Year: 2025

തിരുവനന്തപുരം: ഫ്രറ്റേണിറ്റി മൂവ്മെൻ്റ് സംസ്ഥാന കമ്മിറ്റി സെക്രട്ടറിയേറ്റ് പടിക്കൽ സംഘടിപ്പിച്ച പ്രതിരോധ സംഗമം പോലീസ് അതിക്രമങ്ങൾക്കും ഭരണകൂട വംശീയതക്കുമുള്ള താക്കീതായി. ‘കേരളത്തിലെ പോലീസ് ആക്രമണങ്ങളും ഭരണകൂട വംശീയതയും’ എന്ന തലക്കെട്ടിലാണ് വംശീയ നിയമവാഴ്ച്ചക്കെതിരെ സംഗമം നടത്തിയത്. വെൽഫെയർ പാർട്ടി സംസ്ഥാന വൈസ് പ്രസിഡൻ്റ് കെ.എ. ഷെഫീഖ് ഉദ്ഘാടനം നിർവഹിച്ചു. കേരളത്തിലെ പോലീസ് – ഭരണ സംവിധാനങ്ങൾ സർവണ ജന്മിത്വത്തിൻ്റെ മൊത്തം കുത്തകയായി മാറിയതാണ് പേരൂർക്കട പോലീസിന് ബിന്ദുവിനെതിരെ വംശീയത വെച്ചുപുലർത്താൻ ധൈര്യമേകിയത്. മുമ്പ് താമിർ ജിഫ്രി, വയനാട് ഗോകുൽ അടക്കമുള്ള സംഭവങ്ങളിലും താഴെ തട്ടിലെ ഏതാനും പോലീസുകാരെ സസ്പെൻ്റ് ചെയ്ത് തടിതപ്പാനാണ് സർക്കാർ ശ്രമിച്ചത്. സമാനമായ കാര്യം തന്നെയാണ് ബിന്ദുവിൻ്റെ കാര്യത്തിലും നടക്കുന്നത്. സമഗ്രമായ അന്വേഷണം നടത്തി സ്‌റ്റേഷൻ്റെ മേൽനോട്ടം വഹിക്കുന്ന ഉന്നത പോലീസ് ഉദ്യോഗസ്ഥരെയടക്കം സർവീസിൽ നിന്ന് പിരിച്ചുവിടുന്ന നടപടിയെടുക്കണം. സംഭവത്തിൽ ദലിത് അട്രോസിറ്റിയും, സ്ത്രീകൾക്കെതിരായ…

തിരുവനന്തപുരം: സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് (IMD) മുന്നറിയിപ്പ് നൽകി. അഞ്ച് ജില്ലകളിൽ റെഡ് അലേർട്ടും മറ്റ് ജില്ലകളിൽ ഓറഞ്ച് അലേർട്ടും പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നിവിടങ്ങളിൽ റെഡ് അലേർട്ട് പ്രഖ്യാപിച്ചിട്ടുണ്ട്. ഇന്നലെ രാത്രി പെയ്ത മഴയിൽ സംസ്ഥാനത്തുടനീളം വ്യാപക നാശനഷ്ടങ്ങൾ ഉണ്ടായി. നെല്ലിയാമ്പതിയിൽ മരം കടപുഴകി വീണതിനെ തുടർന്ന് കുടുങ്ങിയ വിനോദസഞ്ചാരികളെ സുരക്ഷിത സ്ഥലത്തേക്ക് മാറ്റി. തുടർച്ചയായി മഴ പെയ്യുന്ന പ്രദേശങ്ങളിൽ മണ്ണിടിച്ചിൽ, വെള്ളപ്പൊക്കം എന്നിവയ്ക്ക് സാധ്യതയുള്ളതിനാൽ അതീവ ജാഗ്രത പാലിക്കണമെന്ന് മുന്നറിയിപ്പിൽ പറയുന്നു. ജൂൺ 1 വരെ കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ്. ഇന്ന് റെഡ് അലേർട്ട് പ്രഖ്യാപിച്ച വയനാട്ടിൽ അതീവ ജാഗ്രത തുടരുകയാണ്. ജില്ലയിൽ ഇന്നലെ രാത്രിയും കനത്ത മഴ തുടർന്നു. തവിഞ്ഞാൽ, തൊണ്ടർനാട് ഉൾപ്പെടെയുള്ള സ്ഥലങ്ങളിൽ കനത്ത മഴ പെയ്തു. വൈത്തിരി,…

ചിക്കാഗോ: ചിക്കാഗോയിലെ സെന്റ് മേരീസ് ക്നാനായ കത്തോലിക്കാ ഇടവകയിലെ പൊതുവായ ആഘോഷപൂർവമായ ദിവ്യകാരുണ്യ സ്വീകരണം മെയ് 25 ഞായറാഴ്ച ഉച്ചകഴിഞ്ഞ് 3 മണിക്ക് ആരംഭിച്ച തിരുക്കർമ്മങ്ങളോടെ ഭക്ത്യാദരപൂർവ്വം നടത്തപ്പെട്ടു. കോട്ടയം അതിരൂപതാധ്യക്ഷൻ ആർച്ച് ബിഷപ്പ് മാർ മാത്യു മൂലക്കാട്ട് മുഖ്യ കാർമികത്വം വഹിച്ച തിരുക്കർമ്മങ്ങളിൽ ക്നാനായ റീജിയൻ ഡയറക്ടർ മോൺസിഞ്ഞോർ തോമസ് മുളവനാൽ, വികാരി ഫാ. സിജു മുടക്കോടിൽ, അസി. വികാരി ഫാ. അനീഷ് മാവേലിപുത്തെൻപുര, കൈപ്പുഴ ഫൊറോനാ വികാരി ഫാ. സാബു മാലിത്തുരുത്തേൽ, ഫാ. ബോബൻ വട്ടംപുറത്ത്, ഫാ. ബേബി വെള്ളാപ്പള്ളിൽ, ഫാ. ജോസ് ആദോപള്ളിൽ ഫാ. ബിൻസ് ചേത്തലിൽ എന്നിവർ സഹകാർമികത്വം വഹിച്ചു. മുപ്പത് കുട്ടികളാണ് ഒരു വർഷത്തോളം നീണ്ടു നിന്ന ഒരുക്കങ്ങൾക്ക് ശേഷം ഈ വർഷത്തെ ആഘോഷപൂർവ്വമായ ദിവ്യകാരുണ്യ സ്വീകരണത്തിൽ പങ്കെടുത്തത്. സജി പൂതൃക്കയിൽ, മനീഷ് കൈമൂലയിൽ എന്നിവരുടെ നേതൃത്വത്തിൽ നടത്തപെടുന്ന വിശ്വാസ…

ചിക്കാഗോ: ചിക്കാഗോയിലെ രണ്ടാമത്തെ ഇടവകയും പ്രവാസി ക്നാനായ സമൂഹത്തിലെ ഏറ്റവും വലിയ ഇടവകയുമായ ചിക്കാഗോ സെന്റ് മേരീസ് ക്നാനായ കത്തോലിക്കാ ഇടവകയുടെ പതിനഞ്ചാമത് വാർഷികാഘോഷങ്ങൾ കോട്ടയം അതിരൂപതാദ്ധ്യക്ഷൻ മാർ മാത്യു മൂലക്കാട്ട് ഉദ്ഘാടനം ചെയ്തു. മെയ് 25 ഞായറാഴ്ച ഉച്ചകഴിഞ്ഞ് മൂന്നുമണിക്ക് നടത്തപ്പെട്ട ആഘോഷമായ ദിവ്യകാരുണ്യ സ്വീകരണ തിരുക്കർമ്മങ്ങൾക്ക് ശേഷമായിരുന്നു വാർഷികാഘോഷങ്ങളുടെ ഉദ്ഘാടനം നിർവ്വഹിക്കപ്പെട്ടത്. 2010 ജൂലൈ മാസത്തിൽ കൂദാശചെയ്യപ്പെട്ട സെന്റ് മേരീസ് ഇടവക ദൈവാലയം പതിനഞ്ചു വർഷങ്ങൾ പൂർത്തിയാക്കുമ്പോൾ, ആഘോഷങ്ങളുടെ ഭാഗമായി വിപുലമായ പരിപാടികളാണ് ആസൂത്രണം ചെയ്തിരിക്കുന്നത്. പങ്കാളിത്വത്തിൽ ആഗോള ക്നാനായ സമൂഹത്തിലെ തന്നെ ഏറ്റവും വലിയ ഇടവകയായി കരുതപ്പെടുന്ന ചിക്കാഗോ സെന്റ് മേരീസ്, ഭക്തിനിർഭരമായ തിരുക്കർമ്മങ്ങൾക്കും സജീവമായ മിനിസ്ട്രികളുടെ പ്രവർത്തനങ്ങൾക്കും പുറമെ, ആഗോള ക്നാനായ സമൂഹത്തിൽ നിസ്തുലമായ സേവന സന്നദ്ധ പ്രവർത്തനങ്ങളും കൊണ്ട് ക്നാനായ സമുദായത്തിന് തന്നെ അഭിമാനമായി മാറിയിട്ടുണ്ട് എന്ന് അഭി. മാർ…

ജൂലൈ 9 മുതൽ 12 വരെ നടക്കുന്ന നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസിൽ ഒരു മികച്ച ആത്മീയ അനുഭവം പകർന്നു നൽകുന്നതിനായി കോൺഫറൻസ് ഗായകസംഘം സജ്ജമായി. മിഡ്‌ലൻഡ്‌ പാർക്ക് സെയിന്റ് സ്റ്റീഫൻസ് ഇടവക വികാരി ഫാ.ഡോ.ബാബു കെ. മാത്യുവിൻറെ നേതൃത്വത്തിലുള്ള ഗായകസംഘം അവസാന ഘട്ട പരിശീലനത്തിലാണ്. ഗാനരചയിതാവും സംഗീത സംവിധായകനും ഗായകനുമായ ബാബു അച്ചന്റെ നേതൃത്വം പുതുമയാർന്ന സംഗീതാനുഭവം കോൺഫറൻസിൽ നല്കുമെന്നുറപ്പാണ്. വിശ്വാസികളുടെ പങ്കാളിത്തം ഓർത്തഡോക്സ് ആരാധനയുടെ മുഖമുദ്രയാണ്. പങ്കെടുക്കുന്നവർക്ക് ആത്മീയ ഉണർവും പ്രചോദനവും നൽകുവാൻ ഗായകസംഘത്തിന്റെ നേതൃത്വം സഹായകരമാവും. ഗായകസംഘം നൽകുന്ന സംഗീതത്തിൻ്റെ ശക്തി, ആരാധനയ്ക്കും പ്രബോധനത്തിനുമുള്ള സുപ്രധാന ഉപകരണമായി മാറും. മിഡ്‌ലൻഡ്‌ പാർക്ക് സെയിന്റ് സ്റ്റീഫൻസ്, മൌണ്ട് ഒലിവ് സെയിന്റ് തോമസ് , ലിൻഡൻ സെയിന്റ് മേരീസ്, ക്ലിഫ്‌ടൺ സെയിന്റ് ഗ്രീഗോറിയോസ്, നോർത്ത് പ്ലെയിൻഫീൽഡ് സെയിന്റ്സ്‌ ബസേലിയോസ്-ഗ്രീഗോറിയോസ് എന്നീ…

ബോസ്റ്റണ്‍: അമേരിക്കയിലെ ഏറ്റവും പഴക്കമേറിയ വിദ്യാഭ്യാസ സ്ഥാപനമായ ഹാര്‍‌വാര്‍ഡ് സര്‍‌വ്വകലാശാലയും, പ്രസിഡന്റ് ഡൊണാൾഡ് ട്രംപിന്റെ നേതൃത്വത്തിലുള്ള സർക്കാരിനും ഇടയിൽ മുമ്പൊരിക്കലും കണ്ടിട്ടില്ലാത്ത വിധത്തിലുള്ള പ്രശ്നങ്ങളാണ് ഒന്നിനു പിറകെ ഒന്നായി വന്നുകൊണ്ടിരിക്കുന്നത്. എന്നാല്‍, ഹാര്‍‌വാര്‍ഡില്‍ പഠിക്കുന്ന അന്താരാഷ്ട്ര വിദ്യാർത്ഥികൾ ട്രംപിന്റെ തീരുമാനത്തിൽ ഭയപ്പെട്ടിരിക്കുകയാണിപ്പോള്‍. അന്താരാഷ്ട്ര വിദ്യാർത്ഥികളെ പ്രവേശിപ്പിക്കാനുള്ള ഹാർവാർഡ് സർവകലാശാലയുടെ അവകാശം ട്രംപ് ഭരണകൂടം റദ്ദാക്കിയതാണ് ഇതിനു കാരണം. ട്രംപ് ഭരണകൂടത്തിന്റെ ഈ തീരുമാനത്തിന് കോടതി ഇപ്പോൾ സ്റ്റേ ഏർപ്പെടുത്തിയിട്ടുണ്ടെങ്കിലും, വിദ്യാർത്ഥികൾ അനിശ്ചിതത്വത്തിലാണ്. ലിയോ ഗെർഡൻ എന്ന വിദ്യാര്‍ത്ഥി സ്വീഡനിൽ നിന്ന് ഹാർവാർഡിൽ പഠിക്കാൻ വന്നതാണ്. അടുത്ത ആഴ്ച ബിരുദം നേടാനിരിക്കെയാണ് ട്രം‌പിന്റെ ഉത്തരവ്. “വൈറ്റ് ഹൗസും ഹാർവാർഡും തമ്മിലുള്ള യുദ്ധത്തിൽ ഞങ്ങളെ ‘പോക്കർ ചിപ്പുകളായി ഉപയോഗിക്കുന്നു എന്നും, അത് വളരെ മനുഷ്യത്വരഹിതമാണെന്ന് തോന്നുന്നു” എന്നും ലിയോ മാധ്യമങ്ങളോട് പറഞ്ഞു. ഹാർവാർഡ് സർവകലാശാലയുടെ കാമ്പസിൽ സുരക്ഷിതമല്ലാത്ത ഒരു സംസ്കാരം…