COVID-19 കുതിച്ചുചാട്ടത്തെ നേരിടാൻ ചൈനയ്ക്ക് ആവശ്യമായ സഹായം നൽകാന്‍ തയ്യാറാണെന്ന് തായ്‌വാൻ

ചൈനയിലെ വൻതോതിലുള്ള COVID-19 കുതിച്ചുചാട്ടത്തെ നേരിടാൻ സഹായിക്കാമെന്ന് തായ്‌വാൻ പ്രസിഡന്റ് സായ് ഇംഗ്-വെൻ വാഗ്ദാനം ചെയ്തു. അതുവഴി രാജ്യത്തെ ജനങ്ങള്‍ക്ക് “ആരോഗ്യകരവും സുരക്ഷിതവുമായ പുതുവർഷം” ലഭിക്കുമെന്നും അവര്‍ പറഞ്ഞു.

“ആവശ്യമുള്ളിടത്തോളം, മാനുഷിക പരിചരണത്തെ അടിസ്ഥാനമാക്കി, കൂടുതൽ ആളുകളെ പാൻഡെമിക്കിൽ നിന്ന് കരകയറ്റാൻ സഹായിക്കുന്നതിന് ആവശ്യമായ സഹായം നൽകാൻ ഞങ്ങൾ തയ്യാറാണ്,” സായ് ഇംഗ്-വെൻ തന്റെ പുതുവത്സര പ്രസംഗത്തിൽ പറഞ്ഞു.

കഴിഞ്ഞ വർഷം ഗാർഹിക അണുബാധകൾ വർധിച്ചതിന് ശേഷം പാൻഡെമിക്കിന്റെ കാര്യക്ഷമമല്ലാത്ത മാനേജ്മെന്റിന് ചൈന തായ്‌വാനെ വിമർശിച്ചിരുന്നു. എന്നാല്‍, ചൈനയുടെ സുതാര്യതയുടെ അഭാവമാണെന്നും അതിന്റെ വാക്സിൻ വിതരണത്തിൽ ഇടപെടാൻ ശ്രമിക്കുന്നുവെന്നും തായ്‌വാന്‍ ആരോപിച്ചു, ഇത് ബീജിംഗ് നിഷേധിച്ചിരുന്നു.

സീറോ-കോവിഡ് നയം പിൻവലിച്ചതു മുതൽ ചൈനയിൽ പ്രതിദിനം 9,000 പേർ വൈറസ് ബാധിച്ച് മരിക്കുന്നതായി യുകെ ആസ്ഥാനമായുള്ള ഒരു ആരോഗ്യ ഡാറ്റാ സ്ഥാപനം പ്രവചിച്ചു.

ആരോഗ്യ സ്ഥാപനത്തിന്റെ കണക്കുകൾ പ്രകാരം ഡിസംബറിൽ ചൈനയിൽ കൊവിഡുമായി ബന്ധപ്പെട്ട മൊത്തം മരണങ്ങളുടെ എണ്ണം 100,000 ആയേക്കാമെന്ന് സൂചിപ്പിക്കുന്നു. അതായത് കുറഞ്ഞത് 18.6 ദശലക്ഷം കേസുകൾ.

എന്നാൽ, ചൈന ഔദ്യോഗികമായി രജിസ്റ്റർ ചെയ്തിരിക്കുന്നത് 5,249 കോവിഡ് മരണങ്ങൾ മാത്രമാണ്. കൂടാതെ, മൊത്തം മരണങ്ങളുടെ എണ്ണം മനഃപൂർവം കുറച്ചുകാണിച്ചുവെന്ന അവകാശവാദങ്ങൾ സർക്കാർ നിരസിച്ചു.

ചൈനീസ് സി‌ഡി‌സി ശനിയാഴ്ച സ്ഥിരീകരിച്ച 5,138 കേസുകൾ റിപ്പോർട്ട് ചെയ്തു. എന്നാൽ, മാസ് ടെസ്റ്റിംഗ് പ്രവർത്തനക്ഷമമല്ലാത്തതിനാൽ, യഥാർത്ഥ അണുബാധകളുടെ എണ്ണം ഗണ്യമായി കൂടുതലാണെന്ന് വിദഗ്ധർ പറയുന്നു.

പ്രതിദിന കേസുകൾ അടുത്തിടെ 60,000 ആയി ഉയർന്നു, ഇപ്പോൾ അത് 19,000 ആയി എന്ന് തെക്കുകിഴക്കൻ ചൈനയിലെ ഗ്വാങ്‌ഷോ നഗരത്തിലെ സ്റ്റേറ്റ് മീഡിയ ഞായറാഴ്ച പറഞ്ഞു.

സ്ഥിതിഗതികൾ നിയന്ത്രണവിധേയമാണെന്ന് പൊതുജനങ്ങൾക്ക് ഉറപ്പു നൽകാൻ അധികാരികൾ ശ്രമിക്കുന്നു. വൈറസിന്റെ മാറുന്ന സ്വഭാവം പ്രതിഫലിപ്പിക്കുന്ന നിലവിലെ തന്ത്രം “ആസൂത്രിതവും ശാസ്ത്രാധിഷ്ഠിതവുമായ സമീപനമാണ്” എന്ന് മാധ്യമങ്ങള്‍ റിപ്പോര്‍ട്ട് ചെയ്തു.

Print Friendly, PDF & Email

Leave a Comment

More News