Year: 2023

പത്തനംതിട്ട: ശബരിമല ശരംകുത്തിയിലെ ബിഎസ്‌എന്‍എല്‍ ടവറില്‍ നിന്ന്‌ കേബിളുകള്‍ മോഷ്ടിച്ച ഏഴുപേരെ പമ്പ പൊലീസ്‌ അറസ്റ്റ് ചെയ്തു. അയ്യപ്പദാസ്‌, വിക്രമന്‍, ഷഫീഖ്‌, രഞ്ജിത്ത്‌, അഖില്‍, അസിം, ജലീല്‍ എന്നിവരെയാണ്‌ പോലീസ് പിടികൂടിയത്‌. എല്ലാവരും കട്ടപ്പന പുളിയന്‍മല സ്വദേശികളാണ്‌. കഴിഞ്ഞ വ്യാഴാഴ്ച രാത്രി 8.30ന്‌ ശേഷമാണ്‌ മോഷണം നടന്നത്‌. 280 മീറ്റര്‍ ആര്‍എഫ്‌ കേബിള്‍, 35 മീറ്റര്‍ എര്‍ത്ത്‌ കേബിള്‍, 55 ഡിസി കേബിളുകള്‍, 100 മീറ്റര്‍ ലാന്‍ഡ്‌ലൈന്‍ കേബിളുകള്‍, 5 ജോഡി ലാന്‍ഡ്‌ലൈന്‍ കേബിളുകള്‍, 50 മീറ്റര്‍ 10/20/50 ലാന്‍ഡ്‌ലൈന്‍ കേബിളുകള്‍, 5 എംസിബി കേബിളുകള്‍ എന്നിവയാണ്‌ മോഷണം പോയത്‌. മോഷ്ടിച്ച കേബിളുകളുടെ ആകെ വില ഏകദേശം 2.5 ലക്ഷം രൂപ വരും. ചാലക്കയം മുതല്‍ പമ്പ വരെയുള്ള സിസിടിവി ദൃശ്യങ്ങള്‍ പരിശോധിച്ചാണ്‌ പ്രതികളെ പിടികൂടിയത്‌. ഡിവൈഎസ്പി ആര്‍.ബിനുവിന്റെ നേതൃത്വത്തില്‍ നടത്തിയ അന്വേഷണത്തിലാണ്‌ ഇവര്‍ കുടുങ്ങിയത്‌.  

ടെൽ അവീവ്: ഹമാസിനെതിരായ യുദ്ധത്തിൽ ഐക്യദാർഢ്യം പ്രഖ്യാപിച്ച് യുഎസ് പ്രസിഡന്റ് ജോ ബൈഡൻ ബുധനാഴ്ച ഇസ്രയേലിലെത്തി. അൽ-അഹ്‌ലി അൽ-അറബി ഹോസ്പിറ്റലിനെ വിഴുങ്ങിയ അഗ്നിഗോളം 12 ദിവസത്തെ യുദ്ധത്തിൽ നിന്നുള്ള ഏറ്റവും മാരകവും ഭയാനകവുമായ ചിത്രങ്ങളാണ് ലോകര്‍ക്ക് നല്‍കിയത്. സമാധാന ചര്‍ച്ചകള്‍ക്കായി മിഡില്‍ ഈസ്റ്റിലേക്ക് അടിയന്തരമായി യാത്ര തിരിച്ച ബൈഡന്റെ പദ്ധതികള്‍ തകിടം മറിയാന്‍ അത് കാരണവുമായി. ഗാസയില്‍ ആശുപത്രി ബോംബിട്ട് തകര്‍ത്തതിനെത്തുടര്‍ന്ന് പ്രസിഡന്റിനോടൊപ്പം അറബ് നേതാക്കള്‍ ആസൂത്രണം ചെയ്തിരുന്ന ഉച്ചകോടി അവര്‍ റദ്ദു ചെയ്തു. 500 ഓളം പേർ കൊല്ലപ്പെട്ട സ്‌ഫോടനത്തിന് പിന്നിൽ ഇസ്രായേൽ വ്യോമാക്രമണമാണെന്ന് ഫലസ്തീൻ അധികൃതർ ആരോപിച്ചു. ഫലസ്തീൻ ഇസ്ലാമിക് ജിഹാദ് തീവ്രവാദി സംഘടനയുടെ റോക്കറ്റ് വിക്ഷേപണം പരാജയപ്പെട്ടതാണ് സ്ഫോടനത്തിന് കാരണമായതെന്ന് ഇസ്രായേലും അവകാശപ്പെട്ട് കുറ്റം നിഷേധിക്കുകയും ചെയ്തു. “ഇന്നലെ ഗാസയിലെ ആശുപത്രി സ്‌ഫോടനത്തിൽ ഞാൻ വളരെ ദുഃഖിതനും രോഷാകുലനുമാണ്, ഞാൻ കണ്ടതിന്റെ അടിസ്ഥാനത്തിൽ,…

മെരിലാൻഡ്: ഇസ്രായേൽ-ഹമാസ് യുദ്ധത്തിനിടയിൽ അമേരിക്കൻ പ്രസിഡന്റ് ജോ ബൈഡൻ മെരിലാൻഡിലെ ജോയിന്റ് ബേസ് ആൻഡ്രൂസ് വിമാനത്താവളത്തിൽ നിന്ന് ഇസ്രായേലിലേക്ക് പുറപ്പെട്ടു. നേരത്തെ ഗാസയിലെ ആശുപത്രിക്ക് നേരെയുണ്ടായ ആക്രമണത്തെ അദ്ദേഹം അപലപിച്ചിരുന്നു. ഗാസയിലെ ആശുപത്രിക്ക് നേരെയുണ്ടായ ആക്രമണത്തിൽ കൊല്ലപ്പെട്ടവര്‍ക്ക് അനുശോചനം രേഖപ്പെടുത്തിയതോടൊപ്പം പരിക്കേറ്റവർ വേഗത്തിൽ സുഖം പ്രാപിക്കട്ടെയെന്ന് ആശംസിച്ചതായും വൈറ്റ് ഹൗസ് പ്രസ്താവനയിറക്കി. ഇസ്രായേൽ സന്ദർശന വേളയിൽ പ്രധാനമന്ത്രി ബെഞ്ചമിൻ നെതന്യാഹുവിനെ ബൈഡന്‍ കാണും. ജോർദാൻ രാജാവ് അബ്ദുള്ള, ഈജിപ്ഷ്യൻ പ്രസിഡന്റ് അബ്ദുൽ ഫതാഹ് അൽ സിസി, പലസ്തീൻ പ്രസിഡന്റ് മഹ്മൂദ് അബ്ബാസ് എന്നിവരുമായി ബൈഡന്‍ നടത്താനിരുന്ന കൂടിക്കാഴ്ച റദ്ദാക്കിയതായി ജോർദാൻ വിദേശകാര്യ മന്ത്രി അയ്മാൻ സഫാദി പറഞ്ഞു. ഗാസയിലെ ആശുപത്രിക്ക് നേരെ ഇസ്രായേൽ നടത്തിയ വ്യോമാക്രമണത്തില്‍ 500ലധികം പേർ കൊല്ലപ്പെട്ടു. വ്യോമാക്രമണം നടക്കുമ്പോൾ നൂറുകണക്കിന് ആളുകൾ ഗാസയിലെ അൽ-അഹ്‌ലി ആശുപത്രിയിൽ അഭയം പ്രാപിച്ചിരുന്നതായി ഹമാസ് അവകാശപ്പെട്ടു.  

ന്യൂയോർക്ക്. ഗാസയിലെ ആശുപത്രിക്ക് നേരെയുണ്ടായ വ്യോമാക്രമണത്തിൽ യുഎൻ സെക്രട്ടറി ജനറൽ അന്റോണിയോ ഗുട്ടെറസ് അപലപിച്ചു. പലസ്തീൻ സിവിലിയൻമാരുടെ കൊലപാതകം തന്നെ ഭയപ്പെടുത്തിയെന്ന് ഗുട്ടെറസ് പറഞ്ഞു. നൂറു കണക്കിന് ഫലസ്തീൻ പൗരന്മാരുടെ മരണത്തിന് കാരണമായ ഗാസയിലെ ആശുപത്രിക്ക് നേരെ നടന്ന ആക്രമണത്തെ ഐക്യരാഷ്ട്രസഭ ശക്തമായി അപലപിക്കുകയും, സംഭവത്തിൽ ഞാൻ അഗാധമായി ഭയക്കുകയും ചെയ്യുന്നു എന്ന് അദ്ദേഹം പറഞ്ഞു. ആശുപത്രിയും മെഡിക്കൽ ഉദ്യോഗസ്ഥരും അന്താരാഷ്ട്ര മാനുഷിക നിയമത്തിന് കീഴിൽ സംരക്ഷിക്കപ്പെടുന്നവരാണെന്ന് അദ്ദേഹം പറഞ്ഞു. I am horrified by the killing of hundreds of Palestinian civilians in a strike on a hospital in Gaza today, which I strongly condemn. My heart is with the families of the victims. Hospitals and medical personnel are protected under…

ഹൂസ്റ്റൺ: കേരളത്തിലെ ഏറ്റവും മികച്ച ക്രിസ്ത്യൻ സംഗീതജ്ഞരെ ഉൾപ്പെടുത്തികൊണ്ട് ജനസിസ് മീഡിയ അവതരിപ്പിക്കുന്ന ക്രിസ്ത്യൻ മ്യൂസിക്കൽ എക്സ്ട്രാവഗാൻസാ ഒക്ടോബർ 28 ശനിയാഴ്ച വൈകിട്ട് 6 മണിക്ക് ഹ്യൂസ്റ്റൺ സ്റ്റാഫ്‌ഫോർഡിലുള്ള സെന്റ് തോമസ് ഓർത്തഡോൿസ് കത്തീഡ്രൽ ഹാളിൽ നടത്തപ്പെടുന്നു. കേരളത്തിലെ ഏറ്റവും മികച്ചതും പ്രശസ്തവുമായ അമൃത ടീവീ ദേവഗീതം പരിപാടിയിലൂടെ പ്രേക്ഷക ശ്രദ്ധയും ഹൃദയവും കീഴടക്കിയ പ്രസാദ്, പ്രിയ കൂടാതെ മികച്ച ഗായകരായ ലൈജു, ബ്ലെസി എന്നിവരും കേരളത്തിലെ പ്രശസ്തരായ വാദ്യ മേള കലാകാരന്മാരും, ടെക്‌നിഷ്യൻസും ഉൾപ്പെടുത്തി അവിസ്മരണീയമായ ഒരു സന്ധ്യ ആണ് ഇതിന്റെ സംഘടകർ നിങ്ങൾക്കായി ഒരുക്കുന്നത്. Endocrine and Diabetes plus Clinic of Houston ആണ് മുഖ്യ സ്പോൺസർ. Skypass Travel കൂടി ചേർന്നാണ് പരുപാടി സംഘടിപ്പിക്കുന്നത്. ഭക്തി സാന്ദ്രമായ അവിസ്മരണീയ ക്രിസ്ത്യൻ ഗാനമേളയോടൊപ്പം സെയിന്റ് പീറ്റേഴ്സ് മലങ്കര കത്തോലിക്ക ദേവാലയത്തിന്റെ യും spring…

വാഷിംഗ്ടൺ: ഹമാസും ഇസ്രായേലും തമ്മിൽ നടന്നുകൊണ്ടിരിക്കുന്ന യുദ്ധം ക്രമേണ മാനുഷിക ദുരന്തമായി മാറുകയാണ്. ഇരുവശത്തുനിന്നും ആയിരക്കണക്കിന് ആളുകൾ മരിച്ചു. അമേരിക്കക്കാരും ഈ യുദ്ധത്തിന്റെ ഇരകളായി. ഇസ്രായേലിനെതിരെ ഹമാസ് നടത്തിയ ആക്രമണത്തിൽ കൊല്ലപ്പെട്ട അമേരിക്കക്കാരുടെ എണ്ണം ഇപ്പോൾ 31 ആയതായി വൈറ്റ് ഹൗസ് വക്താവ് ജോൺ കിർബി ചൊവ്വാഴ്ച പറഞ്ഞു. നിരപരാധികളായ സാധാരണക്കാരുടെ ജീവൻ സംരക്ഷിക്കേണ്ടതിന്റെ ആവശ്യകതയെക്കുറിച്ച് അമേരിക്ക ഇസ്രായേലുമായി സംസാരിക്കുന്നത് തുടരുമെന്ന് കിർബി പറഞ്ഞു. ഹമാസ് ആക്രമണത്തിന് ശേഷം ഇസ്രായേലിന് പിന്തുണ പ്രഖ്യാപിച്ച് പ്രസിഡന്റ് ജോ ബൈഡൻ ഇസ്രായേലിലേക്ക് പുറപ്പെട്ടു. അതേസമയം, ലെബനനിലേക്ക് അമേരിക്കൻ പൗരന്മാർ യാത്ര ചെയ്യരുതെന്ന് യു എസ് സ്റ്റേറ്റ് ഡിപ്പാര്‍ട്ട്മെന്റ് മുന്നറിയിപ്പ് നല്‍കി. ഇസ്രായേലും ഹിസ്ബുള്ളയും തമ്മിലുള്ള യുദ്ധസാഹചര്യം ചൂണ്ടിക്കാട്ടിയാണ് സ്റ്റേറ്റ് ഡിപ്പാർട്ട്മെന്റ് മുന്നറിയിപ്പ് നൽകിയത്. ഹമാസിന്റെയും ഹിസ്ബുള്ളയുടെയും ലക്ഷ്യങ്ങൾക്കെതിരെ ഇസ്രായേൽ ആക്രമണം ശക്തമാക്കിയതായി വാർത്താ ഏജൻസികള്‍ റിപ്പോർട്ട് ചെയ്തു. ചൊവ്വാഴ്ച വൈകുന്നേരം…

ഹൂസ്റ്റൺ: ഹൂസ്റ്റണിലെ പ്രമുഖ മലയാളി സംഘടനയായ പാസഡീന മലയാളി അസോസിയേഷൻറെ (പിഎംഎ) 31- മത് വാർഷികവും ഓണാഘോഷ പരിപാടികളും – “ഓണനിലാവ്” എന്ന പേരിൽ ട്രിനിറ്റി മാർത്തോമാ ചർച്ച്‌ ച്ച ഓഡിറ്റോറിയത്തിൽ വച്ച് വിവിധ കലാ പരിപാടികളോടെ അരങ്ങേറി. ഒക്ടോബര് 7 നു ശനിയാഴ്ച വൈകുന്നേരം 4 നു ആരംഭിച്ച സമ്മേളനത്തിൽ റിച്ചാർഡ്സ് ജേക്കബ് സ്വാഗതം ആശംസിച്ചു. തുടർന്ന് പ്രസിഡന്റും പ്രോഗ്രാം കോർഡിനേറ്ററുമായ ജോമോൻ ജേക്കബിന്റെ നേതൃത്വത്തിൽ സെക്രട്ടറിയും എക്സിക്യൂട്ടീവ് കമ്മിറ്റി അംഗങ്ങളും സംയുകതമായി തിരി തെളിച്ച്‌ പരിപാടിയുടെ ഔദ്യോഗിക ഉത്‌ഘാടനം നിർവഹിച്ചു.സെക്രട്ടറി സലിം അറക്കൽ വാർഷിക റിപ്പോർട്ട് അവതരിപ്പിച്ചു. അകാലത്തിൽ വിട്ടുപിരിഞ്ഞ അംഗവും സന്തത സഹചാരിയുമായിരുന്ന ആൽബർട് തോമസിന്റെ വിയോഗത്തിൽ അനുശോചനം അറിയിച്ചു. ഹൂസ്റ്റണിലെ ഈ വർഷത്തെ ഓണാഘോഷങ്ങളുടെ സമാപനം കുറിച്ച ഓണാഘോഷമായിരുന്നു പിഎംഎ യുടേത്.ഹൂസ്റ്റണിലെ ഈ വർഷത്തെ ഓണാഘോഷങ്ങളിൽ ഏറ്റവും വർണശബളമായ ഓണാഘാഷമാണെന്ന് സംഘാടകരും…

വാഷിംഗ്‌ടൺ ഡി സി :ചൊവ്വാഴ്ച നടന്ന ആദ്യ വോട്ടിൽ സ്പീക്കർ സ്ഥാനം ഉറപ്പിക്കുന്നതിൽ ജിം ജോർദാൻ പരാജയപ്പെട്ടു. .ചൊവ്വാഴ്ച ഉച്ചകഴിഞ്ഞ് ഹൗസ് 200-നെതിരേ 232 വോട്ട് ചെയ്തു, 20 റിപ്പബ്ലിക്കൻമാർ ജോർദാനെതിരെ വോട്ട് ചെയ്തു. മുൻ സ്പീക്കർ കെവിൻ മക്കാർത്തിയും ഹൗസ് മെജോറിറ്റി ലീഡർ സ്റ്റീവ് സ്കാലിസും ഉൾപ്പെടെ ജോർദാനെ പിന്തുണയ്ക്കുമെന്ന് പ്രതീക്ഷിച്ചിരുന്ന ഇരുപത് പ്രതിനിധികൾ പകരം മറ്റ് സ്ഥാനാർത്ഥികൾക്ക് വോട്ട് ചെയ്തു, ഇത് യാഥാസ്ഥിതികരുടെ ഇടയിൽ പ്രകോപനം സൃഷ്ടിക്കുകയും പാർട്ടി ഐക്യത്തെക്കുറിച്ച് ചോദ്യങ്ങൾ ഉയർത്തുകയും ചെയ്തു. ഡോൺ ബേക്കൺ – നെബ്രാസ്ക,കെൻ ബക്ക് – കൊളറാഡോ,ലോറി ഷാവേസ്-ഡെറെമർ – ഒറിഗോണ് ആന്റണി ഡി എസ്‌പോസിറ്റോ – ന്യൂയോർക്ക്,മരിയോ ഡയസ്-ബലാർട്ട് – ഫ്ലോറിഡ,ജെയ്ക് എൽസി – ടെക്സാസ്,ആൻഡ്രൂ ഗാർബാറിനോ – ന്യൂയോർക്ക്,കാർലോസ് ഗിമെനെസ് – ഫ്ലോറിഡ,ടോണി ഗോൺസാലെസ് – ടെക്സാസ് ,കേ ഗ്രെഞ്ചർ – ടെക്സാസ് ,ജോൺ…

ഡാളസ്: സി എസ് ഐ കോൺഗ്രിഗേഷൻ ഓഫ് ഡള്ളാസിന്റ വികാരിയും, പ്രസിദ്ധ കൺവെൻഷൻ പ്രാസംഗികനും ആയ റവ. റെജീവ് സുകു നയിക്കുന്ന കൺവെൻഷൻ ഒക്ടോബർ 20, 21 തീയതികളിൽ സെൻറ് പോൾസ് മാർത്തോമാ ചർച്ചിൽ വച്ച് നടത്തപ്പെടുന്നു. പാരിഷ് മിഷനും, യുവജനസഖ്യവും സംയുക്തമായാണ് കൺവെൻഷൻ ക്രമീകരിച്ചിരിക്കുന്നത്. ഒക്ടോബർ 20 വെള്ളിയാഴ്ച രാവിലെ 10ന് ക്രമീകരിച്ചിട്ടുള്ള ഉപവാസ പ്രാർത്ഥനയോടെ കൂടി കൺവെൻഷനെ ആരംഭം കുറിക്കും. ഇടവകയിലെ മുതിർന്ന പൗരന്മാരുടെ പ്രാർത്ഥന കൂട്ടമാണ് ഫ്രൈഡേ പ്രയർ. ഇടവകയുടെ എല്ലാ പ്രത്യേക പരിപാടികളുടെ ആരംഭത്തിലും മുതിർന്ന പൗരന്മാരുടെ സംഘടന പ്രത്യേക ഉപവാസ പ്രാർത്ഥനകൾ ക്രമീകരിച്ചുവരുന്നു. ഒക്ടോബർ 20, 21 തീയതികളിൽ വൈകിട്ട് 6:30ന് ഗാന ശുശ്രൂഷയോട് കൂടി കൺവെൻഷൻ ആരംഭിക്കും. ഇടവക വികാരി റവ. ഷൈജു സി ജോയ് അച്ഛൻറെ നേതൃത്വത്തിലുള്ള സംയുക്ത കമ്മിറ്റി കൺവെൻഷന് വേണ്ട ക്രമീകരണങ്ങൾ ചെയ്തു വരുന്നു.…

ഫ്ലോറിഡ:16 വർഷത്തോളം തെറ്റായി ഫ്ലോറിഡയിൽ തടവിലാക്കപ്പെടുകയും തുടർന്ന്‌ 2020-ൽ കുറ്റവിമുക്തനാക്കപ്പെടുകയും ചെയ്ത 53 കാരനായ ലിയോനാർഡ് ക്യൂർ തിങ്കളാഴ്ച ട്രാഫിക് സ്റ്റോപ്പിൽ ജോർജിയയിലെ ഒരു ഷെരീഫ് ഡെപ്യൂട്ടിയുടെ വെടിയേറ്റ് മരിച്ചു, ലിയോനാർഡ് ക്യൂർ, 2003-ൽ ഫ്ലോറിഡയിൽ സായുധ കവർച്ചയ്ക്ക് ശിക്ഷിക്കപ്പെട്ടതിന് ശേഷം ഒരു ദശാബ്ദത്തിലേറെയായി ജയിലിൽ കഴിഞ്ഞിരുന്നു. 2020-ൽ, കേസിന്റെ പുനരന്വേഷണത്തിൽ താൻ നിരപരാധിയാണെന്ന് കണ്ടെത്തിയതിനെത്തുടർന്ന് സ്റ്റേറ്റ് അറ്റോർണി ഓഫീസ് കൺവിക്ഷൻ റിവ്യൂ യൂണിറ്റിന്റെ ഭാഗമായി കുറ്റവിമുക്തനാക്കപ്പെടുന്ന ആദ്യ വ്യക്തിയായിരുന്നു വെന്നു ബ്രോവാർഡ് കൗണ്ടി സ്റ്റേറ്റ് അറ്റോർണി ഓഫീസ് അറിയിച്ചു . മോചിതനായതിനുശേഷം, മൂന്ന് വർഷമായി ക്യൂർ സെക്യൂരിറ്റിയിൽ ജോലി ചെയ്തു വരികയായിരുന്നു., തിങ്കളാഴ്ച രാവിലെ അന്തർസംസ്ഥാന 95 നോർത്ത്ബൗണ്ടിലെ ട്രാഫിക് സ്റ്റോപ്പിൽ ഒരു കാംഡൻ കൗണ്ടി ഡെപ്യൂട്ടി ക്യൂറെ മാരകമായി വെടിവച്ചു പരിക്കേല്പിച്ചുവെന്നു ജോർജിയ ബ്യൂറോ ഓഫ് ഇൻവെസ്റ്റിഗേഷൻ വാർത്താക്കുറിപ്പിൽ അറിയിച്ചു. ഡെപ്യൂട്ടിയുടെ അഭ്യർത്ഥന മാനിച്ച്…