Day: September 15, 2021

അമേരിക്കയുമായുള്ള ആണവ നിരായുധീകരണ ചർച്ചകൾ നീണ്ടുനിൽക്കുന്നതിനിടെ, ഉത്തരകൊറിയ കിഴക്കൻ തീരത്ത് രണ്ട് ബാലിസ്റ്റിക് മിസൈലുകൾ തൊടുത്തതായി റിപ്പോർട്ട്. ബുധനാഴ്ച ഉച്ചയോടെ കൊറിയൻ ഉപദ്വീപിലെ കിഴക്കൻ തീരത്തേക്കാണ് മധ്യ ഉത്തര കൊറിയയിലെ ഒരു സൈറ്റിൽ നിന്ന് രണ്ട് മിസൈലുകൾ വിക്ഷേപിച്ചതെന്ന് ദക്ഷിണ കൊറിയയുടെ ജോയിന്റ് ചീഫ് ഓഫ് സ്റ്റാഫ് പ്രസ്താവനയിൽ പറഞ്ഞു. മിസൈലുകൾ ജപ്പാനിലെ എക്സ്ക്ലൂസീവ് എക്കണോമിക് സോണിന് പുറത്ത് പതിച്ചതായി കരുതപ്പെടുന്നുവെന്ന് രാജ്യത്തെ തീരരക്ഷാ സേന അറിയിച്ചു. ഉത്തര കൊറിയ തങ്ങളുടെ പ്രാദേശിക സമുദ്രത്തിനുള്ളിൽ പുതിയ ദീർഘദൂര ക്രൂയിസ് മിസൈലുകൾ പരീക്ഷിച്ചുവെന്ന് ഉത്തര കൊറിയ പറഞ്ഞ് രണ്ട് ദിവസങ്ങൾക്ക് ശേഷമാണ് ഈ പരീക്ഷണം. അതും മാർച്ച് കഴിഞ്ഞുള്ള ആദ്യ മിസൈൽ വിക്ഷേപണം. പരീക്ഷണ സമയത്ത് വിന്യസിച്ച മിസൈലുകൾ 1,500 കിലോമീറ്റർ (930 മൈൽ) പറന്നതായി ഉത്തര കൊറിയയുടെ ഔദ്യോഗിക മാധ്യമം കെ സി എന്‍ എ മീഡിയ…

താലിബാന്‍ ഗ്രൂപ്പിന്റെ സഹസ്ഥാപകനും അഫ്ഗാനിസ്ഥാന്റെ പുതിയ ഉപപ്രധാനമന്ത്രിയുമായ മുല്ല അബ്ദുൽ ഗനി ബരാദർ എതിരാളികളുമായുള്ള സായുധ ഏറ്റുമുട്ടലിൽ കൊല്ലപ്പെടുകയോ പരിക്കേൽക്കുകയോ ചെയ്തുവെന്ന അഭ്യൂഹങ്ങൾ താലിബാൻ നിഷേധിച്ചു. എതിരാളികളുമായുള്ള ഏറ്റുമുട്ടലിൽ താൻ കൊല്ലപ്പെടുകയോ പരിക്കേൽക്കുകയോ ചെയ്തുവെന്ന അവകാശവാദങ്ങൾ നിരസിച്ചുകൊണ്ട് ബരാദർ ശബ്ദ സന്ദേശം പുറപ്പെടുവിച്ചതായി താലിബാൻ വക്താവ് സുഹൈൽ ഷഹീൻ ചൊവ്വാഴ്ച ഒരു ട്വീറ്റിൽ പ്രഖ്യാപിച്ചു. “അഫ്ഗാനിസ്ഥാനിലെ ഇസ്ലാമിക് എമിറേറ്റ് ഡെപ്യൂട്ടി പിഎം മുല്ല ബരാദർ, ഒരു ഏറ്റുമുട്ടലിൽ പരിക്കേറ്റതോ കൊല്ലപ്പെട്ടതോ ആയ എല്ലാ അവകാശവാദങ്ങളും തള്ളിക്കളഞ്ഞു. ഇത് നുണയാണെന്നും അടിസ്ഥാനരഹിതമാണെന്നും അദ്ദേഹം പറയുന്നു, ”ഷഹീൻ തന്റെ ട്വിറ്റർ അക്കൗണ്ടിൽ ഒരു കുറിപ്പിൽ എഴുതി. തെക്കൻ നഗരമായ കാണ്ഡഹാറിലെ യോഗങ്ങളിൽ ബരാദറിനെ കാണിക്കുന്നതായി പറയുന്ന വീഡിയോ ദൃശ്യങ്ങളും താലിബാൻ പുറത്തുവിട്ടു. സോഷ്യൽ മീഡിയയിൽ വൈറലായ അദ്ദേഹത്തിന്റെ മരണവാർത്തകൾ താലിബാൻ നേതാവ് തിങ്കളാഴ്ച തള്ളിക്കളഞ്ഞു. താൻ ജീവിച്ചിരിപ്പുണ്ടെന്ന് ഓഡിയോ പ്രസ്താവനയിൽ…