തിരുവനന്തപുരം: 1965 മോഡൽ കെഎസ്ആർടിസി ബസ് വീണ്ടും തലസ്ഥാന നഗരിയിലേക്ക് പ്രവേശിക്കാൻ ഒരുങ്ങുന്നു. ഇന്ന് ഉച്ചയ്ക്ക് 2 മണിക്ക് കവടിയാർ മുതൽ തമ്പാനൂർ വരെ ബസ് മന്ത്രി കെ ബി ഗണേഷ് കുമാർ ഓടിക്കും. തലസ്ഥാന നഗരത്തിലൂടെ സർവീസ് നടത്തിയിരുന്ന വിന്റേജ് ബസിന്‍റെ ശൈലിയിലാണ് പാപ്പനംകോട് സെൻട്രൽ വർക്ക്സിൽ ബസ് നിർമ്മിച്ചിരിക്കുന്നത്. പുതിയ മോഡൽ ബസിന്‍റെ ബോഡിയിൽ മാറ്റം വരുത്തിയിട്ടുണ്ട്. ഡബിൾ ഡെക്കർ ബസ് പോലെ ടൂറിസ്റ്റ് ആവശ്യങ്ങൾക്കായി ബസ് ഉപയോഗിക്കും. വിശദാംശങ്ങൾ മന്ത്രി പ്രഖ്യാപിക്കും.
