സ്വവർഗ്ഗാനുരാഗ ബാറുകൾ, സ്ട്രിപ്പ് ജോയിന്റുകൾ, നിശാക്ലബ്ബുകൾ എന്നിവയ്ക്ക് പേരുകേട്ട ഒരു നൂറ്റാണ്ട് പഴക്കമുള്ള വിനോദ സമുച്ചയം ഇനി മസ്ജിദ് എന്ന് അറിയപ്പെടും
ലണ്ടനിലെ ഐക്കണിക് എന്റർടെയ്ൻമെന്റ് കോംപ്ലക്‌സായ ട്രോകാഡെറോയ്ക്ക് പകരം ഉടൻ തന്നെ മൂന്ന് നിലകളുള്ള മസ്ജിദ് ആയി മാറ്റും.
‘മിസ്റ്റർ വെസ്റ്റ് എൻഡ്’ എന്നറിയപ്പെടുന്ന 56 കാരനായ മുസ്ലീം കോടീശ്വരൻ ആസിഫ് അസീസാണ് മസ്ജിദ് നിർമ്മിക്കുകയെന്ന് വിവിധ മാധ്യമങ്ങൾ റിപ്പോർട്ട് ചെയ്യുന്നു.
പിക്കാഡിലി പ്രെയർ സ്‌പേസ് എന്ന് പേരിട്ടിരിക്കുന്ന ഈ മസ്ജിദ്, പിക്കാഡിലി സർക്കസിനും സോഹോയ്ക്കും ഇടയിലുള്ള ട്രോകാഡെറോയ്ക്കുള്ളിലാണ് സ്ഥിതി ചെയ്യുന്നത്. അസീസ് ഫൗണ്ടേഷൻ എന്ന് പേരിട്ടിരിക്കുന്ന അദ്ദേഹത്തിന്റെ ഫൗണ്ടേഷനാണ് പദ്ധതിക്ക് നേതൃത്വം നൽകുന്നത്.
വിരോധാഭാസമെന്നു പറയട്ടെ, നിരവധി സ്വവർഗ്ഗാനുരാഗ ബാറുകൾ, സ്ട്രിപ്പ് ജോയിന്റുകൾ, നിശാക്ലബ്ബുകൾ എന്നിവയ്ക്ക് പേരുകേട്ട ഒരു നൂറ്റാണ്ട് പഴക്കമുള്ള വിനോദ സമുച്ചയമാണ് മുസ്ലിം പള്ളിയായി മാറ്റപ്പെടുന്നത്. ഇസ്‌ലാമിൽ പാപമെന്ന് കരുതപ്പെടുന്നവയെല്ലാം ഉള്‍പ്പെട്ടിരുന്ന ഈ കെട്ടിടം പള്ളിയാക്കി മാറ്റുന്നതിനെച്ചൊല്ലി ചർച്ചയ്ക്കും തുടക്കമിട്ടിട്ടുണ്ട്.
1896-ൽ പണികഴിപ്പിച്ച ട്രോകാഡെറോ ഒരിക്കൽ ഒരു ഐക്കണിക് വിനോദ കേന്ദ്രമായി കണക്കാക്കപ്പെട്ടിരുന്നു. നൂറ്റാണ്ടിൽ, കെട്ടിടം വിവിധ രൂപാന്തരങ്ങൾക്ക് വിധേയമായെങ്കിലും അടുത്തിടെ അതിന്റെ പ്രശസ്തി കുറയാൻ തുടങ്ങി.
2011ൽ, ആസിഫ് അസീസിന്റെ പ്രോപ്പർട്ടി കമ്പനിയായ ക്രൈറ്റീരിയൻ ക്യാപിറ്റൽ, സ്ഥലം പുനർവികസനം ചെയ്യുന്നതിനായി ട്രോകാഡെറോ വാങ്ങി.
