കൊച്ചി: തങ്ങളുടെ ബന്ധം അംഗീകരിക്കാത്ത മാതാപിതാക്കളാൽ വേർപിരിയിക്കപ്പെട്ട സ്വവര്‍ഗാനുരാഗികളായ ദമ്പതികളെ ഹൈക്കോടതി ചൊവ്വാഴ്ച വീണ്ടും ഒന്നിപ്പിച്ചു.
ഹരജിക്കാരിയുടെ വീട്ടിൽ നിന്ന് രക്ഷിതാക്കൾ ബലം പ്രയോഗിച്ച് കൂട്ടിക്കൊണ്ടുപോയ കോഴിക്കോട് സ്വദേശിയായ പങ്കാളിയെ ഹാജരാക്കാൻ പോലീസിന് നിർദ്ദേശം നൽകണമെന്ന് ആവശ്യപ്പെട്ട് ഒരു ഹേബിയസ് കോർപ്പസ് ഹർജി നൽകിയതിനെ തുടർന്നാണ് കോടതി യുവതികൾക്ക് ഒരുമിച്ച് ജീവിക്കാൻ അനുമതി നൽകിയത്.
കോഴിക്കോട് സ്വദേശിനിയെ കോടതിയിൽ ഹാജരാക്കാൻ പോലീസിനോട് ആദ്യം ആവശ്യപ്പെട്ട കോടതി, ബെഞ്ചിന് മുമ്പാകെ ഹാജരായപ്പോൾ ഹരജിക്കാരിയോടൊപ്പം ജീവിക്കാൻ ആഗ്രഹിക്കുന്നുവെന്ന് അവർ പറഞ്ഞു. രണ്ട് സ്ത്രീകളും പ്രായപൂർത്തിയായവരും ഒരുമിച്ച് ജീവിക്കാൻ ആഗ്രഹിക്കുന്നവരുമായതിനാല്‍ കോടതി അവരുടെ ഹർജി അനുവദിക്കുകയായിരുന്നു.
സ്വവര്‍ഗാനുരാഗികളായ ആലുവ സ്വദേശി ആദില നസ്‌റിനും കോഴിക്കോട് താമരശേരി സ്വദേശി ഫാത്തിമ നൂറയ്ക്കും ഒന്നിച്ചു ജീവിക്കാനാണ് ഹൈക്കോടതി അനുമതി നല്‍കിയത്. ആദില നനസ്‌റിന്‍ നല്‍കിയ ഹേബിയസ് കോര്‍പസ് ഹര്‍ജി അനുവദിച്ചാണ് ജസ്റ്റിസ് വിനോദ് ചന്ദ്രന്റെ നടപടി. ഫാത്തിമയെ ബന്ധുക്കള്‍ ബലമായി പിടിച്ചുകൊണ്ടുപോയെന്ന് ചൂണ്ടിക്കാട്ടിയാണ് ആദില ഹൈക്കോടതിയെ സമീപിച്ചത്. 23-കാരിയായ ഫാത്തിമയെ കാണാനില്ലെന്ന് കാണിച്ച് ഇന്ന് രാവിലെയാണ് 22-കാരി ആദില ഹൈക്കോടതിയെ സമീപിച്ചത്.
തനിക്കൊപ്പം താമസിക്കാന്‍ ആലുവയിലെത്തിയെ ഫാത്തിമ നൂറയെ ബന്ധുക്കള്‍ ബലപ്രയോഗത്തിലൂടെ പിടിച്ചുകൊണ്ടുപോയെന്നും കാണാനില്ലെന്നുമായിരുന്നു ഹര്‍ജിയില്‍ പറഞ്ഞത്. തുടര്‍ന്ന് രാവിലെ ഹര്‍ജി പരിഗണിച്ച കോടതി പെണ്‍കുട്ടിയെ ഉടന്‍ ഹാജരാക്കാന്‍ ബിനാനിപുരം പൊലീസിന് നിര്‍ദേശം നല്‍കിയതിന്റെ അടിസ്ഥാനത്തില്‍ പെണ്‍കുട്ടിയുമായി വീട്ടുകാര്‍ ഹൈക്കോടതിയിലെത്തി. പരാതിക്കാരിയായ ആദിലയെയും കോടതിയിലേക്ക് വിളിപ്പിച്ചു. തുടര്‍ന്ന് ഇവരുമായി ചേംബറില്‍ സംസാരിച്ച ജഡ്ജി ഇരുവരെയും ഒന്നിച്ച് ജീവിക്കാന്‍ അനുവദിച്ചു.
സ്വവര്‍ഗാനുരാഗികളായ തങ്ങള്‍ക്ക് ഒരുമിച്ച് ജീവിക്കാന്‍ വീട്ടുകാര്‍ തടസം നില്‍ക്കുന്നുവെന്ന് ആരോപിച്ച് ഇരുവരും സോഷ്യല്‍ മീഡിയയില്‍ വീഡിയോ പോസ്റ്റ് ചെയ്തിരുന്നു. സൗദിയിലെ പഠനത്തിനിടെയാണ് ആദിലയും ഫാത്തിമയും പ്രണയത്തിലായത്. പിന്നീട് കേരളത്തില്‍ മടങ്ങിയെത്തിയ ഇരുവരും പ്രണയം തുടര്‍ന്നു. തുടർന്ന് ഇരുവരും ലെസ്ബിയൻ, ഗേ, ബൈസെക്ഷ്വൽ, ട്രാൻസ്‌ജെൻഡർ, ഇന്റർസെക്‌സ്, ക്വീർ (LGBTIQ) കമ്മ്യൂണിറ്റിയുടെ ക്ഷേമത്തിനായി പ്രവർത്തിക്കുന്ന വനജ കളക്ടീവ് നടത്തുന്ന ഒരു വീട്ടിൽ അഭയം പ്രാപിച്ചു.
സമാനജീവിതം നയിക്കുന്നവരെക്കുറിച്ച് കൂടുതല്‍ മനസിലാക്കിയതോടെയാണ് വീട്ടുകാരുടെ എതിര്‍പ്പ് അവഗണിച്ചും ഒന്നിക്കാന്‍ തീരുമാനിച്ചത്.
രണ്ടു പേരും സൗദി അറേബ്യയിലെ ഒരു സ്കൂളിൽ പതിനൊന്നാം ക്ലാസിൽ പഠിക്കുമ്പോഴാണ് പരസ്പരം കണ്ടുമുട്ടിയത്. പന്ത്രണ്ടാം ക്ലാസിൽ വെച്ചാണ് ഇരുവരും ലെസ്ബിയൻമാരാണെന്നും പ്രണയത്തിലാണെന്നും മനസ്സിലാക്കിയത്. അവരുടെ ബന്ധത്തെക്കുറിച്ച് മാതാപിതാക്കൾ അറിഞ്ഞപ്പോൾ അവരെ അകറ്റാന്‍ ശ്രമിച്ചിരുന്നു. എന്നാല്‍, കേരളത്തില്‍ തിരിച്ചെത്തി കോളേജിൽ ചേർന്നതിന് ശേഷവും അവര്‍ ബന്ധം തുടരുകയായിരുന്നു.
കഴിഞ്ഞ ദിവസം ഒന്നിച്ചു ജീവിക്കണമെന്ന ആവശ്യവുമായി രണ്ടു പെണ്‍കുട്ടികളും മാധ്യമങ്ങളെ കണ്ടിരുന്നു. സ്വവര്‍ഗാനുരാഗികളായ തങ്ങള്‍ക്ക് ഒരുമിച്ച് ജീവിക്കാന്‍ വീട്ടുകാര്‍ തടസം നില്‍ക്കുന്നുവെന്നായിരുന്നു ആരോപണം. സമാനജീവിതം നയിക്കുന്നവരെക്കുറിച്ച് കൂടുതല്‍ മനസിലാക്കിയതോടെയാണ് വീട്ടുകാരുടെ എതിര്‍പ്പ് അവഗണിച്ചും ഒന്നിക്കാന്‍ തീരുമാനിച്ചതെന്ന് അവര്‍ പറഞ്ഞു.
ഈ മാസം 19ന് കോഴിക്കോടുവച്ചു ഫാത്തിമയും ആദിലയും കണ്ടു മുട്ടിയിരുന്നു. തുടര്‍ന്ന് ഇവിടെത്തന്നെയുള്ള സംരക്ഷണ കേന്ദ്രത്തില്‍ തങ്ങി. ബന്ധുക്കള്‍ എത്തിയതോടെ പൊലീസ് ഇടപെടലുണ്ടായി. പിന്നാലെ ആദിലയുടെ രക്ഷകര്‍ത്താക്കര്‍ രണ്ടു പെണ്‍കുട്ടികളെയും വീട്ടിലേക്ക് കൊണ്ടുവന്നു. ഇതിനിടെ താമരശേരിയില്‍നിന്ന് നൂറയുടെ ബന്ധുക്കളെത്തി ബലമായി കൂട്ടിക്കൊണ്ടുപോവുകയായിരുന്നു. കോടതിയില്‍ ഹാജരാക്കുമെന്ന് പറഞ്ഞാണ് കൂട്ടിക്കൊണ്ടുപോയത്. എന്നാല്‍ ഹാജരാക്കാതിരുന്നതോടെ ആദില ഹര്‍ജി നല്‍കുകയായിരുന്നു.
