Month: July 2026

കൊച്ചി: എറണാകുളത്തെ ഏലൂർ-എടയാർ വ്യവസായ മേഖലയിലെ പെരിയാർ നദിയുടെ താഴ്ഭാഗത്ത് വൻതോതിൽ മത്സ്യങ്ങൾ ചത്തുപൊങ്ങിയ സംഭവം നടന്ന് രണ്ട് വർഷം കഴിഞ്ഞിട്ടും , മത്സ്യത്തൊഴിലാളികൾക്ക് ഉണ്ടായ കനത്ത നഷ്ടത്തിന് നഷ്ടപരിഹാരം ഇതുവരെ ലഭിച്ചിട്ടില്ലെന്ന് ആരോപണം. 2024 മെയ് 21 ന് പാതാളം ബണ്ടിന് സമീപവും താഴേക്കുള്ള ഭാഗങ്ങളിലുമാണ് വൻതോതിൽ ചത്ത മത്സ്യങ്ങൾ ചത്തു പൊങ്ങിയത്. വ്യാവസായിക യൂണിറ്റുകളിൽ നിന്നുള്ള മാലിന്യങ്ങൾ തുറന്നുവിട്ടതാണ് കാരണം. മത്സ്യബന്ധന വകുപ്പ് ഏകദേശം ₹13.75 കോടി നഷ്ടപരിഹാരം ശുപാർശ ചെയ്തിരുന്നു – കൂടുകൃഷിക്കാർക്ക് ₹7 കോടിയും നദിയിലും അതുമായി ബന്ധപ്പെട്ട ജലാശയങ്ങളിലും മത്സ്യബന്ധനം നടത്തി ഉപജീവനം നടത്തുന്ന മത്സ്യത്തൊഴിലാളികൾക്ക് ₹6.75 കോടിയുമായിരുന്നു നഷ്ടപരിഹാരം ലഭിക്കേണ്ടിയിരുന്നത്. കൂട് മത്സ്യബന്ധനത്തെക്കുറിച്ച് പ്രദേശവാസികളുടെയും പരിസ്ഥിതി പ്രവർത്തകരുടെയും വിദഗ്ധരുടെയും പ്രതിനിധികൾ തയ്യാറാക്കിയ ഒരു പീപ്പിൾസ് റിപ്പോർട്ടിൽ, സംഭവത്തിന് ശേഷമുള്ള ആറ് മാസത്തിനുള്ളിൽ കൂട് മത്സ്യ കർഷകർക്ക് 31.25 കോടി…

അമേരിക്കൻ ആഭ്യന്തര സുരക്ഷാ വകുപ്പ് (Department of Homeland Security – DHS) പൊതുഭാരമാകാനുള്ള (Public Charge) വിലയിരുത്തലുമായി ബന്ധപ്പെട്ട് 2022-ൽ ബൈഡൻ ഭരണകൂടം നടപ്പിലാക്കിയിരുന്ന ചട്ടം റദ്ദാക്കിക്കൊണ്ടുള്ള അന്തിമ ചട്ടം (Final Rule) പുറത്തിറക്കി. ഇതോടെ, കുടിയേറ്റ നിയമത്തിൽ കോൺഗ്രസ് ഉദ്ദേശിച്ചിരുന്ന രീതിയിൽ അപേക്ഷകരുടെ സാമ്പത്തിക സ്വയംപര്യാപ്തത കൂടുതൽ വിപുലമായി വിലയിരുത്തുന്നതിനുള്ള അധികാരം യു.എസ്. സിറ്റിസൺഷിപ്പ് ആൻഡ് ഇമിഗ്രേഷൻ സർവീസിന് (USCIS) വീണ്ടും ലഭിക്കും. അമേരിക്കൻ കുടിയേറ്റ-പൗരത്വ നിയമമായ Immigration and Nationality Act (INA) പ്രകാരം, വിസയ്ക്കോ, അമേരിക്കയിൽ പ്രവേശനത്തിനോ, സ്ഥിരതാമസത്തിനായുള്ള (Adjustment of Status) അപേക്ഷയോ സമർപ്പിക്കുന്ന ഒരാൾ ഭാവിയിൽ ഏതെങ്കിലും സമയത്ത് പൊതുഭാരമാകാൻ (Public Charge) സാധ്യതയുണ്ടെന്ന് കണ്ടെത്തിയാൽ, അദ്ദേഹത്തെയോ അവളെയോ അമേരിക്കയിൽ പ്രവേശിപ്പിക്കാതിരിക്കാനോ സ്ഥിരതാമസം നിഷേധിക്കാനോ നിയമം അനുവദിക്കുന്നു. 2022-ലെ ബൈഡൻ ഭരണകൂടത്തിന്റെ ചട്ടം പ്രകാരം, പൊതുഭാരമാകാനുള്ള സാധ്യത വിലയിരുത്തുമ്പോൾ…

പിറന്ന നാട്ടിൽ നിന്നും അനേകായിരം മൈലുകൾ അകലെയാണെങ്കിലും നമ്മളെയെല്ലാം ഒരുമിപ്പിച്ചുനിറുത്തുന്നത് മാതൃഭാഷയായ മലയാളം ആകുന്നു. അമ്പത്തിയൊന്നക്ഷരങ്ങളിലായി രൂപപെടുത്തിയിരിക്കുന്ന മധുരമായ മലയാള ഭാഷക്ക് ശ്രേഷ്ഠഭാഷാ പദവിയും ലഭിച്ചിട്ടുണ്ട്. ആരാണ് ഈ ഭാഷയുടെ ഉപജ്ഞാതാവ്? അതിനുള്ള ഉത്തരമാണ് “എഴുത്തച്ഛൻ” നാടകം. അഞ്ഞൂറ് വർഷങ്ങൾക്ക് മുമ്പ് നമ്മുടെ നാട്ടിൽ നിലനിന്നിരുന്ന, ജാതി വ്യവസ്ഥിതിയോടും, മേൽക്കോയ്മകളോടും നിരന്തരം പോരാടി, സമത്വത്തിനായി സ്വന്തം ജീവൻ തന്നെ ബലിയർപ്പിച്ച വിപ്ലവകാരി. സ്വയം ഉരുകി, ഉരുകി തീരുമ്പോഴും, താൻ പുതുതായി നിർമ്മിച്ച മലയാള ഭാഷ നാടാകെ പരത്തിയ ക്രാന്തദർശി. എഴുത്തച്ഛൻ, മലയാള ഭാഷ നമ്മൾക്കെല്ലാമായി നിർമ്മിച്ചു നൽകുന്നതിനുവേണ്ടി അനുഭവിച്ച യാതനകളെ അടുത്തറിയുവാനായി, ജൂലൈ 18 ശനിയാഴ്ച്ച വൈകുന്നേരം 6.00 മണിക്ക്, എൽമോണ്ടിലെ, ST. വിൻസെന്റ് ഡി പോൾ ആഡിറ്റോറിയത്തിലേക്ക് സഹൃദയരായ എല്ലാ മലയാളികളെയും സ്വാഗതം ചെയ്യുന്നു. മലയാളം ഗ്ലോബൽ വോയിസും, വാൽക്കണ്ണാടി മീഡിയയും സംയുക്തമായിട്ടാണ് ന്യൂയോർക്കിൽ എഴുത്തച്ഛൻ…

വാഷിംഗ്ടൺ: അമേരിക്കയിലെ വിവിധ സംസ്ഥാനങ്ങളിൽ പടർന്നുപിടിക്കുന്ന പാരസൈറ്റ് (പരാദ ജീവി) ബാധയെ അതീവ ഗൗരവത്തോടെ നിരീക്ഷിക്കുകയാണെന്ന് വൈറ്റ് ഹൗസ് വ്യക്തമാക്കി. ‘സൈക്ലോസ്പോറിയാസിസ്’  എന്ന ഈ രോഗബാധ ഇതിനകം നാനൂറിലധികം ആളുകളിലാണ് സ്ഥിരീകരിച്ചത്. അണുബാധയ്ക്ക് കാരണമായ മലിനമായ ഭക്ഷ്യവസ്തു ഏതാണെന്ന് കണ്ടെത്താൻ സിഡിസി , എഫ്ഡിഎ എന്നീ ഏജൻസികൾ സംയുക്തമായി ശ്രമിച്ചുവരികയാണ്. ഇതിനായി ആവശ്യമായ എല്ലാ വിഭവങ്ങളും ഏജൻസികൾക്ക് നൽകുമെന്ന് വൈറ്റ് ഹൗസ് പ്രസ് സെക്രട്ടറി കാരോലിൻ ലീവിറ്റ് അറിയിച്ചു. മിഷിഗൺ, ഒഹായോ, കെന്റക്കി, വെസ്റ്റ് വിർജീനിയ എന്നീ സംസ്ഥാനങ്ങളിലാണ് നിലവിൽ രോഗബാധ റിപ്പോർട്ട് ചെയ്തിരിക്കുന്നത്. പരിശോധന നടത്താത്തവർ നിരവധിയുള്ളതിനാൽ യഥാർത്ഥ രോഗബാധിതരുടെ എണ്ണം ഇതിലും കൂടുതലായിരിക്കാമെന്ന് സിഡിസി മുന്നറിയിപ്പ് നൽകുന്നു. സാധാരണയായി ഇത്തരം രോഗബാധകൾ ഇലക്കറികൾ, പച്ചമരുന്നുകൾ, ബെറി പഴങ്ങൾ എന്നിവയിലൂടെയാണ് പടരാറുള്ളത്. മേയ് മാസത്തിന് ശേഷമാണ് രോഗബാധ വൻതോതിൽ വർദ്ധിച്ചത്. കടുത്ത വയറിളക്കം, കഠിനമായ ക്ഷീണം,…

കണ്ണൂര്‍: സാധാരണ ക്ലാസ് മുറിയിലെന്നപോലെ ശ്വാസമടക്കിപ്പിടിച്ച് അച്ചടക്കത്തൊടെ ഇരുന്ന കുട്ടികളോട് ജില്ലാ കളക്ടർ പി വിഷ്ണുരാജ് സംസാരിച്ചു തുടങ്ങിയപ്പോൾ, മുറി ചോദ്യോത്തരങ്ങളും കളിയും ചിരിയും കൊണ്ട് നിറഞ്ഞു. പാഠപുസ്തകങ്ങളിലെ സാധാരണ പാഠങ്ങൾക്കപ്പുറം മികച്ച ജീവിതപാഠങ്ങൾ പഠിച്ചതിന്റെ സന്തോഷത്തിലാണ് കുട്ടികൾ ചർച്ചാ വേദിയിൽ നിന്ന് മടങ്ങിയത്. ജില്ലാ കളക്ടറുമൊത്തുള്ള കുട്ടികൾക്കുള്ള ആഴ്ചതോറുമുള്ള ചർച്ചാ വേദിയായ ‘കലാം’ പരിപാടി ഇത്തവണയും വിദ്യാർത്ഥികൾക്ക് ഒരു പ്രത്യേക അനുഭവമായിരുന്നു. കണ്ണൂർ ഭാരതീയ വിദ്യാഭവനിലെയും സെന്റ് മൈക്കിൾസ് ഹൈസ്‌കൂളിലെയും അമ്പതോളം വിദ്യാർത്ഥികളാണ് ഇത്തവണ ‘കളം’ പരിപാടിയിൽ അതിഥികളായെത്തിയത്. കുട്ടികളുടെ വ്യക്തിത്വ വികാസത്തിൽ ഇത്തരം തുറന്ന സംവാദങ്ങൾ പ്രധാന പങ്കുവഹിക്കുന്നുണ്ടെന്ന് ജില്ലാ കലക്ടർ അഭിപ്രായപ്പെട്ടു. പഠനം, കരിയർ, ഐ.എ.എസ് തുടങ്ങിയ വിഷയങ്ങൾക്കൊപ്പം തങ്ങൾക്കു ചുറ്റുമുള്ള സാമൂഹിക പ്രശ്നങ്ങളെ കുറിച്ചുള്ള ആശങ്കകളും വിദ്യാർഥികൾ ജില്ലാ കലക്ടറുമായി പങ്കുവച്ചു. മേലെ ചൊവ്വയിലെ ഗതാഗതകുരുക്കിനെ കുറിച്ചുള്ള ഭാരതീയ വിദ്യാഭവനിലെ പത്താം…

തിരുവനന്തപുരം: സ്ത്രീകൾക്കും ട്രാൻസ്‌ജെൻഡറുകൾക്കും വേണ്ടി സംസ്ഥാന സർക്കാർ കെഎസ്ആർടിസി വഴി നടപ്പിലാക്കിയ ‘പ്രിയദർശിനി’ സൗജന്യ യാത്രാ പദ്ധതി വൻ വിജയമാണെന്ന് മന്ത്രി സിപി ജോൺ പറഞ്ഞു. കഴിഞ്ഞ 50 ദിവസത്തെ ഗതാഗത വകുപ്പിന്റെ പ്രവർത്തനങ്ങൾ വിശദീകരിക്കാൻ തിരുവനന്തപുരം വഴുതക്കാട് ട്രാൻസ് ടവറിലെ കോൺഫറൻസ് ഹാളിൽ നടത്തിയ പത്രസമ്മേളനത്തിൽ സംസാരിക്കുകയായിരുന്നു മന്ത്രി. പ്രിയദർശിനി പദ്ധതിയിൽ ഇതുവരെ 3.81 കോടി സൗജന്യ യാത്രകളാണ് നടത്തിയത്. പ്രതിദിനം യാത്ര ചെയ്യുന്ന സ്ത്രീകളുടെ എണ്ണം 5.5 ലക്ഷത്തിൽ നിന്ന് 12.71 ലക്ഷമായി ഉയർന്നു. നിലവിൽ കെഎസ്ആർടിസി യാത്രക്കാരിൽ 66 ശതമാനവും സ്ത്രീകളാണെന്നും പദ്ധതി കാരണം പുരുഷ യാത്രക്കാരുടെ എണ്ണത്തിൽ കുറവ് വന്നിട്ടില്ലെന്നും മന്ത്രി പറഞ്ഞു. ശ്രീ ചിത്ര തിരുന്നാൾ എഞ്ചിനീയറിങ് കോളേജിന്റെ സഹായത്തോടെ പദ്ധതിയുടെ സാമ്പത്തികവും സാമൂഹികവുമായ വിഷയങ്ങൾ പഠിക്കും. പൊതുഗതാഗത ഉപയോഗം വർധിച്ചതോടെ കാർബൺ ഡയോക്‌സൈഡ് പുറം തള്ളൽ ഗണ്യമായി കുറഞ്ഞതായി…