ന്യൂജേഴ്സി: ന്യൂജേഴ്സിയിലെ മൗണ്ട് ഒലീവ് സെന്‍റ് തോമസ് ഓര്‍ത്തഡോക്സ് ഇടവകയില്‍ ജൂലൈ 2 മുതല്‍ 5 വരെ പെരുന്നാള്‍ ആഘോഷിക്കുന്നു. ജൂണ്‍ 6-ന് വികാരി ഫാ. ഷിബു ദാനിയേല്‍ കൊടിയേറ്റ്കര്‍മ്മം നടത്തി. ജൂലൈ രണ്ടിന് കോലഞ്ചേരി ഫാ. ഗീവര്‍ഗീസ് വള്ളിക്കാട്ടിലും മൂന്നാം തീയതി ഡിട്രോയിറ്റ് ഡീ. റയന്‍ തോമസും കണ്‍വന്‍ഷന്‍ പ്രസംഗങ്ങള്‍ നടത്തി.
നാലാം തീയതിയായ ഇന്ന് വെള്ളിയാഴ്ച 5 മണിക്ക് സന്ധ്യാനമസ്കാരവും തുടര്‍ന്ന് ഫാ. ഗീവര്‍ഗീസ് ജോണ്‍ (സെ. ലൂക്ക് ഇടവക വികാരി) പെരുന്നാള്‍ സന്ദേശവും നല്കും. പിന്നീട് റാസ, ആശീര്‍വാദം, ഡിന്നര്‍ എന്നിവയും ടോം അജിത് ആന്‍റണി നേതൃത്വം നല്കുന്ന ക്രിസ്ത്യന്‍ മ്യൂസിക്കല്‍ കണ്‍സര്‍ട്ടും വെടിക്കെട്ടും ഉണ്ടായിരിക്കും. തുടര്‍ന്നാണ് മര്‍ത്തമറിയം വനിതാ സമാജത്തിന്‍റെയും മെന്‍സ് ഫോറത്തിന്‍റെയും തട്ടുകട.
ശനിയാഴ്ച രാവിലെ 8.30-ന് ഫാ. ടോബിന്‍ പി. മാത്യു (വികാരി, ബാള്‍ട്ടിമോര്‍ സെന്‍റ് തോമസ് ഓര്‍ത്തഡോക്സ് ചര്‍ച്ച്) മുഖ്യകാര്‍മ്മികത്വത്തിലുള്ള കുര്‍ബാന. തുടര്‍ന്ന് മൗണ്ട് ഒലീവ് പള്ളി ആരംഭിച്ചതിനു ശേഷമുള്ള കൈക്കാരന്മാരെയും സെക്രട്ടറിമാരെയും ആദരിക്കുന്ന ചടങ്ങ്. ആശീര്‍വാദത്തിനുശേഷം നേര്‍ച്ചവിളമ്പും ഉച്ചഭക്ഷണവും ക്രമീകരിച്ചിട്ടുണ്ട്.
പെരുന്നാള്‍ പേട്രണ്‍മാരായി തോമസ്കുട്ടി/റോസ്ലിന്‍ ഡാനിയല്‍, റിനു/ബിന്ദു ചെറിയാന്‍, ചെറിയാന്‍ ജൂബിലി/ജോഡി തോമസ്, മാത്യൂസ് സി. മാത്യു/മോളി മാത്യു, ഫിലിപ്/സൂസന്‍ ജോസഫ് എന്നിവര്‍ തയ്യാറായിട്ടുണ്ട്.
വിവരങ്ങള്‍ക്ക്: ഫാ. ഷിബു ദാനിയേല്‍ (വികാരി), റോഷിന്‍ ജോര്‍ജ് (973) 337-3202 (ട്രസ്റ്റി), ജോര്‍ജ് തുമ്പയില്‍ (സെക്രട്ടറി).
