ഹരിദ്വാർ : മതവികാരം വ്രണപ്പെടുത്തിയെന്നാരോപിച്ച് ചലച്ചിത്ര നിർമ്മാതാവ് ലീന മണിമേഖലയെയും അവരുടെ ടീമിലെ മറ്റ് 10 പേർക്കെതിരെയും കേസെടുത്തതായി സംസ്ഥാന പോലീസ് ശനിയാഴ്ച അറിയിച്ചു. ദേവി പുകവലിക്കുകയും എൽജിബിടിക്യു പതാകയും കാണിക്കുകയും ചെയ്യുന്ന “കാളി” എന്ന ഡോക്യുമെന്ററിയുടെ പോസ്റ്റർ വിവാദത്തിനിടയിലാണ് പോലീസിന്റെ നടപടി.
ഹിന്ദു യുവവാഹിനിയുടെ ദേശീയ ജനറൽ സെക്രട്ടറി വിക്രം സിംഗ് റാത്തോഡിന്റെ പരാതിയിൽ കേസെടുത്തതായി കൻഖൽ പോലീസ് സ്റ്റേഷൻ ഇൻ ചാർജ് മുകേഷ് ചൗഹാൻ പറഞ്ഞു.
മതവികാരം വ്രണപ്പെടുത്തിയതിന് നിർമ്മാതാവ് മണിമേഖലാ, അസിസ്റ്റന്റ് പ്രൊഡ്യൂസർ ആശാ പോണച്ചൻ എന്നിവർക്കെതിരെ ഐപിസി സെക്ഷൻ 295 (മതവികാരം വ്രണപ്പെടുത്തൽ) പ്രകാരം കേസെടുത്തതായി അദ്ദേഹം പറഞ്ഞു.
അറസ്റ്റ് ലീന മണിമേഖലാ എന്ന ഹാഷ്‌ടാഗോടുകൂടിയ പോസ്റ്റർ സോഷ്യൽ മീഡിയയില്‍ കൊടുങ്കാറ്റായി മാറിയിരുന്നു. സിനിമാ നിർമ്മാതാവ് മതവികാരം വ്രണപ്പെടുത്തുന്നുവെന്നും ഗൗ മഹാസഭ എന്ന ഒരു ഗ്രൂപ്പിലെ അംഗം ഡൽഹി പോലീസിൽ പരാതി നൽകുകയും ചെയ്തു.
