ടോക്കിയോ: ടോക്കിയോയിലെ പ്രധാന റെയില്‍‌വേ സ്റ്റേഷനുകളിലൊന്നിന് പുറത്തുള്ള ഹർലി-ബർലിയിൽ ഒരു നായയുടെ പ്രതിമ നിൽക്കുന്നുണ്ട്.. വിശ്വസ്തതയുടെ പര്യായമായ ആ നായ തലമുറകളോളം പ്രിയപ്പെട്ടവനായി നിലകൊള്ളും.
ഈ ആഴ്‌ച ജന്മശതാബ്ദി ആഘോഷിക്കുന്ന ഹച്ചിക്കോ എന്ന നായ, യൂണിവേഴ്‌സിറ്റി പ്രൊഫസർ ഹിഡെസാബുറോ യുനോയുടേതായിരുന്നു. വിശ്വസ്തനായ ആ വേട്ടപ്പട്ടി എല്ലാ ദിവസവും തന്റെ യജമാനൻ ജോലി കഴിഞ്ഞ് വീട്ടിലേക്ക് വരുന്നതു നോക്കി ഷിബുയറെയില്‍‌വേ സ്റ്റേഷനിൽ കാത്തിരിക്കുമായിരുന്നു.
യുനോ 1925-ല്‍ അപ്രതീക്ഷിതമായി മരണപ്പെട്ടു. എന്നാല്‍, ഹച്ചിക്കോ പതിവുപോലെ എന്നും റെയില്‍‌വേ സ്റ്റേഷനില്‍ കാത്തിരിക്കും. 1935 മാർച്ചിൽ മരിക്കുന്നതുവരെ ഏകദേശം 10 വർഷത്തോളമാണ് യുനോയ്‌ക്കായി റെയില്‍‌വേ സ്റ്റേഷനില്‍ ആ നായ കാത്തിരുന്നത്.
പത്തൊൻപതാം നൂറ്റാണ്ടിലെ സ്കോട്ട്ലൻഡിലെ “ഗ്രേഫ്രിയേഴ്സ് ബോബി” എന്ന കഥയ്ക്ക് സമാനമായ കഥയാണ് ഹച്ചിക്കോയുടേത്. നായയുടെ മരണത്തിന് തൊട്ടുമുമ്പ്, അതായത് 1934-ൽ അതിന്റെ പ്രതിമ നിർമ്മിക്കാൻ നാട്ടുകാര്‍ തീരുമാനമെടുത്തു. അങ്ങനെ 1948-ലാണ് പ്രതിമ സ്ഥാപിച്ചതും ആ സ്ഥലമൊരു ജനപ്രിയ മീറ്റിംഗ് സ്ഥലമായി മാറുകയും ചെയ്തത്.
ഇന്ന്, ഹച്ചിക്കോയുടെ ജന്മസ്ഥലമായ ഒഡേറ്റിൽ നായയുടെ പ്രതിമയ്‌ക്കൊപ്പം ഫോട്ടോകൾ എടുക്കാൻ സ്വദേശികളും വിദേശികളുമായി നിരവധി പേരാണ് ക്യൂ നിൽക്കുന്നത്.
ഹച്ചിക്കോയുടെ കഥ ഇതിഹാസ നടന്‍ റിച്ചാർഡ് ഗെറെ അഭിനയിച്ച 2009-ലെ ഹോളിവുഡ് സിനിമയ്ക്കും 2015-ൽ ഒരു ഇന്ത്യൻ സിനിമയ്ക്കും പ്രചോദനം നൽകിയിട്ടുണ്ട്. ഒരു ജാപ്പനീസ് വീഡിയോ ഗെയിമിലും ഹച്ചിക്കോയുടെ കഥയുണ്ട്. അത്ഭുതകരമെന്നു പറയട്ടെ, എല്ലാ ടോക്കിയോക്കാർക്കും, പ്രത്യേകിച്ച് പുതുതലമുറക്കാര്‍ക്ക്, ഈ കഥ അറിയില്ല.
