Year: 2023

ഡാളസ്: ആദ്യമായി ഡാളസിൽ എത്തിച്ചേർന്ന മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃദീയൻ കാതോലിക്കാ ബാവായ്ക്ക് വൻ വരവേൽപ്പ് ഡാളസ് ഡി എഫ് ഡബ്ല്യൂ എയർപോർട്ടിൽ നൽകി. സൗത്ത് വെസ്റ്റ് അമേരിക്കൻ ഭദ്രാസനാധിപൻ അഭി. ഡോ.തോമസ് മാർ ഈവാനിയോസ് മെത്രാപ്പോലീത്താ, കോട്ടയം ഭദ്രാസനാധിപൻ അഭി. യൂഹാനോൻ മാർ ദിയസ്കോറോസ് മെത്രാപ്പോലീത്താ, നിലക്കൽ ഭദ്രാസനാധിപൻ അഭി.ഡോ. ജോഷ്വാ മാർ നിക്കോദിമോസ് മെത്രാപ്പോലീത്താ എന്നിവരെ കൂടാതെ വെരി.റവ.രാജു ദാനിയേൽ കോർ എപ്പിസ്കോപ്പായുടെ നേതൃത്വത്തിൽ അനേക വൈദിക ശ്രേഷ്ടർ, ആത്മായ നേതാക്കൾ തുടങ്ങിയവർ സന്നിഹിതരായിരുന്നു. എയർ പോർട്ടിൽ നിന്ന് അനേക വാഹനങ്ങളുടെ അകമ്പടിയോടു കൂടി 6,7 (വെള്ളി, ശനി) തീയതികളിൽ കൂദാശ ചെയ്യപ്പെടുന്ന ഡാളസ് സെന്റ്.പോൾസ് ഓർത്തഡോക്സ് ദേവാലയത്തിലേക്ക് (5088 Baxter Well Road, Mckinney, TX 75071 ) ആനയിച്ചു.  

ഒട്ടാവ: കാനഡ തങ്ങളുടെ ഭൂരിഭാഗം നയതന്ത്ര ഉദ്യോഗസ്ഥരെയും ഇന്ത്യയിൽ നിന്ന് പിൻവലിക്കാൻ തീരുമാനിച്ചു, അവരെ സിംഗപ്പൂരിലേക്കോ മലേഷ്യയിലെ ക്വാലാലംപൂരിലേക്കോ മാറ്റുമെന്ന് റിപ്പോര്‍ട്ട്. നിലവിൽ ഇന്ത്യയിലുള്ള തങ്ങളുടെ നയതന്ത്ര ഉദ്യോഗസ്ഥരുടെ ഗണ്യമായ എണ്ണം പിൻവലിക്കണമെന്ന് ആവശ്യപ്പെട്ട് ഇന്ത്യ കാനഡയ്ക്ക് കർശന നിർദ്ദേശം നൽകിയിരുന്നു. ഒക്ടോബർ 10-നുള്ളിൽ ഏകദേശം 40 നയതന്ത്ര ഉദ്യോഗസ്ഥരെ ഒട്ടാവ തിരിച്ചു വിളിക്കണമെന്ന് ന്യൂഡൽഹി നിർബന്ധിച്ചതോടെ, ഇരു രാജ്യങ്ങളും തമ്മിലുള്ള വർദ്ധിച്ചുവരുന്ന സംഘർഷങ്ങൾ രൂക്ഷമായി. നിലവിൽ, ഈ ഏറ്റവും പുതിയ നയതന്ത്ര വിള്ളലിനെക്കുറിച്ച് ഔദ്യോഗിക പ്രസ്താവന ഇറക്കുന്നതിൽ നിന്ന് ഇന്ത്യൻ സർക്കാർ വിട്ടുനിൽക്കുകയാണ്. കാനഡയാകട്ടെ, നിലവിൽ ഇന്ത്യക്കകത്ത് 62 നയതന്ത്രജ്ഞരുടെ ഒരു സംഘത്തെ പരിപാലിക്കുന്നുണ്ട്. എന്നാല്‍, റിപ്പോർട്ടിൽ സൂചിപ്പിച്ചിരിക്കുന്നതുപോലെ ഈ സംഖ്യ 41 ആയി കുറയ്ക്കണമെന്ന് ഇന്ത്യ ഉറച്ചു പറഞ്ഞു. കനേഡിയൻ പ്രധാനമന്ത്രി ജസ്റ്റിൻ ട്രൂഡോയുടെ സമീപകാല പ്രസ്താവനയെത്തുടർന്ന് ന്യൂഡൽഹിയും ഒട്ടാവയും തമ്മിലുള്ള നയതന്ത്ര ബന്ധം…

ഹൂസ്റ്റൺ: കിടങ്ങൂർ കൂടല്ലൂര്‍ പരുമനത്തേട്ട് പരേതനായ പി.ടി.തോമസിന്റെ ഭാര്യ ഏലിയാമ്മ തോമസ് (80) നിര്യാതയായി. പരേത കോട്ടയം വാകത്താനം ചാക്കച്ചേരിൽ കുടുംബാംഗമാണ്. മക്കള്‍: ഷാജി, റെജി (അപ്ന ബസാർ റജി,ഹൂസ്റ്റൺ ), ജിജി എബ്രഹാം (ഹൂസ്റ്റൺ) , ബിജി, സുനി (അബുദാബി), ബിജേഷ് (അബുദാബി) മരുമക്കള്‍: റൂബി ജോളി ഭവന്‍ തിരുവനന്തപുരം, മേഴ്‌സി തേക്കുംകാലായില്‍ ഇരവിമംഗലം (ഹൂസ്റ്റൺ) , ജിജി വിളയില്‍ (ഹൂസ്റ്റൺ), വിനോദ് മങ്ങാട്ട് കിടങ്ങൂര്‍, ബിജു തുടിയാലില്‍ കുറുമുളളൂര്‍, സെഫി കുറുപ്പിനകത്ത് നീണ്ടൂര്‍. സംസ്‌കാരം കൂടല്ലൂർ സെന്റ് മേരീസ് ക്നാനായ ദേവാലയത്തിൽ ഒക്ടോബർ 10 നു ചൊവ്വാഴ്ച ഉച്ചകഴിഞ്ഞു 3 മണിക്ക്. ശുശ്രൂഷകളുടെ ലൈവ് സ്ട്രീം ലിങ്കുകൾ : https://knanayavoice.net/ https://knanayavoice.net/?p=5838 കൂടുതൽ വിവരങ്ങൾക്ക്: റജി – 832 339 8443 (വാട്സാപ് ) ഷാജി – 91 944 777 6670 (ഇന്ത്യ)…

മയാമി: അമേരിക്കയിലെ കേരളം എന്നറിയപ്പെടുന്ന ഫ്ലോറിഡയിലെ മയാമിയിൽ വെച്ച് ഫോമാ സൺഷൈൻ റീജിയൻ ഫ്ലോറിഡയിലെ അംഗ സംഘടനകളെ പങ്കെടുപ്പിച്ചുകൊണ്ട് ഹരിതമേളയും ഫുഡ് ഫെസ്റ്റിവെലും സെപ്റ്റംബർ മുപ്പതിന് ആഘോഷമായി നടത്തപ്പെട്ടു. ഫോമാ നാഷണൽ കമ്മറ്റി അംഗം ശ്രീ ബിജോയ് സേവ്യറിൻ്റെ നേതൃത്വത്തിൽ മയാമി മലയാളീ അസോസിയേഷൻ്റെ ആതിഥേയത്തിലും മോൾ മാത്യൂസ് കിച്ചൻ ആൻഡ് ഗാർഡൻസിൽ വെച്ച് നടത്തപ്പട്ട ഹരിതമേള ഫോമാ ഫ്ലോറിഡ ആർ. വി. പി. ശ്രീ ചാക്കോച്ചൻ ജോസഫിൻ്റെ അദ്ധ്യക്ഷതയിൽ ഫോമാ നാഷണൽ ട്രഷറാർ ശ്രീ ബിജു തോണിക്കടവിൽ ഉത്‌ഘാടന കർമ്മം നിർവഹിച്ചു. ഓർഗാനിക് പച്ചക്കറികളുടെയും പഴവർഗങ്ങളുടെയും വിപുലമായ ശേഖരം മേളയിൽ ഒരുക്കിയിരുന്നു. ഗൃഹാതുരത്വം ഉണർത്തുന്ന, ഷെഫ് ഡൊമനിക്കിൻ്റെ നാടൻ തട്ടുകടയിലെ വിഭവങ്ങളുടെ നാവൂറും രുചികളും, സാൻറ്റിച്ചൻ കെടങ്ങായിയും മോൾ മാത്യുവും ഒരുക്കിയ കപ്പയും കാടയും രുചിച്ചവർക്ക വ്യത്യസ്തമായ രുചി ഭേദം നൽകി. ജെസ് കഫേ ഒരുക്കിയ,…

മലപ്പുറം: “വിധേയപ്പെടാത്ത വിദ്യാർത്ഥിത്വം ആത്മാഭിമാനത്തിന്റെ രാഷ്ട്രീയം” എന്ന തലക്കെട്ടിൽ ഫ്രറ്റേണിറ്റി മൂവ്മെന്റ് മലപ്പുറം ജില്ലാ കമ്മിറ്റി കാമ്പസ് കോൺഫറൻസ് സംഘടിപ്പിക്കുന്നു. നാളെ(07/10/2023). വിത്യസ്ത സെക്ഷനിൽ ഗ്രോ വാസു, സിദ്ധീഖ് കാപ്പൻ, ഫ്രറ്റേണിറ്റി മുൻ ദേശിയ പ്രസിഡന്റ്‌ ഷംസീർ ഇബ്രാഹീം, ചിത്ര നിലമ്പൂർ, വെൽഫെയർ പാർട്ടി ജില്ലാ പ്രസിഡന്റ്‌ നാസർ മാസ്റ്റർ, വെൽഫെയർ പാർട്ടി ജില്ലാ ജനറൽ സെക്രട്ടറി കെ വി സഫീർഷാ,ഫ്രറ്റേണിറ്റി ജില്ലാ പ്രസിഡന്റ്‌ ജംഷീൽ അബൂബക്കർ,വെൽഫെയർ പാർട്ടി സംസ്ഥാന കമ്മിറ്റി അംഗം കെ കെ അഷ്‌റഫ്‌, ബാസിത് താനൂർ, നുഹ മറിയം തുടങ്ങിയവർ പങ്കെടുക്കും

കോഴിക്കോട്: സംസ്ഥാന ചലച്ചിത്ര വികസന കോർപറേഷന് കീഴിലെ കോഴിക്കോട് ജില്ലയിലെ കൈരളി, ശ്രീ തിയേറ്റർ സമുച്ചയത്തിൽ ഒരുക്കിയ ‘വേദി’ ഓഡിറ്റോറിയം ആന്റ് കോൺഫറൻസ് റൂം സാംസ്‌കാരിക വകുപ്പ് മന്ത്രി സജി ചെറിയാൻ ഉദ്ഘാടനം ചെയ്തു. കേരളത്തെ സിനിമ നിർമാണ കേന്ദ്രമാക്കി മാറ്റാനാണ് സർക്കാർ ഉദ്ദേശിക്കുന്നതെന്ന് മന്ത്രി പറഞ്ഞു. കേരളത്തിന്റെ പ്രകൃതിരമണിയതയുടെ പത്ത് ശതമാനം പോലും സിനിമാ നിർമ്മാണത്തിനുവേണ്ടി ഉപയോഗപ്പെടുത്തുന്നില്ല. തിരുവനന്തപുരത്തും കൊച്ചിയിലും ആധുനികമായി ഏത് സിനിമ വേണമെങ്കിലും ചിത്രീകരിക്കാവുന്ന തരത്തിൽ പ്രൊഡക്ഷൻ സംവിധാനം ഒരുക്കിയിട്ടുണ്ടെന്ന് മന്ത്രി പറഞ്ഞു. ചിത്രാഞ്ജലി സ്റ്റുഡിയോ 150 കോടി രൂപയ്ക്കാണ് നവീകരിക്കുന്നത്. അതിന്റെ ആദ്യ ഘട്ട നിർമ്മാണം ആരംഭിച്ചു. കേരളത്തിൽ നിർമ്മിക്കുന്ന സിനിമകൾ മാത്രമല്ല ഇന്ത്യക്ക് പുറത്തേയും സിനിമ കേരളത്തിൽ പ്രൊഡക്ഷൻ ചെയ്യാനുള്ള തരത്തിൽ കേരളത്തെ മാറ്റിയെടുക്കണം. അതിനുള്ള എല്ലാ സാഹചര്യവും നമുക്കുണ്ട്. മാത്രമല്ല കലാകാരന്മാരെ സംരക്ഷിക്കാൻ കഴിയുന്ന തരത്തിൽ ഒട്ടേറെ പ്രവർത്തനങ്ങൾ…

വലമ്പൂർ: മങ്കട പട്ടിക്കാട് റോട്ടിൽ വലമ്പൂർ ടൗണിൽ നിന്ന് 400 മീറ്റർ അകലെ ജനവാസ മേഖലയിൽ സാമൂഹ്യ ദ്രോഹികൾ അർദ്ധരാത്രിയുടെ മറവിൽ കക്കൂസ് മാലിന്യങ്ങൾ തള്ളിയതായി കാണപ്പെട്ടിരിക്കുന്നു ഒഴുകിക്കൊണ്ടിരിക്കുന്ന ഉറവ വെള്ളത്തിലൂടെ ഈ പ്രദേശത്തേ കിണറുകളിലേക്ക് ഒഴുകിയെത്താൻ സാധ്യതയുണ്ടെന്നും ഇത് കാരണം രോഗങ്ങൾ പടരാൻ കാരണമാകും എന്നും നാട്ടുകാർ പറയുന്നു. ഈ ഹീനമായ പ്രവർത്തി ആര് ചെയ്താലും അവർക്കെതിരെ കർശനമായ നടപടി സ്വീകരിക്കണമെന്ന് ആവശ്യപ്പെട്ട് പ്രദേശവാസികളായ സജി ഫിലിപ്പ്, സെയ്താലി വലമ്പൂർ തുടങ്ങിയവർ മങ്കട പോലീസിൽ പരാതി നൽകുകയും ചെയ്തു.

കോട്ടയം: വന്യജീവികള്‍ വനത്തില്‍ നിന്ന് പുറത്തിറങ്ങി ജനവാസമേഖലയില്‍ മനുഷ്യനെ കടിച്ചുകീറി കൊലചെയ്യുമ്പോഴും മുതലക്കണ്ണീര്‍ പൊഴിച്ച് ഒളിച്ചോട്ടം നടത്തുന്ന ഭരണനേതൃത്വങ്ങള്‍ മനുഷ്യമൃഗങ്ങള്‍ക്ക് തുല്യരെന്ന് രാഷ്ട്രീയ കിസാന്‍ മഹാസംഘ് സൗത്ത് ഇന്ത്യ കണ്‍വീനര്‍ അഡ്വ.വി.സി.സെബാസ്റ്റ്യന്‍ പറഞ്ഞു. കര്‍ഷക സംഘടനകളുടെ ദേശീയ ഐക്യവേദിയായ രാഷ്ട്രീയ കിസാന്‍ മഹാസംഘിന്റെ സംസ്ഥാന സമിതിയുടെ നേതൃത്വത്തില്‍ നടക്കുന്ന കര്‍ഷക രക്ഷാവാരത്തിന്റെ സംസ്ഥാതല ഉദ്ഘാടനം കോട്ടയം കളക്ട്രേറ്റ് പടിക്കല്‍ നിര്‍വ്വഹിച്ചു സംസാരിക്കുകയായിരുന്നു അദ്ദേഹം. വന്യജീവികളെ സംരക്ഷിക്കുവാന്‍ ജനങ്ങളെക്കൊണ്ട് പ്രതിജ്ഞയെടുപ്പിക്കുന്ന വനംവകുപ്പിന്റെ വന്യജീവി വാരാഘോഷം തട്ടിപ്പാണ്. പരിസ്ഥിതി സംരക്ഷണത്തിന്റെ പേരില്‍ രാജ്യാന്തര സാമ്പത്തിക ഏജന്‍സികളുമായി കേരളത്തിലെ പരിസ്ഥിതി സംഘടനകളും രാഷ്ട്രീയ നേതാക്കളും വനംവകുപ്പു സംവിധാനങ്ങളും നടത്തുന്ന സാമ്പത്തിക ഇടപാടുകള്‍ അന്വേഷണ വിധേയമാക്കണം. നെല്‍ കര്‍ഷകരെ സംരക്ഷിക്കുന്നതില്‍ സര്‍ക്കാര്‍ സമ്പൂര്‍ണ്ണ പരാജയമായിരിക്കുന്നു. സംഭരിച്ച നെല്ലിന്റെ പണം നല്‍കാത്ത സര്‍ക്കാരിന്റെ കര്‍ഷക സ്‌നേഹം കാപട്യമാണ്. ഭരണനേതൃത്വങ്ങളുടെ അഴിമതിയും ധൂര്‍ത്തും കെടുകാര്യസ്ഥതയും ഈ…