഡിങ്ങിൽ ഒന്നാം സ്ഥാനത്താണ് ചിത്രത്തിന്റെ ട്രയ്ലർ. കലാമൂല്യമുള്ള ചിത്രങ്ങൾ സമ്മാനിക്കുന്ന മമ്മൂട്ടി കമ്പനിയുടെ ബിഗ് ബഡ്ജറ്റിൽ ഒരുങ്ങിയ കൊമേർഷ്യൽ ചിത്രം തിയേറ്റർ എക്സ്പീരിയൻസ് ഉറപ്പു നൽകുന്നു. സിനിമാ നിരൂപകരും ഏറെ സ്വീകാര്യത നൽകി സ്വീകരിച്ച ട്രെയ്ലറിൽ കണ്ണൂർ സ്‌ക്വാഡ് സമൂഹത്തിൽ നടന്ന യഥാർത്ഥ സംഭവങ്ങളെ അടിസ്ഥാനമാക്കി ചിത്രീകരിക്കപ്പെട്ട ചിത്രമാണെന്ന് വ്യക്തമാണ്. പ്രശസ്ത ഛായാഗ്രാഹകനായ റോബി വർഗീസ് രാജ് ചിത്രത്തിന്റെ സംവിധാനം. ചിത്രത്തിന്റെ കഥ എഴുതിയിരിക്കുന്നത് ഷാഫിയാണ്. തിരക്കഥയും സംഭാഷണവും റോണി ഡേവിഡും ഷാഫിയും ചേർന്നൊരുക്കുന്നു. കിഷോർകുമാർ,വിജയരാഘവൻ, അസീസ് നെടുമങ്ങാട്, ശബരീഷ്, റോണി ഡേവിഡ്,മനോജ്.കെ.യു, അർജുൻ രാധാകൃഷ്‌ണൻ, ദീപക്…