Month: August 2025

ഫിലാഡൽഫിയ: ഇന്ത്യൻ ഓവർസീസ് കോൺഗ്രസ് കേരള ചാപ്റ്റർ പെൻസിൽവാനിയ ഘടകം നടത്തുന്ന 78-ാമത് ഇന്ത്യൻ സ്വാതന്ത്ര്യദിനാഘോഷങ്ങളിൽ പ്രശസ്ത സിനിമ, ടി വി പിന്നണി പ്രവർത്തകനും, സ്‌ക്രിപ്‌റ്റ് റൈറ്ററും സ്റ്റാൻഡ് അപ് കൊമേഡിയനുമായ സുനീഷ് വാരനാട്‌ നേതൃത്വം നൽകും. കേരളാ സാഹിത്യ അക്കാദമി അവാർഡ് ജേതാവാണ് സുനീഷ് വാരനാട്. ഗോഡ് ഫാദർ, റാംജി റാവ് സ്പീകിംഗ് പോലെ നിരവധി സിനിമകളിലും, ബഡായി ബംഗ്ലാവ്, പൊളിട്രിക്‌സ് ഉൾപ്പെടെയുള്ള നിരവധി ടെലിവിഷൻ ഷോകളിൽ സ്ക്രിപ്റ്റ് റൈറ്റർ ആയും ശോഭിച്ചിട്ടുള്ള അദ്ദേഹം മികച്ച സ്റ്റാൻഡ് അപ്പ് കോമേഡിയനായി ജനപ്രീതി നേടിയിട്ടുണ്ട്. സ്വാതന്ത്ര്യ ദിനാഘോഷത്തോടനുബന്ധിച്ചു പ്രശസ്ത സിനിമ പിന്നണി ഗായകർ അവതരിപ്പിക്കുന്ന ഗാനമേള ഉൾപ്പെടെ മികച്ച കലാപ്രകടങ്ങളാണ് ഐ. ഒ. സി. പെൻസിൽവാനിയ ചാപ്റ്റർ ഇത്തവണ ഒരുക്കിയിരിക്കുന്നത്. ഓഗസ്റ്റ് 16 ശനിയാഴ്ച വൈകിട്ട് 4 .00 മണി (EST)ക്ക് ഫിലാഡൽഫിയയിലെ ക്രിസ്റ്റോസ് ചർച്ച് ഓഡിറ്റോറിയത്തിൽ…

ചിക്കാഗോ: ചിക്കാഗോയിലെ എട്ട് വ്യത്യസ്ത പ്രദേശങ്ങളിൽ എടിഎമ്മുകൾ ലക്ഷ്യമിട്ട് മോഷണങ്ങൾ വർധിക്കുന്നതായി പോലീസ് മുന്നറിയിപ്പ് നൽകുന്നു. ഓഗ്ഡൻ, ഹാരിസൺ, നിയർ വെസ്റ്റ്, ഷേക്സ്പിയർ, ഓസ്റ്റിൻ, ജെഫേഴ്സൺ പാർക്ക്, നിയർ നോർത്ത്, ഗ്രാൻഡ് സെൻട്രൽ എന്നിവിടങ്ങളിലാണ് മോഷണം നടന്നത്. രണ്ട് മുതൽ അഞ്ച് വരെ വരുന്ന കറുത്ത വർഗ്ഗക്കാരായ പുരുഷന്മാരുടെ സംഘമാണ് മോഷണത്തിന് പിന്നിലെന്ന് പോലീസ് അറിയിച്ചു. ഇവർ മോഷ്ടിച്ചതോ വാടകയ്‌ക്കെടുത്തതോ ആയ എസ്.യു.വി.കൾ ഉപയോഗിച്ചാണ് കൃത്യം നടത്തുന്നത്. സ്ഥാപനങ്ങളുടെ വാതിലുകൾ തകർത്ത് അകത്ത് കയറി എടിഎം മെഷീനുകൾ എടുത്ത് വാഹനത്തിൽ കയറ്റി രക്ഷപ്പെടുകയാണ് ഇവരുടെ രീതി. കറുത്ത മാസ്കും കറുത്ത വസ്ത്രങ്ങളും ഗ്ലൗസും ധരിച്ചാണ് ഇവർ എത്തുന്നത്. ജൂൺ മുതൽ ഓഗസ്റ്റ് വരെയുള്ള മാസങ്ങളിലാണ് മോഷണങ്ങൾ കൂടുതലായി നടന്നത്. 3900 ബ്ലോക്ക് ഓഫ് ഡബ്ല്യു ഓഗ്ഡൻ സെന്റ്, 5600 ബ്ലോക്ക് ഓഫ് ഡബ്ല്യു റൂസ്‌വെൽറ്റ് സെന്റ്, 5100…

കോട്ടക്കൽ : ഫലസ്തീൻ ജനതക്ക് ഐകൃദാർഡ്യമറിയിച്ച് കോട്ടക്കലിൽ ‘ആർട്ട് ഫ്ലോട്ടില്ല’ സംഘടിപ്പിച്ചു. ഇസ്രയേലിൻ്റെ നരഹത്യക്കെതിരെ പ്രതിഷേതിച്ചും ഗസ്സയിലെ ജനതയുടെ ചെറുത്തുനിൽപ്പിനോട് ഐക്യപ്പെട്ടുമാണ് വ്യത്യസ്ഥ ആവിഷ്കാരങ്ങളോടു കൂടി  ‘ആർട്ട് ഫ്ലോട്ടില്ല’  എന്ന തലക്കെട്ടിൽ സോളിഡാരിറ്റി യൂത്ത് മൂവ്മെൻ്റ്, എസ് ഐ ഒ മലപ്പുറം ജില്ലാ കമ്മിറ്റികൾ സംയുക്തമായി പരിപാടി സംഘടിപ്പിച്ചത്. കോട്ടക്കൽ ചങ്കുവെട്ടിയിൽ നടന്ന പരിപാടിയിൽ വാൾ ആർട്ട്, ഫ്രീസ്റ്റൈൽ ഫുട്ബോൾ, റാപ്പ് അവതരണം തുടങ്ങിയവ അരങ്ങേറി. പാലസ്തീൻ പോരാട്ടവും ചെറുത്തുനിൽപ്പും പ്രതിഫലിപ്പിക്കുന്ന വാൾ ആർട്ടായിരുന്നു ഫ്രീലാൻസ് ആർട്ടിസ്റ്റ് ഇർഫാൻ തയാറാക്കിയത്.  ഇസ്രായേൽ കൊലപ്പെടുത്തിയ ഫലസ്തീൻ പെലെ എന്നറിയപ്പെടുന്ന സുലൈമാൻ അൽ ഒബെയ്ദിനെ സ്മരിച്ചുകൊണ്ട് ഫ്രീസ്റ്റൈൽ ഫുട്ബോളർ ഷാഹിദ് സഫറിന്റെ ഫുട്ബോൾ പ്രകടനം നടന്നു. റാപ്പർ ഇർഷാദ് പാലസ്തീൻ ഐക്യദാർഢ്യ റാപ്പ് അവതരിപ്പിച്ചു.

മലപ്പുറം: ക്ഷേമനിധി ബോർഡുകൾ അട്ടിമറിക്കാൻ അനുവദിക്കില്ല’ എഫ് ഐ ടി യു സംസ്ഥാന ക്യാമ്പയിന്റെ ഭാഗമായി അംശാദായ വർദ്ധനവിനനുസരിച്ച് ആനുകൂല്യങ്ങളും വർദ്ധിപ്പിക്കുക, ക്ഷേമനിധി ബോർഡുകളിൽ സ്‌ഥിര നിയമനം നടത്തുക, ആനുകൂല്യങ്ങൾ പൂർണ്ണമായും ഒറ്റത്തവണയായും സമയബന്ധിതമായും നൽകുക, എന്നീ ആവശ്യങ്ങൾ ഉന്നയിച്ച് തയ്യൽ തൊഴിലാളി ക്ഷേമനിധി ഓഫീസിൽ ജില്ലാ പ്രസിഡന്റ് സെയ്താലി വലമ്പൂർ നിവേദനം നൽകി ടൈലറിംഗ് & ഗാർമെൻ്റ് വർക്കേഴ്‌സ് യൂണിയൻ സംസ്ഥാന പ്രസിഡന്റ് ഹംസ എളനാട് എഫ്.ഐ.ടി.യു മലപ്പുറം ജില്ലാ പ്രസിഡന്റ് ഖാദർ അങ്ങാടിപ്പുറം, യൂണിയൻ ജില്ലാ സെക്രട്ടറി സമീറ വടക്കാങ്ങര, ജില്ലാ ട്രഷറർ അബൂബക്കർ പിടി, ജില്ലാ വൈസ് പ്രസിഡണ്ട് ഷീബാ വടക്കാങ്ങര തുടങ്ങിയവർ സംബന്ധിച്ചു.

തിരുവനന്തപുരം: 2050 ഓടെ കേരളത്തെ കാർബൺ രഹിതമാക്കുക എന്നതാണ് ലക്ഷ്യമെന്ന് മുഖ്യമന്ത്രി പിണറായി വിജയൻ പറഞ്ഞു. തിരുവനന്തപുരം നഗരസഭ സുസ്ഥിര വികസന പദ്ധതികളുടെ ഭാഗമായി നടപ്പിലാക്കുന്ന സീഡ് ബോൾ ഉത്പാദനത്തിന്റെ ഉദ്ഘാടനവും പുത്തരിക്കണ്ടം മൈതാനത്ത് 2025 ലെ ഗ്രീൻ ബജറ്റ് പ്രകാശനവും നിർവഹിച്ച് സംസാരിക്കുകയായിരുന്നു മുഖ്യമന്ത്രി. കേരളത്തിൽ ആദ്യമായി ഗ്രീൻ ബജറ്റ് നടപ്പിലാക്കുന്ന നഗരമാണ് തിരുവനന്തപുരം. കാർബൺ ബഹിർഗമനം പരിമിതപ്പെടുത്തുന്നതിനായി നഗരത്തിൽ നടപ്പിലാക്കുന്ന പ്രവർത്തനങ്ങളെക്കുറിച്ച് ഗ്രീൻ ബജറ്റിൽ വിശദമായി പ്രതിപാദിക്കുന്നു. മറ്റ് തദ്ദേശ സ്വയംഭരണ സ്ഥാപനങ്ങൾക്ക് ഇത് ഒരു മാതൃകയാണ്. കാലാവസ്ഥാ വ്യതിയാനം, പ്രകൃതി ദുരന്തങ്ങൾ തുടങ്ങി നിരവധി വിഷയങ്ങളിൽ ലോകമെമ്പാടും ചർച്ചകൾ നടക്കുന്നുണ്ട്. എന്നിരുന്നാലും, അന്താരാഷ്ട്ര തലത്തിൽ കാലാവസ്ഥാ വ്യതിയാനത്തെ ചെറുക്കുന്നതിനുള്ള ഒരു പൊതു സമവായം ഉയർന്നുവരുന്നില്ല. യുഎൻ കാലാവസ്ഥാ വ്യതിയാന സമ്മേളനത്തിലും വ്യക്തമായ മാർഗ്ഗനിർദ്ദേശങ്ങൾ രൂപപ്പെടുത്തിയിട്ടില്ല. അതിനായി കാത്തിരിക്കാതെ ഞങ്ങൾ നടപടികൾ ആരംഭിക്കുകയാണെന്ന് മുഖ്യമന്ത്രി…