Year: 2026

നേഡിയൻ നെഹ്രു ട്രോഫി വള്ളംകളിയോട് അനുബന്ധിച്ച് നടത്തപ്പെടുന്ന ഇൻ്റർനാഷണൽ കൺവൻഷന് മുന്നോടിയായി വള്ളംകളി മേഖലയിലെ ആഗോള സംഘടനയായ IBRF (ഇൻ്റർനാഷണൽ ബോട്ട് റേസ് ഫെഡറേഷൻ്റെ) ആഭിമുഖ്യത്തിൽ വള്ളംകളിയുടെ പൈതൃക കേന്ദ്രങ്ങളിൽ സംഘടിപ്പിക്കുന്ന Meet & Greet യോഗം മാർച്ച് 13 വെള്ളിയാഴ്ച ആറന്മുള പാഞ്ചജന്യം ഓഡിറ്റോറിയത്തിൽ വെച്ചു നടത്തപ്പെട്ടു. ആറന്മുള ജലമേളയുടെ മുഖ്യ സംഘാടകർ പങ്കെടുത്ത യോഗത്തിൽ IBRF ഗ്ലോബൽ വൈസ് പ്രസിഡണ്ട് ശ്രീ സാംബാദേവൻ കെ ജി അദ്ധ്യഷനായി. IBRF ഗ്ലോബൽ പ്രസിഡന്റും കാനേഡിയൻ നെഹ്‌റു ട്രോഫി വള്ളംകളിയുടെ മുഖ്യ സംഘടകനുമായ ശ്രീ കുര്യൻ പ്രക്കാനം മുഖ്യാതിഥി ആയിരുന്നു. കനേഡിയൻ നെഹ്രു ട്രോഫിയുടെ രണ്ടാമത് ഇന്റർനാഷണൽ കൺവെൻഷൻ വൻ വിജയമാക്കാൻ എല്ലാ എല്ലാ വള്ളംകളി സ്നേഹികളുടെയും സഹായവും സഹകരണവും IBRF ഗ്ലോബൽ പ്രസിഡണ്ട് കുര്യൻ പ്രക്കാനം അഭ്യർത്ഥിച്ചു. വള്ളംകളി ലോകത്തെ കൂട്ടിയിണക്കുന്ന IBRF ഈ മേഖലയ്ക്ക്…

സാൻ ഫ്രാൻസിസ്കോ:അന്താരാഷ്ട്ര വനിതാ ദിനാഘോഷത്തിന്റെ ഭാഗമായി അസോസിയേഷൻ ഓഫ് ഇൻഡോ അമേരിക്കൻസും  സാൻ ഫ്രാൻസിസ്കോയിലെ ഇന്ത്യൻ കോൺസുലേറ്റും സംയുക്തമായി സംഘടിപ്പിച്ച ‘നാരി 2026’  ശ്രദ്ധേയമായി. സമൂഹത്തിന്റെ വിവിധ മേഖലകളിൽ മുദ്രപതിപ്പിച്ച വനിതാ നേതാക്കളെ ചടങ്ങിൽ ആദരിച്ചു. കാലിഫോർണിയ ലഫ്റ്റനന്റ് ഗവർണർ എലെനി കൗണലാക്കിസ്, മുൻ യുഎസ് അംബാസഡർ ഷെഫാലി റസ്ദാൻ ദുഗ്ഗൽ, പ്രമുഖ ജീവകാരുണ്യ പ്രവർത്തക നീരു ഖോസ്‌ല എന്നിവർക്ക് പുരസ്കാരങ്ങൾ സമ്മാനിച്ചു. സിഎ ഗീത രാമകൃഷ്ണന്റെ സ്മരണാർത്ഥമുള്ള പുരസ്കാരം ശ്രീമ രംഗനാഥൻ ഏറ്റുവാങ്ങി. കൂടാതെ സാങ്കേതികവിദ്യ, ആരോഗ്യം, വിദ്യാഭ്യാസം തുടങ്ങിയ മേഖലകളിൽ തിളങ്ങിയ 48 ‘ട്രയൽബ്ലേസർ’ (Trailblazer) വനിതകളെയും ആദരിച്ചു. ഇത്തരം കൂട്ടായ്മകൾ അന്താരാഷ്ട്ര ബന്ധങ്ങൾ ശക്തമാക്കുമെന്നും സാംസ്‌കാരിക വിനിമയത്തിന് വഴിയൊരുക്കുമെന്നും ലഫ്റ്റനന്റ് ഗവർണർ എലെനി കൗണലാക്കിസ് പറഞ്ഞു. സിലിക്കൺ വാലിയിലെ ബിസിനസ്, സാങ്കേതിക മേഖലകളിലെ പ്രമുഖരും സാംസ്‌കാരിക പ്രവർത്തകരും ചടങ്ങിൽ പങ്കെടുത്തു.

പാക്കിസ്താനിലെ ഹംസ സൈനിക താവളത്തിൽ തങ്ങളുടെ വ്യോമസേന ഡ്രോൺ ആക്രമണം നടത്തിയതായി അഫ്ഗാനിസ്ഥാൻ അവകാശപ്പെട്ടു. ഡ്യൂറണ്ട് രേഖയെച്ചൊല്ലി ഇരു രാജ്യങ്ങളും തമ്മിൽ വർദ്ധിച്ചുവരുന്ന സംഘർഷങ്ങൾക്കിടയിലാണ് ഈ നടപടി. പാക്കിസ്താനും അഫ്ഗാനിസ്ഥാനും തമ്മിലുള്ള ശത്രുത വീണ്ടും പൊട്ടിപ്പുറപ്പെട്ടു, ഇരുപക്ഷവും പരസ്പരം നിരന്തരം ആക്രമണം നടത്തി. അതേസമയം, തലസ്ഥാനമായ ഇസ്ലാമാബാദിലെ “ഹംസ” എന്ന പാക്കിസ്താൻ സൈനിക താവളത്തിൽ തങ്ങളുടെ വ്യോമസേന ആക്രമണം നടത്തിയതായി അഫ്ഗാൻ പ്രതിരോധ മന്ത്രാലയം വെള്ളിയാഴ്ച പ്രഖ്യാപിച്ചു. ഇസ്ലാമാബാദിലെ ഫൈസാബാദ് പ്രദേശത്ത് സ്ഥിതി ചെയ്യുന്ന ‘ഹംസ’ എന്ന തന്ത്രപ്രധാനമായ സൈനിക താവളത്തിൽ വൈകുന്നേരം 5:00 മണിയോടെ അഫ്ഗാൻ വ്യോമസേന വ്യോമാക്രമണം നടത്തിയതായി അഫ്ഗാൻ പ്രതിരോധ മന്ത്രാലയം എക്‌സിലെ ഒരു പോസ്റ്റിൽ അവകാശപ്പെട്ടു. പ്രതിരോധ മന്ത്രാലയത്തിന്റെ പ്രസ്താവന പ്രകാരം, ഡ്രോണുകൾ ഉപയോഗിച്ചാണ് ആക്രമണം നടത്തിയത്, സൈനിക താവളത്തിനുള്ളിലെ പ്രധാന സ്ഥാപനങ്ങൾ പ്രത്യേകമായി ലക്ഷ്യം വച്ചായിരുന്നു ഇത്. ആക്രമണത്തിൽ പാക്കിസ്താൻ…

കോഴിക്കോട്: മലബാറിലെ ട്രെയിൻ യാത്രക്കാരുടെ ദീർഘകാലമായുള്ള ആവശ്യം റെയിൽവേ അംഗീകരിച്ചു. മംഗളൂരു വഴിയുള്ള കണ്ണൂർ – കെഎസ്ആർ ബെംഗളൂരു സിറ്റി എക്സ്പ്രസ് (16511/16512) കോഴിക്കോട് വരെ നീട്ടി. കണ്ണൂരിനും ബെംഗളൂരുവിനും ഇടയിലുള്ള സമയക്രമത്തിൽ മാറ്റമില്ലാതെയാണ് സർവീസ് നീട്ടിയത്. കോച്ചുകളുടെ എണ്ണത്തിലും മാറ്റമില്ല. ബെംഗളൂരുവിൽ നിന്ന് രാവിലെ 10.55 ന് കണ്ണൂരിൽ എത്തുന്ന ട്രെയിൻ നമ്പർ 16511 രാവിലെ 11.00 ന് കോഴിക്കോടേക്ക് പുറപ്പെടും. തലശ്ശേരി, വടകര, കൊയിലാണ്ടി എന്നിവിടങ്ങളിൽ നിർത്തും. ഉച്ചയ്ക്ക് 12.40 ന് കോഴിക്കോട് എത്തും. കോഴിക്കോട് നിന്ന് ഉച്ചകഴിഞ്ഞ് 3.30 ന് പുറപ്പെടുന്ന ട്രെയിൻ നമ്പർ 16512 ന്റെ ഷെഡ്യൂൾ ഇപ്രകാരമാണ്: കൊയിലാണ്ടി (3.52), വടകര (4.12), തലശ്ശേരി (4.34), കണ്ണൂർ (5.00). ബെംഗളൂരു – കോഴിക്കോട് ട്രെയിൻ മാർച്ച് 15 മുതൽ സർവീസ് ആരംഭിക്കും, മാർച്ച് 16 മുതൽ മടക്ക സർവീസ് ആരംഭിക്കും.…