ചെന്നൈ: ഇന്ത്യയിലെ പൊതുഗതാഗത സംവിധാനത്തിൽ വലിയ വിപ്ലവം സൃഷ്ടിക്കാനൊരുങ്ങി ഐഐടി മദ്രാസ്. രാജ്യത്തെ ആദ്യത്തെ ഹൈപ്പർലൂപ്പ് പരീക്ഷണ ട്രാക്കിൽ പൂർണ്ണമായും തയ്യാറായി. അതിന്റെ വീഡിയോ റെയിൽവേ മന്ത്രാലയം തന്നെ പുറത്തിറക്കി. അതിവേഗ ഗതാഗത സംവിധാനത്തിലേക്ക് ഇന്ത്യ മറ്റൊരു പ്രധാന ചുവടുവയ്പ്പ് നടത്തി എന്ന് ഇത് വ്യക്തമാക്കുന്നു.
422 മീറ്റർ നീളമുള്ള ഈ ട്രാക്ക് രൂപകൽപ്പന ചെയ്തത് ഐഐടി മദ്രാസ് ആണ്. ഈ പദ്ധതി പൂർത്തിയാക്കാൻ ഇന്ത്യൻ റെയിൽവേ മദ്രാസ് ഐഐടിക്ക് സാമ്പത്തിക സഹായം നൽകിയിരുന്നു.
ഒരു പ്രത്യേക ട്യൂബിൽ ട്രെയിൻ പരമാവധി വേഗതയിൽ ഓടിക്കുന്ന സാങ്കേതിക വിദ്യയാണ് ഹൈപ്പർലൂപ്പ്. ഈ സാങ്കേതിക വിദ്യയുടെ സഹായത്തോടെ ആളുകൾക്ക് വളരെ വേഗതയേറിയതും സുരക്ഷിതവുമായ യാത്ര അനുഭവിക്കാൻ കഴിയും. പരീക്ഷണം വിജയിച്ചാൽ, ഈ സാങ്കേതിക വിദ്യയ്ക്ക് ഇന്ത്യയിലെ പൊതുഗതാഗത സംവിധാനത്തെ പൂർണ്ണമായും മാറ്റാൻ കഴിയും.
ബുള്ളറ്റ് ട്രെയിനുകളേക്കാൾ വേഗത കൂടുതലാണ് ഹൈപ്പർലൂപ്പ് ട്രെയിനുകൾക്ക്. മണിക്കൂറിൽ 1100 കിലോമീറ്റർ വേഗതയിൽ ഇവ ഓടും. ബുള്ളറ്റ് ട്രെയിനിന്റെ പരമാവധി വേഗതയെക്കുറിച്ച് പറയുകയാണെങ്കിൽ, അതിന്റെ വേഗത 450 കിലോമീറ്ററാണ്. ഹൈപ്പർലൂപ്പ് വഴി ഡൽഹിയിൽ നിന്നുള്ള യാത്രക്കാർക്ക് വെറും 30 മിനിറ്റിനുള്ളിൽ ജയ്പൂരിലെത്താൻ കഴിയും.
ഈ ഹൈപ്പർലൂപ്പ് ട്രാക്കിൽ പരീക്ഷണ ഓട്ടങ്ങൾ ഉടൻ ആരംഭിക്കുമെന്ന് പ്രതീക്ഷിക്കുന്നു. പരീക്ഷണം വിജയിച്ചാൽ, ഈ നൂതന സാങ്കേതിക വിദ്യ ഇന്ത്യയിൽ വലിയ തോതിൽ ഉപയോഗിക്കാൻ കഴിയും.
ഹൈപ്പർലൂപ്പ് ട്രെയിൻ ഇന്ത്യയിൽ ആരംഭിച്ചാൽ, വരും കാലങ്ങളിൽ റെയിൽവേ, റോഡ് യാത്രകളുടെ ഘടനയിൽ മാറ്റം വരും. ഹൈപ്പർലൂപ്പ് സാങ്കേതികവിദ്യ സ്വീകരിക്കുന്നതിലേക്ക് നീങ്ങുന്ന തിരഞ്ഞെടുത്ത രാജ്യങ്ങളുടെ കൂട്ടത്തിൽ ഇന്ത്യയും ഇപ്പോൾ ചേർന്നു.
