Year: 2026

വാഷിങ്ടണ്‍:ചന്ദ്രനിലെ സ്ഥിര താമസം യാഥാർഥ്യമാക്കുവാൻ അമേരിക്കൻ ബഹിരാകാശ ശാസ്ത്രജ്ഞന്മാർ ബൃഹത് പദ്ധതികൾക്ക് തുടക്കം കുറിച്ചു. 20 ബില്യൺ ഡോളർ ചെലവിൽ ഒരുങ്ങുന്ന ഈ ഗവേഷണ പദ്ധതി മൂന്ന് ഘട്ടങ്ങളിലായാണ് നടക്കുക. നാസ അഡ്‌മിനിസ്‌ട്രേറ്റർ ജാരെഡ് ഐസക്‌മാൻ ഇന്നലെ മാധ്യമങ്ങളുമായി നടത്തിയ വാർത്താ സമ്മേളനത്തിലൂടെയാണ് പദ്ധതിയെക്കുറിച്ച് അറിയിച്ചത്. ഇതിനോടകം ചന്ദ്രോപരിതലത്തിലെ അപകടകരമായ അന്തരീക്ഷത്തിൽ ജീവിക്കാൻ റോവറുകളും ഡ്രോണുകളും സജ്ജീകരിച്ചിട്ടുണ്ട്. ബഹിരാകാശ നിലയത്തിന് സമാനമായി ചന്ദ്രനിൽ ഗവേഷണ നിലയം പദ്ധതിയുടെ ഭാഗമായി സ്ഥാപിക്കും. അമേരിക്കയുടെയും മനുഷ്യരാശിയുടെയും ആകാശലോകത്തെ ഒരു താവളമായിരിക്കും ചാന്ദ്ര നിലയമെന്നും വാർത്താ സമ്മേളനത്തിനിടെ അദ്ദേഹം പറഞ്ഞു. മാർച്ചിൽ ഒരു ചാന്ദ്ര നിലയം സ്ഥാപിക്കാനുള്ള ലക്ഷ്യം നാസ പ്രഖ്യാപിച്ചിരുന്നു. ഇന്നലെ ചാന്ദ നിലയം സ്ഥാപിക്കാനുള്ള നിർമ്മാണ രീതി പട്ടികപ്പെടുത്തുകയും ചെയ്‌തു. 2028 ൽ ‘ചന്ദ്രനിൽ ബഹിരാകാശയാത്രികർ കാല് കുത്തുക’ എന്നതാണ് നാസയുടെ ലക്ഷ്യം. ഈ വർഷം (സെപ്റ്റംബർ) ശരത്കാലത്തിന്…

ടെക്സസ് : മൃഗങ്ങളുടെയും മനുഷ്യരുടെയും മാംസം കാർന്നുതിന്നുന്ന മാരക പരാദപ്രാണിയായ ‘ന്യൂ വേൾഡ് സ്ക്രൂവേം’  അമേരിക്കൻ അതിർത്തി കടന്നതായി ശക്തമായ സംശയം. ടെക്സസ് സംസ്ഥാനത്ത് ഇത്തരമൊരു രോഗബാധ സംശയിക്കുന്നതായി യു.എസ് കൃഷി വകുപ്പ്  വ്യക്തമാക്കി. കഴിഞ്ഞ ആഴ്ച യു.എസ് അതിർത്തിയോട് ചേർന്നുള്ള മെക്സിക്കൻ മേഖലയിൽ ഈ ഭീതിജനകമായ പരാദത്തെ കണ്ടെത്തിയിരുന്നു. ഇതിന് തൊട്ടുപിന്നാലെയാണ് ഇപ്പോൾ ടെക്സസിലും ഇതിന്റെ സാന്നിധ്യം റിപ്പോർട്ട് ചെയ്തിരിക്കുന്നത്. മെക്സിക്കൻ അതിർത്തിയിൽ നിന്ന് വെറും 50 മൈൽ മാത്രം അകലെയുള്ള തെക്കുപടിഞ്ഞാറൻ ടെക്സസിലെ ‘ലാ പ്രയോർ’  എന്ന ഗ്രാമത്തിലെ ഒരു കന്നുകാലി ഫാമിലാണ് സംഭവം. ഇവിടുത്തെ പശുക്കിടാങ്ങളിലാണ് രോഗബാധയുടെ ലക്ഷണങ്ങൾ കണ്ടെത്തിയത്. ഇവിടെ നിന്നും ശേഖരിച്ച സാമ്പിളുകൾ അന്തിമ സ്ഥിരീകരണത്തിനായി അയോവയിലെ യുഎസ്ഡിഎ നാഷണൽ വെറ്ററിനറി സർവീസസ് ലബോറട്ടറിയിലേക്ക് അയച്ചിരിക്കുകയാണ്. “സാഹചര്യം അതീവ ഗൗരവത്തോടെയാണ് കാണുന്നത്. നിലവിൽ ഫീൽഡ് ഉദ്യോഗസ്ഥരെ പ്രദേശത്ത് വിന്യസിച്ചിട്ടുണ്ട്. പ്രാദേശിക…

ഡാലസ്: അകാലത്തില്‍ പൊലിഞ്ഞുപോയ യുവപ്രതിഭ പാട്രിക് മരുതുംമൂട്ടിലിന്റെ തുടിക്കുന്ന സ്മരണകള്‍ പതിമൂന്ന്  വര്‍ഷം പിന്നിടുമ്പോഴും സഭ ജനങ്ങളിൽ സജീവമാണ് .നോര്‍ത്ത് അമേരിക്കാ യൂറോപ്പ് മര്‍ത്തോമാ ഭദ്രാസനത്തിന്റെ ചരിത്രത്തിൽ ആദ്യമായി ഒരു വ്യക്തിക്ക് നൽകിയ ഏറ്റവും വലിയ അംഗീകാരമാണ് പാട്രിക് മരുതുംമൂട്ടിലിനു മാർത്തോമാ സഭ നൽകിയത് എന്നാല്‍ ആ സ്മരണ നിലനിര്‍ത്തുന്നതിനു നോര്‍ത്ത് അമേരിക്കാ യൂറോപ്പ് മര്‍ത്തോമാ ഭദ്രാസനം പ്രഖ്യാപിച്ച പാട്രിക് മിഷന്‍ പ്രോജക്റ്റ് ശൈശവ ദിശയിൽ തന്നെ !! നോര്‍ത്ത് അമേരിക്കാ, യൂറോപ്പ് ഭദ്രാസനം നാറ്റീവ് മിഷന്റെ ആഭിമുഖ്യത്തില്‍ ഒക്കലഹോമ ബ്രോക്കന്‍ ബോയില്‍ സംഘടിപ്പിച്ച വെക്കേഷന്‍ ബൈബിള്‍ സ്കൂളിനുള്ള ക്രമീകരണങ്ങള്‍ക്കായി കൂട്ടുക്കാരുമൊത്ത് കാറില്‍ യാത്ര ചെയ്യുന്നതിനിടയിലുണ്ടായ അപകടത്തിലാണ് 2013 ജൂണ്‍ 4 നാണ് പാട്രിക്കിനെ മരണം തട്ടിയെടുത്തത്.2004 ല്‍ ഉപരിപഠനാര്‍ത്ഥം അമേരിക്കയിലെത്തി ഇലക്ട്രിക് എന്‍ജീനിയറിങ്ങില്‍ ബിരുദാനന്തര ബിരുദം നേടിയ പാട്രിക് ടെക്‌സസ് ഇന്‍സ്ട്രുമെന്റില്‍ ജോലിയില്‍ പ്രവേശിച്ചു അധികം…

വാഷിംഗ്‌ടൺ ഡി സി :പ്രസിഡന്റ് ഡൊണാൾഡ് ട്രംപ് പുറപ്പെടുവിച്ച പുതിയ എക്സിക്യൂട്ടീവ് ഉത്തരവ് പ്രകാരം ഏകദേശം 8,000 ഫെഡറൽ (ഗവൺമെന്റ്) ജീവനക്കാരുടെ ജോലി സുരക്ഷ ഇല്ലാതായി. പുതിയ നിയമപ്രകാരം കാരണം ബോധിപ്പിക്കാതെ തന്നെ ഇവരെ ജോലിയിൽ നിന്ന് പിരിച്ചുവിടാൻ സർക്കാരിന് സാധിക്കും. സിവിൽ സർവീസിലെ ഏറ്റവും ഉയർന്ന തസ്തികയായ GS-15 വിഭാഗത്തിൽപ്പെടുന്ന ജീവനക്കാരെയാണ് ഈ ഉത്തരവ് പ്രധാനമായും ബാധിക്കുന്നത്. നയരൂപീകരണ ഓഫീസുകളുടെ തലവന്മാർ, ചീഫ് ഓഫ് സ്റ്റാഫ്, റീജിയണൽ ഓഫീസ് മേധാവികൾ, പ്രോഗ്രാം മാനേജർമാർ തുടങ്ങിയവർ ഇതിൽ ഉൾപ്പെടുന്നു. തനിക്ക് കീഴിലുള്ള ഉദ്യോഗസ്ഥർ തന്റെ നയങ്ങൾ കൃത്യമായി നടപ്പിലാക്കുന്നുണ്ടെന്ന് ഉറപ്പുവരുത്താനും സർക്കാരിൽ കൂടുതൽ ഉത്തരവാദിത്തം കൊണ്ടുവരാനുമാണ് ഈ നീക്കമെന്ന് ട്രംപ് ഭരണകൂടം വാദിക്കുന്നു. ഈ നീക്കം സിവിൽ സർവീസിന്റെ നിഷ്പക്ഷത തകർക്കുമെന്നും, രാഷ്ട്രീയ ഇടപെടലുകൾക്ക് വഴിമാറുമെന്നും, ജീവനക്കാരിൽ ഭയമുണ്ടാക്കുമെന്നും ഡെമോക്രസി ഫോർവേഡ് പോലുള്ള സംഘടനകൾ കുറ്റപ്പെടുത്തി. ഈ…

തിരുവനന്തപുരം: അടുത്ത മൂന്ന് വർഷത്തിനുള്ളിൽ സംസ്ഥാനത്തെ പാൽ ഉൽപാദനം 100 ലക്ഷം (ഒരു കോടി) ലിറ്ററായി വര്‍ദ്ധിപ്പിക്കുക എന്നതാണ് സർക്കാരിന്റെ പ്രധാന ലക്ഷ്യമെന്ന് മുഖ്യമന്ത്രി വി.ഡി. സതീശൻ പറഞ്ഞു. തിരുവനന്തപുരത്ത് ജവഹർ സഹകരണ ഭവനിൽ ലോക ക്ഷീരദിനത്തിന്റെ സംസ്ഥാനതല ആഘോഷങ്ങൾ ഉദ്ഘാടനം ചെയ്യുകയായിരുന്നു മുഖ്യമന്ത്രി. സമഗ്രമായ ഈ വലിയ ലക്ഷ്യത്തിലേക്കെത്താൻ ക്ഷീരകർഷകരുടെയും സംഘങ്ങളുടെയും എല്ലാവിധ സഹകരണവുമുണ്ടാവണം. നിലവിൽ 70 ലക്ഷം ലിറ്റർ പാലാണ് സംസ്ഥാനത്ത് ഉൽപ്പാദിപ്പിക്കുന്നത്, എന്നാൽ നമ്മുടെ ആവശ്യം 86 ലക്ഷം ലിറ്ററാണ്. പാൽ ഉൽപ്പാദനം വർദ്ധിപ്പിക്കുന്നതിനൊപ്പം പാലിന്റെ മൂല്യവർദ്ധിത ഉൽപന്നങ്ങൾ നിർമ്മിക്കുന്നതിനുള്ള സംരംഭങ്ങൾക്ക് സർക്കാർ പൂർണ്ണ പിന്തുണ നൽകുമെന്നും മുഖ്യമന്ത്രി പറഞ്ഞു. ക്ഷീരകർഷകർ നേരിടുന്ന പ്രധാന പ്രതിസന്ധിയായ കാലിത്തീറ്റയുടെ വിലക്കയറ്റം തടയാൻ സർക്കാർ വിപണിയിൽ കർശനമായി ഇടപെടും. പാലിന് വില കൂട്ടുമ്പോൾ കാലിത്തീറ്റ കമ്പനികളും അന്യായമായി വില വർദ്ധിപ്പിച്ച് കർഷകരെ ദ്രോഹിക്കുന്ന പ്രവണത അനുവദിക്കില്ല.…

തിരുവനന്തപുരം: വിദ്യാർത്ഥികളെ കാർഷിക മേഖലയിലേക്കും പരിസ്ഥിതി സംരക്ഷണ പ്രവർത്തനങ്ങളിലേക്കും അടുപ്പിക്കുന്നതിനായി സംസ്ഥാന സർക്കാർ ‘കതിർ’ (Kerala Agriculture Technology Heritage and Innovation for Rural Understanding) പദ്ധതി ആരംഭിക്കുന്നു. കൃഷി വകുപ്പിന്റെയും പൊതുവിദ്യാഭ്യാസ വകുപ്പിന്റെയും സഹകരണത്തോടെ നടപ്പിലാക്കുന്ന പദ്ധതിയുടെ സംസ്ഥാന തല ഉദ്ഘാടനം ജൂൺ 5 ന് രാവിലെ 10.30 ന് പരിസ്ഥിതി ദിനത്തിൽ സെക്രട്ടേറിയറ്റ് വളപ്പിൽ മുഖ്യമന്ത്രി വി ഡി സതീശൻ നിർവഹിക്കും. ഓണത്തിന് സുരക്ഷിതവും വിഷരഹിതവുമായ പച്ചക്കറികളും പൂക്കളും നൽകുക എന്ന ലക്ഷ്യത്തോടെയുള്ള ‘ഓണത്തിനോരകം വിളവിന്റെ വിസ്മയം 2026’ എന്ന സമഗ്ര കാർഷിക കാമ്പെയ്‌നും മുഖ്യമന്ത്രി ഉദ്ഘാടനം ചെയ്യും. ചടങ്ങിന്റെ ഭാഗമായി സെക്രട്ടേറിയറ്റ് അങ്കണത്തിൽ ഫലവൃക്ഷത്തൈകൾ നടും. നിയമസഭാ മീഡിയ റൂമിൽ നടന്ന പത്രസമ്മേളനത്തിൽ കൃഷി മന്ത്രി ടി സിദ്ദിഖ് മികച്ച കുട്ടി കർഷകരെയും മാതൃകാ കർഷകരെയും ചടങ്ങിൽ ആദരിക്കുമെന്ന് പ്രഖ്യാപിച്ചു. വിദ്യാഭ്യാസ…

തിരുവനന്തപുരം: സംസ്ഥാനത്ത് വാഹന ഫിറ്റ്നസ് പരിശോധനാ സംവിധാനത്തിന്റെ സമ്പൂർണ നവീകരണത്തിന്റെ ഭാഗമായി 28 ഓട്ടോമേറ്റഡ് വെഹിക്കിൾ ടെസ്റ്റിംഗ് സ്റ്റേഷനുകൾ (എടിഎസ്) സ്ഥാപിക്കുന്നു. തൈക്കാട് പോലീസ് പരിശീലന കോളേജിൽ നടന്ന അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ ട്രെയിനികളുടെ 17-ാമത് ബാച്ചിന്റെ പാസിംഗ് ഔട്ട് പരേഡിൽ സല്യൂട്ട് സ്വീകരിച്ചുകൊണ്ട് ഗതാഗത മന്ത്രി സി പി ജോൺ ആണ് ഇക്കാര്യം പ്രഖ്യാപിച്ചത്. ഓരോ ജില്ലയിലും രണ്ട് എടിഎസ് വീതമായിരിക്കും സ്ഥാപിക്കുക. പരമ്പരാഗത പരിശോധനാ രീതികൾക്ക് പകരം മെഷീൻ അധിഷ്ഠിതവും ഔട്ട്‌സോഴ്‌സ് പിന്തുണയുള്ളതുമായ ആധുനിക സംവിധാനങ്ങളിലേക്ക് മാറുന്നതിന്റെ ഭാഗമായാണ് ഈ നടപടി. ആധുനികവൽക്കരണത്തിന്റെയും ഓട്ടോമേഷന്റെയും നിർണായക ഘട്ടത്തിലാണ് പുതിയ തലമുറ അസിസ്റ്റന്റ് മോട്ടോർ വെഹിക്കിൾ ഇൻസ്‌പെക്ടർമാർ സേവനത്തിലേക്ക് പ്രവേശിക്കുന്നതെന്നും മന്ത്രി ചൂണ്ടിക്കാട്ടി. സ്മാർട്ട് മൂവ് ആപ്ലിക്കേഷൻ: രാജ്യത്ത് കമ്പ്യൂട്ടർവൽക്കരണം ആദ്യമായി നടപ്പിലാക്കിയ സംസ്ഥാനങ്ങളിൽ ഒന്നായ കേരളം വികസിപ്പിച്ച സ്മാർട്ട് മൂവ് ആപ്ലിക്കേഷനാണ് ദേശീയതലത്തിലെ…