Year: 2025

തിരുവനന്തപുരം: അന്തരിച്ച മുൻ മുഖ്യമന്ത്രി വി.എസ്. അച്യുതാനന്ദന് അന്ത്യാഞ്ജലി അർപ്പിക്കാൻ ചൊവ്വാഴ്ച പുലർച്ചെ തിരുവനന്തപുരത്തെ ലോ കോളേജ് ജംഗ്ഷനിലുള്ള വേലിക്കകം ഹൗസിൽ ആയിരക്കണക്കിന് ആളുകൾ ഒഴുകിയെത്തി. സാധാരണക്കാരും പാർട്ടി നേതാക്കളും പ്രവർത്തകരും ഉൾപ്പെടെ നിരവധി പേർ അന്ത്യാഞ്ജലി അർപ്പിച്ചു. തുടര്‍ന്ന് സെക്രട്ടേറിയറ്റിലെ ദർബാർ ഹാളിലേക്ക് കൊണ്ടുപോയ മൃതദേഹം ഉച്ചയ്ക്ക് 2 മണി വരെ പൊതുജനങ്ങൾക്ക് ആദരാഞ്ജലി അർപ്പിക്കാൻ അവിടെ സൂക്ഷിക്കും. ദർബാർ ഹാളിലെത്തിച്ച മൃതദേഹത്തിൽ ദേശീയപതാക പുതപ്പിച്ചു. തുടർന്ന് മുഖ്യമന്ത്രി പിണറായി വിജയൻ, ചീഫ് സെക്രട്ടറി, എംഎ ബേബി, പ്രകാശ് കാരാട്ട്, ബൃന്ദ കാരാട്ട് തുടങ്ങിയ പ്രമുഖർ റീത്ത് സമർപ്പിച്ചു. ഇന്ന് ഉച്ചയ്ക്ക് ശേഷം 2 മണിയോടെ ദേശീയപാതയിലൂടെ വിലാപയാത്രയായി മൃതദേഹം ആലപ്പുഴ പുന്നപ്രയിലെ വീട്ടിലേക്ക് കൊണ്ടുപോകും. ബുധനാഴ്ച രാവിലെ ആലപ്പുഴ ജില്ലാ കമ്മിറ്റി ഓഫിസിലും തുടർന്ന് ആലപ്പുഴ പൊലീസ് റിക്രിയേഷൻ ഗ്രൗണ്ടിലും പൊതുദർശനത്തിന് വയ്ക്കും. വൈകീട്ട്…

ന്യൂയോർക്ക്: റോക്ക്ലാൻഡ് ഐപിസി സഭാംഗം യോഹന്നാൻ യോഹന്നാന്റെ (കുഞ്ഞുമോൻ) ഭാര്യ മറിയാമ്മ യോഹന്നാൻ (അമ്മുക്കുട്ടി -76) ന്യൂയോർക്ക് വാലി കോട്ടേജിൽ കർത്താവിൽ നിദ്രപ്രാപിച്ചു. മക്കൾ: എബി, ഡെബി മരുമക്കൾ: സാന്ദ്ര, എബി കൊച്ചു മക്കൾ: ഗ്രാന്റ്, കെയ്റ്റ്, വില്യം, അലീസ, ഒലീവിയ, ക്രിസ്റ്റൻ പൊതുദർശനം 25 വെള്ളിയാഴ്ച വൈകിട്ട് 5 മുതൽ 8.30 വരെ ഐപിസി റോക്ക്ലാൻഡ് അസംബ്ലി സഭയിൽ (85 Marion Street, Nyack, Ny) വെച്ച് നടത്തപ്പെടും. സംസ്കാര ശുശ്രൂഷ 26 ന് ശനിയാഴ്ച രാവിലെ 9 മുതൽ 11 വരെയും തുടർന്ന് സംസ്കാരം സ്പ്രിംഗ്‌വാലിയിലുള്ള ബ്രിക് ചർച്ച് സെമിത്തേരിയിൽ നടത്തപ്പെടും. വാർത്ത: നിബു വെള്ളവന്താനം

അന്താരാഷ്ട്ര നാണയ നിധിയിലെ ഏറ്റവും സ്വാധീനമുള്ള ശബ്ദങ്ങളിലൊന്നായ ഇന്ത്യൻ-അമേരിക്കൻ സാമ്പത്തിക ശാസ്ത്രജ്ഞ ഗീത ഗോപിനാഥ് ഇപ്പോൾ ഒരു പുതിയ ഇന്നിംഗ്‌സിലേക്ക് കടക്കുകയാണ്. അന്താരാഷ്ട്ര നാണയ നിധിയുടെ (IMF) ഡെപ്യൂട്ടി മാനേജിംഗ് ഡയറക്ടറായി ഏഴ് വർഷത്തെ മികച്ച സേവനത്തിന് ശേഷം, 2025 ഓഗസ്റ്റിൽ IMF-നോട് വിടപറയാൻ പോകുന്നു. വാഷിംഗ്ടണ്‍: അന്താരാഷ്ട്ര നാണയ നിധി (IMF) ഡെപ്യൂട്ടി മാനേജിംഗ് ഡയറക്ടറും പ്രശസ്ത ഇന്ത്യൻ-അമേരിക്കൻ സാമ്പത്തിക വിദഗ്ദ്ധയുമായ ഗീത ഗോപിനാഥ് ഓഗസ്റ്റിൽ IMF വിടും. ലോകത്തിലെ രണ്ടാമത്തെ വലിയ സാമ്പത്തിക സ്ഥാപനത്തിലെ ഉന്നത സ്ഥാനങ്ങളില്‍ ഒന്നായ ഗീത തന്റെ അക്കാദമിക് ജീവിതത്തിലേക്ക് മടങ്ങി പോകാന്‍ ഒരുങ്ങുകയാണ്. 2025 സെപ്റ്റംബർ 1 മുതൽ ഹാർവാർഡ് സർവകലാശാലയിൽ ഗ്രിഗറി ആൻഡ് അനിയ കോഫി പ്രൊഫസർ ഓഫ് ഇക്കണോമിക്സ് ആയി അവർ വീണ്ടും ചുമതലയേൽക്കും. 2019 ലാണ് ഗീത ഗോപിനാഥ് ഐഎംഎഫിന്റെ ചീഫ് ഇക്കണോമിസ്റ്റ് പദവിയിലെത്തുന്നത്.…

ന്യൂയോർക്ക് : മുതിർന്ന കമ്മ്യൂണിസ്റ്റു നേതാവും മുൻ മുഖ്യമന്ത്രിയുമായ വി.എസ് അച്യുതാനന്ദൻറെ വിയോഗത്തിൽ ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ് (ഫോമാ), അഗാധമായ ദുഖവും അനുശോചനവും രേഖപ്പെടുത്തി. പരിസ്ഥിതി, പൊതുജനക്ഷേമം എന്നീ വിഷയങ്ങളില്‍ ധീരമായ തീരുമാനങ്ങളെടുത്ത് മൂല്യാധിഷ്ഠിതമായ രാഷ്ട്രീയം ഉയര്‍ത്തിപ്പിടിച്ച നേതാവായിരുന്നു വി.എസ്. ഫോമ എക്സിക്യൂട്ടീവ് അഭിപ്രായപ്പെട്ടു. വി.എസ് എന്നും പാവപ്പെട്ടവരുടെയും പാര്‍ശ്വവത്കരിക്കപ്പെട്ടവരുടെയും പോരാളിയായിരുന്നുവന്നു ഫോമ പ്രസിഡൻറ് ബേബി മണക്കുന്നേൽ അനുസ്മരിച്ചു. അഴിമതി രഹിത സംശുദ്ധ രാഷ്ട്രീയ നേതാവായിരുന്നു വി.എസ് അച്യുതാനന്ദൻ എന്ന് ഫോമ ജനറൽ സെക്രട്ടറി ബൈജു വർഗീസ് പറഞ്ഞു. സിപിഎമ്മിന്റെ രൂപവത്കരണത്തില്‍ പങ്കാളിയായവരില്‍ ജീവനോടെ ഉണ്ടായിരുന്നവരില്‍ അവസാനത്തെ കണ്ണിയായിരുന്ന വി.എസ്, നീതിക്കും ജനാധിപത്യത്തിനും വേണ്ടിയുള്ള തളരാത്ത ശബ്ദമായിരുന്നുവെന്നു ഫോമാ ട്രഷറർ സിജിൽ പാലക്കലോടി അനുസ്മരിച്ചു. ജനകീയ പ്രശ്നങ്ങളിൽ സജീവമായി ഇടപെട്ടിരുന്ന വി.എസ്, എന്നും സ്ത്രീ പക്ഷത്തത്തു നിലകൊണ്ടിരുന്ന ജനകീയ നേതാവായിരുന്നുവെന്നു ഫോമാ വൈസ്…

വാഷിംഗ്ടൺ ഡി.സി:മുൻ പ്രസിഡന്റ് ഡൊണാൾഡ് ട്രംപിന്റെ അഭിഭാഷകയായിരുന്ന അലീന ഹബ്ബയെ ന്യൂജേഴ്‌സിയുടെ ഉന്നത ഫെഡറൽ പ്രോസിക്യൂട്ടർ സ്ഥാനത്ത് നിന്ന് ഒരു കൂട്ടം യുഎസ് ജഡ്ജിമാർ നീക്കം ചെയ്തു. സംസ്ഥാനത്തെ ഡെമോക്രാറ്റുകളുടെ ശക്തമായ എതിർപ്പുകൾക്കിടെയാണ് ഈ തീരുമാനം. ക്രിമിനൽ നിയമത്തിൽ പ്രോസിക്യൂട്ടറായി മുൻപരിചയമില്ലാത്ത ഹബ്ബയെ ട്രംപിന്റെ പേഴ്സണൽ അറ്റോർണിയായി സേവനമനുഷ്ഠിച്ച ശേഷം മാർച്ചിലാണ് ഈ താൽക്കാലിക സ്ഥാനത്തേക്ക് തിരഞ്ഞെടുത്തത്. 120 ദിവസത്തെ അവരുടെ ഇടക്കാല കാലാവധി അവസാനിക്കുന്നതിന് തൊട്ടുമുമ്പാണ് ജഡ്ജിമാരുടെ ഈ അപ്രതീക്ഷിത നടപടി. ട്രംപ് അവരെ ഔദ്യോഗികമായി ഈ സ്ഥാനത്തേക്ക് നാമനിർദ്ദേശം ചെയ്തിരുന്നെങ്കിലും, സെനറ്റിലെ ഡെമോക്രാറ്റുകൾ അവരുടെ സ്ഥിരീകരണത്തിനുള്ള വഴി തടഞ്ഞിരുന്നു. ഒരു ഇടക്കാല പ്രോസിക്യൂട്ടറെ ഈ സ്ഥാനത്ത് തുടരുന്നതിൽ നിന്ന് ജഡ്ജിമാർ തടയുന്നത് അപൂർവമാണെന്ന് നിയമ വിദഗ്ദ്ധർ അഭിപ്രായപ്പെടുന്നു. ഹബ്ബയ്ക്ക് പകരം അവരുടെ ഡെപ്യൂട്ടിയും കരിയർ പ്രോസിക്യൂട്ടറുമായ ഡെസിറി ലീ ഗ്രേസിനെയാണ് ജഡ്ജിമാർ ഈ റോളിലേക്ക്…

ഹ്യൂസ്റ്റൺ: യുണൈറ്റഡ് സ്റ്റേറ്റ്സ് പോസ്റ്റൽ സർവീസിന്റെ സൗത്ത് വെസ്റ്റ് ഏരിയ ലേബർ റിലേഷൻസ് മാനേജരായി ഒരു മലയാളി. ജൂലൈ പന്ത്രണ്ടു മുതൽ സ്ഥാനമേറ്റ മനോജ് മേനോൻ ആണ് ഇന്ത്യക്കാർക്ക് അഭിമാനിക്കാവുന്ന നേട്ടം കൈവരിച്ചത്. ഈ നിലയിലെത്തുന്ന ആദ്യത്തെ ഏഷ്യക്കാരനാണ് മനോജ് മേനോൻ. 1997 ൽ ക്ളർക് ആയി പോസ്റ്റൽ സർവീസിൽ ജോലിതുടങ്ങിയ അദ്ദേഹം യൂണിയൻ സ്റ്റുവാർഡ് ആയിട്ടാണ് തുടക്കം. അവിടെ നിന്ന് പോസ്റ്റൽ ലേബർ ലോയിൽ പ്രാവീണ്യം നേടിയ മനോജ് അനാവശ്യമായി പിരിച്ചുവിടപ്പെട്ട പല ജോലിക്കാരെയും തിരികെ എത്തിക്കുന്നതിലൂടെ മാനേജ്‌മെന്റിന് തലവേദന സൃഷ്ടിച്ചിരുന്നു. തുടർന്ന് അദ്ദേഹം സൂപ്പർവൈസർ, ഡിസ്ട്രിബൂഷൻ മാനേജർ എന്നീ പദവികളിലേക്കു ഉയർത്തപ്പെട്ടു. താമസിയാതെ ആൽവിൻ സിറ്റി പോസ്റ്റ്മാസ്റ്ററായി നിയമിതനായി. അവിടെ നിന്നും ഹ്യൂസ്റ്റൺ ഡിസ്ട്രിക്ട് ലേബർ റിലേഷൻസ് മാനേജറായി എത്തുകയായിരുന്നു. ധാരാളം ഇന്ത്യക്കാർ ജോലിചെയ്യുന്ന പോസ്റ്റൽ സർവീസിൽ കഴിഞ്ഞ 28 വർഷത്തെ ജോലിക്കിടയിൽ ധാരാളം…

ലൂയിസ്‌വിൽ(ടെക്സാസ്) :ടെക്സാസിലെ ലൂയിസ്‌വിൽ നഗരത്തിൽ ടെസ്‌ല ചാർജിംഗ് യൂണിറ്റിൽ നിന്നുണ്ടായ തീപിടുത്തത്തിൽ ഒരു വീടിന് സാരമായ കേടുപാടുകൾ സംഭവിച്ചതായി അധികൃതർ സ്ഥിരീകരിച്ചു. തിങ്കളാഴ്ച ഉച്ചയ്ക്ക് 12:30 ഓടെയാണ് സംഭവം. ഗാരേജിലെ കാർ ചാർജർ ഉപകരണത്തിൽ നിന്നാണ് തീ പടർന്നതെന്ന് നഗര വക്താവ് മാറ്റ് മാർട്ടുച്ചി ഫോക്സ് ന്യൂസ് ഡിജിറ്റലിനോട് പറഞ്ഞു. തീവ്രമായ ഈ തീപിടുത്തം ഗാരേജിനുള്ളിൽ പാർക്ക് ചെയ്തിരുന്ന ഒരു ലെക്‌സസ് വാഹനത്തിനും വീടിന്റെ മുകളിലത്തെ നിലകൾക്കും കാര്യമായ നാശനഷ്ടമുണ്ടാക്കി. പൂർണ്ണമായി കത്തിനശിച്ച ലെക്‌സസ് വാഹനവും, മേൽക്കൂരയിൽ വലിയ ദ്വാരങ്ങളുള്ള വീടും ദൃശ്യങ്ങളിൽ കാണാം. വീട്ടുടമസ്ഥ ടെസ്‌ല ചാർജ് ചെയ്യാൻ പ്ലഗ് ഇൻ ചെയ്തതിന് ശേഷം തിരികെ വീട്ടിലെത്തിയപ്പോഴാണ് ചാർജിംഗ് യൂണിറ്റിൽ തീപിടിക്കുന്നത് കണ്ടതെന്ന് മാർട്ടുച്ചി അറിയിച്ചു. ഉടൻ തന്നെ ടെസ്‌ല ഗാരേജിൽ നിന്ന് മാറ്റി തെരുവിൽ പാർക്ക് ചെയ്തതിനാൽ വാഹനത്തിന് കേടുപാടുകൾ സംഭവിച്ചില്ല. (ശ്രദ്ധിക്കുക: റിപ്പോർട്ടിൽ…

കൊപ്പേൽ (ടെക്സാസ്): ഡാലസിന്റെ നാനാഭാഗങ്ങളിൽ നിന്നെത്തിയവിശ്വാസികളെ സാക്ഷിയാക്കി ഭാരതത്തിന്റെ പ്രഥമ വിശുദ്ധയുടെ തിരുനാളിനു ടെക്‌സാസിലെ കൊപ്പേല്‍ സെന്റ് അല്‍ഫോന്‍സാ സീറോ മലബാർ ദേവാലയത്തിൽ കൊടിയേറി. കൊടിയേറ്റിനും തുടർന്ന് നടന്ന ദിവ്യബലിക്കും ഇടവക വികാരി ഫാ. മാത്യൂസ് കുര്യൻ മുഞ്ഞനാട്ട്, അസി. വികാരി ഫാ. ജിമ്മി എടക്കുളത്തൂർ എന്നിവർ കാർമ്മികത്വം വഹിച്ചു. അൽഫോൻസാമ്മയുടെ ജീവിതം മാതൃയാക്കുവാനും തിരുനാളുകളിൽ പങ്കെടുത്തു ആത്മീയ കൃപാവരങ്ങൾ നേടുവാനും ഏവരേയും സ്വാഗതം ചെയ്യുന്നതായി ഇടവക വികാരിമാർ അറിയിച്ചു. പത്തു ദിവസം നീണ്ടു നിൽക്കുന്ന തിരുനാൾ ജൂലൈ 28 നു സമാപിക്കും. ദിവസേന ആരാധനയും വിശുദ്ധ കുർബാനയും നൊവേനയും ലദീഞ്ഞും ഉണ്ടായിരിക്കും. അൽഫോൻസാമ്മയുടെ മാദ്ധ്യസ്ഥം തേടിയുള്ള നിയോഗത്തിനും നന്ദിസമർപ്പണത്തിനുമായി ദാസൻ ദാസി സമർപ്പണത്തിനുള്ള അവസരവും വിശ്വാസികൾക്കുണ്ടായിരിക്കുന്നതാണ്. ജൂലൈ 27 ഞായറാഴ്ച വൈകുന്നേരം 5:00 ന് നടക്കുന്ന ആഘോഷമായ തിരുനാൾ കുർബാനയിൽ ചിക്കാഗോ രൂപതാ മെത്രാൻ മാർ.…