ധാക്ക: ബംഗ്ലാദേശിലെ ദുർഗ്ഗാ പൂജ ആഘോഷങ്ങൾക്ക് ഈ വർഷം ഇടക്കാല സർക്കാരും ചില മുസ്ലീം ഗ്രൂപ്പുകളും പല പ്രദേശങ്ങളിലും അനുമതി നിഷേധിച്ചതായി റിപ്പോർട്ട്. നമസ്കാര വേളയിൽ നിശബ്ദത പാലിക്കാനും ആഘോഷങ്ങൾ തുടരുന്നതിന് ‘ജിസ്യ’ എന്നറിയപ്പെടുന്ന 5,00,000 രൂപ നൽകാനും സംഘാടക സമിതികളോട് ആവശ്യപ്പെട്ടതായാണ് റിപ്പോര്ട്ട്. രാജ്യത്തുടനീളമുള്ള വിഗ്രഹ നശീകരണത്തിൻ്റെയും കവർച്ചയുടെയും ഒരു പരമ്പരയെ തുടർന്നാണ് ഈ സംഭവവികാസങ്ങൾ. സെപ്തംബർ അവസാനത്തിൽ, ഉത്സവം ആഘോഷിക്കാൻ 5,00,000 രൂപ നൽകണമെന്ന് ആവശ്യപ്പെട്ട് ഒന്നിലധികം ദുർഗാ പൂജാ കമ്മിറ്റികൾക്ക് ഭീഷണി കത്തുകൾ ലഭിച്ചിരുന്നു. ഖുൽനയിലെ ഡാകോപ് പ്രദേശത്തെ നിരവധി ഹിന്ദു ക്ഷേത്രങ്ങൾ ഈ കത്തുകൾ ലഭിച്ചതിനെ തുടർന്ന് പോലീസിൽ പരാതി നൽകുകയും ചെയ്തു. കഴിഞ്ഞ മാസം, മുഹമ്മദ് യൂനസിൻ്റെ നേതൃത്വത്തിലുള്ള ഇടക്കാല സർക്കാർ പുറപ്പെടുവിച്ച ഒരു ഉപദേശത്തില്, ആസാനും നമസ്കാരസമയത്തും സംഗീതോപകരണങ്ങളും ശബ്ദ സംവിധാനങ്ങളും ഓഫ് ചെയ്യണമെന്ന് പൂജാ കമ്മിറ്റികളോട് അഭ്യർത്ഥിച്ചു.…
ബംഗ്ലാദേശില് ദുർഗാ പൂജ ആഘോഷങ്ങൾക്ക് നിയന്ത്രണം; നമസ്ക്കാര സമയത്ത് എല്ലാവരും നിശ്ശബ്ദത പാലിക്കണം
