Year: 2023

ന്യൂജേഴ്‌സി: ന്യൂജേഴ്സിയിലെ പ്രമുഖ മലയാളി സംഘടനയായ മലയാളി അസ്സോസിയേഷന്‍ ഓഫ് ന്യൂജെഴ്സി (MANJ) യുടെ ഈ വർഷത്തെ ഓണഘോഷം സെപ്റ്റംബർ 3 ഞായാറാഴ്ച വൈകീട്ട് 5:30 മുതല്‍ സെന്റ് ജോർജ് സിറോ മലബാർ ചർച്ച് ഓഡിറ്റോറിയത്തിൽ (408 Getty Ave , Patterson, NJ) വെച്ച് അതിവിപുലമായ പരിപാടികളോടെ കൊണ്ടാടുന്നു. ഓണക്കളി, ഓണപ്പാട്ട്, തിരുവാതിര, ചെണ്ടമേളം എന്നു വേണ്ട ഓണക്കാലത്തിന്റെ എല്ലാ അനുഭൂതിയും ഉണര്‍ത്തുന്ന കലാപരിപാടികളാണ്‌ ഓണത്തിന് വേണ്ടി ക്രമീകരിച്ചിരിക്കുന്നത്‌. നാട്ടിൽ എങ്ങനയാണോ ഓണം ആഘോഷിച്ചിരുന്നത് അതേ രീതിയിൽ തന്നെ എഴാം കടലിനിക്കരെ മഞ്ചിന്റെ കുടുംബാംഗങ്ങള്‍ ഒരുമിച്ചു ചേർന്ന് ഓണം ആഘോഷിക്കുന്നു. മഞ്ചിൻെറ ഓണസദ്യയും പ്രസിദ്ധമാണ്. ചെണ്ടമേളവും, താലപ്പൊലിയുമായി മാവേലി തമ്പുരാനെ വരവേല്‍ക്കുന്നതോടെ തുടങ്ങുന്ന പരിപാടികളില്‍ അത്തപ്പൂക്കളവും, തിരുവാതിര കളിയും, പുലിക്കളിയും തുടങ്ങി നിരവധി പുതുമയാർന്ന പരിപാടികളോടെയാണ് ഈ വർഷത്തെ ഓണം ചിട്ടപ്പെടുത്തിയിട്ടൂള്ളത്. അമേരിക്കയിലെ പ്രശസ്ത ഗായകർ…

വാഷിംഗ്ടൺ: ഫെഡറൽ, സംസ്ഥാന, പ്രാദേശിക നിയമ നിർവ്വഹണ ഏജൻസികൾ രാജ്യവ്യാപകമായി നടത്തിയ അന്വേഷണത്തെത്തുടര്‍ന്ന് നൂറുകണക്കിന് ആളുകളുടെ പേരില്‍ കോവിഡ്-19 ദുരിതാശ്വാസ ധനസഹായത്തില്‍ നിന്ന് 830 മില്യൺ ഡോളറിലധികം മോഷ്ടിച്ചതിന് കുറ്റപത്രം സമര്‍പ്പിച്ചതായി യുഎസ് ജസ്റ്റിസ് ഡിപ്പാർട്ട്‌മെന്റ് ബുധനാഴ്ച അറിയിച്ചു. ഇവരില്‍ ഒരു കൊലപാതകത്തിന് പണം നൽകാൻ കോവിഡ്-19 ധനസഹായത്തില്‍ നിന്ന് മോഷ്ടിച്ച പണം ഉപയോഗിച്ചുവെന്നും, ഒരു ക്രിമിനൽ സംഘത്തിലെ അംഗങ്ങൾ ഉൾപ്പെടെ 60 ലധികം പേർ സംഘടിത കുറ്റകൃത്യങ്ങളുമായി ബന്ധമുണ്ടെന്നും ജസ്റ്റിസ് ഡിപ്പാര്‍ട്ട്മെന്റിന്റെ കുറ്റപത്രത്തില്‍ പറയുന്നു. “300-ലധികം പേര്‍ക്കെതിരെ 830 മില്യണിലധികം വരുന്ന കോവിഡ്-19 ഫണ്ട് ദുരുപയോഗം ചെയ്തതിനെതിരെ എടുത്ത ഈ നടപടി വ്യക്തമായ സന്ദേശമാണ് നല്‍കുന്നത്. കോവിഡ്-19 പൊതുജനാരോഗ്യ അടിയന്തരാവസ്ഥ അവസാനിച്ചിരിക്കാം. പക്ഷേ, ദുരിതാശ്വാസ ഫണ്ടുകൾ ദുരുപയോഗം ചെയ്തവരെ കണ്ടെത്തി പ്രോസിക്യൂട്ട് ചെയ്യാനുള്ള നീതിന്യായ വകുപ്പിന്റെ തീരുമാനം അവസാനിച്ചിട്ടില്ല, ഇത് തുടക്കം മാത്രമാണ്,” അറ്റോർണി ജനറൽ…

ഡിട്രോയിറ്റ്: പ്രവർത്തന പന്ഥാവിൽ അഞ്ചു പതിറ്റാണ്ടോടടുത്ത് പാരമ്പര്യമുള്ള മിഷിഗണിലെ കലാസാംസ്കാരിക സംഘടനയായ കേരള ക്ലബ്ബിന്റെ (ഡിട്രോയിറ്റ്) ഈ വർഷത്തെ ഓണാഘോഷം “തിരുവോണ പൊൻപുലരി” ആഗസ്റ്റ് 26-ന് ശനിയാഴ്ച വൈകിട്ട് 4:30 മുതൽ ലേക്ക് ഓറിയൻ ഹൈസ്കൂൾ ആഡിറ്റോറിയത്തിൽ (495 E Scripps Rd, Orion Twp, MI 48360) വെച്ച് മികവാർന്ന പരിപാടികളോടെ നടത്തപ്പെടും. കേരള ക്ലബ്ബ് അംഗങ്ങൾ ഭവനങ്ങളിൽ പാകം ചെയ്തുകൊണ്ടുവരുന്ന രുചികരമായ ഓണവിഭവങ്ങൾ അടങ്ങിയ ഓണസദ്യയോടെ ഓണാഘോഷങ്ങൾ ആരംഭിക്കും. കേരള ക്ലബ്ബിന് മാത്രം അവകാശപ്പെടുവാൻ കഴിയുന്ന കൂടുതൽ സ്വാദിഷ്ടവും ആസ്വാദ്യകരവുമായ ഓണസദ്യയെ തുടർന്ന് ഡിട്രോയിറ്റിലെ മികച്ച കലാകാരന്മാരും കലാകാരികളും കുട്ടികളൂം പങ്കെടുക്കുന്ന കലാപരിപാടികൾ അരങ്ങേറും. മിഷിഗണിലെ ഇന്ത്യൻ സമൂഹത്തിന് ഓണത്തിന്റെ നവ്യാനുഭവം സമ്മാനിക്കാൻ കേരള ക്ലബ്ബിന്റെ ഓണാഘോഷ പരിപാടികൾക്ക് സാധിച്ചിട്ടുണ്ട് എന്നതിന് തെളിവാണ് ഓരോ വർഷവും ഓണാഘോഷത്തിന് എത്തുന്നവരുടെ എണ്ണത്തിൽ ഉണ്ടാകുന്ന വർദ്ധന. ഗൃഹാതുരത്വമാർന്ന…

ചിക്കാഗോ: ഇന്ത്യന്‍ ഓവര്‍സീസ് കോണ്‍ഗ്രസ് ചിക്കാഗോയുടെ സ്വാതന്ത്ര്യദിനാഘോഷം പൗരസമിതിയുടെ നിറസാന്നിധ്യത്തില്‍ ചിക്കാഗോയില്‍ വച്ച് നടത്തപ്പെട്ടു. സെക്രട്ടറി ടോബിന്‍ മാത്യുവിന്റെ സ്വാഗത പ്രസംഗത്തോടുകൂടി ആരംഭിച്ച ചടങ്ങില്‍ പ്രസിഡന്റ് സന്തോഷ് നായര്‍ അധ്യക്ഷത വഹിച്ചു. ചടങ്ങില്‍ കക്ഷിരാഷ്ട്രീയ ഭേദമെന്യേ ഏവരും പങ്കുചേര്‍ന്നു. പ്രസിഡന്റിന്റെ അധ്യക്ഷ പ്രസംഗത്തില്‍ ആദരണീയനായ ഉമ്മന്‍ചാണ്ടി സാറിന്റെ വേര്‍പാടില്‍ വീണ്ടും ദുഖം രേഖപ്പെടുത്തുകയും, മണിപ്പൂര്‍ കലാപത്തെ അപലപിക്കുകയും സര്‍ക്കാര്‍ ഉടനടി പ്രശ്‌ന പരിഹാരം ഉണ്ടാക്കണമെന്നും, ഏകീകൃത സിവില്‍കോഡ് ഭാരതത്തിന്റെ മതേതര വ്യവസ്ഥയ്ക്ക് യോജിച്ചതല്ലെന്നും പറഞ്ഞു. അതോടൊപ്പം ഏവര്‍ക്കും സ്വാതന്ത്ര്യദിനാശംസകള്‍ നേരുകയും ചെയ്തു. ഐ.ഒ.സി കേരള ഘടകം ചെയര്‍മാന്‍ തോമസ് മാത്യു ഏവര്‍ക്കും സ്വാതന്ത്ര്യദിനാശംസകള്‍ നേരുകയും, മണിപ്പൂര്‍ കലാപത്തില്‍ സര്‍ക്കാര്‍ അടിയന്തരമായി ഇടപെട്ട് പ്രശ്‌ന പരിഹാരമുണ്ടാക്കണമെന്നും ആവശ്യപ്പെട്ടു. ലക്ഷക്കണക്കിന് ധീര ജവാന്മാരുടേയും സാധാരണ ജനങ്ങളുടേയും വിയര്‍പ്പിന്റെ വിലയാണ് ഇന്നു നമ്മള്‍ അനുഭവിക്കുന്ന സ്വാതന്ത്ര്യം. അതിനെ ദുരുപയോഗം ചെയ്യാതെ പരസ്പര…

ഫിലഡല്‍ഫിയ: ചരിത്ര നഗരിയായ ഫിലാഡല്‍ഫിയയിലെ സംഘടനകളുടെ സംഘടനയായ ട്രൈസ്റ്റേറ്റ് കേരള ഫോറം അയിച്ചൊരുക്കിയ ‘തിരുവരങ്ങളില്‍ തിരുവോണം 2023’ എന്ന മെഗാ തിരുവോണം ഒരു ചരിത്ര സംഭമായി മാറി. ജനബാഹുല്യം കൊണ്ടും, പരിപാടികളുടെ മേന്മ കൊണ്ടും ആഘോഷം കെങ്കേമമാക്കുവാന്‍ സംഘാടകര്‍ക്ക് കഴിഞ്ഞു. ഓഗസ്റ്റ് 12 ശനിയാഴ്ച ഉച്ചയ്ക്ക് രണ്ടു മുതല്‍ 2 മുതല്‍ രാത്രി 11 മണി വരെ നീണ്ടുനിന്ന ആഘോഷത്തില്‍ ഏതാണ്ട് ആയിരത്തിനടുത്ത് ആളുകള്‍ പങ്കുകൊണ്ടു. സെന്റ് തോമസ് സീറോ മലബാര്‍ ചര്‍ച്ച് ആയിരുന്നു ആഘോഷവേദി. ഉച്ചയ്ക്ക് 3.30-ന് കര്‍ഷകരത്‌ന അവാര്‍ഡ് ദാനത്തോടെ ആഘോഷത്തിന് കൊടിയേറി. വൈകിട്ട് 4 മണിക്ക് ആരംഭിച്ച വര്‍ണ്ണശബളമായ സാംസ്‌കാരിക ഘോഷയാത്രയില്‍ കേരളത്തനിമ അറിയിക്കുന്ന വാദ്യമേളങ്ങളും, മുത്തുക്കുടകളും, താലപ്പൊലിയേന്തിയ ബാലികമാരുടെയും, മെഗാ തിരുവാതിരയിലെ അംഗനമാരുടേയും, മറ്റ് കലാരൂപങ്ങളുടേയും അകമ്പടിയോടുകൂടി മഹാബലിയേയും മറ്റ് വിശിഷ്ടാതിഥികളേയും വേദിയിലേക്ക് ആനയിച്ചു. ഡിജിറ്റല്‍ സ്റ്റേജിന്റെ മുന്നില്‍ പ്രത്യേകം തയാറാക്കിയ…

മാനിറ്റോബ: മാനിറ്റോബ ഹിന്ദു മലയാളി കമ്മ്യൂണിറ്റി വിന്നിപെഗിൽ ഓണാഘോഷപരിപാടികൾ സംഘടിപ്പിച്ചു. കൾച്ചറൽ ഹെറിറ്റേജ് സ്‌പോർട് ആൻഡ് ടൂറിസം മിനിസ്റ്റർ ഒബി ഖാൻ ,  ജാനിസ് മോർലി(MLA) ,  ആൻഡ്രൂ സ്മിത്ത് (MLA), ഗുജറാത്ത്  കൾച്ചറൽ സൊസിറ്റി ഓഫ് മാനിറ്റോബ പ്രസിഡന്റ് കേതൻ സദ്‌വാദിയ, തമിഴ് കൾച്ചറൽ സൊസിറ്റി ഓഫ് മാനിറ്റോബ പ്രസിഡന്റ് സ്വാതി ശരവണൻ, മനോഹർ പെർഫോമിംഗ് ആർട്സ് ഓഫ് കാനഡ സ്ഥാപക ഗംഗ ദക്ഷിണാമൂർത്തി എന്നിവർ ചടങ്ങിൽ മുഖ്യാതിഥികൾ ആയി പങ്കെടുത്തു. ആഘോഷത്തിന്റെ ഭാഗമായി വിവിധ കലാപരിപാടികളും സംഘടപ്പിച്ചു.മുഖ്യാധിതികൾ പരമ്പരാഗത കേരളം വസ്ത്രം ധരിച്ചു എത്തിയതും കൗതുകം ഉണർത്തി. ഓണാഘോഷപരിപാടികളുടെ നടത്തിപ്പിന് സംഘടനാ ഭാരവാഹികളായ    ജയകൃഷ്ണൻ ജയചന്ദ്രൻ (പ്രസിഡന്റ്), മനോജ് എം നായർ (സെക്രട്ടറി ), ജയശ്രീ സുരേഷ് , അശോകൻ മാടസ്വാമി വൈദ്യർ, രാഹുൽ രാജ് , സുരേഷ് പായ്ക്കാട്ടുശ്ശേരിൽ , രാജേഷ്…

കൈവ്: വടക്കുകിഴക്കൻ ഉക്രെയ്‌നിലെ റോംനി നഗരത്തിലെ സ്‌കൂളിൽ ബുധനാഴ്ച റഷ്യ നടത്തിയ ആക്രമണത്തിൽ നാല് പേര്‍ കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തതായി ആഭ്യന്തര മന്ത്രി ഇഹോർ ക്ലൈമെൻകോ പറഞ്ഞു. സ്കൂൾ ഡയറക്ടർ, ഡെപ്യൂട്ടി ഡയറക്ടർ, സെക്രട്ടറി, ലൈബ്രേറിയൻ എന്നിവരുടെ മൃതദേഹങ്ങൾ രക്ഷാപ്രവർത്തകർ അവശിഷ്ടങ്ങൾക്കിടയിൽ നിന്ന് പുറത്തെടുത്തതായി ക്ലിമെൻകോ പറഞ്ഞു. സുമി റീജിയണിന്റെ ഭാഗമായ റോംനിയിലെ സ്‌കൂൾ പരിസരത്തിലൂടെ കടന്ന് പോകുകയായിരുന്ന നാല് പേര്‍ക്ക് പരിക്കേറ്റതായി അദ്ദേഹം പറഞ്ഞു. രാവിലെ 10:05ന് (0705 ജിഎംടി) റഷ്യ തൊടുത്ത ഡ്രോൺ സ്‌കൂളിൽ പതിച്ചതായി പ്രാദേശിക സൈനിക ഭരണകൂടം പറഞ്ഞു. “സ്കൂൾ കെട്ടിടം നശിച്ചു, സ്കൂൾ വർഷത്തിന് തൊട്ടുമുമ്പാണിത് സംഭവിച്ചത്,” ഉക്രേനിയൻ മനുഷ്യാവകാശ ഓംബുഡ്സ്മാൻ ഡിമിട്രോ ലുബിനറ്റ്സ് ടെലിഗ്രാമിൽ പറഞ്ഞു. അതേസമയം, സിവിലിയൻമാരെയും സിവിലിയൻ അടിസ്ഥാന സൗകര്യങ്ങളെയും മനഃപൂർവം ലക്ഷ്യമിടുന്നത് റഷ്യ നിഷേധിക്കുകയാണ്.

മോസ്‌കോ: റഷ്യൻ കൂലിപ്പടയാളി മേധാവി യെവ്‌ജെനി പ്രിഗോജിൻ ബുധനാഴ്ച മോസ്‌കോയുടെ വടക്ക് തകർന്ന ഒരു സ്വകാര്യ ജെറ്റിലെ യാത്രക്കാരനാണെന്ന് റഷ്യയുടെ വ്യോമയാന അതോറിറ്റിയായ റോസാവിയാറ്റ്‌സിയയെ ഉദ്ധരിച്ച് ടാസ് വാർത്താ ഏജൻസി റിപ്പോർട്ട് ചെയ്തു. “ഇന്ന് രാത്രി ത്വെർ മേഖലയിൽ ഉണ്ടായ എംബ്രയർ വിമാനാപകടത്തെക്കുറിച്ച് അന്വേഷണം ആരംഭിച്ചിട്ടുണ്ട്. യാത്രക്കാരുടെ ലിസ്റ്റില്‍ യെവ്ജെനി പ്രിഗോഷിന്റെ പേരും കുടുംബപ്പേരും ഉൾപ്പെടുന്നു,” റോസാവിയാറ്റ്സിയ പറഞ്ഞു. മോസ്‌കോയ്ക്ക് വടക്ക് റഷ്യയിലെ ത്വെർ മേഖലയിൽ സ്വകാര്യ ജെറ്റ് തകർന്ന് പത്ത് പേർ മരിച്ചതായി നേരത്തെ ടാസ് റിപ്പോർട്ട് ചെയ്തിരുന്നു. മോസ്‌കോയിൽ നിന്ന് സെന്റ് പീറ്റേഴ്‌സ്ബർഗിലേക്കുള്ള യാത്രാവിമാനത്തിൽ ഏഴ് യാത്രക്കാരും മൂന്ന് ജീവനക്കാരുമാണ് ഉണ്ടായിരുന്നത്.