ഷിക്കാഗോ: നായര്‍ അസോസിയേഷന്‍ ഓഫ് ഗ്രേറ്റര്‍ ചിക്കാഗോയുടെ ആഭിമുഖ്യത്തില്‍ വിഷു ആഘോഷം നൈല്‍സിലുള്ള ഗോള്‍ഫ് മെയ്‌നി പാര്‍ക്ക് ഡിസ്ട്രിക്ട് ഓഡിറ്റോറിയത്തില്‍ വെച്ച് നടന്നു.
ശ്രേയ മഹേഷിന്റെ ഈശ്വര പ്രാര്‍ത്ഥനയോടുകൂടി ആരംഭിച്ച ചടങ്ങില്‍ അസോസിയേഷന്‍ പ്രസിഡന്റ് അരവിന്ദ് പിള്ള ഏവരേയും സ്വാഗതം ചെയ്യുകയും ഏവര്‍ക്കും വിഷു ആശംസകള്‍ നേരുകയും ചെയ്തു. കമ്മിറ്റി അംഗം ചന്ദ്രന്‍ പിള്ള ഏവര്‍ക്കും വിഷുക്കൈനീട്ടം നല്‍കി. സതീശന്‍ നായര്‍ വിഷുവിന്റെ പ്രത്യേകതകളെക്കുറിച്ച് സംസാരിക്കുകയും ഏവര്‍ക്കും വിഷുദിനാശംസകള്‍ നേരുകയും ചെയ്തു.
സെറാഫിന്‍ ബിനോയിയുടെ നേതൃത്വത്തില്‍ നടന്ന നൃത്ത നൃത്യങ്ങള്‍, ശ്രേയാ ഘോഷും ശ്രുതി മഹേഷും കൂടി ആലപിച്ച ഗാനങ്ങള്‍, മഞ്ജു പിള്ളയുടെ ഗാനാലാപനം, ദീപു നായരും ധന്യാ ദീപുവും കൂടി ആലപിച്ച ഗാനങ്ങള്‍ തുടങ്ങിയ വിവിധ പരിപാടികള്‍ ചടങ്ങിനെ അവിസ്മരണീയമാക്കി.
വിവിധ പരിപാടികള്‍ക്ക് രഘു നായര്‍, ദീപക് നായര്‍, രാജഗോപാലന്‍ നായര്‍, പ്രസാദ് പിള്ള, അജി പിള്ള, ജിതേന്ദ്ര കൈമള്‍, ചന്ദ്രന്‍ പിള്ള, സുരേഷ് ബാലചന്ദ്രന്‍, ഗോപാല്‍ തുപ്പിലക്കാട്ട് തുടങ്ങിയവര്‍ നേതൃത്വം നല്‍കി. ദീപു നായര്‍ ചടങ്ങില്‍ എം.സിയായിരുന്നു. വിഭസമൃദ്ധമായ കേരളത്തനിമയാര്‍ന്ന ഭക്ഷണത്തോടുകൂടി സമാപിച്ച ചടങ്ങില്‍ ജനറല്‍ സെക്രട്ടറി മഹേഷ് കൃഷ്ണന്‍ നന്ദി രേഖപ്പെടുത്തി.
